بوعلي00 Posted سبتمبر 22, 2009 Report Share Posted سبتمبر 22, 2009 السلام عليكم ورحمة الله وبركاته.. عيدكم مبارك وكل سنة وأنتوا طيبين وعساكم عواده،، والله يتقبل منا ومنكم الصيام والقيام. بما ان احنا في أيام عيد وأيام (حـب) بين الناس،، حبيت إن يكون الموضوع خفيف وعبارة عن أسئلة. 1- هل تتمنى أن تكون زوج والا حبيب؟؟ وهل تتمنين أن تكونين زوجة والا حبيبة؟؟ ولماذا؟؟ 2- هل تتمنى إن تكون أول حبيب وبعدين زوج أو أول زوج وبعدين حبيب؟؟ وهل تتمنين أن تكونين أول حبيبة وبعدين زوجة أو أول زوجة وبعدين حبيبة؟؟ (مع ذكر الأسباب). 3- لما حبيب يحب حبيبته حب صادق،، ليش مايملكون الجرأة إن يواجهون المجتمع بعلاقتهم الصادقة؟ هل النقص أو العيب فيهم والا في المجتمع؟؟ 4- ليش أغلب علاقات الحب الصادقة تنتهي بالطلاق؟؟ 5- ما السر في إن العلاقات الزوجية سابقاً أقوى بكثير من العلاقات الزوجية الحالية؟؟ مع العلم إن في السابق كان في قوانين مجحفة وظالمة في حق الريال والمرة أبرزها إن الريال والمرة ما يجوفون بعض الا بعد الزواج؟!!! ( أكثر سؤال حيرني)!!! 6- هل تؤيد المقولة اللي تقول اللي كون علاقة قبل الزواج مستعد إن يكون علاقة بعد الزواج؟؟ 7- هل ترى إن أسئلتي لها معنى والا مالها معنى؟؟ Quote Link to comment Share on other sites More sharing options...
%حسن% Posted سبتمبر 22, 2009 Report Share Posted سبتمبر 22, 2009 انا للحين صغير بس فضولي Quote Link to comment Share on other sites More sharing options...
Bint alRaBi3 Posted سبتمبر 22, 2009 Report Share Posted سبتمبر 22, 2009 (edited) - هل تتمنى أن تكون زوج والا حبيب؟؟ وهل تتمنين أن تكونين زوجة والا حبيبة؟؟ ولماذا؟؟ اتمنى طبعن اكون زوجه وحبيبه (( علشان ما اخليه بنظر لغيري )) 2- هل تتمنى إن تكون أول حبيب وبعدين زوج أو أول زوج وبعدين حبيب؟؟ وهل تتمنين أن تكونين أول حبيبة وبعدين زوجة أو أول زوجة وبعدين حبيبة؟؟ (مع ذكر الأسباب). اتمنى اني اكون اول حبيبه بعدين زوجه (( علشان اكون عارفته عدلــ عارفهــ اسلوبهــ تفهمهــ للاشيهــ )) 3- لما حبيب يحب حبيبته حب صادق،، ليش مايملكون الجرأة إن يواجهون المجتمع بعلاقتهم الصادقة؟ هل النقص أو العيب فيهم والا في المجتمع؟؟ المجتمع (( لانه نظرة كل واحد تختلف عن نظرة غيره)) 4- ليش أغلب علاقات الحب الصادقة تنتهي بالطلاق؟؟ لانه يمكن واحد من الطرفين ماعرف للطرف الثاني 5- ما السر في إن العلاقات الزوجية سابقاً أقوى بكثير من العلاقات الزوجية الحالية؟؟ مع العلم إن في السابق كان في قوانين مجحفة وظالمة في حق الريال والمرة أبرزها إن الريال والمرة ما يجوفون بعض الا بعد الزواج؟!!! ( أكثر سؤال حيرني)!!! لانه الحين يختلف الوضع عن قبل ،،،قبل ما كان الريال يهتم لمظهر البنت مثل الحين يهتمون للشكل قبل الاخلاق وقبل ما اكن عندهم هالاشيه الي تخرب الآدمي من فوق لي تحت الحين معظم الرياييل ما اتيزيهم وحده قبل وحده تملي العين ويطلع منهه ازياده بعد.. 6- هل تؤيد المقولة اللي تقول اللي كون علاقة قبل الزواج مستعد إن يكون علاقة بعد الزواج؟؟ مب في كل وقت على حسب الاشخااص 7- هل ترى إن أسئلتي لها معنى والا مالها معنى؟؟ لهه معنى اكيد وشكرن Edited سبتمبر 22, 2009 by Bint alRaBi3 Quote Link to comment Share on other sites More sharing options...
