h_lo0ove Posted فبراير 7, 2009 Report Share Posted فبراير 7, 2009 بللل منال ومحمد مره ثانية في نفس المحل <<<< الله يستر من منال مسكين علاء انصدم ولا تقول ليه منال جان طقيت الباب << حجرته يطق الباب صدق خبله وزينب والله يستر من ولاء ما بتوقع شي بس اللي بقوله انه اكيد التطورات اللي بتجيي احلى واحلى يسلموو حبيبتي على البارت اللي كلمت رائع قليلة في حقه <<< بس شوقتينيي وتروحين وترجعين بالسلامة يارب تقبلي ردي المتواضع Quote Link to comment Share on other sites More sharing options...
فـ قلبي ـي Posted فبراير 7, 2009 Author Report Share Posted فبراير 7, 2009 بدون اسم احسن ولائية girlheart m!ss M h_lo0ove . . مشكورين عـ الرد و المتابعـه والله يسلمكم .. بـتوحشووني يـلا عشـان عيـونكم ومتابعتكم الحـلووه .. ــــــــــــــــــــــــــــــــــــــــــــــــــــــــ الجزء السابع منال : وويــع من وينه طلع هذا زينب تطالعها : منهوو هذا منال : هذاك إلي ويه البنات زينب تقربت صوبها : ومنهووو هذا منال : هذا إلي قلت لج تهاوشت وياه في محل العطور مريم : يلا مناال تعالي أدفعي بنمشي سارة : شرايك محمد أي احلى هذا أو هذا محمد بعصبيه : وأنا ويش دراني تسأليني أزهار : ويش فيك محمد محمد : مافيي شي أنا بره انتظركم .. وراح بيطلع البنات دفعوا وبعد كانوا توهم بيطلعون توه يفتح الباب وكانوا هم متقدمين طافت مريم .. وبعدها زينب .. وبعدين منال وهي طايفه سوت له حركه في وجهها وعطته نظره تقهر الواحد وطلعت .. محمد راح وقف عند سيارته .. واتصل إلى أزهار وقال لها اللحين تجي لأنه يبي يمشي يروح البيت وإذا ماجت بيمشي عنها أزهار خافت وقالت له اللحين جايه منال و زينب ماظل محل مادخلوه .. وكانوا يتشرون ومن كل شي يشترونه يكون قطعتين يعني مثل الشي البنات كانوا بدخلون محل .. مريم : شوفوا آخر محل هذا وبس فهمتون أذن الأذان واحنا للحين هني والليلة الجمعه وشوفوا العالم ولصبيان ويش يوصلنا البيت اللحين بصير زحمه طبعــــــا .. زينب ومنال مايتكلمون بس يبتسمون دخلوا وفي المحل زينب ومنال لاحضوا شي ..؟ وهم يدورون في المحل في واحد وياه وحده ومريم من تطوف صوبه تبتسم له او هو يبتسم ليها منال : مريم هذا منهووووووو ماتستحين تضحكين له ولا هو بعد مريم : هي بلا غباء هذا ويايي في الكلية زميل يعني منال تدزها بجتفها : بس زميل مريم تطالع منال : منال بلا هالحركات قلت لج بس زميل شوي إلا وحده متقربه منهم : السلام عليكم انتين مريم (( ومدت إيدها تسلم )) مريم : ايه هلا عليكم السلام : شخبارج أني ام مازن مريم إبتسمت : أي هلا الحمدلله بخير وانتي شخبارج وشخبار مازن أم مازن : الحمدلله تمام ومازن يسلم عليج يلا أخليكم تتسوقون مع السلامة ان شاء الله نشوفج مره ثانيه مريم : ان شاء الله .. الله يسلمج زينب ومنال مستغربين ويطالعون في المرأه منال تشهق : هذي أمه مريم : ايه ماتسمعينها تقول أمه زينب : كأنها مو أمه أخته .. صغيره وكشخه مريم : أي هم كشخه ورجلها دكتور إلي هو أبو مازن وهي مديرة مدرسة .. انزين امشوا نطلع وباقول ليكم محمد في خمس دقايق وصل أزهار وحماتها البيت .. كان معصب طول الطريق وساكت .. ويمشي بسرعه وأزهار كانت توها بتسأله بس هو سكتها وقال لها لا تسأله ويش فيه محمد