DragoN GurL Posted مارس 3, 2005 Report Share Posted مارس 3, 2005 (edited) السلام عليكم... مادري اذا موضوعي مكرر او لا... بس بعد بتكلم فيه حتى لو مشكور ما قصرت.. احين الجامعه يوم نقلتنا الى مبنى جديد الا وهو مبنى 39 .. حقوق طبعاً .. ما فكرت تسوي في هالمبنى اللي شكبره مكان للصلاة حق البنات وواحد ثاني حق صبيان؟؟؟؟ والله مو حالة هذي نصلي تحت الدري....المشكلة ما في حل ثاني بس اللي باط جبدي وقاهرني اكثر ان كولرات الماي تحت الدري ومعناه ان اذا احنا نصلي الناس رايحة وياية تشرب ماي ومو هني المشكلة بعد.. المشكلة الاكبر ان في صبيان صراحة ما يفتكرون يشوفون البنات يصلون ويمرون ولا يهمهم ويشربون ماي.. هذي الشي ما نرضاه ولا الله يرضاه.. هذي شي والشي اليديد بعد عقب ماحطوا لنا اللوكرات.. اوكي انتو يازعم رقيتونا وحطيتوا لوكرات.. ما دعستوهم الا مكان ما نصلي.؟؟؟؟ بعد جان قبل الناس بس يشربون ماي احين يروحون لوكراتهم ويشاغبونا واحنا نصلي!!!!!! المهم قالوا لنا روحوا مجلس الطلبة وقولوا لهم.. بس ما في فايدة.. ويقولون ان ناس قالوا حق رئيسة الجامعة.. وهم مافي فايدة... انزين اذا في سكاشن فاضية خلونا احنا بنتبرع وبنحط فيها سيادات وبنصلي فيها ولا نتم بهالحال... انا اناشد المسؤلين صراحة.. لازم تشوفون لنا حل.. ترى كله في ذمتكم.... لقد اسمعت لو ناديت حياً ولكن لاحياة لمن تنادي Edited مارس 3, 2005 by DragoN GurL Quote Link to comment Share on other sites More sharing options...
شرقية Posted مارس 3, 2005 Report Share Posted مارس 3, 2005 صاجة دراغنو في كل كلمة قلتيها غير ان في ناس ييون يشربون ماي او حق اللوكرات صار محد يدري اي مكان للصبيان و اي مكان للبنات يعني وحدة تبي تروح تصلي تلاقي صبي قاعد يصلي و العكس صحيح مو حالة ذي لما كنا في S-17 كانوا مخليين مكان شحليلاته حق الصبيان يصلون و البنات وعلليه ما لهم الا تحت الدري بعد قولوا لو المسيد جريب قلنا ماعليه كفاية حاذفينا آخر الدنيا انا وياج دراغنو و ياليت يسمعون كلامنا Quote Link to comment Share on other sites More sharing options...
DragoN GurL Posted مارس 3, 2005 Author Report Share Posted مارس 3, 2005 شكراً على الرد شرقية.. ان شاء الله بس الموضوع يلقى اهتمام الادارة... لأن صج هذي مو حاله!! Quote Link to comment Share on other sites More sharing options...
Broken Wings Posted مارس 3, 2005 Report Share Posted مارس 3, 2005 [align=center][align=center]السلاااام صح لسانج صديقتي دراغوون هذي مو حالة متشحططين ما عندنا مكان نصلي لو كانوا اوروبيين مسلمين جان من زمان سووا مظاهرات واحتجاج حتى المسيحيين في بلاد بره اي شي يطالبون فيه ليمارسون ديانتهم يتنفذ في الحال اتمنى احد يسمع ويحس ويحرك ساكن ويطبقون بالفعل المصلى مهم جدا ولازم يحطون للبنات مصلى وللصبيان بعد تسلميين دراغوووون [/align][/align] Quote Link to comment Share on other sites More sharing options...
DragoN GurL Posted مارس 3, 2005 Author Report Share Posted مارس 3, 2005 مشكورة حبيبتي بروكن وينغز.... اتمنى يسمعونا <_< Quote Link to comment Share on other sites More sharing options...