عاشقة الاخوة 27 Posted سبتمبر 24, 2009 Report Share Posted سبتمبر 24, 2009 1- هل تتمنين أن تكونين زوجة والا حبيبة؟؟ ولماذا؟؟ اهو اكيد اتمنه اكون زوجه .. لان لو كنت حبيبه ف السالفه راح تكون معلـّقه على النصيب و القدر .. و في احتمال ان ما نرتبط . مادري ما فهمت عدل بس انه احس ان مافي وجه مقارنه .. لان الزوجه = خلاص متزوجين ،، اما الحبيبه = عايشين على وعد .. ف من هاذي اللي تفضل انها تعيش على وعد ؟ اما اذا كنت تقصد ان هالحبيبه راح تكون اكيد زوجه ف السالفه تحتاج شرح و تفصيل . 2- وهل تتمنين أن تكونين أول حبيبة وبعدين زوجة أو أول زوجة وبعدين حبيبة؟؟ (مع ذكر الأسباب). (مبدئيا) اچوف من الافضل ان اكون زوجه و بعدين حبيبه .. مافي اسباب بس دامك أكدت ان راح اكون حبيبه عقب الزواج ف هذا يعني ان عايشين سعيدين و مستقرين ف شي طبيعي باختار الخيار الثاني لان اكثر ضمانا . 3- لما حبيب يحب حبيبته حب صادق،، ليش مايملكون الجرأة إن يواجهون المجتمع بعلاقتهم الصادقة؟ هل النقص أو العيب فيهم والا في المجتمع؟؟ و ليش اصلا يواجهون المجتمع ؟! يمكن تقصد عشان يكون الشي في النور بدل من الخش و الدس ؟ المهم انه ماعتقد انهم ملزومين انهم يخبرون العالم انهم على علاقه .. لان هالشي ما بيزيد على حبهم ولا بينقص منه .. طول ما اهمه عارفين حدودهم ف ماله داعي الكل يدري . بس بعد اعتقد ان في وايد اسباب : اول شي لان المجتمع ما يتقبل هالنوع من العلاقات . السالفه فيها تشهير للبنت و حتى للصبي .. لان لو الله ما كتب انهم يرتبطون ف حجي الناس وايد . لان نسبة ارتباطهم قليله و تعتمد على راي اهل الطرفين ف ما ينفع انهم يصرحون بهالعلاقه دامها لحين متوقفه على وايد امور . البعض يعتبر علاقة الحب مثل فترة الخطوبه .. يعني تكون فترة تعارف بين الاثنين قبل لا يكون في عقد بينهم .. ف ماله داعي ان العالم كلهم يدرون دام السالفه مب اكيده . منعا عن كلام الناس .. خبرك بعض الناس لهم تفكير وصخ .. يعني يقولك هاي مستحيل يحبون بعض حب عادي و بريئ و عاد خذ الكلام عليهم .. شوي من هني شوي من هناك و تبتدي مشاكل يكونون الاثنين في غنى عنها . و بس مادري هاي الاسباب اللي يات في بالي احين . 4- ليش أغلب علاقات الحب الصادقة تنتهي بالطلاق؟؟ بعد في وايد اسباب : اول شي احس ان الاثنين يبتدون يقارنون بين ايام الحب و ايام الزواج و تبتدي المشاكل . لان الطرفين ع الاغلب يحبون في سن صغير ف اختيارهم يكون اي كلام . لانهم قبل الزواج يبحثون عن شخص يعطيهم حب ، حنان ، سوالف فاضيه بغض النظر عن التخطيط للمستقبل ف شي طبيعي = زواج فاشل . لان ايام الحب الطرفين يجوفون عيوب بعض على انها صغيرة او تلاقيهم يتغاضون عنها .. لكن في الزواج و مع العشره ف تلاقي هالعيب صار في عينك حفره كبيـــــره ما تقدر تصك عينك عنها . المهم في وايد اسباب .. بس باختصار لان الاختيار يكون سريع و في ظروف غلط ف بالتالي العلاقه تكون فاشله . بس انه ابصم ان لو الواحد اختار الطرف الثاني بعقله و في ظروف صحيه و مناسبه و شخله شخال .. و قلـّب فيه من كل صوب .. و حط له اسس و مشه عليها ف راح تقل نسبه الطلاق واااايد 5- ما السر في إن العلاقات الزوجية سابقاً أقوى بكثير من العلاقات الزوجية الحالية؟؟ مع العلم إن في السابق كان في قوانين مجحفة وظالمة في حق الريال والمرة أبرزها إن الريال والمرة ما يجوفون بعض الا بعد الزواج؟!!! ( أكثر سؤال حيرني)!!! حيرني هالسؤال قبلك بس لقيت له جم مبرر و ربما يكونون صح ،، جوف على ايام اول كانت المره ما تشتغل و كانوا النسوان اصلا يتزوجون في عمر صغير و كان تعليمهم على قدهم و باختصار كانوا فقيرو مثل ما نقول .. يعني قبل على ايام يدّتي كان الزوج اهو اللي يربي المره .. تلاقي يتزوجها و يعلمها كل شي و يربيها على يده و تكون مكوّكه مثل الساعه .. يعني الوحده منهم تستحي و تخاف ترفع عينها في عيون زوجها .. ف كانت تمشي له مثل ما يبي و ان صارت اي مشكله بينهم ف المره هني تفكر : تقولك انه اذا تطلقت من لي ؟ وين اروح ؟ شاسوي ؟ و اصلا يكونون اهلها مزوجيها صغيره لانهم ما يقدرون على مصاريفها .. ف تقولك انه ان تطلقت ف انه الخسرانه .. خلني مستحمله عشان عيالي و عشان ما ثقل على اهلي << يعني احنه ما نقدر نجزم انها سعيده مع زوجها كثر ماهي مجبوره تعيش معاه بس صابره و ساكته و كاتمه في قلبها ... و عقب تلاقيها تلهى مع عيالها و تمر السنين و يصير ولدها طولها .. و يكون حبها لزوجها مجرد حب تعويد أو عشره ... ( والله انه لو هندي يشتغل معاي و اجوفه كل يوم و اسولف معاه .. تلاقي لو يصيده شي و يتضايق تلاقيني اتضايق معاه ) اما احين و مع التعليم و التطور .. ف النسوان ماعادوا مثل اول .. المره صارت تدرس و تشتغل و صارت تنافس الريال في بعض المجالات .. و صاروا مثقفات اصلا حتى لو ماكانوا مكملين دراستهم .. ف صارت ما تفرق عندها ان تطلقت او حتى لو ما تزوجت .. لانها تقدر تصرف على روحها و تعتمد على نفسها .. يعني تقدر تربي عيالها و عيال عيالها و تصرف عليهم بعد .. و لاهي بحاجه حق زوجها .. و حتى بعد لو طلقها ف على السريع راح تلاقي لها واحد يتزوجها لان اهي متحمله مسؤولية روحها و عندها راتبها ، و مو محتاجه من الزوج الا ان يستر عليها .. و هالشي اسهل من ان يقعد ياخذ مطلقه و يصرف عليها و على عيالها و يتحمل مسؤوليتهم .. ف من جذي تلاقي النسوان على اقل مشكله طلبوا الطلاق من ازواجهم . 6- هل تؤيد المقولة اللي تقول اللي كون علاقة قبل الزواج مستعد إن يكون علاقة بعد الزواج؟؟ لاء . 7- هل ترى إن أسئلتي لها معنى والا مالها معنى؟؟ كل شي له معنى اذا بنطالعه بنظره متعمقه و من جميع النواحي . Quote Link to comment Share on other sites More sharing options...
