كلمة غرام Posted نوفمبر 7, 2009 Report Share Posted نوفمبر 7, 2009 1- للبنات: كيف تتعاملين مع هذا الموضوع بصراحة؟؟ تتعطرين ولا عليج من احد؟؟ ما تتعطرين؟؟ شرحي لنا شوي انتي شتسوين وشاللي انتي مؤمنة فيه؟! * احب احط عطر بس غآلب الآحيآن انسى بس احط بإعتدآل و لآ اقصد فيه إغراء و لآ لفت انتبآهـ و لآ احد Quote Link to comment Share on other sites More sharing options...
بحرينيه احلى من العسل Posted نوفمبر 8, 2009 Report Share Posted نوفمبر 8, 2009 السلام عليكمــ,,,, 1- للبنات: كيف تتعاملين مع هذا الموضوع بصراحة؟؟ تتعطرين ولا عليج من احد؟؟ ما تتعطرين؟؟ شرحي لنا شوي انتي شتسوين وشاللي انتي مؤمنة فيه؟ بالنسبه للشرع حرام وحرام وحرام وتعتبر البنيه بمجرد مايشم ريحتها الريال جنها تزني معاه والزنا من اكبر الكبائر ان شاء الله الله يهدينا ويثبتنا على دينا,,,, بالنسبه لسؤالك اخوووي انه عشقي شي اسمه عطوورات العطورات ماتطول عندي ابد شنطتي والله شاهد علي وقسم بالله 6 عطورات فيهاا واذا باطلع مكان من كل العطورات احطلي وغير اللواشن اللي ريحتهم تطلع وغير البخور واذا باروح الشغل اثنين منهم يكفون الصبح والعصر امكس في العطورات هذي طبع فيني انه احب اتعطر ماحب اطلع بدون عطر مب قصدي شي بس احب الناس اذا مرت علي بغض النظر عن لفت الانتباااه اتشم ريحتي حلوة مب تقول وع ريحتها خايسه او شي احب الناس تمدحني وعلى ماعتقد محد يرضى احد يذمه والعطر احسه مكمل لاناقه البنيه انه عن نفسي اي صبي يحط له عطر وريحه عطره طالعه والله انعجب فيه وقلبي يميل له بسرعه لانه امووت واشم ريحه واااحد فيه عطر وفي سالفه العطورات ساعات اقول ياريت انه صبي جان خذيت لي عطورات صبيان لانه عطورات الصبيان احلى من البنات وهذي انه رايي الشخصي Quote Link to comment Share on other sites More sharing options...
ورود الليل Posted نوفمبر 8, 2009 Report Share Posted نوفمبر 8, 2009 1- للبنات: كيف تتعاملين مع هذا الموضوع بصراحة؟؟ تتعطرين ولا عليج من احد؟؟ ما تتعطرين؟؟ شرحي لنا شوي انتي شتسوين وشاللي انتي مؤمنة فيه؟! انا احب اتعطر واحاول قد ماقدر انه تكون الريحه مش قويه واايد ولازم احاسب روحي قبل ما طالع ويسلموووو Quote Link to comment Share on other sites More sharing options...
بوعلي00 Posted نوفمبر 9, 2009 Author Report Share Posted نوفمبر 9, 2009 السلام عليكم ورحمة الله وبركاته.. أول شي مشكورين كلكم على المتابعة والمرور وابداء آرائكم (بصراحة) ماكنت متوقعها. ثاني شي.. مسامحة لان ردي متأخر بس الله يعلم بالظروف. ثالث شي.. بما أن (تقريباً) آرائكم متشابهة.. فأفضل أرد على الكل في رد واحد: 1- الحمدلله ان كل اللي ردوا (متفقين) ان تعطر المرة (حرام) وما يبي له كلام.. بغض النظر عن المبررات والأسباب.. بس متفقين انه (حرام). 2- لما نقول شي حرام.. ما أتوقع ان من (المنطق) ان في حرام خفيف وحرام وسط وحرام ثقيل!! (طولوا بالكم علي شوي)!! لأن من الضروري ان نوضح على قولتهم (معالم الطريج) الصح.. وأكيد كل واحد يمشي على الدرب اللي يريحه. بغض النظر خواتي تتعطرون عطر خفيف أو ثقيل.. بس هل (الحلال) و (الحرام) في هالمسألة يتعين بالخفيف والثقيل وكلما زاد عطر المرة زادت الحرمة؟! ما أتوقع.. انزين شنو الأساس اللي من خلاله نعرف ان احنا صح او غلط؟! هل في ريال غريب بيشم العطر؟! اذا لا .. تعطري وتسبحي بالعطر. اذا اي.. وقعتي في المحظور. 