بوعلي00 Posted أكتوبر 2, 2009 Author Report Share Posted أكتوبر 2, 2009 يمكن يكون شكري مكرر،، بس أجوف نفسي ماعندي غير الشكر والتقدير (بمعنى الكلمة) على اهتمامج وعلى جديتج في النقاش. اكتشفت ان ماعندي الشي اللي الناس تسميه حب او طريقتي غير عن طريقة الناس . لا أختي هو مو غير عن الناس.. هو مجرد ترتيب أو (لعب) في الأولويات. يعني .. أنا أجوف ان أهم شي ان أحصل زوجة تشتغل، وعقبها اشوف الأشياء الثانية (شكلها - أهلها - أخلاقها....) وعلى الجانب الآخر ممكن واحد يغير فقط في الترتيب ،، يعني يقول اهم شي احصل زوجة حلوة،، وعقبها بيطالع الأشياء الثانية. هذي (من وجهة نظري) حرية شخصية.. ممكن لأي واحد يختار ويرتب أولوياته بكيفه،، بس اذا نبي نتكلم عن (الصح) فأهم شي هو الدين والأخلاق.. بس مثل ما يقولون كل واحد ينام على الجنب اللي يريحه. الحب عندي أحسن شي سويتيه هو ان قلتي كلمة (عندي) ،، لأن اهني بدينا نتكلم في جوانب شخصية تخص أفرد معينين.. لأن (أكيد) الحب عندي غير وعندج غير وعند ابوي غير وعند رفيجي غير!! هي اختي طرق مختلفة،، تختلف في تفرعاتها ومحطات وصولها،، بس اهم شي ان نتفق على الاسس اللي حبنا بيمشي على ضوئها. أسهل شوي.. ممكن ان احب وحدة عشان فلوسها وبيزاتها وأملاكها.. وهذي حرية ولا احد يقدر يناقشني او حتى يحاسبني عليها .. بس شنو عقب هالحب؟ هل باغصب نفسي عليها؟ والا باحاول آخذ اللي ينأخذ منها واطلقها؟ والا انطرها لي تموت؟ والا والا والا...!! ومافي احلا من الاسس اللي دلانا عليها الرسول عليه الصلاة والسلام وهي : الدين والأخلاق. في هالحاله بادوس على قلبي و مو مستعده اضحي بحياتي في سبيل الحب الغبي ذي . كلامج هذي هو الصح وهو العدل. بس أختي بعد لازم ما ننسى ان هالشي صعب جداً جداً جداً،، ويقولون (ومن الحب ما قتل) ويقولون بعض العرب حبه يوردك الجنون). ويقول امرؤ القيس: أغرك مني أن حبك قاتلي وأنكِ مهما تأمري القلب يفعلُ ويقول بشار بن برد: إن العيون التي في طرفها حور قتلننا ثم لم يحيين قتلانا يا من هواه أعزه وأذلني*كيف السبيل على وصالك دلني وتركتني حيران صبا هائما*أرعى النجوم وأنت في عيش هني عاهدتني ألا تميل عن الهوى *وحلفت لي يا غصن الا تنثني هب النسيم ومال غصن مثله * أين الزمان وأين ما عاهدتني جاد الزمان وأنت ما واصلتني *يا باخلا بالوصل أنت قتلتني واصلتني حتى ملكت حشاشتي*ورجعت من بعد الوصال هجرتني لما ملكت قياد سرى في الهوى*وعلمت أني عاشق لك خنتني فلأقعدن على الطريق فأشتكي*في زي مظلوم وأنت ظلمتني ولأشكونك عند سلطان الهوى*ليعذبنك مثل ما عذبتني ولادعون عليك في جنح الدجى*فعساك تبلى مثل ما أبليتني وكلنا نعرف أختي قصص (واقعية) لتأثير الحب على الناس. أنا معاج ان علينا ان نتبع العقل .. بس ترى أحياناً الواحد مايقدر.!! يعني يمكن تقولين عني جذاب لو قلت لج اني اعرف واحد حب وحده حب ماله حدود (قبل 40 سنة تقريباً) بس اهلها زوجوها من واحد ثاني .. والريال الى اليوم عايش بدون زواج وعمره أكثر من 60 سنة!!! العقل يقول تزوج غيرها وتوكل على الله (وأعيد وأكرر أنا معاج في هالنقطة) بس بعد مو سهل الواحد يدوس على قلبه!! (يمكن أطلع شوي عن الموضوع) بس ما تشوفين اختي لما يصير خاطرج في اكله معينة (الباستا اللي تحبينها مثلاً.. مو أي باستا.. لا ،، لازم مع وايت سوس وجبن وزيتون وبدون دياي!!!) جقتي (الرغبة) اللي تييلج لما تبين تاكلين هالأكلة؟؟ شتسوي فيج؟؟ ساعات تطلعين من بيتكم وتروحين المطعم وتنطرين في السيد وتقولين له الأوردر اللي تبينه.. وأهم شي في الموضوع ان كل اللي سويتيه عسل على قلبج!!! الزبدة من الكلام،، الناس تتفاوت في عملية التحكم برغباتها وشهواتها. اخالفك الراي و هاي اللي اسميه الحب الغلط .. و خصوصا في حالة ان البنيه مستواها اعلى من مستواه . و ليش البنت اصلا عطته كلمه ؟ و ليش اختارته اهو بالذات ؟ لان قلبها اختاره و اختيار القلب بروحه عمره ما كان صح ... لان اصلا و طبيعيا ان العقل مخلوق للتفكير مب القلب . هذي أختي اللي قاعد أقوله،، البنت (في هالمثال) تشوف روحها أسعد انسانة لما تاكل قرص وروب مع هالريال،، وتحس الدنيا مو شايلتها من الفرحة،، عاشقة يمكن تشوفين كلامي مبالغ فيه شوي ،، بس حتى أقرب لج الصورة.. أبوج تحبينه؟؟ إي. حتى لو كان معيشكم عيشة متوسطة أو فقيرة؟؟ بعد إي. ليش؟؟ لأن اللي بينج وبين أبوج اسمه (حب). انه ما اجزم انّ لو نقّــيت الشخص و فصـّـصته و شخلته .. انـّي خلاص راح اعيش طول عمري سعيده معاه أوافقج في هالنقطة 100% وأحب أزيد شي إذا تسمحين لي وهو ان صح ما أجزم ان باعيش ويا زوجي طول العمر بس .. لازم اختياري يكون (على أساس) طول العمر. و لو كان الريال خايف من الله ف أكيد بيخاف من الله فيني و هاي بدايه جيده و اساس ممتاز لاختيار شريك الحياه ... هذي كلمة تلخص كل النقاش،، وتعتبر نصيحة من ذهب للي يبي يتزوج (من صجه). و حبيت اقول شي مهم .. حاول تتأكد و تاخذ فكره عن الامراض الوراثيه في عيلتهم .. و في شي مضحك صراحه بس مع مرور الوقت صرت اجوفه صح و اقوله حق خواني .. اهي عباره قالها لي ريال في الاربعينات .. كان داش في نقاش مع شخص مقبل على الزواج .. الا يقوله باقولك : اهم شي قبل لا تاخذها جيييك على امها . وفي شي ثاني اختي يغفلون عنه ناس وايد في هالنقطة وهو حديث الرسول عليه الصلاة والسلام: (تخيروا لِنُطَفِكُمْ فإن العرق دساس) يعني.. إذا بتجوف المرة جوف أهلها بعد.. فمثلاً تحصل بنت عجبتك،، بس ابوها مدمن خمر، وأخوها صايع، والأم حالتها حالة.. فمعناته في شي وراثي فالعايلة (طبعاً مو موضوعنا هني هل البنت أو الريال لهم ذنب أو لا لأن نتكلم عن الإختيار). النقاط اللي ذكرتيها عقب وايد حلوة ومهمة.. أتفق فيها معاج بالكامل وأنصح كل من يبي يتزوج ان يسأل نفسه اياها. و هاي اللي في بالي حاليا و كل واحد على نيّته و صلاة الاستخاره ما نتساهل فيها ولا ننساهه والله يزوّج كل شخص يبي يتزوج و يسهل عليه و يلاقي نصيبه آمين ان شاء الله،، ويزوجج ريال خلوق دين ويعطيج الذرية الصالحة منه أنتي وجميع بنات المنتدى. وسامحيني على الإطالة،، ولخبطة الأفكار لأن الموضوع كتبته مقطع واااايد. Quote Link to comment Share on other sites More sharing options...
عاشقة الاخوة 27 Posted أكتوبر 4, 2009 Report Share Posted أكتوبر 4, 2009 يعطيك العافية اخوي بو علي .. جدا تعجبني طريقتك في النقاش و في طرحك للمواضيع و الاهم من ذلك ، سعة صدرك و قراءتك للردود بتمعن و تحاول تفصص الرد كلمه كلمه بدون اهمال ماشالله عليك . للاسف ما ظل في شي نتناقش فيه بخصوص هالموضوع لان تقريبا آرائنه وحده و متفقين في اغلب النقاط . جدا اسعدني النقاش معاك في الموضوع .. بس اسلوبك مب غريب عليي .. اعتقد و اذا ما خاب ظني انك عضو قديم يديد في انتظار جديدك Quote Link to comment Share on other sites More sharing options...