بوعلي00 Posted سبتمبر 24, 2009 Author Report Share Posted سبتمبر 24, 2009 %حسن% مشكور أخوي على المرور .. و|ن شاء الله تستفيد من آراء الأعضاء. Bint alRaBi3 هلا أختي.. مشكورة على الرد ،، وإذا تسمحين لي بالتعليق على بعض الإجابات (الأرقام تدل على رقم السؤال): 1- أنا كنت أقصد بالحبيبة اللي قبل العقد.. وبالزوجة اللي بعد العقد،، وهذي تقصير مني ماذكرته في الموضوع وماقدرت أعدل عليه عقب. 2- فترة الخطوبة ماتكفي؟؟ 3- ممكن تشرحين شوي الإجابة.. لأن بصراحة مافهمت شتصدقين منها؟؟ 4- ذكرتي أختي في السؤال الثاني إنج تفضلين إن تكون في علاقة حب قبل الزواج حتى تتعرفن على بعض أكثر،، إنزين المفروض بما أنهم تعرفوا على بعض عدل زواجهم يمشي نحو النجاح وبقوة وليس نحو الفشل .. توافقيني؟؟ Quote Link to comment Share on other sites More sharing options...
بوعلي00 Posted سبتمبر 24, 2009 Author Report Share Posted سبتمبر 24, 2009 (edited) عاشقة الاخوة 27 مشكورة أختي الرد اللي كالعادة حلو ،، وبتخليني أدور مشاركاتج في قسم النقاش مرة ثانية!! عندي بعض الملاحظات على ردج من بعد إذنج (الرقم يدل على رقم السؤال في الموضوع): 1- نفس التعليق السابق،، أعتذر إني ماوضحت شالمقصود بالزوجة والحبيبة. بس أختي ذكرتي إن مافي وجه مقارنة بين الحالتين،، وكلامج عدل.. بس في أمثلة حية أختي لناس تعرفوا على بعض فترة طويلة ويحبون بعض وأهلهم موافقين وظروفهم المادية ممتازة.. بس ما يتزوجون!! 2- نفهم من هالكلام إنج من مؤيدين الحب بعد الزواج؟؟ 3- أنا قصدت أختي في سؤالي ليش مايواجهون المجتمع إن علاقتهم دائماً تتم في الخفاء.. يعني الزوج يقدر يطلع مع زوجته في أي وقت وفي أي مكان وفي أي مجمع والا مطعم،، ولا عندهم أي مشكلة لما أحد يجوفهم،، بس الحبايب ( في الغالب) يدورون على أماكن (مستورة) عن أعين الناس ،، ويحسون إن في مشكلة لما أحد يجوفهم!! وفي الأسباب ذكرتي أختي الأسباب التالية: 1- اول شي لان المجتمع ما يتقبل هالنوع من العلاقات . 2- السالفه فيها تشهير للبنت و حتى للصبي .. لان لو الله ما كتب انهم يرتبطون ف حجي الناس وايد . 3- لان نسبة ارتباطهم قليله و تعتمد على راي اهل الطرفين ف ما ينفع انهم يصرحون بهالعلاقه دامها لحين متوقفه على وايد امور . 4- منعا عن كلام الناس .. خبرك بعض الناس لهم تفكير وصخ .. يعني يقولك هاي مستحيل يحبون بعض حب عادي و بريئ و عاد خذ الكلام عليهم .. شوي من هني شوي من هناك و تبتدي مشاكل يكونون الاثنين في غنى عنها . هل الأسباب هذي (من وجهة نظرج الشخصية) تبرر لهم إن يطلعون مع بعض والا مايطلعون مع بعض؟ وفي سبب خامس ذكرتيه أختي: 5- البعض يعتبر علاقة الحب مثل فترة الخطوبه .. يعني تكون فترة تعارف بين الاثنين قبل لا يكون في عقد بينهم .. ف ماله داعي ان العالم كلهم يدرون دام السالفه مب اكيده . أنا معاج أختي في هالنقطة،، بس في تقديرج،، جم هي الفترة الكافية حتى يتعرفون على بعض؟ ومايصير يتعرف عليها جدام أهلها؟؟ أو إن في بعض الأشياء من حقه يعرفها وما يقدر يعرفها إلا برع؟؟ 4- كثير من هالعلاقات أختي - ومثلج عارف- ماتدوم أكثر من 5 سنوات. فهل ممكن إن نسمي الحب اللي مروا فيه نزوة؟ 5- ما السر في إن العلاقات الزوجية سابقاً أقوى بكثير من العلاقات الزوجية الحالية؟؟ مع العلم إن في السابق كان في قوانين مجحفة وظالمة في حق الريال والمرة أبرزها إن الريال والمرة ما يجوفون بعض الا بعد الزواج؟!!! ( أكثر سؤال حيرني)!!! إجابتج ماشاالله عليج منطقية.. وأأيدج في معظمها (إذا مب كلها) !! بس بعد تثيرعندي تساؤلات: - الأزواج قبل يستحملون عشان عيالهم ،، والحين (بشكل عام طبعاً أتكلم) ما يستحملون عشان عيالهم.. من الصح فيهم؟ - يدي ويدج ويدتي ويدتج استحملوا ويابوا أبوي وأبوج وأمي وأمج،، ناس كفوا ناجحين في حياتهم!! جوفي جيلنا أختي.. ولا تعليق!! - ذكرتي أختي إن المرة تحاتي تتطلق لأن ماعندها أحد يحميها ويأويها غير زوجها فبالتالي كانت متمسكة قدر الإمكان فيه،، والمرأة اليوم عندها راتبها وعملها يقدرون يحمونها غير زوجها فبالتالي قل التمسك فيه (أنا متفق معاج في هالنقطة) بس هل فعلاً الزوجة ماتبي من الزوج إلا أن يأويها؟؟ يعني إذا حصلت أحد يأويها غير زوجها (مثل وظيفتها وراتبها أو أهلها) ممكن إن تستغنى عن الزوج؟ - ذكرتي أختي إن ( حتى بعد لو طلقها ف على السريع راح تلاقي لها واحد يتزوجها لان اهي متحمله مسؤولية روحها و عندها راتبها ، و مو محتاجه من الزوج الا ان يستر عليها ..). أنا عديت المطلقات اللي أعرفهم من الفريج والا من الأهل ولقيتهم 9 نسوان،، 5 منهم تحت سن ال30 ،، ووحدة فقط من ال9 حصلت على ريل ثاني!! أختي ماتوقع بهالسهولة المطلقة تتزوج ،، إذا اللي مو متزوجات ومومحصلين !! ونقطة ثانية أختي.. المال والمصرف عائق أمام الزواج صح.. بس هل هو العائق الوحيد؟؟ يعني الريال مستعد يتزوج إذا لقى وحدة تصرف على روحها؟؟ شخصياً ما أتوقع.. لأن إذا جذي أنتي مرة وأكيد أخبر مني في هالسوالف،، أكيد تعرفين مطلقات يقدرون يصرفون على روحهم.. بس هل حصلوا (فرصة) إن يتزوجون؟؟ أنا أختي أسأل هالأسئلة وماعرف إجاباتها،، بس اللي أعرفه إن في شي الزوجين محتاجينه حق بعض ما يحصلونه إلا في الزواج.. هل هو الإستقرار؟؟ هل حب العشرة؟؟ هل راحة البال؟؟ مادري.. ولا ممكن للزوج إن يحصله من أي مرة ما عدا زوجته،، ولا ممكن للزوجة إن تحصله من أي ريال عدا ريلها. والنقطة الثالثة أختي (آسف طولت عليج) قالوها الأوليين (قلة العقل مصيبة)!! الأزواج قبل يفكرون في حياة العايلة كامله (يعني الزوج يفكر في زوجته وعياله تفكير واحد) بس أزواج هالأيام للأسف الشديد غير (الزوج يفكر في نفسه فقط والزوجة في نفسها والعيال يضيعون)! عذريني أختي على الإطالة،، وادري افكاري مو مرتبة لأن كل ماتذكرت شي غيرته.. وفي أشياء نسيتها!!! Edited سبتمبر 24, 2009 by بوعلي00 Quote Link to comment Share on other sites More sharing options...