دخل البيت وهو مقهوره (( أنا تطالعني بهالنظره اخ لو اعرفها هالبنيه جان أراويها الحقيره )) وراح شغل الكمبيوتر وفتح المسنجر بس ماشاف منال اون منال وصلوا متأخرين يعني مأذن من زمان .. زينب راحت بيتهم ومنال صلت وبعد ماصلت فتحت المسنجر شافت محمد سأعود حالا ارسلت له إشارة تنبيه .. محمد سمع الإشارة وراح شاف منال وكلمها .. شوي إلا منال سمعت الباب يطقونه منال : مـــــــــن علاء : أنـــا منال : لحظه لحظه منال خلت إميلها بالخارج وقامت راحت إلى علاء منال : هلا ويش تبي علاء : سلامتج بس ماشفتج اليوم ماقعدت وياش منال قعدت : اهاا يعني اوكي يلا سولف أماني دخلت البيت كانت راجعه من بيت أبوها أماني : السلام عليكم منال وعلاء : عليكم السلام أماني : مبروك منال النجاح جم نسبتج منال : 95.3 أماني : زين مبروك ان شاء الله أزيد .. بتروحين توجيهي جدي أزيد عشان تحصلين بعثه منال : ان شاء الله أماني : وين الباقي منال : اممم ما ادري بس مريم أكيد في حجرة منى وياها وأمي ما ادري صراحه أماني راحت ليهم الحجرة .. علاء : انزيم منووول ماقلتين ليي ويش إلي دخل زينب حجرتي ويش تسوون كنتون منال : ههههه ما كنا نسوي شي بس مافي مكان نقعد مريم كانت نايمه في الحجرة وفي الصالة هثيم ما ادري ويش عنده فوق ويدخل هنود علاء : اممم انزين منال : انزين .. عادي لا تخاف ما اخذنا شي ولا شفنا شي علاء : فشيله الحجره عفسه وانتين ماتستحين اللحين ويش بتقول لبنيه عني منال : هههههههه عادي كله واحد منال : انزين ويش باجر الجمعه بجي بيت أبويي العود علاء : ما ادري يمكن إذا قعدت من وقت لأنه اللحين بطلع ويه لصبيان واكيد ما برجع إلا متأخر منال : اممم اوكي أبو هيثم دخل عليهم وسلم وسألهم عن أمهم علاء : ماندري عنها مو هني شكلها منال ترفع جتفها : ما ادري اني بعد ماشفتها أبو هيثم : غريبه وين راحت أمكم .. إلا أم هيثم داخله أم هيثم : جيت اني علاء ومنال : ويييييينج أمااااه وين رحتين أبو هيثم : وين رحتين من مغرب أم هيثم : هههههه ويش فيكم كنت في بيت جيرانا اليوم ملجة بتهم وأساعدهم للحين حتى صليت في بيتهم منال نطت : منهييي ملجة منهي .. وتطالع علاء : ليكون زينب أم هيثم : لا رفيقتج زهرة منال : زهرة ملجتها الليلة مو كأنه اسبوع الجاي أم هيثم : لا هالسبوع منال تضرب على راسها : إيه صحي نسيت باشوف يمكن اروح أم هيثم : ويش ماتروحين رفيقتج منال : اممم اوكي إذا بتروحين قولي ليي منال وكانت بتروح رفعت إيدها : يـــــــــا الله عقبال بعد اروح ملجة زينب رفيقتي الغاليه (( تبي تقهر علاء )) وركضت حجرتها منال راحت .. وشافت محمد للحين اون كلمته كبـرت ونظرة الطفله تعيش بداخلي فطرة : الليلة عقد وحده من ربعي الوصول إلى قـلبي محـال : صدق مبرووك عقبالج ان شاء الله كبـرت ونظرة الطفله تعيش بداخلي فطرة : لالا اني ما أبي انخطب ولا شي الوصول إلى قـلبي محـال : هههههه بنشوف إذا احد جه خطبج كبـرت ونظرة الطفله تعيش بداخلي فطرة : ويش تشوف مو مصدق أكيد ماباوافق الوصول إلى قـلبي محـال : لالا مصدق ونص كبـرت ونظرة الطفله تعيش بداخلي فطرة : أي عبالي بعد الوصول إلى قـلبي محـال : انزين لو قلت لج انا باجي بخطبج بتوافقين منال سكتت وماتكلمت .. الوصول إلى قـلبي محـال : هلووو وينج إلا سكتين كبـرت ونظرة الطفله تعيش بداخلي فطرة : هلا هني ويش أقول ؟؟ الوصول إلى قـلبي محـال : ماجاوبتيني لو اجي توافقين كبـرت ونظرة الطفله تعيش بداخلي فطرة : لا لأنك ماتدري اني من وماتدلي بيتنا وماتعرف عني شي وين تجي تخطبني :P الوصول إلى قـلبي محـال : وإذا عرفت وجيت بتوافقين ؟؟ كبـرت ونظرة الطفله تعيش بداخلي فطرة : اممم ما ادري على حسب وقت إلي تجي الوصول إلى قـلبي محـال : انزين ماقلتين ليي ويش كان يومج ؟؟ كبـرت ونظرة الطفله تعيش بداخلي فطرة : يومي انت اول قول يومك ؟؟ الوصول إلى قـلبي محـال : أنا صراحه يومي موشي .. كنت معصب فيه شوي على موقف ما اقدر اقوله كبـرت ونظرة الطفله تعيش بداخلي فطرة : اهاا اني يومي كان عجيب رحت السوق وكانت ويايي زنوب الغاليه وأشترينا اني وهي مثل الشي أغراض ويوم الإثنين عندنا تجمع البنات وبنلبس مثل بعض الوصول إلى قـلبي محـال : اهاا انا بعد رحت السوق ويه اختي ترى كبـرت ونظرة الطفله تعيش بداخلي فطرة : اممم زين له منال سمعت صوت أمها تناديها كبـرت ونظرة الطفله تعيش بداخلي فطرة : اوكي يلا أخليك باقوم بروح الملجه أمي تناديني شكلها بتروح الوصول إلى قـلبي محـال : اوكي الله معاج انزين بسألج بتتأخرين ؟؟ كبـرت ونظرة الطفله تعيش بداخلي فطرة : ما ادري يمكن بس أسلم عليها وأرجع الوصول إلى قـلبي محـال : اوكي الله معااااااج وتحملي بروووووحج اوكي وانتظرج الليل كبـرت ونظرة الطفله تعيش بداخلي فطرة : اوكي سي يوو منال راحت مع أمها الملجه وقبل لا تروح أتصلت إلى زينب واتفقت وياها تمرها ويروحون .. الساعة 10 رجعت منال بيتهم وراحت إلى خواتها قعدت وياهم منال وهي تغمز إلى منى : قرب عقدج قرب منى : انزين ادري مريم : منال ماحجزنا للحين وين نحجز منال : في صالون يسوون حليوو يقولون .. بعطيج الرقم واتصلي حجزي لينا مريم : اوكي باجر لازم نتصل باقي اسبوع منال وهي قايمه : اوكي يلا تصبحون على خير أخواتي العزيزات مريم : لحظه اني بعد باجي .. وراحت وياها منال راحت وقعدت تكلم ربعها عالمسنجر ومريم تقرأ كتاب علمي .. منال : اقوول مريووووومه مريم وهي تقرأ : هاا قولي منال : مــــازن مريم : ويش فيه منال : امممم ما ادري بس شكله كشخه وحليوو مريم : انزين ويعني منال : يعني ان شاء الله يصير من نصيبج ويجي يخطبج مريم تطالع منال بنظره منال : هههههه ماقلت شي بس صبي حليوو ان شاء الله بس انتين قولي مريم : اقوول منال سكتي احسن وأني اللحين ما افكر في خطوبات ودراستي أحسن ليي منال : ههههه اوكي كيفج بس لصبي على قولتهم لإطه خخخ دخل محمد المسنجر بعد مارجع من طلعته وشاف منال اون وكلمها منال تستانس وقت إلي يدخل محمد وتقعد سوالف وياه ويضيع الوقت ومايدرون .. منال قعدت على صوت أذان الظهـر .. رفعت راسها تطالع الدريشه وتشوف الشمس طالعه .. منال عبالها أذان الصبح بس في شمس يعني أذان الظهر قامت مره وحده وتذكرت اليوم الجمعه لازم اللحين هي في بيت أبوها العود .. فتحت عيونها تطالع الحجرة مريم مو موجوده طلعت بره في البيت ماحصلت أحد اتصلت إلى مريم منال : ألـــــــو مريم وين انتين مريم : وينه يعني في بيت أبويي العود منال عصبت : تروووووووووحون عني ليش ما قعدتووووووني مريم : قعدناااااااش بس انتين ماتقعدين ويش نسوي أمي قعدتج مارضيتين منال : واللحين ماني لازم اللحين