قاسم الفردان Posted مارس 3, 2005 Report Share Posted مارس 3, 2005 السلام عليكم تبين حل تحتاجون الى تحرك منظم ، كيف تكوين مجموعة من طلبة الحقوق تقوم بوضع عريضة تطالب بإنشاء مكان للصلاة ومن ثم تحاول الضغط نحو قرار ايجاد مكان للصلاة في كلية القانون للنساء والرجال ، بس هناك مشكلية في طبيعة التحرك الميداني . اولا : يجب ان يكون الاعضاء ذو نفس للتحركة ومستعدين ان يتلقوا الضغوط ثانيا: يجب التحديد اثناء المفاوضات مع الجهات المعنية حد ادنى واعلى للمطالب ثالثا: وهي اهم ورقة الوحدة الطلابية فاقوى ورقة ضغط تمتلكها المجموعة الطلابية هي قاعدتها و قوى تمسكها رابعا: وضع كل خيرات التحرك وطريقى التصعيد في كل مرحلة في حالة التجاوب خامساً: تفويض القاعدة الطلابية اللجنة بتحرك كما تراه مناسب والسعى لتنفيذ قرارات اللجنة الضغطوي اذا تبون تحرك جاد وفاعل نحتاج الى مجموعة من كلا الجنسين ، ثانيا ان هذه الاستراتجية تم التعامل بها في قضايا كثير ومنها وطينة وحققت المطلوبة وان كان هناك خلاف في الطبيعة والظروف Quote Link to comment Share on other sites More sharing options...
DragoN GurL Posted مارس 3, 2005 Author Report Share Posted مارس 3, 2005 شكراً اخوي غريب الديار.. بس احنا سالفة العرائض ما تنفع ويا جامعتنا.. ياما صارت عرائض بدون فايدة... احنا نبي تحرك من مجلس الطلبة... شفايدة وجودهم اذا ماتحركوا لنا.. احنا نلجأحق من يعني... عموماً شكراً على التفاعل B) Quote Link to comment Share on other sites More sharing options...
قاسم الفردان Posted مارس 3, 2005 Report Share Posted مارس 3, 2005 (edited) انا اتكلم معاك من واقع خبرة مو واقع تنظير ترى الجامعة مو اغلظ عقلية من الحكومات ونفعت معها التحرك عندكم نية واراد بتحقوق مطالبكم مجلس الطلبة لا يستطيع ان يفعل شيء بدن تفاعل طلابي انت اصحاب القضية وهل القضية اولى بحلها انتي المكوية بنار مشكلتة ولا يحسها الا صاحبها مهما كانت نية المسؤول والمتلقي ترى استرتيجنا في التحرك تعتمد على اساس على اصحاب الحق وهذه النظرية ساندتنا بها منظمات دولية اثناء عملنا على الواقع لغة ما نستيطع هذا تضيف لا يغير الله بقوم حتى يغيرو ما بانفسهم ولا تنسي من انه مجلس الطلبة هو احدى الاليات ولا تلغى التحرك ما تبون على راحتك ترى انا احب المشي واجد يعني ما عندي مشكلة Edited مارس 3, 2005 by غريب الديار Quote Link to comment Share on other sites More sharing options...
Angel of Love Posted مارس 3, 2005 Report Share Posted مارس 3, 2005 بصراحة دراقون غيرل انه معاج في كل شي تقولينه ... و بزيد من الطين بله احين بعد... اولا.. موضوعج مكتوب مشابه له،، ان ماكو مكان اصلا للصلاة في الجامعة.. لان المصلى الي يازعم مسوينا فيه تعديلات و تصليحات و قاعدين يصبغوون و شايلين السجاد و كل شي و ريحة المكان كله صبغ... يعني حتى لو فكرتي تروحين لا تروحين ثانيا... ان الموضوع انتقل لرئيس القسم و تدرون شنو قال،، و لا طوفه ابني لكم،، اهوة بالاول خله يصلح المبنى لا يطيح علينا كله متشلخ هكا ماصار له سنه و تشلخ من البنيان الصحيح لا ثالثا... وصل الموضوع للعميد،، و تدرون شنو قال،، قعد الاخ يتطنز و يقول تبون مسيد سني او شيعي،، هاذي كلام دكتور في مركز عميد لكية الحقوق يقول هلون،، وين قاعدين احنا،، و احنا كلنا مسلمين.... رابعا... الكلام وصل لرئيسة الجامعة .. و ماسوت حل خامسا... مرشح الحقوق هاذي الي ماادري شقول عنه،ن حتى ما يمر في المبنى او يسوي اي حركة ،، يعني واحد اثنين