هولية_حلوة

اليوم كانو حاطين الحلقة في التلفزيون .. اسم اللي يقوله .. شي الأعسم .. حسين الأعسم كأن .. و انا أ\ورها من زمااااان بعد بس مو محصلتها ..

بليز بليز بلييييز .. بغيت مقاطع من عزف خالد الفردان على الجيتار .. أكبر عدد مكن ..

صح لسانك .. لا طائفية و لاتفريق .. انما مصلحة المواطن هو الهدف ..

اي والله .. بتبقى منتصر في قلوبنا يالنعيمي .. يا من تخاف على الوطن و تريد له الرفعة المكانة العالية .. فلولا الغش و تلاعب البعض بالأصوات .. لكنت تتربع على احد كراسي المجلس النيابي الذي تستحق و بجداره ان تكون الرئيس له ..

اي والله صح لسانك أخوي .. العزاء .. كل العزاء لوطننا الغالي البحرين .. الذي خسر مناضلا قوميا .. يخاف على مصالحها و مصالح مواطنيها .. و لكن هنيئا لنا وجوده بيننا و في قلوبنا .. فهذا هو النصر الأعظم .. والله على الظالم .. و كالعادة .. يفوز الشر على الخير .. و ينتصر الظالم على المظلوم ..

الله يوفقك يالنعيمي ..

الله يوفق النعيمي ان شاء الله يارب .. اللي ما يسكت عن الحق و الغلط .. ولا يقبل الرشاوي ولا يرضى احد يصرف عليه .. و اذا كان شيوعي فهالشي حق روحه .. انتو شيخصهم في ديانته .. اييكم واحد شيوعي اييب لكم حقكم و الا مسلم يلعب عليكم و يسكت حلوجكم باشية وهمية . ؟!!! مع العلم ان النعيمي مو شيوعي .. ما قط جفت شيوعي راح الحج 4 مرات .. ولا شيوعي كان يصلي بالناس قبل ما ينفي .. ولا شيوعي يقره قرآن .. ولا شيوعي اسمه عبدالرحمن !!!! اقل شي يسويه اذا كان شيوعي صج انه يغير اسمه حق جورج والا جوني .. !!! و اذا بتقولون عشان الناس تنتخبه و شكله بين الناس .. فاهوه ما يهتم بحجي الناس .. يسوي اللي اهوه مقتنع فيه .. بعدين مو كل شي تسمعونه صج .. و بسكم ظلم ..

انا عندي لو يرجعون نفس قبل .. لا مجلس نواب ولا شي احسن و أريح .. لا تصير حزازات ولا مشاكل ولا هم يحزنون ... !

تسلم على الموضوع .. والله يوفق الجميع ..

الله يوفقه ان شاءالله و يوفق جميع مرشحي ( وعد ) .. و الله فوق كل ظالم ..

اليوم و في تمام الساعة 8.45 دقيقة مساءً بدأ المهرجان الجماهيري لقائمة التغيير التابعة لجمعية العمل الوطني الديمقراطي ( وعد ) في مقر المهندس " عبدالرحمن النعيمي " بالمحرق و تكلم كل من المرشحين الستة في الدوائر المختلفة عن اهم القضايا التي سيناقشونها لو وصلوا الى المجلس النيابي ( بإذن الله تعالى ) .. مختتمين الاسبوع الرابع من الفترة الاعلانية للانتخابات النيابية .. والله ولي التوفيق .. .............................. بس صج صج صج كانت ليلة حلوة .. اجتمعوا فيها ستة من الابطال القوميين و تكلموا فيها عن امنياتهم اللي ودهم يحققونها من أجل رفعة المواطن البحريني .. و في هذي الليلة لمسنا مدى قومية المواطن البحريني من شباب الى كبار .. لا يفرقنا مذهب او منصب او عرق .. و الله يوفقهم أجمعين ان شاء الله ..

المحامي سامي سيادي .. ان شا ءالله ..

ان شاء الله .. كلنا بنكون موجودين .. و الله يوفقهم كلهم يارب

ما عندي شي برتقالي .. !!! =S بس باروح ان شاء الله ..