ماروكو1111 Posted أكتوبر 4, 2009 Report Share Posted أكتوبر 4, 2009 (edited) [/color]- هل تتمنى أن تكون زوج والا حبيب؟؟ وهل تتمنين أن تكونين زوجة والا حبيبة؟؟ ولماذا؟؟ اتمنى طبعن اكون زوجه وحبيبه ((حتى تكون الرابطة قوية و هالشي مهم عندي اكثر من علاقة حب قبل الزواج)) 2- هل تتمنى إن تكون أول حبيب وبعدين زوج أو أول زوج وبعدين حبيب؟؟ وهل تتمنين أن تكونين أول حبيبة وبعدين زوجة أو أول زوجة وبعدين حبيبة؟؟ (مع ذكر الأسباب). اتمنى ان اكون اول زوجة بعدين حبيبة و ما فيها شي لو اهو قرر يرتبط فيني بعد اعجاب بس ان يكون علاقة حب بدون اي عقد هالشي ما اعترف فيه لاسباب قوية لان راح يفرط فييني بعد الزواج و يفكرني رخيصة لاني كلمته قبل رباط شرعي يبيني يعزني و يكرمني بدون اي اغلاط وهالشي افضل لاستقرار الزواج لان معتمد على اسباب منطقية و اعتبر علاقات حب قبل الزواج هالشي مو محلل فاشلون يبون يستقرون في الزواج اذا في تمادي كبير قبل الزواج و اللي اقصد بها كلام و غزل و طلعات قبل الزواج هالشي مو حب انما تقضية الفراغ العاطفي بأي وسيلة 3- لما حبيب يحب حبيبته حب صادق،، ليش مايملكون الجرأة إن يواجهون المجتمع بعلاقتهم الصادقة؟ هل النقص أو العيب فيهم والا في المجتمع؟؟ اذا اهو يحب حبيبته حب صادق خلي يخطبها بدل ما يحبها قبل زواج و يخلي الناس تشهر عنه و ما ترضى في هالعلاقة من اساس لان شي يخالف الشرع اولا بعدين العادات و التقاليد و الحب الصادق بفهومي هو مشاعر قلبية ما يتبادلها او يتعامل بها الا بعد ما تتوج بالزواج بالاحرى جوابي نعم هناك نقص و عيب ولو لا وجود هالنقص لما خالهم المجتمع يعني معقولة الناس غلط و اهمه الصح؟ و الحب هالايام كله غزل و مكالمات هاتفية طويلة و ملامسات وطلعات و هذا مو حب اذا انت تقصد الحب اللي بمفهوم النبي صلى عليه و آله و سلم اذا جذي اوكي و أي حب تكون مبادئه كلشي راح يصلح 4- ليش أغلب علاقات الحب الصادقة تنتهي بالطلاق؟؟ لانها من اساس وقعت فيها المحرمات و فترات طويلة بدون عقد اكيد بيوقع طلاق و شي آخر احتمال هالحب الصادق يكون مجرد مشاعر و ينقادون ورى مشاعرهم بدون اختيار الشخص الصح لو اختاروا الشخص الصح و يعني ان ينسجم معاها بالمواصفات و التعامل راح تحبه بعد مرور الوقت و راح يكون اشد و أبقى من الحب اللي قاعدين نشوفه هالايام بس اهمه قاعدين يقلدون الغرب و يلحقون وراء مشاعرهم و كأن ارزاقهم بطير وين ما يوقع طلاق كلشي بالصبر و التوكل على الله سبحانه وتعالى بصير و تكون نتيجته موفقة و شكرا راح اكمل الباقي بعدين بقية الاسئلة لان الوقت اخذني Edited أكتوبر 4, 2009 by ماروكو1111 Quote Link to comment Share on other sites More sharing options...
بوعلي00 Posted أكتوبر 4, 2009 Author Report Share Posted أكتوبر 4, 2009 ومنكم نستفيد أختي . وبالعكس أنا اللي سعدت بالحوار معاج أختي والنعم فيج والله . أنا لا يديد ولا قديم،، أنا كنت اطالع المنتدى من زمان (ايام ماكان الديزاين أزرق أعتقد يعني من قبل 5 سنوات) .. بس ما كنت أشارك.. وتوني بادي . أختي ماروكو في انتظارج. Quote Link to comment Share on other sites More sharing options...
