بوعلي00 Posted نوفمبر 5, 2009 Report Share Posted نوفمبر 5, 2009 (edited) السلام عليكم ورحمة الله وبركاته.. اخواني وخواتي الأعضاء.. تعطر المرأة.. التعطر نوع من أنواع النظافة اللي ترتاح لها النفوس،، وكلنا نفرح لما نسمع جملة (اللللااااي .. ريحتك حلوة).. أو حتى مو علشان الناس.. يعني احنا نستانس لما نشم في روحنا ريحة خنينة.. والمعروف ان الله جميل يحب الجمال.. والدين يحثنا (أصلاً) على التطيب والنظافة.. قضية تعطر المرأة.. هل تعطر المرأة حرام؟ هل حلال؟ أو ان الموضوع من اساسه ما يحتاج نقاش من وجهة نظر اللي يقولون حلال واللي يقولون حرام؟! الله سبحانه وتعالى يقولوما آتاكم الرسول فخذوه ومانهاكم عنه فانتهوا) فأظن ان احسن حل ان نخلي لنا اساس يكونون الطرفين متفقين عليه حتى نعرف نمشي في الموضوع. يقول الرسول عليه الصلاة والسلام: ( أيما امرأة استعطرت ، فمرت على قوم ليجدوا ريحها فهي زانية ، وكل عين زانية) . مثل ما ذكرنا.. تعطر المرأة في الأساس مافيه شي.. ولكن أمامنا نص شرعي يقول لنا (تعطر المرأة حلال الا في هذه الحالات). وهذه الحالات: 1- يحرم على المرأة التعطر اذا خرجت من البيت وتفوح منها رائحة العطر. 2- يحرم على المرأة التعطر اذا كان قصدها اسثارت الرجال وجذب الأنظار لها. 3- يحرم على المرأة حضور صلاة الجماعة في المسجد وهي متطيبة (وهذه الحالة من حديث آخر). عدا ذلك.. يمكن للمرأة التعطر.. مع محارمها .. مع نسوانها.. مع زوجها.. أهلها. يعني اهم شي ان مايشم العطر ريال.. وماعدا ذلك مافيه شي. والإسلام ما ينهى المرأة انها تتطيب او تتزين ، ولكن ينظر إلى مفاسد الأمور .. يعني إذا المرأة بتتطيب ويترتب على هالشي فتنة ، فتمنع من التطيب، لأن درء المفسدة مقدم على جلب المصلحة. وفي حالة التعطر.. الضرر يكون يا على المرة نفسها في انها تخلي الرياييل يطالعونها أو يتنقرشون فيها.. او على غيرها من الرياييل في انهم بيطالعونها ويخزون فيها. السؤال: 1- للبنات: كيف تتعاملين مع هذا الموضوع بصراحة؟؟ تتعطرين ولا عليج من احد؟؟ ما تتعطرين؟؟ شرحي لنا شوي انتي شتسوين وشاللي انتي مؤمنة فيه؟! 2- للصبيان: شلون تتعامل مع خواتك ومحارمك.. تشوف ان الموضوع عادي؟؟ او ان ما ترضى؟؟ اشرح لنا شتسوي؟! وشاللي أنت مؤمن فيه؟! بس تذكير مهم: أتمنى ان ماناخذ الموضوع من وجهة نظر دينية أو شرعية ونقول (حرام) أو (حلال).. نبي نعرف طريقة تعامل أي شخص مع هذا الأمر (بالطريقة اللي هو يالس يسويها). وفي انتظار مشاركاتكم. Edited نوفمبر 5, 2009 by بوعلي00 Quote Link to comment Share on other sites More sharing options...