عاشقة الاخوة 27 Posted سبتمبر 24, 2009 Report Share Posted سبتمبر 24, 2009 بس أختي ذكرتي إن مافي وجه مقارنة بين الحالتين،، وكلامج عدل.. بس في أمثلة حية أختي لناس تعرفوا على بعض فترة طويلة ويحبون بعض وأهلهم موافقين وظروفهم المادية ممتازة.. بس ما يتزوجون!! انزين و ليش ما تزوجوا ؟؟ شاللي صار ؟؟ شنو القصه يعني ؟ عاد بعد اذا كلشي متوفر لهم و متفاهمين و متفقين فيما بينهم بس ما تزوجوا .. بعد هاي الله كاتب انهم ما يكونون من نصيب بعض !! في هالحاله محد بيده شي .. اهم شي ان الصبي وضح حسن نيته و تقدم حق البنت .. بس بعد ربك ما كتبهم لبعض لسبب اهو وحده اعلم فيه . بس ع الاغلب اذا العلاقه تكون بالعقل و ..... الخ ,,, دايما تنتهي بالنهايه الطبيعيه للعلاقات الصح . بس شاللي منعهم من تتويجها بالزواج مثل ما ذكرت في ردك ؟ و اذا بتمشي على الفئه القليله او الشاذه ف باقولك هناك وايد زيجات تمت بالطريقه التقليديه لكنها انتهت بالطلاق مع ان كان في فتره خطوبه قبل الزواج .. و كانوا مرتاحين فيها مع بعض و قضوا ع الاقل سنتين فيها بس تطلقوا في النهاية !! نفهم من هالكلام إنج من مؤيدين الحب بعد الزواج؟؟ والله انه في النص .. و ماعندي مشكله في الطريقه .. سواء تزوجوا عن حب ولا عن خطبه .. حبوا بعض قبل و لا حبوا بعض عقب الزواج .. اهم شي عندي ان العقل يكون شغـّـال . 3- أنا قصدت أختي في سؤالي ليش مايواجهون المجتمع إن علاقتهم دائماً تتم في الخفاء.. يعني الزوج يقدر يطلع مع زوجته في أي وقت وفي أي مكان وفي أي مجمع والا مطعم،، ولا عندهم أي مشكلة لما أحد يجوفهم،، بس الحبايب ( في الغالب) يدورون على أماكن (مستورة) عن أعين الناس ،، ويحسون إن في مشكلة لما أحد يجوفهم!! ذكرت بعض الاسباب في النقاط اللي قلتها في ردي . وفي الأسباب ذكرتي أختي الأسباب التالية: - اول شي لان المجتمع ما يتقبل هالنوع من العلاقات . 2- السالفه فيها تشهير للبنت و حتى للصبي .. لان لو الله ما كتب انهم يرتبطون ف حجي الناس وايد . 3- لان نسبة ارتباطهم قليله و تعتمد على راي اهل الطرفين ف ما ينفع انهم يصرحون بهالعلاقه دامها لحين متوقفه على وايد امور . 4- منعا عن كلام الناس .. خبرك بعض الناس لهم تفكير وصخ .. يعني يقولك هاي مستحيل يحبون بعض حب عادي و بريئ و عاد خذ الكلام عليهم .. شوي من هني شوي من هناك و تبتدي مشاكل يكونون الاثنين في غنى عنها . هل الأسباب هذي (من وجهة نظرج الشخصية) تبرر لهم إن يطلعون مع بعض والا مايطلعون مع بعض؟ لا انه هني ما كنت اقصد عن الطلعات .. انه جاوبت على سؤال : انهم ليش ما يعلنون حبهم للمجتمع .. ف لهالاسباب ممكن انهم يمتنعون و يفضلون ان هالعلاقه تكون سريه بينهم . وفي سبب خامس ذكرتيه أختي: البعض يعتبر علاقة الحب مثل فترة الخطوبه .. يعني تكون فترة تعارف بين الاثنين قبل لا يكون في عقد بينهم .. ف ماله داعي ان العالم كلهم يدرون دام السالفه مب اكيده . أنا معاج أختي في هالنقطة،، بس في تقديرج،، جم هي الفترة الكافية حتى يتعرفون على بعض؟ ومايصير يتعرف عليها جدام أهلها؟؟ أو إن في بعض الأشياء من حقه يعرفها وما يقدر يعرفها إلا برع؟؟ مافي فتره معينه و هالشي يعتمد على الشخص نفسه و طريقه تحليله و فهمه للطرف الثاني. يصير يتعرف عليها جدام اهلها ليش لاء .. اهي حره اذا كانت تبي تخبرهم او لاء يعتمد عليها يعني .. اذا كانت متأكده منه و من مشاعرها و اختيارها مبدئيا ف خل تخبرهم اذا تبي عشان يكون جدامهم كل شي . - كثير من هالعلاقات أختي - ومثلج عارف- ماتدوم أكثر من 5 سنوات. فهل ممكن إن نسمي الحب اللي مروا فيه نزوة؟ مسامحه اخوي ما فهمت نقطة النقاش بالضبط . يمكن تقصد ان 2 يحبون بعض لمدة 5 سنوات و عقب ما يتزوجون ؟ المهم اصلا هاي حبهم من البدايه غلط لان ظروفه غلط .. ليش تامين هالكثر ؟؟ الصبي صغير ؟ ( محد قاله يكون علاقه احين ) مو مكون نفسه ؟ ( معناتها ان ماله حق يفكر في العلاقه ) باختصار العلاقات قبل الزواج مو كل من مؤهل ان يكونها ..لان في هالحاله راح تكون حجي فاضي . 5- ما السر في إن العلاقات الزوجية سابقاً أقوى بكثير من العلاقات الزوجية الحالية؟؟ مع العلم إن في السابق كان في قوانين مجحفة وظالمة في حق الريال والمرة أبرزها إن الريال والمرة ما يجوفون بعض الا بعد الزواج؟!!! ( أكثر سؤال حيرني)!!! [/size] إجابتج ماشاالله عليج منطقية.. وأأيدج في معظمها (إذا مب كلها) !! بس بعد تثيرعندي تساؤلات: - الأزواج قبل يستحملون عشان عيالهم ،، والحين (بشكل عام طبعاً أتكلم) ما يستحملون عشان عيالهم.. من الصح فيهم؟ مافي احد صح .. لان يختلف من حاله لي حاله . والله انه اقول التحمل درجات .. في اشيه ينسكت عنها و ممكن ان اتحملها عشان بيتي و عيالي مع محاوله تصحيح الوضع .. و في اشيه ماقدر اتحملها ولا بافتكر في عيالي و باطلب الطلاق . بس انه اقول ان الصح فيهم : ان الوحده تفكر مليون مره قبل الزواج و خصوصا اذا كانت بتتزوج عن علاقه حب مثل ما يسمونها لازم تكون حذره وايد وايد و ما تجوف عيوب الطرف الثاني مزايا و لا تفكر انها تضحي بأشيه مهمه تحت مسمى الحب . يدي ويدج ويدتي ويدتج استحملوا ويابوا أبوي وأبوج وأمي وأمج،، ناس كفوا ناجحين في حياتهم!! جوفي جيلنا أختي.. ولا تعليق!! - ذكرتي أختي إن المرة تحاتي تتطلق لأن ماعندها أحد يحميها ويأويها غير زوجها فبالتالي كانت متمسكة قدر الإمكان فيه،، والمرأة اليوم عندها راتبها وعملها يقدرون يحمونها غير زوجها فبالتالي قل التمسك فيه (أنا متفق معاج في هالنقطة) بس هل فعلاً الزوجة ماتبي من الزوج إلا أن يأويها؟؟ يعني إذا حصلت أحد يأويها غير زوجها (مثل وظيفتها وراتبها أو أهلها) ممكن إن تستغنى عن الزوج؟ مممممم والله مادري بالضبط يا خوك .. بس اعتقد عادي تعيش بدون زوج ليش لاء يعني ؟ اذا اهلها موجودين و خوانها ممكن يقومون فيها في اي وقت و شغلتها ممتازة ف اعتقد تقدر تستغني عنه ( اعتقد ان رايك يخالف رايي بس خل نسمع منك لاني اتشوش احيانا في هالسالفه بالذات) - ذكرتي أختي إن ( حتى بعد لو طلقها ف على السريع راح تلاقي لها واحد يتزوجها لان اهي متحمله مسؤولية روحها و عندها راتبها ، و مو محتاجه من الزوج الا ان يستر عليها ..[color=#000000 أنا عديت المطلقات اللي أعرفهم من الفريج والا من الأهل ولقيتهم 9 نسوان،، 5 منهم تحت سن ال30 ،، ووحدة فقط من ال9 حصلت على ريل ثاني!! أختي ماتوقع بهالسهولة المطلقة تتزوج ،، إذا اللي مو متزوجات ومومحصلين !! عاد الله يهداك انت تيوّد ع الكلمه .. اقصد يعني ممكن تلاقي لها واحد مطلق بعد و يلفون على بعضهم .. او مثلا تحصل لها ريال اكبر منها بوايد و ياخذها .. او اذا كان راتبها قوي .. ف ياكثر الناس اللي يدورون المره الغنيه عشان حق الفكه << يعني قولي واحد بيحصل وحده مثلا حلوه و رابتها قوي بس مطلقه .. بيقعد يمخمخ يقول انه لو تزوجتها ما بادفع وايد .. اولا مهرها راح يكون قليل .. ثاني شي ما تبي عرس و خرابيط .. ثالث شي غنيه .. يعني تصرف علي و عليها بعد >>> في ناس يدورون مره مثل هاذي لانها ما بتكلفهم ولا شي . ونقطة ثانية أختي.. المال والمصرف عائق أمام الزواج صح.. بس هل هو العائق الوحيد؟؟ يعني الريال مستعد يتزوج إذا لقى وحدة تصرف على روحها؟؟ شخصياً ما أتوقع.. لأن إذا جذي أنتي مرة وأكيد أخبر مني في هالسوالف،، أكيد تعرفين مطلقات يقدرون يصرفون على روحهم.. بس هل حصلوا (فرصة) إن يتزوجون؟؟ ما نقدر نعمم فكره على الكل .. في رياييل وايد يجوفون المال و المصرف عائق .. يعني لو عليه جان تزوج احين بس ماعنده يصرف عليه و عليها و لو لقه وحده تصرف على روحها جان خذها بدون تردد .. و في نفس الوقت في رياييل عندهم و قادرين .. بس مب لاقيين مره يقدرون يأمنونها على بيت و مستقبل و عيال . أنا أختي أسأل هالأسئلة وماعرف إجاباتها،، بس اللي أعرفه إن في شي الزوجين محتاجينه حق بعض ما يحصلونه إلا في الزواج.. هل هو الإستقرار؟؟ هل حب العشرة؟؟ هل راحة البال؟؟ مادري.. ولا ممكن للزوج إن يحصله من أي مرة ما عدا زوجته،، ولا ممكن للزوجة إن تحصله من أي ريال عدا ريلها. كل هالاشيه و غيرها ما تتحصل الا في الزواج .. لان العشره و الاستقرار و راحة البال من ناحية كلام الناس عليهم << كل هالاشيه ما تتحقق الا بعد الزواج و لا ننسه نقطه مهمه و اهي (العلاقه الزوجيه بين الزوجين و التناسل) هاي عاد اللي مستحيل تتحقق قبل الزواج و اللي يدور عليها و اللي تهمه وايد ما بيحصلها ولا بيقدر يحققها الا مع زوجته . والنقطة الثالثة أختي (آسف طولت عليج) قالوها الأوليين (قلة العقل مصيبة)!! الأزواج قبل يفكرون في حياة العايلة كامله (يعني الزوج يفكر في زوجته وعياله تفكير واحد) بس أزواج هالأيام للأسف الشديد غير (الزوج يفكر في نفسه فقط والزوجة في نفسها والعيال يضيعون)! ممممم هني بعد ما نقدر نعمم نظره ع الكل .. في الزين و في الشين .. بس فعلا وايد ناس صار هاي تفكيرهم .. نتيجه للتطور الواحد صار ماعنده وقت الا حق نفسه و اليهال قاعدين يضيعون .. بس لاننسه ان الزواج في سن صغير و الانجاب السريع بعد سبب في ضياع العيال و اهمال الزوجين لهم . عذريني أختي على الإطالة،، وادري افكاري مو مرتبة لأن كل ماتذكرت شي غيرته.. وفي أشياء نسيتها!!! صج انك دودهتني و سويت لنه عفسه و لخبطه بس تعجبني طريقة تعليقك على ردود الاعضاء في المواضيع اللي انت تكتبهم .. لان احس انك فعلا كاتب موضوع و تبي تتناقش فيه وتبي توصل حق شي .. مو كل همّـك انك تكتب موضوع في قسم النقاش او زيادة مشاركات مثل بعض الاعضاء . Quote Link to comment Share on other sites More sharing options...