اجي لازم مريم : احنــا مستحيل نجي لج مانقدر لا اني ولا منى وشمس وحر قولي إلى علاء منال : اوووووف .. وبندت التلفون في وجهها منال دخلت حجرة علاء وكان نايم حاولت تقعده .. بس الظاهر هو راجع متأخر وتعبان .. منال : علااااااااااء اقعد عاااد قوم ودني بيت ابويي العود علاء : منال اللحين انا تعبان باوديج بعدين منال : ماني ماني اللحين ابي اروح علاء : منال روووحي اللحين بس خليني ساعه انام وباوديج (( وحتى وهو نايم ما يعصب )) منال كانت بتطلع بحزن : اووكي بس مايحتاج وطلعت علاء : منــــــــــــال منال ركضت ورجعت له : هاااا علاء : اللحين باقوم وبسبح وبصلي وبنروح منال استانست : اووووكي يلا وهي بعد راحت وتسبحت وتكشخت وصلت .. وراحوا بيت أبوهم العود أول ما دخلوا سلموا على أمهم العوده وأبوهم العود .. وراح علاء قعد ويه لرجال ومنال راحت سلمت وقعدت ويه البنات ساجدة : هـــااا منالوو اشوف النوم خلص منج يقولون يقعدونج وانتين ولا توتعين .. وقعدوا البنات يضحكون منال : هااهاها مايضحك اصلا اني تعبانه وسهرانه مانمت إلا اربع الصبح مريم فتحت عيونها : بااااال إلى أربع وقعدوا البنات تعليقات وضحك عليها .. وهي طبعا ترد عليهم وطبعــا مافي أحلى من يوم الجمعه والعائله وتجمعهم .. والغده الأحلى بعد الغده اتفقوا العائلة انهم الليلة بيطلعون بروحون حديقة او مكان (( يعني طلعه )) بعد ماتغدوا بيت أبو محمد أزهار قالت بتقول لهم خبر بس تستحي تقوله محمد : يلا عاد قووولي مللتينا أزهار تطالع زوجها : حسن انته قول ليهم حسن طالعهم وقال : باصير أبوه عقب جم شهر أم محمد : الحمدلله علبركه يبتي وقامت حضنتها محمد : يعني باصير خال .. ان شاء الله ولد تسمونه على إسمي عشان يطلع يشبهني علي : لالا ان شاء الله يشبهني ويسمونه علي حسن (( أخو أزهار الصغير مو زوجها )) : لا ان شاء الله مثل خاله الصغير يطلع حسن : يلا عاد هذا ولدي وبيشبهني لصبيان قعدوا يضحكون حسن يطالعهم بنظره : ويش فيكم تضحكون علي : ههههه ولا شي بس نبيه يشبه إختي مو يشبهك منال : واللحين وين قرروا بنروح الليلة منى : ما ادري بس يمكن على البحر يقولون أحلى هناك منال : امممم على البحر .. ماعليه المهم مكان نطلع بعد ماصلوا صلاة المغرب كل ناس تقسموا في سيارة منال والبنات ركبوا مع علاء .. ومنى ركبوا وياها النسوان .. ولرجال ركبوا في سيارة .. وأحمد راح بروحه في سيارته محمد وبيتهم بعد قالوا بروحون البحر .. لأنه ليلة إجازه وبعد مستانسين لأنه أزهار حامل .. وصلوا البحر وقعدوا تحت نخلة .. بعيد عن البحر شوي لصبيان قعدوا يلعبون كوره ووياهم حسن زوج أختهم .. وأزهار تطالعهم وتشجع زوجها .. بعدها جوهم صبيان يلعبون وياهم وأزهار رجعت قعدت ويه أمها بعد ماوصلوا عائلة منال فرشوا ليهم في صوب وقعدوا .. شوي وقالوا البنات بقومون يمشوون ويشوفون الناس .. علاء وأحمد راحوا صوب صبيان واقفين ينظفون سياييرهم (( حركات الشباب وعلاء طبعا وياهم وسيارته من ضمنهم )) منال تمشي و تسولف وتضحك ووياها ساجدة وفاطمة .. مريم ومنى راحوا بروحهم فاطمة : امشوا ما بنوصل إلى مناك صبيان يلعبون كوره تالي تصيدنا منال : امشي مابتصيدنا يلا فاطمة : اووهوو اني اخاف .. إذا صادتني كله منكم منال وساجدة وفاطمة قربوا من لصبيان وقالوا بسكتون وبيمشون