شموع الرحيل Posted سبتمبر 26, 2009 Report Share Posted سبتمبر 26, 2009 1 - هل تتمنى أن تكون زوج والا حبيب؟؟ وهل تتمنين أن تكونين زوجة والا حبيبة؟؟ ولماذا؟؟ اتمنى اكون زوجة و حبيبة .. لأن اكيد لما اكون زوجة بحلم اكون حبيبة و لما اكون حبيبة ابي اكيد اكون زوجة ..2- هل تتمنى إن تكون أول حبيب وبعدين زوج أو أول زوج وبعدين حبيب؟؟ وهل تتمنين أن تكونين أول حبيبة وبعدين زوجة أو أول زوجة وبعدين حبيبة؟؟ (مع ذكر الأسباب). اتمنى اكون حبيبة و بعدين زوجة لأن الاكيد ابي اتعرف عليه و لازم اكون متفقة وياه و اعرف عنه كل شي .. ابني احلامي و حياتي وياه .. 3- لما حبيب يحب حبيبته حب صادق،، ليش مايملكون الجرأة إن يواجهون المجتمع بعلاقتهم الصادقة؟ هل النقص أو العيب فيهم والا في المجتمع؟؟ العيب في المجتمع .. المجتمع غير متفهم لمثل هذهِ الامور .. (الحب حرام .. الشاب بقص عليج .. انتي بعدج ياهل .. ما عندنا بنات يحبون قبل الزواج ......الخ ) 4- ليش أغلب علاقات الحب الصادقة تنتهي بالطلاق؟؟ الزوجان خصوصاً ان كانا على علاقة في ما قبل الزواج .. يحتاجان الى فترة في الابتعاد عن بعضهم قليلاً .. سفر الزوج يومان لتغيير الجو و الاستمتاع كي يشتاقان الى بعضهما .. لا يجعلا حياتهما روتين فيملان .. و ان حدث عكس ذلك تفتر العلاقة الزوجية مما يؤدي الى المشاكل و الشجار و من ثم الطلاق .. 5- ما السر في إن العلاقات الزوجية سابقاً أقوى بكثير من العلاقات الزوجية الحالية؟؟ مع العلم إن في السابق كان في قوانين مجحفة وظالمة في حق الريال والمرة أبرزها إن الريال والمرة ما يجوفون بعض الا بعد الزواج؟!!! ( أكثر سؤال حيرني)!!! اكيد بتكون اقوى لطالما لهم عادات ملتزمين فيها .. الحين البنت تتشرط ماابي عيال الحين بعد سنة ولا سنتين .. قبل اهي ما تكمل سنه من زوجها الا وهي حامل اذا ما ولدت بعد .. قبل مهما كانت انشغالاتهم الا ان العادات و التقاليد تقيدهم .. و الزواج شيئ مقدس بالنسبة لهم .. اما الحين بروح السوق .. بروح بيت ابوي .. عند رفيجتي .. 6- هل تؤيد المقولة اللي تقول اللي كون علاقة قبل الزواج مستعد إن يكون علاقة بعد الزواج؟؟ لا طبعاً .. العلاقة فيما قبل الزواج اذا كانت صادقة و من قلب صادق مستحيل تكون له علاقة قبل الزواج .. 7- هل ترى إن أسئلتي لها معنى والا مالها معنى؟؟ لها معنى كبير و اعطني الفرصة في ابداء رأييي بصراحة .. تسلمين خيووو و يعطيج العافية Quote Link to comment Share on other sites More sharing options...
عاشقة الاخوة 27 Posted سبتمبر 27, 2009 Report Share Posted سبتمبر 27, 2009 سامحني خوي على التأخير في الرد .. مع اني كنت ناطره ردك و متابعه الموضوع . بس قبل كل شي .. ابي اقولك اني شخصيا لي مفهوم عن الحب يختلف تماما عن المفهوم المتعارف عليه .. يمكن اكون غلطانه و يمكن يكون مفهومي اهو الصح .. بس في النهايه انه مقتنعه فيه . أنا كنت أقصد أختي إن مثل ما أنتي عارفة حالات الطلاق هالأيام زايدة بشكل غير طبيعي،، ومعظمها أقل من 5 سنوات.. ومعظمها عن علاقة حب .. أوكي؟؟ بما إن بينهم علاقة قبل الزواج .. فالمفروض إن هم عارفين حق بعض ومتفقين .. بدليل إن قرار زواجهم كان عن تشاور بينهم .. وإن الإثنين جافوا إنهم (طايحين) على بعض.. وبناء عليه المفروض إن إحتمالية الطلاق بينهم تقل واااااايد.. بس اللي صاير عكس المنطق تماماً،، وهو إن إحتمالية طلاقهم زاايدة واااايد!! هل تحليلي منطقي؟؟ إذا إي أتمنى أسمع تفسيرج لهالشي.. وإذا لا فأتمنى أسمع تحليلج. اهو تحليلك منطقي في حالة اذا كانوا هالاثنين فعلا قرروا انهم يتزوجون (لانهم اكتشفوا انهم طايحين) على بعض من جميع النواحي << مو مجرد احساس و نزوه عابره . خل اقولك شي و اوضح كلامي : مرّت علي حالات حب واااايد عشت فيها مكان الحبيبين .. سواء من ربعي او احد من اهلي او حتى من القصص اللي اقراها و اجوفها .. و لاحظت وايد اشيه اهمها : اكثر حالات الحب تكون في عمر الــ 15 لي 22 سنه <<<< عمر الدراسه و ع الاغلب يكون الحبيب اكبر من حبيبته بــ سنه او سنتين او اقل بعد يعني الاثنين يهال . المهم .. اول شي نبي نعرف ساس المشكله من وين ؟ ساس المشكله اهو التلفزيون .. احنه يايبين الحب و قصص الحب من وين ؟؟ من هالتلفزيون و القصص .. بس المشكله ان الناس تجوف و تطبق بدون تفكير .. خل اعطيك شويه من قصص الحب المعروفه و خل نجوف مع بعض مدى تأثيرها على الناس : وحده غنيه تحب واحد فقير . وحده من طبقه او مذهب معين تحب واحد من مذهب او من طبقه تختلف عنها . وحده تحب واحد ما يشتغل . وحده تحب واحد مب دارس ولا له علاقه بالتعليم اصلا . احد الطرفين يعاني من مرض معين . و الامثله وااااايد .. جوف هالامثله انه ما يبتها من عندي .. كلها قصص جفناها و سمعنه فيها و بعضها تمثلت و انعرضت على التلفزيون تحت مسمى الحب المثالي أو التضحيه في الحب .. و بناتنه ماشالله يبون اشاره .. يحبون و بس .. تحت مسمى (الحب تضحيه) و ( الحب اعمى ) و هالامثله اللي ما توكّــل عيش . في جميع هالحالات و غيرها و اغلبها .. باقولك ان احد الطرفين او اثنينهم مب مؤهلين للحب .. و زواجهم يا راح يكون عذاب يا راح ينتهي بالطلاق . بناتنه احين تكلم لك واحد ع اساس انها تحبه و اهو يبادلها نفس الشعور و اهمه في عمر التعش طبعا .. اول شي في هالعمر يكون المخ مشوش .. و طبيعي في هالسن ان الشخص يميل للجنس الآخر .. بس المشكله ان الواحد ما تكون له مشاعر ثابته .. البنيه تبي اي احد يسمعها و يحس فيها و يشاركها همومها .. او انها تبي تقلد و تعيش رومنسيه جافتها في مسلسل معين .. او انها تعرف وحده اكبر منها و تجوفها عايشه قصة حب و تبي تقلدها و من هني تبتدي المشكله .. تروح تكلم لها اي واحد تعرفت عليه بأي طريقه <<<< في كل الحالات انتي توج ياهل مهما كبرتي راح تظلين ياهل و مشاعرج مب ثابته .. و تلاقيهم يتكلمون في سوالف فاضيه و مالها معنى ( لا تطلعين ، لا تلبسين ، لا تكلمين ولد خالج ، لبسي دفه و شيله << يزعم يغير عليها كككك ، درسي عدل عشان تنجحين و .....الخ ) سوالف فاضيه جدا جدا جدا .. اول شي الصبي اذا كان عاقل ما بينقي له وحده ياهل و بيحبها .. ما بيحب وحده في المدرسه الا اذا كان اهو بروحه ياهل .. انزين انت اصلا كمل دراستك و حدد مستقبلك عقب تعال حب و وزّع وعود بالزواج على بنات الناس . تلاقي عندها حجه و هي >> ( الحب ما يعرف صغير او كبير ) << !! عذر اقبح من ذنب .. خوش عذر .. .. بس ينقصهم معنى الحب <<< تره يمكن فعلا انه ما بقولك ان يقص عليها او اهي تبي تتسله .. لا لا .. يمكن فعلا اهم ( يحسون = يتوهمون ) ان هالشعور في داخلهم و يحاولون يزرعونه في قلوبهم و فعلا تلاقيهم يتزوجون و عقب ما يصير الصج يكتشفون انها كانت نزوه و النهايه معروفه . ف قولي احين .. شلون ابي اعرف اكتشفوا انهم طايحين على بعض ؟؟؟ اهمه جافوا انهم يعيشون نفس الظروف مثلا .. او انهم يحبون بعض و لهم نفس الاهتمامات ف قالوا خلااااص .. احنه متناسبين و لازم نتزوج <<<< احين هاي اسس كافيه عشان تقررون فيها قرار مصيري مثل ذي ؟ الحب مو اهم شي لازم يتواجد بين الزوجين .. في ناس يقولون لك اهم شي احصل لي واحد يحبني في هالزمن لان ماعاد فيه حب صادق !!! انزين و هل لانج لقيتي واحد يحبك ف هذا يعني ان هاي يناسبج ك زوج ؟ مو كل شخص نحبه ينفع ان نتزوجه . باختصار العلاقات قبل الزواج مو كل من مؤهل ان يكونها ..لان في هالحاله راح تكون حجي فاضي . كلام في الصميم ماشالله عليج (وياليت أملك جزء بسيط من أسلوبج المختصر والقوي) !! مثل ما قلت .. الناس لي فكرت تحب .. اول شي لازم تترك عنها كلام المسلسلات .. الحب عمي ، الحب تضحيه و الخ و لازم كل طرف يفكر في الطرف الثاني من جميع النواحي : من اهو من يكون ، اهلي بيرضون فيه او لاء ، اطباعه شلون صايره ، طريقة تعامله مع الناس ، علاقته بربه شنهي ، شغله ، دراسته ، طموحاته ، جم راتبه و شلون يصرفه ، قدرته على تحمل المسؤوليه ، مدى تفهمه للامور ، طريقته في النقاش ، كيفية تعامله مع اهله ، شكله ، اهله من يكونون ، وين بنعيش ، شلون نربي عيالنه ، يقسمون المسؤوليات تقسيم مبدئي ، و الصبي لازم يبين للبنت شيبي منها بالضبط مثلا ( مابيج تشتغلين ، مابيج تسوقين سياره ، ماتكملين دراستج ، طلعه مع ربعج مافي ، خدامه ما نبي ، تعرفين تطبخين او لاء ...) <<< هالاشيه الناس تتساهل فيها و الحبيبين ما يتكلمون فيها .. بس لي تم الارتباط يبتدي الزوج يفرض على البنت و البنت يمكن تنصدم و ما تعجبها هالطلبات و تقول وين ايام الحب كان مدلعني و يخليني على كيفي <<< انتي احين زوجته وعليج واجبات و مفروض تطيعين زوجج .. محد قالج ما تتناقشين معاه في هالامورمن قبل عشان تعرفين رايه في كل هالسوالف ... الحب عمى عينها و كانت كل سوالفهم حبيبي و حياتي و باطلع و كاني رجعت و نسوا كل هالاشيه .. اذا اي اثنين كوّنوا علاقه مع بعض و تكلموا و عرفوا كل هالاشيه عن بعض و حددوها من البدايه ف اعتقد ان نسبة طلاقهم المفروض تكون ضعيفه ... و تره هالاشيه ما يقدر الواحد يحددها بسهوله .. يعني اعتقد لازم يكون الطرفين في سن ناااااااضج . إنزين سؤال.. من اللي يحدد إن أنا مؤهل إن أكون علاقة قبل الزواج أو لا؟؟ واللي باحبها مؤهلة لهالعلاقة أو لا؟؟ لأن مثل ماتفضلتي،، إذا أحد الطرفين غير مؤهل.. فإن العلاقة بينهم (مهما كانت طويلة) فراح تكون حجي فاضي بمعنى الكلمة. فلازم في (معيار) نعرف من خلاله المؤهل والغير مؤهل؟؟!! اول شي انت اللي تحدد اذا انك مؤهل او لاء .. و بعدين تكمل تحديدك من خلال معرفتك للبنت . قبل كل شي لازم الواحد و الوحده يفكرون .. انهم مو اهم الاثنين بس اللي لهم يد في قصة الحب اللي قاعدين يعيشونها .. وايد حبايب ينسون الاهل و اهمه أهم شي في هالقصه كلها .. عشان يكون الزواج صحيح المفروض يتم برضه اهل الطرفين .. البنت والصبي يحبون بعض بس ما يعرفون شنو نظرة اهلهم خل اعطيك مثال عشان اوضح المعنى : بنيه تحب واحد بس الصبي مب مكمل دراسته و يشتغل شغله مؤقته ( البنيه راضيه تحت مسمى التضحيه في الحب ) و قالت للصبي مستعده اعيش معاك على خبز و بصل بس اهم شي نكون مع بعض <<<< !!!! شهالحجي ؟؟ المهم البنيه في هالحاله طبعا مب صاحيه و الحب كوّن غشاوه على عينها .. بس البنيه من عايله محترمه و اهلها مستحيل يوافقون على هالزواج مو تقليلا من شأن الصبي او شغلته .. بس هاي حق و كل عيله تتمنى تأمن مستقبل بناتها .. انزين في هالحاله البنيه وعدت الصبي بس قبل كل شي نست بيتهم و قبل لا تحب ما فكرت ان اختيارها لازم يتناسب مع رغبات اهلها .. يمكن هالاثنين يتزوجون بس نسبة طلاقهم كبيــــــرة لعدة اسباب .. اصلا شفايدة الحب في هالحاله ؟؟ الناس تتزوج عشان ترتاح مو عشان تزيد همها هم ... تره الحب بروحه ما يكفي .... شبينفعني الحب اذا ماعندي آكل و اصرف على عيالي ؟ يعني الشخص المؤهل للحب ع الاقل لازم يكون دارس و عنده شهاده تؤهله للعمل في اي مكان ، و يكون قادر يتحمل مسؤوليه بيت و زوجة .. اقل شي يشتغل شغله تسد احتياجاتهم .. و الاهم قبل هالعلاقه كلها .. يعرف هل اهو مرحب فيه من قبل اهل البنت او لاء .. و نفس الشي للبنت . انه الاحظ ان الناس تحب و بس و في اي عمر و خصوصا البنات .. البنيه وايد تستعيل على سوالف الحب .. تلاقيها تحب واحد في المدرسه و عقب لما تروح الجامعه او الشغل و تختلط بالناس تجوف ان مخها و تفكيرها يتغير و مفهومها للزوج اللي ترغب في الارتباط فيه بعد يتغير <<< هاي الوحده اللي مخها يشتغل عاد . اما البعض ف مخها و قلبها محصورين في الرومانسيات و امنيتها الوحيده انها تحصل على زوج رومنسي لاخر درجه بغض النظر عن مستقبلهم .. و فعلا تلاقيها ترتبط في هالشخص و النهايه طبعا الطلاق ... او اذا ما تطلقوا تلاقيهم متحسفين على هالزواج لان الحب و الرومنسيه مب كل شي . في النهايه خل اعطيك امثله على قصص الحب (واقعيه و جفتها جدامي) و احكم بروحك و قولي هاي وينهم وين الحب : - وحده حبت واحد من مذهب غير مذهبها و تحدت اهلها و تزوجته = تطلقوا (مو قصدي ان كل 2 من مذاهب مختلفه ما راح يتوافقون لان اعرف ناس عايشين سعيدين .. بس دام السالفه فيها احتماليه عدم التوافق ف مالها داعي من البدايه ) - نفس الحاله اللي فوق بس نهايتها ندم البنت .. بس البنيه صابره لان عندها عيال و راضيه بالامر الواقع عشان عيالها و راح تواصل <<< ( حبت في عمر صغير و تحدت اهلها .. شلج بالمشاكل ) - وحده تزوجت واحد مو مكمل تعليمه شغلته على قده = عندهم عيال لكن البنت ندمانه لان المستوى اللي كانت عايشه فيه في بيتهم ارفع من مستوى زوجها حاليا <<< ( اعتقد انها كانت متأثره بقصص الحب ) - نفس الحاله بس هني الاثنين تحسفوا بس ما تطلقوا لكن كل واحد فيهم عايش في وادي بالرغم انهم عايشين في مكان واحد <<< ( كل همها انها تعيش قصة حب ولا حتى فكرت شلون راح تعيش ) - ريال تزوج وحده ماتعرف عن شغل البيت اي شي .. لا طباخ لا تحمل مسؤوليه .. حتى كواي ما تعرف تكوي = تحسف و حاليا عايش حياته مثل العزوبي <<< ( هارد لك خل الحب ينفعك و هاي حبيبتك اللي كنت تقولها ما عليه انشالله بتتعلمين مع مرور الايام ) - وحده تزوجت واحد يزعم عن حب بس يزعم فكرت بعقلها و حبت واحد غني لكن ما عنده اي تحمل للمسؤوليه = حالتها حاله و اهي قايمه بكل شي و اهو بس شغل و اكل و نوم ( فكري بعقلج بس عاد مب هلون .. قلنه البيزات مهمه بس على الاقل جوفي حبيبج شلون عايش قبل لا تتزوجينه) - وحده تزوجت واحد ما يشتغل و قاعد يدور على شغل = تطلقوا لان المره ما قدرت تستحمل انها تروح الدوام و زوجها نايم و ماعنده اي احساس بالمسؤوليه <<< ( اقول هذا انتوا خذتوا بعض بعد عناء .. ها شلون الحب احين ؟ ) - عاد هاذلين تحفه .. حبوا بعض في المدرسه البنيه عمرها 16 و اهو كان 18 ... اشتغل اي شغله و البنيه تخرجت و يزعم شغلهم سريع و تزوجوا = يابوا بنيه محذوفه عند اهل البنيه .. الصبي لاهي مع ربعه طلعات و قهاوي و يكلم بنات .. و البنيه طلعات مع ربعها و تخون زوجها <<< ( كل واحد فيهم توه ابتده يفكر و راجع حساباته ) في النهايه اقول .. ان الشخص الغير متزوج عنده خاصيه مهمه جدا و هي خاصية حريه الاختيار .. يقدر ينقي الشخص اللي يبيه بحذر تام .. ليش الواحد يستعيل على رزقه و يحب في عمر صغير و يلزم روحه على هالحبيب و هو لحين ما اختلط في الناس .. كل واحد لازم يفكر مليوووون مره قبل لا يقرر يتزوج او حتى يرتبط (اذا كان مفكر يتزوج عن حب) .. هاي القرار الوحيد اللي ما يتصلح و اذا تصلح راح يكون مضر .. لان راح يتصلح بالطلاق !! و انه اجوف ان الاشخاص اللي يتزوجون صغار ع الاغب يكون زواجهم فاشل .. و خصوصا اللي عايشين حياتهم بحريه .. ماله داعي انهم يتزوجون من وقت .. شله مستعيلين يعني ؟؟ الزواج لاحقين عليه .. عيشوا حياتكم و المسؤوليات لاحقين عليها . الزواج مسؤوليه مو حب و طلعات و روحات و ييات و هدايا و كلام رومانسي .. الزواج مسؤوليه كبيــــــــره يشترك فيها طرفين و مو كل اثنين يقدرون عليها . مممممم والله مادري بالضبط يا خوك .. بس اعتقد عادي تعيش بدون زوج ليش لاء يعني ؟ اذا اهلها موجودين و خوانها ممكن يقومون فيها في اي وقت و شغلتها ممتازة ف اعتقد تقدر تستغني عنه ( اعتقد ان رايك يخالف رايي بس خل نسمع منك لاني اتشوش احيانا في هالسالفه بالذات) في رايي المتواضع .. المرة ماتقدر تعيش بدون زوج للأسباب التالية: - لانها محتاجة إن تصير أم. - ومحتاجة أن تشبع رغباتها العاطفية والجسدية بطريقة تحفظ فيها شرفها. - المرة مخلوقة من الرجل.. وما يكمل كيانها إلا إذا عادت إليه. - في شي صراحة شخصي.. يعني أنا جفته.. المرة المب متزوجة (أقسى) من المتزوجة. - إضافة (للريال والمرة) وايد رياييل ونسوان اللي يحبون الشغل ويلهون فيه.. يظنون إن شغلهم ماخذ كل حياتهم .. وانهم مب في حاجة للزواج ولا عندهم وقت أصلاً .. بس يتفاجئون لما يطلعون على التقاعد .. حياتهم خالية من أي أحد.. كل اللي ماخذ وقتهم راح.. الجسم بدا يتعب.. والفراغ يبدأ يقتل الإنسان. صحيح .. كل الاسباب اللي قلتها صحيحه . و كلمتي اللي دايما اقولها .. المره ما تقدر تعيش بدون ريال << طبعا هاي مبالغه في صيغة الجمله .. لان عادي الوحده تقدر تعيش بدون ريال و العكس .. لان اهو مب ماي ولا هوا ولا اكل .. بس اقصد ان الحياه راح تكون صعبه عليها بس لاحقين على الزواج .. انه ضد الزواج المبكر الا في بعض الحالات الاستثنائيه . سؤال عابر: جم نسبة زواج المطلقة في البحرين من وجهة نظرج؟ اعتقد انها نسبه قليله جدا . Quote Link to comment Share on other sites More sharing options...
أنا الحساس Posted سبتمبر 27, 2009 Report Share Posted سبتمبر 27, 2009 1- هل تتمنى أن تكون زوج والا حبيب؟؟ وهل تتمنين أن تكونين زوجة والا حبيبة؟؟ ولماذا؟؟ زوجة .. وحبيبة في نفس الوقت <بالحلال 2- هل تتمنى إن تكون أول حبيب وبعدين زوج أو أول زوج وبعدين حبيب؟؟ وهل تتمنين أن تكونين أول حبيبة وبعدين زوجة أو أول زوجة وبعدين حبيبة؟؟ (مع ذكر الأسباب). ثنيناتهم أحلى 3- لما حبيب يحب حبيبته حب صادق،، ليش مايملكون الجرأة إن يواجهون المجتمع بعلاقتهم الصادقة؟ هل النقص أو العيب فيهم والا في المجتمع؟؟ المجتمع بينظر ليهم نظرة غريبة 4- ليش أغلب علاقات الحب الصادقة تنتهي بالطلاق؟؟ لأن بتكون هناك علاقات قبل الزواج .. وأيضاً بعد الزواج وفي البداية.. بيعميهم الحب بعد الزواج تكون هناك مسؤولية مصاريف، عيال ،، .. 5- ما السر في إن العلاقات الزوجية سابقاً أقوى بكثير من العلاقات الزوجية الحالية؟؟ مع العلم إن في السابق كان في قوانين مجحفة وظالمة في حق الريال والمرة أبرزها إن الريال والمرة ما يجوفون بعض الا بعد الزواج؟!!! ( أكثر سؤال حيرني)!!! كل ما كانت القوانين تردع .. .. بيكون هناك التزام 6- هل تؤيد المقولة اللي تقول اللي كون علاقة قبل الزواج مستعد إن يكون علاقة بعد الزواج؟؟ على الشخص نفسه .. هل تاب أو لا 7- هل ترى إن أسئلتي لها معنى والا مالها معنى؟؟ عادي Quote Link to comment Share on other sites More sharing options...
بوعلي00 Posted سبتمبر 28, 2009 Author Report Share Posted سبتمبر 28, 2009 أول شي مسامحة يا جماعة على التأخير في الرد،، لأني توني وصل.. كنت مسافر وتوني رجعت البحرين. أختي عاشقة الاخوة.. أنا بروحي مفتر راسي من لوية السفر وردج فر راسي اكثر!! كل كلمة منج يبي لها صفحة تعليق مني!! وأظلمج لو رديت عليج في هالعجالة وأنا بهالحالة .. بس وعد مني - إذا الله أحيانا وياكم- إن أرد عليج في أسرع وقت ممكن. أتي شموع الرحيل.. تقبلي إعتذاري في التأخير ووعد إن أرد عليج إذا الله أحيانا وياج. أنا الحساس.. تقبلي اعتذاري وأيضاً راح يوصل لج الرد إذا الله أحيانا وياج. Quote Link to comment Share on other sites More sharing options...