دفا إحساس Posted نوفمبر 5, 2009 Report Share Posted نوفمبر 5, 2009 (edited) و عليكم السلام و رحمة الله و بركاته,, - للبنات: كيف تتعاملين مع هذا الموضوع بصراحة؟؟ تتعطرين ولا عليج من احد؟؟ ما تتعطرين؟؟ شرحي لنا شوي انتي شتسوين وشاللي انتي مؤمنة فيه؟! بإعتدال، يعني ما راح اقول و اسوي روحي ما اتعطر لا ! اتعطر بس مو وايد اصلا يعني ما ينشم خفيف، و انا يهمني في الاساس اخوي روحي لانه بعد ما يجوز الوحدة تطلع و تتعطر بطريقة ريحتها واصلة لي نهاية الشارع. انا أؤمن انه هالكلام صحيح و لازم كل البنات يطبقوونه بس انا ما اطبقه عدل يعني اتعطر شوي و خصوصا دهن العود ما استغني عنه ، يعني اصلا احس بعد مو حلوة نظرة الناس حق البنية و عطرها يفووح منها، يعني حلات الوحدة تتعطر وسط معازيم نسوان و اذا تبي تتعطر داخل دفتها. قواك الله أخووي على الموضووع الي بالفعل حلو عسى الله يستر على جميع بنات المسلمين Edited نوفمبر 5, 2009 by دفا إحساس Quote Link to comment Share on other sites More sharing options...
6ar6an8yh Posted نوفمبر 5, 2009 Report Share Posted نوفمبر 5, 2009 يعطيك العافيه بو علي ع الموضوع اممممممممممممممممممممممم من ناحيه حلال او حرام ترى اهوه اي حرام وترى احنا لين بنيي للحلال والحرام وايد اشيا حرام بس احنا نعتبرها اموور عاديه ونسويها وابوي ما يرضى لين يشم عطري من بعد الف ميل <= فلين باطلع معاه يوم في السنه يعني احط شوي يزعم احاسب بس انه اي احط عطر بس اكيد اجوف روحي ان احط باعتدال بس مدري الناس شتجوف! Quote Link to comment Share on other sites More sharing options...
جميلة الاحساس Posted نوفمبر 6, 2009 Report Share Posted نوفمبر 6, 2009 قال الرسول عليه الصلاة والسلام" انما الاعمال بالنيات وانما لكل امرى مانوى " Quote Link to comment Share on other sites More sharing options...
المناضله Posted نوفمبر 6, 2009 Report Share Posted نوفمبر 6, 2009 عن نفسي بكون صريحه انه على حسب المزاج الصراحه اوقات وايد احط فيها عطر يكون قوي مو لاني قصدي الفت انتباه اللي يشوفوني لا بس لاني متعوده على جذي ماعرف احط شوي او خفيف ... بكل صراحه يسلموووووووووووو Quote Link to comment Share on other sites More sharing options...
حليمة2 Posted نوفمبر 6, 2009 Report Share Posted نوفمبر 6, 2009 1- للبنات: كيف تتعاملين مع هذا الموضوع بصراحة؟؟ تتعطرين ولا عليج من احد؟؟ ما تتعطرين؟؟ شرحي لنا شوي انتي شتسوين وشاللي انتي مؤمنة فيه؟! طبعا بكون صريحه وياكم انا بالعكس احب اتعطر مافي بنيه مافي بنيه ما تحب تتعطر,,بس في بنات وايد وايد اوفر يعني تقولين رايحين عرس,,بقولكم سالفة انزين استوتلي من قبل كنت اتمشى ويا بنات عمي واختي المهم ونحنا نمشى ونسولف ياني واحد من ورا يقولي((لو سمحتي اختي؟؟))انا جيO_o ((هلا امر)) ((قالي عطرج ريحة اتجنن من وين شاريته؟؟))انا استحيت والله شو ها ف نص الطريج موقفني عشان يسئلني هالسؤال انزين المهم قتله((والله مادري شسمه ناسينه السموحه))ومشيت عنه يعني صدق فشله معئنه ماكنت متعطره وايد والله وبس يعني والبنات ماقصرو باجوبتهم Quote Link to comment Share on other sites More sharing options...
مس في آي بي Posted نوفمبر 6, 2009 Report Share Posted نوفمبر 6, 2009 - للبنات: كيف تتعاملين مع هذا الموضوع بصراحة؟؟ تتعطرين ولا عليج من احد؟؟ ما تتعطرين؟؟ شرحي لنا شوي انتي شتسوين وشاللي انتي مؤمنة فيه؟! - آذآ كنت رآيحة مكآن مو خلط و و كلهم نسوآن ف عآدي احط وآجد ! - آذآ كنت رآيحة مكآن خلط احاول قد ماقدر احآسب انه ريحتي ماتنشم من بعد مييل ّ Quote Link to comment Share on other sites More sharing options...
