بدرةالبحرين Posted مارس 12, 2005 Author Report Share Posted مارس 12, 2005 مشكورين على ردودكم وانشاء الله الجزء بنزله عقب مارجع من النادي يزعم رياضية Quote Link to comment Share on other sites More sharing options...
ذيبة محرق Posted مارس 12, 2005 Report Share Posted مارس 12, 2005 مشكورة اختي ننطر الجزء بس لاتنسينا Quote Link to comment Share on other sites More sharing options...
بدرةالبحرين Posted مارس 12, 2005 Author Report Share Posted مارس 12, 2005 هلا فيج حبيبتي ذيبة محرق .. حبيبتي انا مانساكم .. بس تدرين شوي انشغل بالجامعه و اشيه .. بس والله احاول اني ماتأخر عليكم وعشانكم بكتب الجزء الحين وبنزله حبيبتي عاشقة اصاله حاولت اني ارد عليج في الخاص بس مادري ليش مايصير .. ماطلبتي الغاليه و من عيوني Quote Link to comment Share on other sites More sharing options...
مــ قـلوب ــافية Posted مارس 12, 2005 Report Share Posted مارس 12, 2005 تسلم عيونج والله Quote Link to comment Share on other sites More sharing options...
سارونه الحلوه Posted مارس 12, 2005 Report Share Posted مارس 12, 2005 القصه وااااايد حلوه بس انا مافيني صبر واااايد....... بليز بدرة البحرين حطي البقيه بسرعه. Quote Link to comment Share on other sites More sharing options...
بدرةالبحرين Posted مارس 12, 2005 Author Report Share Posted مارس 12, 2005 (edited) الجزء الثامن ساره وقفت جدام الفرن تشوف الكيكه .. شافتها مستويه .. طلعتها بهدووء .. واهني حطو اغنية راشد الماجد ( لمني ) اهي تموووت في الاغنيه .. قعدت تغني و تهز شوي على خفيف .. التفت حست روحها بتطلع تمنت لو الارض تنشق وتبلعها ومن الصدمه طاح البايركس من يدها .. شيسوي محمد اهني ؟؟؟ محمد كان واقف منصدم من ساره الخجوله .. اول مره يشوفها بهالمنظر كانت رافعه شعرها فوق .. ولابسه برموده جينز وقميص قطني خفيف ولابسه قفازات الفرن .. وخدها متوهج من حرارة الفرن .. كان منظرها طفولي كانت خايفه مثل الطفل اللي مسوي شئ وخايف .. توهقت محمد بسرعه فر ويهه ومشى عنها .. خذ سويتش سيارته وطلع من البيت .. " يا ربي جان زين ماشفتها ! ليش انحط وياها في هالمواقف وانا شلي داش المطبخ .. افف الحين اكيد بتتحاشاني اكثر .. بس شنو كانت حلوه .. وترقص بعد ! افف شافكر فيه انا خلها تولي " ورد عقد حياته ساره كانت في المطبخ ويهها احمر من الفشيله ومطنقره نفس الوقت .. المفروض اهو يستأذن ! انا شاخربط ارقص في مطبخهم وابيه يستأذن ؟ هذي أخر مره بيشوف محمد ويهي فيها ! اخيييييي كلش موقف كريه .. خلني اروح البيت قبل ماتيي نورة وتعرف السالفه ومابتسكت عقبها ! لبست ساره دفتها وراحت البيت بدون ماتخبر نورة .. في بيتهم منيره : فطوم والله عورتي راسي .. حبيبتي انتي سمعي الكلام ولا تراددين بو بدر : من وين متعلمه تحنين هالكثر ؟ فاطمه بأعتراض : يمه مايصير ماقول رايي بدر واهو ياكل تشبس : اليهال مالهم راي فاطمه افترت عليه وفيها قهر بس ماتقدر تقول له شئ منيره بحزم : فاطمه مو سالفة ان لج راي.. انا امج وهذي ابوج وراينا يمش على كل راي .. فاهمه ؟ فاطمه وعينها تبرق من الدموع : بس خلاص .. ان شاء الله عمري ماطلعت مابي اطلع .. ربعي كلهم يطلعون الا انا وركضت غرفتها فوق هالوقت دشت ساره وشافت فاطمه تركض .. سلمت وقعدت ساره بأستغراب : شفيها فاطمه ؟ منيره بملل : شفيها يعني سالفة كل مره تبي تطلع ويا ربعها تروح المجمعات ساره عورها قلبها على اختها .. تحس فيها لان اهي بعد مرت بنفس الظروف .. بس ساره بطبيعتها هادئه ما ترادد .. بدر : انا الاربعاء بطلعكم شرايكم ؟ بو بدر : زين تسوي يبه .. ودهم عشان نفتك من حنة اختك ساره : انا باروح غرفتي بصلي منيره : روحي يمه .. بس نزلي عقب شوي حق العشى ونزلي فاطمه وياج ساره :ان شاء الله يمه .. ركبت ساره فوق ومرت عند غرفة فاطمه سمعتها تصيح .. ماهانت عليها طقت على الباب بخفه وبطلته .. ساره بصوت خافت : فاطمه .. فطوم حبيبتي فاطمه خشت ويها في الموسده وقعدت تصيح .. ساره : بس لاتصيحين .. والله مايسوى عليج فاطمه رفعت راسه والدموع تغطي ويهها : ليش يسوون فيني هلون ؟ ليش ما عندهم ثقه فيني ؟ ساره قعدت على طرف السرير : مو سالفة انهم ماعندهم ثقه فيج .. اهمه يخافون عليج فاطمه هدت شوي : من شنو يخافون علي ساره فكرت شوي تدري الكلام ويا فاطمه ضايع .. دومها عنيده وتسوي اللي براسها .. ساره : زين سمعي انا عندي فكره ! فاطمه بحماس : شنوو ؟ ساره : انا بكلم امي عشان يوم الاربعا نروح كلنا المول .. انا وانتي ونورة .. وانتي هناك روحي حق ربعج شوي فاطمه بفرح : صج ؟؟؟ ساره : اي صج .. بس اذا امي رضت فاطمه واهي تبوس ساره : ان شاء الله بترضى مشكووووره ساره ابتسمت : زين قومي الحين غسلي ويهج وصلي العشا .. ونزلي عشان بنتعشى .. و تأسفي من امي وابوي ترا وايد صارختي فاطمه واهي حاسه بالندم : اي صح ! ان شاء الله طلعت ساره من الحجره وفاطمه قاعده تشوفها واهي مبتسمه .. " شكثر ساره طيبه .. حنونه عاقل والكل يحبها ولا مره زعلت او غلطت على احد .. مؤمنه ملتزمه .. وغير جذي اخلاقها عسل ! اهي مثل البلسم اللي ينحط على الجرح .. صج وايد نتهاوش بس انا احبها .. اصلا مافي خوات ما يتهاوشون ! ساره دشت الحمام عشان تاخذ شاور وتفتك من ريحة الطبخ .. وعقب ماطلعت قعدت تسحي شعرها على التريحه .. وفي هالوقت رن تلفونها شافت نورة متصله .. ابتسمت تدري نورة مطنقره ساره واهي ميوده الضحكه : الو نورة بصوت عالي : لج ويه بعد تشيلينه ؟ ساره : شفيج عسى ماشر نورة واعصابها توب : شلوون تمشين بدون ماتخبريني هااا ؟ ساره توهقت : لا لا انا كنت باقولج لين وصلت البيت بس نسيت نورة : اي علي انا هالحجي .. المهم ماعلينا .. شنو عشاكم ؟ ساره بصدمه : شدراني ؟ نورة بملل : افف ساروو يوعاانه ساره : تعالي تعشي عندنا ؟ نورة : من في بيتكم ؟ ساره : كلهم نورة : لا يبه .. الحين بنزل باشوف شنو مسوين عشا والله اذا طالبين من بره باسوي قيامه في البيت ساره : هههههههههه الله يعينج .. زين يالله باخليج باروح اصلي نورة : اوكككي تشاااو ساره : باي محمد كان رايح ياخذ عشا حق بيتهم .. اهو مارد من العصر عشان جذي اتصلو فيه عشان اييب لهم عشا في الدرب .. نورة لما درت بغت تصييح نورة : يمه والله حراااااااااااااااام بطني كله fast food مو كفايه الجامعه شيخه واهي تعدل اظافرها : شتبيني اسوي ؟ نورة : يمه ليش ماتطبخين نفس خالتي شيخه بصدمه : روحي قالو لج متفرغه ماعندي وقت حبيبتي .. تدرين انا الحق على شنو ولا شنو ؟ واكل الطباخ مو عاجبكم انا شاسوي ؟ نورة ندمت انها فتحت ويا امها سالفه تدري انها مابتسكت هند كانت قاعده تسمعهم وكسرت خاطرها نورة .. هند : شنو تبين تاكلين ؟ نورة : اي شئ بس ابي اكل بيييييت هند : زين قومي وياي بنسوي انا وانتي نورة : اوكي .. بعد احسن من ولا شئ شيخه : عيل خبري اخوج لاييب لكم .. وامل بعد راقده تعشت نورة : اوكي اتصلت نورة في محمد نورة : محمد وينك ؟ محمد : بيتزا هت ليش ؟ نورة : طلبت ولا للحين ؟ محمد : لا للحين نورة : زين عيل لاتطلب لنا انا وهندو بنسوي في البيت محمد : اوه شطاري عليكم .. نورة : بس هلون محمد : زين عيل سوو لي وياكم .. يعني بس اييب حق امي وابوي ؟ نورة : لحظه نورة تكلم امها : يمه اهو بعد بياكل ويانا .. اييب لج انتي وابوي ؟ شيخه : لا بس قولي له لاييب شئ .. اليوم انتو طبخو لنا نورة : بس محمد لاتييب شئ محمد : اوكي .. يالله مع السلامه .. نورة : مع السلامه .. هند : يالله قومي في المطبخ .. نورة : شنسوي ؟ هند واهي تقلب في كتاب الطبخ : باستا بصلصة الفيتوتشيني ؟ نورة : عندنا المقادير هند : اي عندنا .. يالله انتي سوي الصلصه وانا بحط المعكرونه نورة : شلون اسوي الصلصه ؟ هند : اخذي الكريمه و ضيفي عليها هالمقادير وخلطي عدل .. وبعدين شوية صلصة بيضا في في الثلاجه جاهزه نورة : اوكي وقعدو يسوون واقل من نص ساعه كان الطبق في الفرن .. نورة : شنسوي بعد ؟ هند :سلطة سيزر ويا الدياي نورة اوكي الساعه 9 الخدم كانو مبرزين الطاوله .. والكل كان متيمع عشان يذوقون الاكله .. هند : يالله انا بغرف لكم .. شيخه : زين يالله وغرفت لهم كلهم ووزعت الصحون بو محمد : تسلم يدج شنو هالطبق العجيب .. الحين قرري تبين مطعم ولا محل ثياب ؟ نورة بأعتراض : انا بعد ساعدت محمد : الصراحه وايد حلوووو شيخه : متأكدين انتو مسويينه ؟ نورة : اي متأكدين شيخه : دزيتو البايركس الثاني حق بيت خالتكم ؟ هند : اي يمه سيتا ودته عقب ماخلصوو الاكل تيمعوو كلهم يم التفزيون .. وفي هالوقت استأذنت هند عشان تروح فوق لانها حست بتعب بس اول ماوقفت طاحت لان راسها دار شيخه صارخت : بنتييييييييييي هذي أخر شئ سمعته هند شنو بيصير تابعوني في الجزء التاسع <_< Edited مارس 12, 2005 by بدرةالبحرين Quote Link to comment Share on other sites More sharing options...
مــ قـلوب ــافية Posted مارس 12, 2005 Report Share Posted مارس 12, 2005 يسلمو وننطر الباقي على احر من الجمر Quote Link to comment Share on other sites More sharing options...
@صدي الحرمان@ Posted مارس 12, 2005 Report Share Posted مارس 12, 2005 وووووووووووووووااااو شيييي القصه يسلموا علي هل قصه الحلوه او لا اتأخرين علينه Quote Link to comment Share on other sites More sharing options...
الملاك الصغير Posted مارس 12, 2005 Report Share Posted مارس 12, 2005 يسلمووووووووووووووا واحنا في انتظار البقيه Quote Link to comment Share on other sites More sharing options...
ملكة التوت Posted مارس 12, 2005 Report Share Posted مارس 12, 2005 مشكووووووورة اختي ونتظر الباقي Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.