6ar6an8yh Posted سبتمبر 30, 2009 Report Share Posted سبتمبر 30, 2009 كان ودي ارد ع المووضووع!! بس بكون متابعه للنقاش الي صاير عاشقه انه مندمجه اقرا ردج ضحكتيني يوم تقولين لا تطلعين لا تلبسين لا تكلمين ولد خالتج <<-- يزعم يغير عليها كككككككككككككككككك Quote Link to comment Share on other sites More sharing options...
بوعلي00 Posted سبتمبر 30, 2009 Author Report Share Posted سبتمبر 30, 2009 (edited) السلام عليكم ورحمة الله وبركاته.. سمحولي يا جماعة على التأخير.. بس الحين ماعندي ولاشي وأقدر أرد على راحتي. كلمة غرام مشكورة على الرد الحلو،، وإذا تسمحين لي عندي تعليق على السؤال الرابع: كلامج أختي صح وتلقائي،، لأن فعلاً إذا اثنين يحبون بعض ويحاربون الدنيا عشان يتزوجون .. وعقب ما يتزوجون يتطلقون هذي غباء بمعنى الكلمة!! بس أختي لو هالشي كان مع شخص أو عشرة أو مائة جان أوكي.. بس هالشي صار ظاهرة،،يعني علاقات وااايد تنتهي بالطلاق !!!! مع إن همه حابين بعض ويبون بعض. ما أتوقع إن لهم أغبياء.. والا شرايج؟ شموع الرحيل مشكورة على رابج أختي.. وإجاباتج كانت واضحة ماشالله عليج، وإذا تسمحين لي بهالتعليق (من بعد إذنج): علاقة الزوجين بعد الزواج ممكن ان يساعدونا اهلنا في تعديلها او تقييمها بناء على خبرتهم،، يعني اذا صارت بينهم مشكلة ممكن ان ام الزوج تقول له لا يا يمه انت الغلطان ماكان لازم تقول لها جذي!! والعكس صحيح. انزين.. العلاقة ما قبل الزواج.. من يقدر يعلمنا ان احنااللي نسويه صح او غلط ؟؟ لان العلاقة تكون بين شباب صغار.. وما يملكون اي خبرة او تجارب في الحياة!! او ان هالمرحلة ما تحتاج لشخص يقيمها ويساعدنا فيها؟؟ أنا الحساس مشكورة أختي على مشاركتج ورايج في الموضوع.. وأختي ردج كان غير في ان اثرتي نقطة مهمة.. وهو ان في السابق كان في قوانين (عرفية) تردع الزوج والزوجة.. يعني اذا الزوج تعدى على زوجته او الزوجة تعدت على الزوج كان للأهل كلمة قوية. بس للأسف الحين افتقدنا الى (الجدية) في العلاقات الزوجية.. يعني الواحد عباله الزواج لعبة وبيطلع ويا حبيبته وبيرقد معاها.. والبنت عبالها بالزواج بتحصل على واحد يحبها ويدلعها .. بس الطرفين مايحسون بالمسؤولية .. سواء تجاه نفسهم كأزواج أو تجاه أولادهم في المستقبل.. والنتيجة ان (يعتقدون) ان الطلاق هو أسرع وانسب حل!! Edited سبتمبر 30, 2009 by بوعلي00 Quote Link to comment Share on other sites More sharing options...
بوعلي00 Posted سبتمبر 30, 2009 Author Report Share Posted سبتمبر 30, 2009 (edited) عاشقة الاخوة27 اول شي اختي انتي لج اعتذار خاص (من بعد اذن بقية الاعضاء) !! وقبل لا ابدأ في التعليق،، الله يعلم اني شكثر مقدر الوقت اللي قزرتيه في كتابة هالرد .. من طوله وأسلوبه وأدلته وكل شي،، ومحتاجين اختي ان نفعِّل النقاش الهادف بيننا. نبدأ بسم الله.. بس قبل كل شي .. ابي اقولك اني شخصيا لي مفهوم عن الحب يختلف تماما عن المفهوم المتعارف عليه .. يمكن اكون غلطانه و يمكن يكون مفهومي اهو الصح .. بس في النهايه انه مقتنعه فيه . ممكن ناخذ فكره عن هالمبدأ؟ أو انج تعتبرينه من خصوصياتج؟ او انها تبي تقلد و تعيش رومنسيه جافتها في مسلسل معين .. او انها تعرف وحده اكبر منها و تجوفها عايشه قصة حب و تبي تقلدها و من هني تبتدي المشكله .. تروح تكلم لها اي واحد تعرفت عليه بأي طريقه هذي موجودة بكثرة و تلاقيهم يتكلمون في سوالف فاضيه و مالها معنى ( لا تطلعين ، لا تلبسين ، لا تكلمين ولد خالج ، لبسي دفه و شيله << يزعم يغير عليها كككك ، درسي عدل عشان تنجحين و .....الخ ) سوالف فاضيه جدا جدا جدا .. أعرف واحد يكلم رفيجته أكثر من 5 ساعات متواصلة في الليل!! ووالله العظيم مافي كلمة مفيدة .. يعني ما يسألها أنتي شتحبين وشتكرهين ويتناقش وياها عن مستقبلهم!! مثل ما قلتي .. وين رحتي ،، ووين ييتي.. وهي تقص عليه تقول له اليوم رحت بيت يدتي والا بنت خالتي مادري شسوت!! اول شي الصبي اذا كان عاقل ما بينقي له وحده ياهل و بيحبها .. ما بيحب وحده في المدرسه الا اذا كان اهو بروحه ياهل .. كلمة حلوة وصحيحة.. بس قاسية .. وما أتوقع يتقبلونها.. يعني ما يكلم الياهل الا الياهل!! تلاقي عندها حجه و هي >> ( الحب ما يعرف صغير