قلب الدنيا Posted نوفمبر 6, 2009 Report Share Posted نوفمبر 6, 2009 عندما تُحتكر .. " المرأة " .. بــ سياج في .. " غابات " .. الدنيا .. مع .. " دنى " .. الخُلقيات التي لم تخرج عن " القشرة الارضية " .. تخطو خطواتها .. " مُداسة " .. على حيوانيات متطفلة على .. " الامة البشرية " .. في حدوديات .. " الاخلاق " .. و نطاقات .. " الاحترام " .. بعيدة كُل البُعد عن مفسدة .. " الفكريات " .. في "مشاعر الفتن " .. هي أنا .. ! .. حيثُ " اترشش " بــ كل الأطياب و الأعواد .. في تجمعات " نسائية " من غير تطفلات " رجالية ".. و .. " رشتين " .. عابرتين .. لذهاب لــ " مكان عام " .. بحيثُ يستنشق فوائحه من يود .. " السلام النسائي " .. و لا يُفاح على بُعد أميال و أميال .. ! فــ وجود .. " المرأة " .. في أوساط نسائية كاملة .. أم .. رجالية .. أم مختلطة .. لا تُعاق فيها مسألة " التطيب " .. طالما هو حق .. " ملك " للجميع .. و خصيصاً و ان .. " الزمت بأخلاقيات " الاسلامية .. بعدم " الرشرشة " .. بجنون .. حتى .. " اختناق " .. الأوساط المحيطة بها .. و تتطاير الى .. " انوف " .. الرجال .. ! و يبقى قلمك .. "قلماً " شامخاً بــ " هيبة " تفاصيله .. Quote Link to comment Share on other sites More sharing options...
TwEnTy SeVeN Posted نوفمبر 7, 2009 Report Share Posted نوفمبر 7, 2009 والله انه بما ان واااايد علي آثام ف وايد امشي عى مبدأ ان اخفف في الاشيه اللي اقدر عليها و مازيد على روحي يعني اذا باروح عزيمة نسوان او عرس او بيت احد من الاهل مع نسوان او باطلع مكان عام مع مجموعة نسوان و العطر ماراح ينعرف من اي وحده طالع ف اوكي اتعطر (و بعد انه مو من نوعية اللي اتسبح في العطر) << لان اصلا في هالحاله يمكن راح أأذي الناس اللي يشموني .. يمكن هالعطر عندي انه حلو بس هذا لا يعني ان الناس راح تشمه حلو .. يعني يمكن السالفه تنقلب عليي و يشموني خايسه بدل من يشموني خنينه ف اتعطر باعتدال رشتين بس . اما اذا باروح الشغل او باطلع بروحي ف ماتعطر بالمره .. يكفي الديودرنت و البدي سبراي .. و احيانا قلييييله احط رشه في يدي و امشها على خدي عشان اذا لاقيت بنيه تسلم علي ولا شي ... يعني بصراحه انه مب خايسه لهالدرجه يعني .. لدرجة ان اذا ما تعطرت راح يشمون فيني ريحه خايسه . Quote Link to comment Share on other sites More sharing options...
شخباري Posted نوفمبر 7, 2009 Report Share Posted نوفمبر 7, 2009 1- للبنات: كيف تتعاملين مع هذا الموضوع بصراحة؟؟ تتعطرين ولا عليج من احد؟؟ ما تتعطرين؟؟ شرحي لنا شوي انتي شتسوين وشاللي انتي مؤمنة فيه؟! اكيد بااحط عطر وماا علي من احد لان هذا شي عاادي بس موو اذاا اطلع احط عطر الي اخلي بالعمده الشبااب يشموون العطر بس احط عطر اذاا اطلع بس موو بهبل الي ما يشم اخليه يشم ويسلمووو ع الموضوع Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.