3- في بعض الأخوات برروا تعطرهم (واللي الريال الغريب بيشمه) بعدة أمور: - أنا احب اتعطر حق روحي ولا نيتي ان اخلي صبيان يشموني: كلنا عايشين في مجتمع واحد ومع بعض.. فما يصير تقولين مو قصدي !! لأن سواء كان قصدج والا موقصدج .. الصبي في الحالتين بيشم عطرج!! مثل اللي يدخن جدام ناس.. هل يصير واحد يقول انا بدخن بروحي وباضر روحي ولا علي من أحد؟؟!! ريحته توصل.. بيقول مو قصدي.. هل هذا تبرير؟! - انا اولردي ماحب أتعطر وايد: كلنا نعرف حديث الرسول اللي استشهدت فيه جميلة الاحساس: (انما الأعمال بالنيات.. وانما لكل امرء ما نوى) اذا انتي ماتتعطرين لأن العطر اللي عندج مو عاجبج أو مالج نفس تتعطرين هالوقت .. في ذي الحالة مالج أجر!! لأنج ما تعطرتي مو لأن حرام وهالشي مايجوز.. (لأن أنتي ماتبين) .. بمعنى آخر.. مو امتثالاً لأوامر الله. 4- كلنا نحب ان يقولون عنا خلوقين وطيبين وريحتنا خنينة وأحسن ناس.. بس لما هالطيبة تيي على حساب شي ثاني .. تصير شي غير موغوب فيه.. ولما العطر ايي على حساب شي ثاني.. بعد يصير امر غير مرغوب فيه.. فمايصير نحتج ان احنا نظيفين وحلوين ولازم نحط عطر!! أووكي محد قال شي.. بس لا تصير على حساب ناس ثانيين!! 5- يصير وحدة تقول عاد انا مالي كار في هالكلام كله.. أنا ماحب أطلع خايسه.. وأحب الناس يمدحون عطري.. واحب لي مشيت الممر كله يضي بريحة خنتي) نقول لها احنا نحب هالصراحة.. وكامل حقج ولا أحد يقدر يكلمج.. بس على شرط.. تذكري ان اللي انتي تسوينه هو (الغلط).. وعمره ماكان ولا بيكون صح.. وتذكري انج داخله مع الصنف اللي قاله الرسول عليه الصلاة والسلام : (( أيما امرأة استعطرت ، فمرت على قوم ليجدوا ريحها فهي زانية).. فمايصير تيي وحدة تقول انا نيتي غير ونيتي انه شسمه وشيسمونه ومادري شنو!!! 6- الهدف من طرح الموضوع ليس ان (نمنع) تعطر البنات أو ننادي بهالشي.. لا.. الهدف ان نعرف الصح والغلط.. بس.. لا أكثر .. ولا أقل. في النهاية أقول .. الله يهدينا ويثبتنا ان شاء الله على الصراط المستقيم.. ويغفر لنا.. ويسامحنا. وشاكر لكم تفاعلكم.. وفي انتظار اي تعليق.. بوعلي00 Quote Link to comment Share on other sites More sharing options...
6ar6an8yh Posted نوفمبر 9, 2009 Report Share Posted نوفمبر 9, 2009 اممممممممم انه بتحجى اكثر لانه ردي كان مختصر وجهه نظري ورايي الشخصي واتوقع ان وايد بيعارضونها.. احنا في مجتمع غير زمنا تغير <- جنه موضوعي الي كتبته قبل كككككك؟؟ لاء لاء قصدي شنهو الناس تغيرت فنحس ان الزمن تغير غير عن قبل يمكن هاي قبل جذي يعني مثلاً تتوقعون في احد يلاحظ العطر هالايام وايد!! يعني وحده تتمشى في مجمع وعطرها واصل لي اخر الدنيا احد شم عطرها بيسوي شي!! طبعا مو الكل احيانا ناس تهمهم ريحه العطر بس معظم الصبيان بما ان انه بنية بتحجى عن لصبيان .. يعني في احد بيلاحظني وبيخلي كل هالاوادم الي في المجمع!! في اشيا ثانية تلفت نظرهم غيري البنات اشكال وانواع هناك الحين الناس تغيرت فالزمن تغير فصار العطر مو بهالظرورة الي ملفت للنظر عشان جذي انه شخصياً احسه امر عاادي بس يبقى حرااام شي متفق عليه ان حرام وابوي من النوع الملتزم في الامور الدينية ساعات يحاجيني ليش كل هالعطر رايحه عرس او يحاجيني ع مكياجي او وايد اشيا يعني بس بتحجى عن العطر بس فانا اتجنب ابوي يعني لين بطلع معاه ما احط عطر<- شمعناتها احترم ابوي وانسى الدين تتتتتتترى وقسم بالله ادري ان حرام والله ادري بس احس انه وغيري نعتبره شي عادي يمكن من بين 1000 بنية وحده بس الي تهتم لهلامر انه ابرر ان الحين محد يهتم في هالشي ولو مثلا طالعه مع خواتي كل وحده عطرها غير لايكون لصبي بيعرف اي واحد عطري او اي واحد عطر اختي يعني انه ابرر لرووحي وصراحه كلش مو معطيه الامر اهمية وهذاااااااااااا حرام الله يسامحني شاسوي بعد وايد امور انه متساهله فيها لانه الكل احسه متسااهل فيها الله يسامحنييييييييييييي مو قصدي Quote Link to comment Share on other sites More sharing options...