ماروكو1111 Posted أكتوبر 5, 2009 Report Share Posted أكتوبر 5, 2009 (edited) التكملة و سوري على الانقطاع 5- ما السر في إن العلاقات الزوجية سابقاً أقوى بكثير من العلاقات الزوجية الحالية؟؟ مع العلم إن في السابق كان في قوانين مجحفة وظالمة في حق الريال والمرة أبرزها إن الريال والمرة ما يجوفون بعض الا بعد الزواج؟!!! ( أكثر سؤال حيرني)!!! اي لان قبل الفرص قليلة ان يكونون علاقات قبل الزواج لان بطبع العلاقة بين الرجل و المرة تبرد و يملون من بعض لان اهم ما قصروا قبل الزواج كانهم عايشين فترة خطوبة و هني الريال يتغير على طول يبي يبحث عن غيرها تلقائي او يميل لمغازلة اخريات و هالشي حاصل وايد .. اللي يخونها مع رفيجتها و اللي يتعصب على اقل شي لان مل منها و حس انها مشاعر وهمية لحظة فراغ عاطفي و صراحة هذي اهم نقطة ان لازم ما يحللون لانفسهم ان يكنون علاقات قبل زواج حتى لا تزداد حالات الطلاق و لو بيحبون النوعية اللي حاصلة بهالوقت خلي يعرفون انهم قاعدين يا يتسلون او مجرد تقضية وقت فراغ هالعلاقة مو مناسبة حق زواج مستقر لان فيها انفلات و دلع زايد و الزواج عكسه نهائياً ما يصلح للزواج كلش و ارد اعيد و ازيد ما فيها شي لو حبها من اول ما جافها مثل بالشغل بأي مكان خلي يخطبها افضل لان البنية تصير مثل الاداة اللعبة بهالحالة اذا رضت على نفسها خلي تكون فيه جدية بالموضوع حتى يزيد قدرها عنده 6- هل تؤيد المقولة اللي تقول اللي كون علاقة قبل الزواج مستعد إن يكون علاقة بعد الزواج؟؟ شي أكيييد مليون بالمية لان نفسيا كان مهيأ نفسه و مستانس للهشي لكن بعد ما تزوجها حس ان هالشي انتهى و يبي يجدد هالشي بطريقة ثانية لان في الزواج بيكون شي ثاني ما فيه هالاحساس اللي مر به اول مرة اول ما تعرف و انعجب وغيره وغيره لكن اللي يبدأ صح صعب يفكر ان يميل للانعجاب او الميل لعلاقة ثانية لان اخذها و بباله يكون حياة اسرية مو حق يملي فراغه العاطفي ولما الانسان يبي يتزوج صج ياخذ الشخص المناسب ان ينسجم معاه بمواصفاته و اخلاقه اكثر من شكله او ان عطاه شحنة عاطفية لأول مرة و ان هالشخص حق تبني معاه الحياة و مع مرور الوقت يتكون الاهتمام و الحب اما التفكير لمجرد شي عاطفي هالشي بيتبخر و راح يكون الطلااق اهو الامر الواقع امامهم 7- هل ترى إن أسئلتي لها معنى والا مالها معنى؟؟ مو بس لها معنى الا انها موجودة بواقع الحياة و ابراز سلبيات الحب و ابراز انها ما تتفق مع الاستقرار و الزواج و اللي يبي احدى الطريقين يختار اما نار اما جنة واللي يبي الزين يصبر و اشكرك اخوي "بوعلي" على هالمناقشة الراقية اللي كسر على جميع المواضيع ماشاءالله و خصوصا انها آتية باسلوب متقن و حكيم و يخاطب العقول و بذات الغافلة لان الموضوع يستدرج النوعيات اللي ما تآمن بحالات الطلاق و يبون الاستقرار بدون ضوابط و مشكوووووور اخوي على الموضوع Edited أكتوبر 5, 2009 by ماروكو1111 Quote Link to comment Share on other sites More sharing options...
بوعلي00 Posted أكتوبر 5, 2009 Author Report Share Posted أكتوبر 5, 2009 ماروكو1111 مشكورة أختي على مشاركتج وعلى رايج في الموضوع،، وترى مشاركتي فيه كانت محدودة (بس تعليق).. بس الفضل يعود لله ثم لبقية الأعضاء (وأخص بالذكر عاشقة الإخوة27) لأنهم من شاركوا فعلاً في الموضوع وفي طرح الافكار. معظم اجاباتج كانت منطقية (خاصة السؤال السادس)،، ولو علقت كلامي بيكون مكرر. مشكورة والله يعطيج العافية Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.