بسرعه لأنهم صوب صبيان .. مايصير سوالف وضحك وهم يمشون ساجدة نادت منال ساجدة تتكلم على عدال : منـال شووفي منال رفعت راسها تطالع : ويش أشوف ساجدة : شووفي لصبيان إلي يلعبون هذاك الحارس إلي واقف مناك منال : ويش فيه ما أشوفه عدل ساجدة : هذا إلي تهاوشنا وياه في المجمع على العطورات منال تطالع عدل : إيه هذا هووووو الـ.... محمد إنتبه إلى البنات وكان يطالع وشافها وياهم .. وانقهر وقال لو يقدر راح عطاها كف (( بس يبي يعطيها كف )) محمد ما دار إلا حسن يصرخ عليه : كله منك سجوا هدف علينا انتبه شوي ويش فيك سرحت وخليتهم يسجلوون ساجدة وفاطمة يضحكون منال : هههههه لماذا الضحك ياترى ساجدة : مو على شي بس مسكين كسر خاطري منال : هههههه عادي إلا هي نظرة إحتقار شووي عشان يعرف إن اني مو هينه مو يقعد يدلع علينا في محل العطر فاطمة : ههههههه ماتسوى عليه منال : خله يولــــي خلنا نغير الموضوع عنه ساجدة : اوكي يلا موضوع غير منال : بس اني خاطري أعرف هو من وينه ولابعد من أروح مكان اشوفه في وجهي .. فاطمة : مو توج تقولين نغير الموضوع محمد قال إنه تعب من الكوره وبروح يمشي بروحه .. محمد كان يبي يصيد هالبنيه ويراويها وكان يمشي ويدورها منال كانت قاعده ويه ساجدة .. فاطمة شافت مريم ومنى وراحت وياهم منال تسولف عن محمد وتقول إلى ساجدة عنه .. ويطالعون البحر ساجدة : يعني منال اللحين انتين تحبينه منال : ما ادري بس لا ما احبه بس أكلمه بس اني أرتاح إذا اكلمه احسه غير عن كل الشباب إنسان طيب ما احسه يلعب مثل لصبيان على البنات ساجدة : امممم اوكي نصبر ونشوف النهايه .. وسكتت ساجدة تطالع في البحر وتتمنى لو علاء يبادلها الشعور ويحبها .. محمد مر من صوبهم وشافهم قاعدين وشاف إنه مافي احد صوبهم وكله جهال يلعبون .. والناس تمشي بعيد محمد تقرب منهم محمد : هي انتين إحترمي نفسج أحسن لج وإذا ماحصلتين احد يأدبج انا أأدبج منال وساجدة يطالعون بعض مايدرون يقصد من بس منال فهمت إنه أكيد هي منال : نعم نعم عيد إلي قلته محمد : لغرور إلي فيج مو عليي على واحد من لصبيان غيري منال عصبت : هيي انته ويش فيك جاي لينا وعافس الدنيا وتصرخ أنته إلي احترم نفسك .. واني ماليي حاجتك ولا اعرفك محمد : وأنا بعد ولا أبي اعرفج بس لا تقعدين إذا شفتيني في مكان تسوين حركات ونظرات ترى مفهومه حركات البنات ساجدة : لو سمحت إحترم نفسك واحنا مانعرفك ومش عنا احسن محمد وهو يحرك صبعه : أكيد بمشي عنكم وان شاء الله ما أشوف هالوجوه مره ثانيه منال معصبه وماتكلمت ماعندها كلام وماتدري ويش إلي تقوله .. ساجدة : قـــــــومي قومي بسرعه نروح نقول ليهم لا يهرب منال وبدت تصيح : لالا ساجدة قعدي مانبي نسوي مشاكل ساجدة : ويش مشاكل هو إلي جاي يبي يسوي مشاكل قومي قلت لج أو اتصلي إلى علاء منال وهي تصيح : ساجدة قلت لج قعدي أحسن ومابنقول إلى احد ساجدة قعدت : انزين واللحين انتين ليش تصيحين ــــــــــــــــــــــــــــــــــــــــــــــــــــــــــــــــــــــــــ يــلا أتـمنى يعجبكم البـارت وأشوف ردودكم الحلوه ومع السـلامه أشوفكم على خيــر ان شاء الله وإعـذروني بتأخر شوي وان شاء الله راجعه وأكملها لكم أشــوفكم على خيــر دمـتم فـ قلبي ـي Quote Link to comment Share on other sites More sharing options...
