رباب الجودر

خخخخ استانسو الاوادم البارحه بالهرانه والتطبيل .. ياليت كان اليوم اجازه عشان الواحد يجوف شقاعد يصير بالديره .. رقدنا من وقت ماجفنا شي .. وحتى النتايج مادرينا عنها الا الصبح الله يوفق اللي فازوا .. وان شاء الله يكونون عون وسند للحكومه وللشعب في نفس الوقت .. يعطيكم العافيه

لا تعليق

مبروك للي فازوا كلهم ومبروك للناخبين .. والحمدلله ان اكتملت فرحتهم بالفوز

ألف مبروك للشيخ ابراهيم الحادي والله يوفقه لمافيه خير وصلاح الديره .. واهل دائرته

المهم الحين اكتمل العدد . . وماعلينا الا ندعي الله بالتوفيق .. والصلاح لكل من اختاروهم الناخبين

الاخبار تتفاوت..وتعاكس بعضها لاحول ولا قوه الابالله الله يوفق الافضل

بالتوفيق ان شاء الله

الف مبروك والفال للباجي

بانتظار النتائج الاخيره والنهائيه

الف مبروك مبروووووووك للمقله

مبروووووووووووووووووووووووك

الله يجعل من الايام القادمه من اجمل ايام المملكه يارب وبانتظار الجميل

اي انا معاك بالراي بس ان شاء الله على الاقل يدخل 3 او 2 من اصل 5 الى المجلس .. المجلس الحين بيكون منقسم وراح يقسم الشعب اكثر واكثر محتاجين لموازنه الامور

ان شاء الانسب والافضل والاصلح هو اللي يفوز بمقعد المجلس

السلام عليكم ورحمه الله وبركاته .. الكل زار الخيام الانتخابيه لمرشحينه في دائرته .. والا انا غلطانه ؟ هل يعتبر عدد الحضور في الخيمه الانتخابيه دليل على ترجيح كفه هذا المرشح على غيره ؟ في الحقيقه لم ازر الخيام الانتخابيه الا في اللحظه الاخيره قبيل بدء عمليه الاقتراع .. بالامس القريب .. قبل 25 نوفمبر .. أخذتني قدماي الى مواقف لخيمه احد مرشحينا في ا لدائره .. وانا اسير السياره اسمع تعليقات الناس .. البعض يقول ( من يقول انا بارشحه انا ياي عشان اتعشى واتمشى ) وطبعاااا الزوج وزوجته والاولاد .. والبعض الاخر يقول ( انا ييت عشان اسمع شبيقول هذي المتفلسف ) وايضا ( لو مابي اعرف شقاعد يصير عند هالمرشح جان ولا وطوطت هني ) لم اسمع من يقول ( وطبعااااا في الفئه التي مررت عليها ) : جئت لأرى ماذا سيقول عن مخططاته القادمه من اجل ابناء المنطقه .. جئت لأرى استراتيجاته التي سيسير عليها .. وغير ذلك اسمحوا لي ان اقول بأن اغلب من يتواجدون في الخيام الانتخابيه .. جاءوا من اجل الترفيه .. ومن اجل العشاء .. وخصوصا اذا كان العشاء دسمااا .. ولا في بالهم اي هدف فائدي .. مرشحين بالامس كان لهم لقاءات مع الجمهور .. احببت ان ارى كل على حده .. توجهت الى الاقرب .. ودخلت الى الخيمه الانتخابيه ( وقبل ان ادخل رأيت الناس يتوجهون بعدد كبير الى داخل الخيمه ) واتخذت مقعدي لأسمع ما سيقول .. لم استطع ذلك لماذا ؟ النساء .. او نساء المنطقه جاؤوا الى هناك من اجل الحديث والسلام .. وللقاء .. ( كأنهم لم يروا بعض من سنين وهذه هي الفرصه المناسبه للحديث ) .. اضطررت ان اقف بالقرب من احدى السماعات لاخذ الفائده من الكلام ..سمعت واعجبني ما قيل وخرجت .. من هناك لاني انوي الحاق باللقاء الثاني .. وقبل ان ااخرج التفت .. لأرى الكميه الهائله من الطعام .. بوفيه راقي ماشاء الله والناس تنتظر فقط موعد الافتتاح .. ركبت سيارتي وتوجهت للمقر الانتخابي للمرشح الاخر .. ( ماشاء الله من تجهب على الخيمه من بعيد ما تحصل مكان عشان توقف .. الناس واقفين في الشارع ) حضور كبير جداااا .. حضور جاء والكل صامت ليسمع ما يقال .. الكل يترقب الكلمات من لسان المتحدث .. الكل ينتظر ماسوف يعده المرشح به .. مشهد جميل حقا .. فرق بين الاثنين .. ماذا يدل ذلك هل يدل على وعي الجمهور في الخيمه الثانيه .. وعلى جهله في الاولى ..؟؟ لا اعرف ولكن الموقفين جعلوني اقف لافكر كثيرا عند هذه النقطه .. فماهو رأيكم بالموضوع ؟؟

مو معقوله اصلا سن الانتخاب توه بالغصب مسويينه عشرين سنه .. هذي الياهل صغير .. يمكن في سوء فهم في الموضوع

عظم الله أجركم والله يرحمهم ان شاء الله

مبروك عليكم يا أهل اليمن ذكرى الاستقلال من المستعمر .. وان شاء الله دولة عماااار .. ومن عمار الى آخر يا رب