بحر الاحلام Posted سبتمبر 24, 2009 Report Share Posted سبتمبر 24, 2009 1- هل تتمنى أن تكون زوج والا حبيب؟؟ وهل تتمنين أن تكونين زوجة والا حبيبة؟؟ ولماذا؟؟ اتمنى اكون حبيبة لين صرت زوجه 2- هل تتمنى إن تكون أول حبيب وبعدين زوج أو أول زوج وبعدين حبيب؟؟ وهل تتمنين أن تكونين أول حبيبة وبعدين زوجة أو أول زوجة وبعدين حبيبة؟؟ (مع ذكر الأسباب). حبيبة .. عشان يحبني اكثر بعد مانتزوج وعشان احس انه فعلا يبيني 3- لما حبيب يحب حبيبته حب صادق،، ليش مايملكون الجرأة إن يواجهون المجتمع بعلاقتهم الصادقة؟ هل النقص أو العيب فيهم والا في المجتمع؟؟ في المجتمع اغلب شي وفيهم شوي لانه اهم يحسون نفسهم يسوون شي غلط وهذا الشي ياي من المجتمع لانه يعرفون الاعتراف بهالشي غلط بس الي واثقين من روحهم اهم الي يصارحون المجتمع 4- ليش أغلب علاقات الحب الصادقة تنتهي بالطلاق؟؟ يمكن يتغيرون الطرفين بعد الزواج ويحسون الحب احلى واقل مسؤولية 5- ما السر في إن العلاقات الزوجية سابقاً أقوى بكثير من العلاقات الزوجية الحالية؟؟ مع العلم إن في السابق كان في قوانين مجحفة وظالمة في حق الريال والمرة أبرزها إن الريال والمرة ما يجوفون بعض الا بعد الزواج؟!!! ( أكثر سؤال حيرني)!!! لان قبل الاحترام اهو الساائد بين الزوجين لذلك علاقتهم قوية ببعض ومافيه شي يخلي المره تتعالى على الريال عكس اللحين المره متساوية معاه بكل شي فمن جذي احيانا تقلل من احترامه او تقوله له مافي فرق بيني وبينك اثنينه سواسية 6- هل تؤيد المقولة اللي تقول اللي كون علاقة قبل الزواج مستعد إن يكون علاقة بعد الزواج؟؟ يمكن ادا لقى زواجه فاشل 7- هل ترى إن أسئلتي لها معنى والا مالها معنى؟؟ لها معنى ومعنى كبير Quote Link to comment Share on other sites More sharing options...
كلمة غرام Posted سبتمبر 25, 2009 Report Share Posted سبتمبر 25, 2009 (edited) 1- هل تتمنى أن تكون زوج والا حبيب؟؟ وهل تتمنين أن تكونين زوجة والا حبيبة؟؟ ولماذا؟؟ * زوجهـ لآن يكون الشي رسمي و مكآلمآت و طلعآت بدون خوف . 2- هل تتمنى إن تكون أول حبيب وبعدين زوج أو أول زوج وبعدين حبيب؟؟ وهل تتمنين أن تكونين أول حبيبة وبعدين زوجة أو أول زوجة وبعدين حبيبة؟؟ (مع ذكر الأسباب). * اكون حبيبهـ بعدين زوجهـ لآآن الوضع يكون احلى حلو الوآحد يحب و بعدين يتوج بالزوآج 3- لما حبيب يحب حبيبته حب صادق،، ليش مايملكون الجرأة إن يواجهون المجتمع بعلاقتهم الصادقة؟ هل النقص أو العيب فيهم والا في المجتمع؟؟ * لآن في شي يسمى العررف و عآدآت و تقآليد احنآ مب قآعدين فيي امريكآ عشآن يقول احب و جذي صبعهـ تكون 4- ليش أغلب علاقات الحب الصادقة تنتهي بالطلاق؟؟ * مآ ادري بس اعتبرهـ غبآآء شوي احين لمآ كآنت تحبهـ تبي تتزوج لين يتم الشي يحصل الطلاآق ما السر في إن العلاقات الزوجية سابقاً أقوى بكثير من العلاقات الزوجية الحالية؟؟ مع العلم إن في السابق كان في قوانين مجحفة وظالمة في حق الريال والمرة أبرزها إن الريال والمرة ما يجوفون بعض الا بعد الزواج؟!!! ( أكثر سؤال حيرني)!!! * في القديم مآ كآن في كل وسآئل الآتصآلآآت الحديثهـ و التطورآرت و جذي كآنت المرآهـ القديمهـ ترضى بالقليل المهم يكونون مع بعض المهم تكون مرتآآحهـ بغض النظر عن المكآن العيش و غيرهـ إمآ المرآهـ العصريهـ متطلبآتهآ كثيرهـ نظرتهآ للحيآهـ مختلفهـ هل تؤيد المقولة اللي تقول اللي كون علاقة قبل الزواج مستعد إن يكون علاقة بعد الزواج؟؟[/color] * لآ كثير من الشبآب يكلم بس بعد الزوآج يتوب 7- هل ترى إن أسئلتي لها معنى والا مالها معنى؟؟ *لهآآ معنى و تنآآقش شي مهم Edited سبتمبر 25, 2009 by كلمة غرام Quote Link to comment Share on other sites More sharing options...