بوعلي00 Posted نوفمبر 9, 2009 Author Report Share Posted نوفمبر 9, 2009 بس يبقى حرااام شي متفق عليه ان حرام الله يرحم والديج على هالكلمه.. المشكلة طرطنقيه ان احنا جدام حكم واضح!! يعني مهما كانت تبريراتنه .. بعد ما تحلل لنا هالشي. محد ينكر.. وايد أغلاط في حياتنا.. وللأسف بعضها صار عادي.. بس حلو ان الواحد يراجع تصرفاته ويعيد نظرته في الامور اللي قاعد يسويها.. على الاقل .. نذكر روحنا بأغلاطنا.. عل وعسى يصحى ضميرنا مرة ونصلح غلطه من أغلاطنا!! مشكورة على صراحتج.. وعلى موضوعيتج. Quote Link to comment Share on other sites More sharing options...
عاشقة الاخوة 27 Posted نوفمبر 10, 2009 Report Share Posted نوفمبر 10, 2009 (edited) اممممممممم انه بتحجى اكثر لانه ردي كان مختصر وجهه نظري ورايي الشخصي واتوقع ان وايد بيعارضونها.. احنا في مجتمع غير زمنا تغير <- جنه موضوعي الي كتبته قبل كككككك؟؟ لاء لاء قصدي شنهو الناس تغيرت فنحس ان الزمن تغير غير عن قبل يمكن هاي قبل جذي يعني مثلاً تتوقعون في احد يلاحظ العطر هالايام وايد!! يعني وحده تتمشى في مجمع وعطرها واصل لي اخر الدنيا احد شم عطرها بيسوي شي!! طبعا مو الكل احيانا ناس تهمهم ريحه العطر بس معظم الصبيان بما ان انه بنية بتحجى عن لصبيان .. يعني في احد بيلاحظني وبيخلي كل هالاوادم الي في المجمع!! في اشيا ثانية تلفت نظرهم غيري البنات اشكال وانواع هناك الحين الناس تغيرت فالزمن تغير فصار العطر مو بهالظرورة الي ملفت للنظر عشان جذي انه شخصياً احسه امر عاادي بس يبقى حرااام شي متفق عليه ان حرام اهم شي عجبني انچ مو من اللي يحللون حق روحهم و يقنعون روحهم بالقوه ان هالشي حلال بس لانهم يسوونه . بس طرووق سوري بادخل خشمي في السالفه شوي .. بس الكلام مو بس لچ . لان في ناس تفكّر مثلچ .. بس لازم يوضح لهم شي بخصوص الجمله اللي قلتيها و خلنه نسأل بوعلي بما ان صبي و عارف . طبعا انه وايد وايد اقعد مع خواني اكثر مما اقعد مع اختي و عموما وايد احب اناقش الشباب اكثر من نقاشي مع البنات .. لان بنقاشي معاهم راح اعرف اشيه يديده بحكم انهم جنس غير عن جنسي و تفكيرهم غير عن تفكيري .. ف هالشي يوسّع مداركي و تفكيري . المهم .... الدنيا تغيرت صح .. بس هالشي ما يعني ان الامور الحرام راح تصير حلال لان الزمن تغير .. الدين كله على بعضه صالح لكل زمان و مكان ونازل من الله و اهو يعلم الغيب و يدري بكل هالتطور اللي بنعيشه ف يعني ما حلل و حرم اي شي الا و اهو عارف بمدى صلاحيته لنه <<<< المهم مابي ازيد عليچ و كفايه ابوچ الله يخليه لچ انزين الدنيا تطوّرت و البناتيه زادوا بكثره .. انزين شرايچ اطلع جدام هالبناتي ( اللي انه كوني كبنيه ما بأثر فيه لان اهو ينجذب للصبيان اكثر ) اطلع جدامه بثياب فاضحه ؟؟ انزين انه ادري ان ما بأثر فيه ولا شعره لان اهو حاسب روحه بنيه = حالي من حاله .... انزين هل الله بيقول هاي بناتي ف هالبنيه مب محاسبه اذا طلعت جدامه بدون حجاب مثلا ؟؟ بس هالشي كنت ابي اوضحه لان وايد سمعت ناس يقولون نفس كلامچ .. بس تره في النهايه لحين و في فئه كبيره من الشباب يهتمون للعطور و الروايح .. و لا بو علي انت شرايك ؟ اذا انه بنيه و يمر جدامي صبي حاط ( كريد ) او ( شانيل سبورت ) يخف عقلي ف ما بالج بالصبيان اللي معروف عنهم غريزيين و شهوانيين و بعدين تره وايد وايد اسمع من الصبيان >> ريحتها حلوه .. عطرها مب حلو .. و اليوم حاطه عطر غير عن عطرها الي دايما تحطه و ....... الخ ،، يعني لحين في ناس وايد وايد تهتم بهالسوالف و لو الله عارف انهم بينقرضون و بتصير الروايح من اخر اهتماماتهم چان ما نزل هالحديث على لسان النبي عليه الصلاة والسلام . و اكرر لچ .. انه عارفه شلون انتي تفكيرين .. بس حبيت اوضح هالشي لان الجمله اللي قلتيها وايد مهمه و تنقال على لسان وايد بنات . Edited نوفمبر 10, 2009 by عاشقة الاخوة 27 Quote Link to comment Share on other sites More sharing options...
بوعلي00 Posted نوفمبر 10, 2009 Author Report Share Posted نوفمبر 10, 2009 بس هالشي كنت ابي اوضحه لان وايد سمعت ناس يقولون نفس كلامچ .. بس تره في النهايه لحين و في فئه كبيره من الشباب يهتمون للعطور و الروايح .. و لا بو علي انت شرايك ؟ اذا تبين الصراحة.. العطر واااااايد يؤثر على الصبي في انه يعرف طبيعة المرة اللي جدامه.. وخاصة للي يبي يعرف هل يقدر يرقمها والا يضبطها. وبصراااحة في عطوورات نسائية تدووووخ الصبي.. يعني تعيشه في جو صج صج!! وفي بعد (الخمة) اللي يتكلمون بمنطق هالبنية مارشت الا تبينا نطالعها. وكلنا نعرف ان الريحة سبب في ان الزوجين ينفرون من بعض .. وسبب في انهم ينجذبون لبعض. Quote Link to comment Share on other sites More sharing options...
ذآبحهم غروري Posted نوفمبر 10, 2009 Report Share Posted نوفمبر 10, 2009 الموضوع عجبني حدهـ ووآآجد يصير ف هالآيآم اني وحدة من الي ما يهتمون للعطر في كل الوقات وساعات اكون مزاجية ورايقة وابي اتعطر واطلع والحين في زمنا كل من يبي عطر ماركات عشان ريحته قويه تلفت الي يشمهآ فألتعطر في الموضوع انه حرآم لآنه قد يسبب فتن للرجل ووقوع المرآة في مأزق هي في غنى عنه في ناس تتعمد انها تتعطر عشان الناس تشمه وتعجب ف نوعية العطر ولا عشآن يوقفونهمم ويسألونهم من وين العطر وذوقكم حلو يفكرون لين الناس سالوهم من وين بيكون فخر ليهم لان عجب الي سآل Quote Link to comment Share on other sites More sharing options...
MaNaM!a Posted نوفمبر 10, 2009 Report Share Posted نوفمبر 10, 2009 موضوع جدا جميل بوعلي .. من ناحيتي اتعطر بس بشكل معتدل يعني مااخلي ريحه العطر توصل لبعد مييل ! وماتعمد اخلي الصبيان يشمون ريحه العطر مني .. اصلا مااحب هالشي لانه احس الصبيان ياخذون فكرة مو اوكي على البنت الي تمشي وريحه عطرها واصله لوين تحـياتي MaNaM!a Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.