كل مناطق البحرين ... والعتب على التخطيط اللي بالوزاره . . . النختصه بهالشغله .. وما شاء الله على الشوارع اللي عندنـــا ولا وواحد معقول .. الله يعطي الاعضاء البلديين العافيه .. والله في اعضاء كانوا نشيطين .. واشتغلو من قلب حق المنطقه .. احنا على الدوره اللي راحت مرشح منطقتنا .. حشا.. ولا سوه شي .. اصلا اسمه ما يطلع في الجريده انه طلب شي والا بيسوي شي .. والله اربع سنوات قاعد على الكرسي .. ولا له حس ولا خبر .. الله يجازي من كان السبب .. الله يرحمج يا يماااا ... كنتي تشتغلين حق المنطقه اكثر من مما اشتغل هالعضو .. بس خذلج الكل .. الله كريم يا بولتسكوف .. وان شاء الله هالمره يشتغل بيضمير من راح نرشحه

حلوه .. الله يوفق الاخ علي ان شاء الله

النائب السابق عيسى بو الفتح ماقصر .. وأدى واجبه على أتم وجه ولا أحد ينكر وجوده في المجلس .. وادارته الماليه للمجلس .. بس احنا محتاجين حق واحد يتكلم .. واحد يوصل همومنا .. مو يخليها في ورقه ويصك على الدرج .. نبي مطالبين بأبسط حقوقنا .. مادام احنا مانقدر نوصل خل ممثلنا يوصل ويجتهد من اجل الهدف اللي نبيه .. وبصراحه تجديد الدمــاء في المجلس مطلوب .. وشخصيه المناضل الكبير عبدالرحمن النعيمي .. مناسبه لهذي المنصب .. وان شا ءالله يفوز .. ويوصل للمجلس احد مرشحين وعد ويا ناخبين حكموا الضمير ..

يظل حلم كبير نعيشه ولكن الامل بالله كبير .. وأملنا بحكومتنا الغاليه اكبر .. وان شا ءالله ماتعدي هالسنه الا متحقق لنا شي من الاحلام اللي نعيشه يوم بيوم .. وبخصوص الرواتب .. الكل عارف ان رواتبنا متدنيه .. واعتقد الحكومه قاعده تدور منفذ لتحل هالازمه .. واملنا فيهم كبير .. ان شاء الله الفرج قريب .. ومبروك لقطر واهلها .. وهنيئا لهم بالزيادات والازدهار اللي صاير بالديره

الله يوفق ان شاء الله اللي راح يكون في صالحنا ويعمل من أجلنا نحن الشعب فحقااا نحن مواطنون .. لا رعــــايا والله يوفق الحكومه في كل قراراتها ان شاء الله والامل بباكر كبير

عشـــوق البحرين ربي يعطيك العافيه اخوي على الكلمات الجميله في حق منتديات بحرين تودي وحقيقه هي كلمات خارجه من القلب ودخلت الى القلب بدون استئذان الله لا يحرم بحرين تودي منك .. ولا يحرمك منه ولا من اعضاءه ان شا ءالله تسلم اخوي

السلام عليكم ورحمه الله وبركاته اولا مبروك لكل من فاز .. وهارد لك للي مافازوا وبالتوفيق للي لهم جوله ثانيه .. انا اليوم قاعده اقرأ النتايج .. ولاحظت بعض الاشياء .. باقولها لكم .. والباقي عليكم دائرتنااا هي الدائره الرابعه في محافظه المحرق والمنافسه الشديده كانت بين مرشح وعد المهندس عبدالرحمن النعيمي .. والسيد عيسى أبو الفتح .. النائب السابق .. النتايج بالتقريب لان ماعندي اياها صح كانت في المركز الرئيسي للدايره كانت في صالح المهندس النعيمي .. حيث حصل على اصوات تجاوزت ال2000 صوت .. في حين ان الاستاذ ابو الفتح حصل على 1700 صوت .. فكانت النتيجه الاوليه هي فوز المرشح النعيمي ولكننا كنا بانتظار النتيجه من المقار العامه والخارج .. وهنا كانت المفاجأة الشديده .. حين حصل المترشح ابو الفتح .. على اصوات من المقار العامه فيما يقارب 1000 صوت وهذا مادفعه الى التقدم على منافسه بعدد الاصوات .. ولكن النتيجه لم تكن محسومه .. ال1000 صوت هذوله .. اشمعنى صوتوا في المقار العامه .. ترى اللي بيلاحظ انه من اعلى الاصوات للمقار العامه حصل عليهااا الاستاذ ابو الفتح .. ونوجه نظرنا الان الى دائره الدكتور صلاح علي .. والدكتوره منيره فخرو مرشحه وعد .. كذلك .. في المقر الرئيسي كانت النتائج الاوليه مقاربه لبعض والفرق 14 صوت تقريبا مما يدفع الامل الى وجود جوله ثانيه .. ولكن ايضا تأتي المفاجأه والتي لم تكن في الخاطر .. الا وهي حصول المترشح النائب السابق علي على اصوات بلغت 1191 من المقار العامه .. وهي تعتبر من النتائج العاليه لتقلب النتيجه رأسا على عقب .. يا ترى ما السبب في ذلك .. ؟؟؟ ولا تعليق على الموضوع سوى ما لاحظته