h_lo0ove Posted فبراير 7, 2009 Report Share Posted فبراير 7, 2009 الااااااااااي كل ماليها الاحداث تحمى بل بل طلع محمد مو هين مسكينة زفها <<< محد قال ليها تطالعه بنظرة تقهر زين ليها ومريم و((مازن)) << بطل جديد كشخه علاء مايعصب <<<شخصيه فن((كل بارت نكتشف فيه شي حلو)) << ياحظها زنووب ألف شكر لج خيوو عـ البارت << ومتشوقه وااااجد الى الاحداث الجايه وتروحين وترجعين لينا بالسلامة واحنا في انتظارج Quote Link to comment Share on other sites More sharing options...
بدون اسم احسن Posted فبراير 7, 2009 Report Share Posted فبراير 7, 2009 محمد ومنالوووا كله هواش وشكله زينب بترجع وبتقول للمحمد السالفة وبيعرف انه هي ووواوو.. وه افتكينا احمدووا ماليه حس في هل البارت>>فكه.. ويعطيج العافية عالبارت.. Quote Link to comment Share on other sites More sharing options...
ولائية Posted فبراير 8, 2009 Report Share Posted فبراير 8, 2009 يسلمووووووو حبوبة على البارت ننتظرج Quote Link to comment Share on other sites More sharing options...
السندس Posted فبراير 8, 2009 Report Share Posted فبراير 8, 2009 ثانكس على البارت مسامحة على التأخير كنت مشغولة في تجهيز اغراضي، لأني بسافر سوريا وبعد اسبوعين برجع ليكم ما تآمرون على شي Quote Link to comment Share on other sites More sharing options...
m!ss M Posted فبراير 8, 2009 Report Share Posted فبراير 8, 2009 (edited) كــشخة البــارت حـده كل ماليها القصه وتحلى أكـثر يسلمووووو وبـانتـظـاار البـارت اليـاي تـرى حـدنا مـشوقين نـبي نـعرف شـنو بيصير بسررررعه Edited فبراير 8, 2009 by m!ss M Quote Link to comment Share on other sites More sharing options...
girlheart Posted فبراير 8, 2009 Report Share Posted فبراير 8, 2009 يسلموو ع البااارت منالووو الهبول ليش تصيح هههه مسكينه هذا محمد بعد مب عدله يروح لها مسكينه احسها انحرجت .. يلا مردهم بيعرفون بعض ما اتخيل بعدين شبكوون موقفها اذا عرفت ان هذا محمد نفسه الي تكلمه عل المسن ... مازن (( عجبني ,, خلاص بكنسل على مريم و باخذا منها )) على ما تفكر في دراستها و كل شى الصبي بيروح على الاقل تعطيه فرصة اذا في بينهم شى .. علاء كالعاده ,, انشالله زينب تكلمه و تحبه ,, مو بس اعجاب ازهار ,, كلولولولوش بتصير ام ... ساجده هذي لا تفكر في علاء و خلها في حالها ننتظر الباااارت Quote Link to comment Share on other sites More sharing options...
البنوتة الصغيرة Posted فبراير 8, 2009 Report Share Posted فبراير 8, 2009 ننتظر البارت الياي على احر من الجمر.ز Quote Link to comment Share on other sites More sharing options...
h_lo0ove Posted فبراير 12, 2009 Report Share Posted فبراير 12, 2009 ترجعين بالسلامة اخت السندس وان شاء الله ترجع لنا فـ قلبي ـي بالسلامة << متشوقة اعرف احداث البارت الثامن يا الله في الانتظار Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.