بس من مرشحين جميع الكليات الي يشتغل و الباجي كلهم رقود و ساكتين،، يعني مرشحنا احين ما يعرف شنو مشكلتنا او بالاحرى مشاكلنا مايقدر يوصل هاذي الكلام الى مجلس الطلبة،، و لو ما كان يدري فهاذي لسبب قصوره معانا،، حسافه فوزه و الله ... سادسا.. انه معاج سالفة العرائض ماتمشي معانا بالجامعة و خصوصا كليتنا،، صارت نفس السالفة في المعدل و الكل موافق سواء من كان معدلهم مرتفع او نازل بس للاسف لا حياة لمن تنادي و كان على وشك القبول على العريضة،، بس الكلبة اصلا و جامعة البحرين عموما ماتبي شي يفيد الطالب و تبي تطرده بكل سهولة و تضيع مستقبله،، و قلنا الكلام للعميد شخصيا و قلنا له حرام يعني و كل الطلبة موافقين ،، اول شي استهزء كالعادة ،، و بعدين قال لنا منو قال لكم وافقنا بكل سخرية،، و عقبها قال اصلا القضاء بالبحرين مايبون و موب موفقين و يبون شخص قانوني كامل و ماادري شنو قال عن مجلس النواب،، حتى راسنا افتر و قلنا اشدخل مجلس النواب،ن بس هالدكتور كل ماتطول معاه مافي فايده،، و هاذي سالفة العرائض في الكلية و في جامعة البحرين سابعا.. اذا مشينا على كلام اخوي غريب الدار،، يعني متى راح يكون المصلى؟؟ عقب ما نتخرج يعني ؟؟؟ شنو حزتها استفدنا؟؟ ثامنا.. ذكرت في موضوع سابق ان لو يخصصون في كل كلية بس سكشن واحد من هالسكاشن عشان الواحد يصلي جان كل واحد مرتاح يعني هلون نتحمل اثم بصراحة نصلي الصلاة في البيت و اهية وايد متاخرة،، يعني احين كل دكتور من دكاترة الجامعة عنده مكتب،، مايقدرون احين يخصصون مكان للصلاة في كل مبنى،، اهوة الا سكشن بس يعني عبارة كغرفة بس و بنصلي تاسعا.. الصلاة تحت الدري غلط سواء احين او قبل،ن زاد الغلط احين لان زاد عدد الرايح و الرد،، بس قبل بعد غلط لان صلاة سجود و ركوع و بنات يصلون و صبيان يجوفونهم وايد غلط بصراحة و الي يجوف من الطابق الاول و ماادري شنو،، يعني ماساة،، وبعدين مثل ما للطالبات حق يصلون الصبيان بعد يبون يصلون يعني هاذي حق للطلبة من كلا الجنسين....... يعني اصلا الكلام في هاذ يالموضوع ما يخلص و لا بخلص،، لان اصلا مبنى الحقوق موب مهيء للدراسة بصراحة،، لا كفتيريا لا مسيد ،، و قاطينا اخر الدنيا،، كل كورس اسوون شي يديد يعين احين فتحت المكتبة الكورس الياي بتفتح الكفتيريا و الي عقبة يمكن الله يفرجها و يسوون مسيد،، يعني لين مانتخرج و الكلية موب جاهزة من كل مرافقها...... Quote Link to comment Share on other sites More sharing options...
DragoN GurL Posted مارس 3, 2005 Author Report Share Posted مارس 3, 2005 كفيتي ووفيتي اختي انجل اوف لوف.. بس احنا لازم ما نسكت صراحة عن اللي قاعد يصير.. هذي مو حاله... والساكت عن الحق شيطان اخرس وانا وحدة مو مستعدة اصير شيطان بسببهم.. وانا قلتها وبقولها مرة ثانية.. كله في ذمتهم.... القرار لازم ينظرون فيه ويتنفذ بعد غصبن عنهم.... وعلى قولة بروكن وينغز لو كانوا اوروبيين مسلمين جان من زمان سووا مظاهرات واحتجاج حتى المسيحيين في بلاد بره اي شي يطالبون فيه ليمارسون ديانتهم يتنفذ في الحال ... المهم... الرجاء النظر حالاً في الأمر.. وانا ما اتكلم بس عن كليتنا .. انما عن كل الجامعة... والميزانية ما شاء الله عمرانة... ما بيضرهم ايوفرون سكشن حق صلاة.. كفاية احنا ساكتين عنهم ما عندنا كافتيريا ناكل فيها نموت من اليوع ولا عندنا شي.. يازعم سكتونا بالباركات اللي سووهم... ايسوون شي ويعفسون الف شي وياه.... انا خلاص طقت جبدي من هالجامعة بس المشكلة وين نروح يعني Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.