بوعلي00 Posted سبتمبر 26, 2009 Author Report Share Posted سبتمبر 26, 2009 مسامحه اخوي ما فهمت نقطة النقاش بالضبط . يمكن تقصد ان 2 يحبون بعض لمدة 5 سنوات و عقب ما يتزوجون ؟ المهم اصلا هاي حبهم من البدايه غلط لان ظروفه غلط .. ليش تامين هالكثر ؟؟ الصبي صغير ؟ ( محد قاله يكون علاقه احين ) مو مكون نفسه ؟ ( معناتها ان ماله حق يفكر في العلاقه ) أنا كنت أقصد أختي إن مثل ما أنتي عارفة حالات الطلاق هالأيام زايدة بشكل غير طبيعي،، ومعظمها أقل من 5 سنوات.. ومعظمها عن علاقة حب .. أوكي؟؟ بما إن بينهم علاقة قبل الزواج .. فالمفروض إن هم عارفين حق بعض ومتفقين .. بدليل إن قرار زواجهم كان عن تشاور بينهم .. وإن الإثنين جافوا إنهم (طايحين) على بعض.. وبناء عليه المفروض إن إحتمالية الطلاق بينهم تقل واااااايد.. بس اللي صاير عكس المنطق تماماً،، وهو إن إحتمالية طلاقهم زاايدة واااايد!! هل تحليلي منطقي؟؟ إذا إي أتمنى أسمع تفسيرج لهالشي.. وإذا لا فأتمنى أسمع تحليلج. باختصار العلاقات قبل الزواج مو كل من مؤهل ان يكونها ..لان في هالحاله راح تكون حجي فاضي . كلام في الصميم ماشالله عليج (وياليت أملك جزء بسيط من أسلوبج المختصر والقوي) !! إنزين سؤال.. من اللي يحدد إن أنا مؤهل إن أكون علاقة قبل الزواج أو لا؟؟ واللي باحبها مؤهلة لهالعلاقة أو لا؟؟ لأن مثل ماتفضلتي،، إذا أحد الطرفين غير مؤهل.. فإن العلاقة بينهم (مهما كانت طويلة) فراح تكون حجي فاضي بمعنى الكلمة. فلازم في (معيار) نعرف من خلاله المؤهل والغير مؤهل؟؟!! مممممم والله مادري بالضبط يا خوك .. بس اعتقد عادي تعيش بدون زوج ليش لاء يعني ؟ اذا اهلها موجودين و خوانها ممكن يقومون فيها في اي وقت و شغلتها ممتازة ف اعتقد تقدر تستغني عنه ( اعتقد ان رايك يخالف رايي بس خل نسمع منك لاني اتشوش احيانا في هالسالفه بالذات) في رايي المتواضع .. المرة ماتقدر تعيش بدون زوج للأسباب التالية: - لانها محتاجة إن تصير أم. - ومحتاجة أن تشبع رغباتها العاطفية والجسدية بطريقة تحفظ فيها شرفها. - المرة مخلوقة من الرجل.. وما يكمل كيانها إلا إذا عادت إليه. - في شي صراحة شخصي.. يعني أنا جفته.. المرة المب متزوجة (أقسى) من المتزوجة. - إضافة (للريال والمرة) وايد رياييل ونسوان اللي يحبون الشغل ويلهون فيه.. يظنون إن شغلهم ماخذ كل حياتهم .. وانهم مب في حاجة للزواج ولا عندهم وقت أصلاً .. بس يتفاجئون لما يطلعون على التقاعد .. حياتهم خالية من أي أحد.. كل اللي ماخذ وقتهم راح.. الجسم بدا يتعب.. والفراغ يبدأ يقتل الإنسان. سؤال عابر: جم نسبة زواج المطلقة في البحرين من وجهة نظرج؟ بس تعجبني طريقة تعليقك على ردود الاعضاء في المواضيع اللي انت تكتبهم .. لان احس انك فعلا كاتب موضوع و تبي تتناقش فيه وتبي توصل حق شي .. مو كل همّـك انك تكتب موضوع في قسم النقاش او زيادة مشاركات مثل بعض الاعضاء . والله هذي شهادة أعتز فيها.. والنقاش وياج حلو ويجبرني إن أرد. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.