او كبير ) << !! عذر اقبح من ذنب .. خوش عذر .. .. بس ينقصهم معنى الحب <<< تره يمكن فعلا انه ما بقولك ان يقص عليها او اهي تبي تتسله .. لا لا .. يمكن فعلا اهم ( يحسون = يتوهمون ) ان هالشعور في داخلهم و يحاولون يزرعونه في قلوبهم و فعلا تلاقيهم يتزوجون و عقب ما يصير الصج يكتشفون انها كانت نزوه و النهايه معروفه . فعلاً أختي .. همه يتوهمون .. ومثل اللي يجذب الجذبه ويصدقها!! اهمه جافوا انهم يعيشون نفس الظروف مثلا .. او انهم يحبون بعض و لهم نفس الاهتمامات ف قالوا خلااااص .. احنه متناسبين و لازم نتزوج انزين و هل لانج لقيتي واحد يحبك ف هذا يعني ان هاي يناسبج ك زوج ؟ بنيه تحب واحد بس الصبي مب مكمل دراسته و يشتغل شغله مؤقته ( البنيه راضيه تحت مسمى التضحيه في الحب ) و قالت للصبي مستعده اعيش معاك على خبز و بصل بس اهم شي نكون مع بعض عن نفسي،، ماعندي مشكله ويا هالكلام أبداً ،، بس على شرط.. إنهم يكونون قد كلمتهم!! يعني البنت لو خذت هالصبي وصبرت (بطيب نفسها) فهذي الحب والتضحية.. أما اذا ما صبرت وتسرعت ولقت روحها ماتقدر فهذي معناته انها ماكانت جادة واللي كانت تحمله مب (حب). في نقاط وايد ماشالله عليج ذكرتيهم بالتفصيل وأأيدج فيهم ،، وكلامج منطقي والأهم من ذي واقعي.. يعني يا جماعة خل نتكلم بأمور ممكن نطبقها في واقعنا .. ما يصيرواحد والا وحدة يتمنون أويحلمون في أمور ما نقدر نطبقها في الدنيا أبداً!! يعني .. (مستحيل) يا أخوي تحصل مرة حلوة وخلوقة وتحبها وتحبك وتخاف عليك وتخاف عليها وتهتم فيك وتهتم فيها!! و (مستحيل) يا أختي تحصلين ريال حلو ومأدب وديِّن وصاحي ويحبج وتحبينه ويسوي كل اللي تبينه!! وحتى لو كنت أو كنتي تجوفون روحكم ان فيكم كل هالمواصفات (مستحيل) تحصلون واحد أو وحدة مثلكم!!! لسبب بسيط جداً.. وهو ان الكمال لله وحده.. واحنا بشر.. مافينا كامل. شي ثاني أختي.. حاولت عرف النقاط اللي ردج كان يتناولها.. فلقيت: 1- ان احنا محتاجين نعرف شنو يعني (الحب)؟؟ هل لما أرتاح حق واحد يعني حبيته؟؟ الصبي لما يجوف بنت حلوة و يحس بإحساس حلو.. هل هو حب؟؟ والبنت لما تجوف صبي حلو .. هل هذي حب؟؟ وهل أي بنت مب حلوة (في نظري) ماتصلح لي زوجة؟؟ وهل أي صبي مب حلو (في نظر البنية) ما يصلح لها زوج؟؟ بإختصار .. لازم الواحد يعرف شنو الحب.. وشنو النزوة.. وشنو التسلية.. وشنو الحرام اللي ابليس يبينا نسويه!!! 2- محتاجين دروس في ان نعرف شنو واجباتي كزوج ؟؟ وشنو حقوقي؟؟ وشنو واجبات الزوجة؟؟ وشنو حقوقها؟؟ 3- والأهم من ذلين كلهم .. محتاجين نعرف شلون نختار شريك حياتنا؟؟ هل على كيفي؟؟ هل بالشكل؟؟ هل بالأخلاق؟؟ هل بإحساس الراحة؟؟ هل بالمال؟؟ 6ar6an8yh هلا فيج أختي،، وأتشرف بوحدة مثلج اتابع الموضوع.. وقريت لج مواضيع ماشالله عليج في القسم الأدبي وفي الديوانية.. وتعجبني فيج جرأتج. وبالعكس والله نتشرف بسماع رايج.. ونتشرف بمتابعتج إذا فضلتي. Edited سبتمبر 30, 2009 by بوعلي00 Quote Link to comment Share on other sites More sharing options...
عاشقة الاخوة 27 Posted سبتمبر 30, 2009 Report Share Posted سبتمبر 30, 2009 عاشقة الاخوة27 اول شي اختي انتي لج اعتذار خاص (من بعد اذن بقية الاعضاء) !! وقبل لا ابدأ في التعليق،، الله يعلم اني شكثر مقدر الوقت اللي قزرتيه في كتابة هالرد .. من طوله وأسلوبه وأدلته وكل شي،، ومحتاجين اختي ان نفعِّل النقاش الهادف بيننا. معذور يا خوي شدعوة خذ راحتك ما ورانه شي و هذا احنه نتناقش في الوقت اللي يناسبنه اهم شي كل واحد يوصل فكرته حق الثاني . بس اي والله صدقت .. هالرد بالذات خذ مني وااااايد وقت اعتقد اكثر من ساعتين و كنت حزتها مربوشه ف كنت مب مركزه عدل و اضطر اني كل شوي امحي بس الحمدلله اهم شي وصلت لك نقطة النقاش اللي ابي اوصلها . ممكن ناخذ فكره عن هالمبدأ؟ أو انج تعتبرينه من خصوصياتج؟ تكلمت عنه في ردي .. اكتشفت ان ماعندي الشي اللي الناس تسميه حب او طريقتي غير عن طريقة الناس . الحب عندي اهو مصلحتي و سعادتي وين .. يعني عقلي اهو اللي يختار الشخص بناءا على الاسس اللي ذكرتها و غيرها .. و بعدين قلبي يتدخل . و شي ثاني ان ماعندي ان احب شخص و عقب اجوف شسالفته عشان تبتدي التضحيات و الخرابيط .. لان الناس شلون مفهومهم للحب ؟ يقولك مو على كيفي احب لان الحب يدخل القلب بدون استئذان<<< هالحجي ما يمشي عندي . انه مؤمنه ان مو كل شخص حبيته ينفع يكون زوج و شريك حياه <<< يعني لو انحطيت في موقف ان قلبي جابرني على حب شخص معين و متعلق فيه .. لكن عقب ما وزنت هالشخص بعقلي و اكتشفت ان ما يصلح لي بس احبه <<< في هالحاله بادوس على قلبي و مو مستعده اضحي بحياتي في سبيل الحب الغبي ذي . كلمة حلوة وصحيحة.. بس قاسية .. وما أتوقع يتقبلونها.. يعني ما يكلم الياهل الا الياهل!! في كل ردودي صج ان اتكلم بصيغة الجمع بس هذا لا يعني ان اقصد كل الناس و امشي الكلام عليهم . بس عموما واحد عمره مثلا 25 سنه بيكلم وحده عمرها 17 سنه ليش يعني ؟؟؟ تره مهما كان مخ هالبنيه كبير و على قولة البعض مخها اكبر من عمرها .. لكن راح يطل تفكيرها مب مكتمل و راح تكون ماشيه في تغيرات فكريه طبيعية كلنه مرينه فيها . بنيه تحب واحد بس الصبي مب مكمل دراسته و يشتغل شغله مؤقته ( البنيه راضيه تحت مسمى التضحيه في الحب ) و قالت للصبي مستعده اعيش معاك على خبز و بصل بس اهم شي نكون مع بعض عن نفسي،، ماعندي مشكله ويا هالكلام أبداً ،، بس على شرط.. إنهم يكونون قد كلمتهم!! يعني البنت لو خذت هالصبي وصبرت (بطيب نفسها) فهذي الحب والتضحية.. أما اذا ما صبرت وتسرعت ولقت روحها ماتقدر فهذي معناته انها ماكانت جادة واللي كانت تحمله مب (حب). اخالفك الراي و هاي اللي اسميه الحب الغلط .. و خصوصا في حالة ان البنيه مستواها اعلى من مستواه . و ليش البنت اصلا عطته كلمه ؟ و ليش اختارته اهو بالذات ؟ لان قلبها اختاره و اختيار القلب بروحه عمره ما كان صح ... لان اصلا و طبيعيا ان العقل مخلوق للتفكير مب القلب . الريال مب مؤهل ان يكون زوج و يفتح بيت .. راح تكون حياتهم صعبه .. صج ان الفقر والغنى بيد الله و (خذوهم فقراء يغنيهم الله) .... بس هذا لا يعني ان اروح انقي الريال الفقير واقول الله بيغنيه .. يمكن تجوف تفكيري مادي .. بس بالعكس انه افكر بالواقع و افكر في حياتي و حياة عيالي ..ليش اعيش محرومه و احرم عيالي و انه كنت في يوم من الايام اقدر اختار شخص غير هالشخص ( طبعا ما بندخل في سالفة النصيب و القضاء والقدر ) في نقاط وايد ماشالله عليج ذكرتيهم بالتفصيل وأأيدج فيهم ،، وكلامج منطقي والأهم من ذي واقعي.. يعني يا جماعة خل نتكلم بأمور ممكن نطبقها في واقعنا .. ما يصيرواحد والا وحدة يتمنون أويحلمون في أمور ما نقدر نطبقها في الدنيا أبداً!! يعني .. (مستحيل) يا أخوي تحصل مرة حلوة وخلوقة وتحبها وتحبك وتخاف عليك وتخاف عليها وتهتم فيك وتهتم فيها!! و (مستحيل) يا أختي تحصلين ريال حلو ومأدب وديِّن وصاحي ويحبج وتحبينه ويسوي كل اللي تبينه!! وحتى لو كنت أو كنتي تجوفون روحكم ان فيكم كل هالمواصفات (مستحيل) تحصلون واحد أو وحدة مثلكم!!! لسبب بسيط جداً.. وهو ان الكمال لله وحده.. واحنا بشر.. مافينا كامل. اوكي صح ان الكمال لله .. بس هذا لا يعني ان اضحي بأشيه اساسيه .. و اقول ان مستحيل احصل لي واحد كامل . من رايي ان لو اي شخص حب او كان يبي يتزوج ف لازم يسوي لسته و يكتب فيها : اشياء ممكن اتنازل عنها اشياء مستحيل اتنازل عنها و يبتدي يحط النقاط . 1- ان احنا محتاجين نعرف شنو يعني (الحب)؟؟ هل لما أرتاح حق واحد يعني حبيته؟؟ الصبي لما يجوف بنت حلوة و يحس بإحساس حلو.. هل هو حب؟؟ والبنت لما تجوف صبي حلو .. هل هذي حب؟؟ وهل أي بنت مب حلوة (في نظري) ماتصلح لي زوجة؟؟ وهل أي صبي مب حلو (في نظر البنية) ما يصلح لها زوج؟؟ يمكن البعض يجوفه حب بس ليش تخلي قلبك يمشيك في حالة لو كان هالشخص في بعض السلبيات .. ف خلاص لازم تغض نظرك عنه وتتركه . 3- والأهم من ذلين كلهم .. محتاجين نعرف شلون نختار شريك حياتنا؟؟ هل على كيفي؟؟ هل بالشكل؟؟ هل بالأخلاق؟؟ هل بإحساس الراحة؟؟ هل بالمال؟؟ لي عوده للتعليق على هالنقطه بس داومي خلص . Quote Link to comment Share on other sites More sharing options...
بوعلي00 Posted سبتمبر 30, 2009 Author Report Share Posted سبتمبر 30, 2009 لي عوده للتعليق على هالنقطه بس داومي خلص . كلامج يجبرني ان أرد عليه.. بس أنتظر تخلصين كلامج وتاخذين راحتج وباقوول. Quote Link to comment Share on other sites More sharing options...
عاشقة الاخوة 27 Posted أكتوبر 1, 2009 Report Share Posted أكتوبر 1, 2009 3- والأهم من ذلين كلهم .. محتاجين نعرف شلون نختار شريك حياتنا؟؟ هل على كيفي؟؟ هل بالشكل؟؟ هل بالأخلاق؟؟ هل بإحساس الراحة؟؟ هل بالمال؟؟ لي عوده للتعليق على هالنقطه بس داومي خلص . من السرعه نسيت اكتب ان شاء الله و خفت ان ما رجع .. قعدت اوسوس هل قلتها في قلبي على الاقل وانه اكتب الرد او لاء عدنا بإذن الله و الحمدلله . والله يا خوي الزواج على قولة الوالده مثل البطيخه .. انت و حظك .. تجوفها من برع تطقها طقتين و تاخذها .. بس ترجع البيت تفتحها يا تطلع لك حمره و حلوه يا تطلع لك بيضه و مالها طعم .. الزواج جذي .. يعني انه ما اجزم انّ لو نقّــيت الشخص و فصـّـصته و شخلته .. انـّي خلاص راح اعيش طول عمري سعيده معاه .. لان لو باقعد احط الاحتمالات ف باقولك سبحان اللي يغير و ما يتغير .. الانسان ينقلب في يوم و ليله .. يمكن اخذ لي واحد كفو و شبه كامل لكن ينقلب و يتغير مع الايام .. و يمكن اخذ لي واحد غني و يفتقر على حظــّي . و يمكن ويمكن و يمكن .... بس الواحد مو لازم يمشي على هالاساس لان ما بيقدر يعيش اذا جذي يفكر .. حط لك اسس و اختار عليها و اطلب من الله ان يسعدك و انت و نيّــتك و نصيبك . انه اجوف اهم شي لازم يتواجد في شريك حياتي ان يكون على قدر لا بأس فيه من الدين ( و كلامي في هالنقطه يشمل اختيار البنت للزوج وللصبي للزوجه) .. يكون خايف ربه و مو أي خوف .. يعني مو بس ينط لي نطتين <<< يزعم يصلي >> لان ممكن يكون يصلي جدامي بس >> عشان ارضه فيه كزوج ،، و في رمضان يمتنع عن الاكل فقط على اساس ان صايم .. يمكن البعض يجوف هالشي تناقض مني ( لان التزامي في الدين مب لي ذاك الزود ) ف خبرك حجي الناس .. بيقولون انتي التزمي مثل الناس اول و بعدين دوري لج واحد ديّــن .. بس عموما و طبيعيا ان مدى قوة تأثير الريال على زوجته اكبر و اقوه من تأثيرها اهي عليه .. و لو كان الريال خايف من الله ف أكيد بيخاف من الله فيني و هاي بدايه جيده و اساس ممتاز لاختيار شريك الحياه ... البعض يمكن يتساهلون ممكن تاخذ لك واحد ما يصلي و تقولك لك الله بيهديه و انه بانصحه بس لازم اخذه لان ما يتفوّت <<<< اوكي ممكن آخذ واحد ما يصلي بس بشرط ان اعرف هالريال ليش تارك صلاته بالضبط ؟ في اي بيئه كان عايش وشلون تفكيره .. في اشخاص يمكن ما يصلي بس تلاقي احسن منه مافيه و محتاج لشويه دز و تذكير و يصير امام مسيد ، يعني اهو ما يصلي ( تكاسلا ) .. و في البعض الاخر ما يصلي و مو مستعد ان يصلي اصلا .. بس اسمه مسلم و بيتهم مسلمين .. هالشخص مو مستعده ارتبط فيه حتى و لو كانت تتوافر فيه مواصفات زينه ( هالشخص راح يكون تارك للصلاه .. جحودا فيها ) اما المواصفات الثانيه ف من رايي : اهم نقطه خلصنا منها . و حبيت اقول شي مهم .. حاول تتأكد و تاخذ فكره عن الامراض الوراثيه في عيلتهم .. و في شي مضحك صراحه بس مع مرور الوقت صرت اجوفه صح و اقوله حق خواني .. اهي عباره قالها لي ريال في الاربعينات .. كان داش في نقاش مع شخص مقبل على الزواج .. الا يقوله باقولك : اهم شي قبل لا تاخذها جيييك على امها ههههههههههه <<< لفتت نظري الجمله و فكرت فيها و جفت ان ممكن احيانا تجوف زوجتك في امها ( مب دايما تصيب ) بس يمكن تقدر تحدد فكره بسيطه . اما بالنسبه للشكل .. انه ما اقولك الجمال مب مهم .. تره الشكل مهم و هذا لا يعني انها يا تكون ملكة جمال يا مابيها .. انه صج ان يهمني الشكل بس مقياسي غير .. يعني ممكن في شخص يكون مب حلو باتفاق اغلب الناس بس عادي يعجبني و بالراحه .. ويمكن العكس .. شخص الكل يقول عنه حلو بس انه مادري ليش اجوفه مب حلو .. عموما انه ما يهمني ان الشخص يكون جميل و وسيم اهم شي ان مو قبيح و شكله مقبول و خصوصا اذا كان كامل بس مب وسيم ف ممكن اتغاضه عن هالشي و عموما مسألة الجمال مسأله نسبيه و تختلف من شخص لي شخص . ثاني نقطه .. اترك عنك القلب و الشاعر و مهما كانت البنيه حلوه ف هالشي مب كافي انك تتزوجها .. قبل كل شي الواحد يسأل نفسه : هل هالمره تصلح ام لعيالي ؟ طريقتها في التربيه شلون راح تكون ؟؟ هل اقدر أأمنها على عرضي و شرفي و اسمي ؟ هل بتصوني هل بتربي عيالي مثل ما انه ابي ؟ هل مستعده تصبر معاي و تشاركني كل خطواتي ؟ هل تقدر تشيل مسؤوليه في غيابي ؟ و غير الامور اللي تهم البعض .. مثل شغلها .. في ناس يبون مره تشتغل و ناس لاء .. و في ناس يبون المره تقوم بشغل البيت كله و في ناس عندهم ان الخدامه ممكن تحل محلها .. <<< هالامور الواحد يقيسها على ما اهو يبي .. بس اذا كان من نوعية ان يبي المره ما تشتغل بس قبل لا يخطبها كانت تشتغل و وعدته انها راح تترك .. ف هالشي لازم ما يتساهل فيه لان المره صعب عليها انها تترك شغلها بسهوله و تجابل بيت و عيال .. يعني باختصار في امور لازم يتفقون عليها مبدئيا و عليها يحددون كل شي .. و اذا كانت البنيه عنيده ف هذي مشكله ثانيه و مصيبه بعد . اما تحب و تسولف سوالف فاضيه و تضحي بأشيه مهمه في سبيل الحب << ف راح ترتبط فيها و راح تكتشف ان كل صفه سيئه كنت تجوفها قبل الحب في حجم النمله .. راح تجوفها كبر الحفره بعد مرور سنوات على زواجكم .. و في النهايه حياتكم معروفه نهايتها <<<< و هذا ما جنيتوه من الحب و التضحيه . و هاي اللي في بالي حاليا و كل واحد على نيّته و صلاة الاستخاره ما نتساهل فيها ولا ننساهه والله يزوّج كل شخص يبي يتزوج و يسهل عليه و يلاقي نصيبه Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.