تفاجأت يوم جفت قسم خاص و مكتوب الفنانة " القطرية " نجوى .. يعني اللي اتذكره ان نجوى كانت معانا في المدرسة الثانوية بس قسم أدبي .. و انا يوم جفتها في الحلقة شكيت في البداية قلت يمكن مو اهيه و يوم قريت الاسم قلت بعد يمكن تشابه أسماء ( سبحان الله يعني ) .. بس بعدين البنات اللي يعرفونها و اللي كانوا معاها في الاعدادي و الثانوي بعد أكدوا انها اهيه نجوى اللي نعرفها .. بس أول مرة أدري انها قطرية ! بس حبيت أسأل .. شنو الدافع اللي خلاج تتوجهين للتمثيل .. ؟!!! و شكرا .. =)

احم احم .. عشنا عشنا تسجيل المدينة .. الحمدلله هالسنة ما كان في ضغط علينا لأن بس نسجل حق طلبة الهندسة و دفعه 2005 .. و هاذلين جدولهم بارز .. بس يطبعون و يدفعون و احنا نختم لهم .. و الله يخلي اخصائي التسجيل .. ما شاء الله عليه أخلاق لا يعلى عليها .. حتى لوعليه ضغط .. عمره ما يغلط على احد لو من غير قصد .. انا ما بدافع عن اللي يشتغلون في تسجيل الصخير .. لأن مهما كانت الاسباب لازم يكونون مرنين .. يعاملون الناس باحترام .. بس ساعات والله من كثر الضغط و الأسئلة التافهة اللي الطلبة يسألونها .. و خصوصا انهم لازم يكونون موجودين هناك السعاعه 6 الصبح .. و بعضهم يقعدون لي تسجيل المسائي .. فتخيلو الوضع اللي اهمه فيه .. ! مأساه .. و لا تقولون محد قالهم يشتغل هناك .. لأن لو اهمه محد جان الحين انتو للحين تركضون وره جداوكلم ..خصوصا ان كل سنة عدد الطلبة اللي يشتغلون في التسجيل قاعد يقل .. فالشغل على كل شخص يزيد .. (f)

هلوووووو .. سلخيــــــــــــــــــر .. بغيت فيديو الأغنية مالت البرايم اللي مايا غنت روسي اعتقد و هاني غنى ايطالي مادري شنو .. و فادي ووجدي انجلش و وليد ليلي نهاري .. بليز بليز بليز .. (f)

صادق الشعباني .. غريب الديار .. هتانة .. بنت الأكابر .. مشكورين ما قصرتوا .. و رحت أمس لدائرة شئون الطلبة في جامعة مدينة عيسى .. و شرحوا لي عن الوفد .. و عن المهمات اللي لازم يقوم بها .. و ان شا ءالله يختارونه من بين هالــ 25 ، لأن بيكون في مقابلة أو شيء من هذا القبيل .. على اساسه يتم اختيار الطالبات و الطلبة .. تسلمون ..

سلخيــــــــــــــــــر .. قريت مرة في الجريدة الدكتورة هدى الخاجة .. قايلة ان في شي اسمه ( وفد جامعة البحرين الشبابي ) .. و انه يصير الطلبة يسجلون فيه .. التسجيل يبتدي من يوم الاحد يعني أمس لي يوم الاربعه اللي اهوه عقب باجر .. خاطري اسجل بس مو عارفه وين أروح أسجل .. بليز بليز اللي يعرف يقول لي .. و اللي يعرف بعد شي عن شنو فعاليات أو أنشطة هالوفد يخبرني بأسرع وقت ممكن .. لأن وقت التسجيل بيكمل .. بلــــــــــــــــــــــــــــــيز ..

هلووووو .. بسم الله نبتدي .. 1-احلى مطعم عندك؟ Chilis بلا منازع .. 2-احلى شراب؟ برتقال مع ليمون ( مكس ) .. و كولا دايت .. 3-احلى جهاز ؟ اللاب توب .. الكمبيوتر عموما .. 4- انت تشتري اشرطه كوبي ولا أصلي اكثر شي؟ أصلي .. 5-نوع موبايلك(النقال) ؟ سوني اريكسون .. 6- اي نوع من الأغاني تحب؟ عربيه ولا اجنبيه ؟ بتاع كولوه .. عربي .. أجنبي .. ايراني .. تركي .. الخ الخ الخ .. 7-سيارتك المفضله ؟ انفنتي .. 8- احلى رمز وجه عندك تستخدمه في المنتدى ؟ 9- افضل شهر لديك؟ اوغست .. .. شهر 8 .. 10-احلامك؟ ســـــــــــــــــــر .. 11-افضل هديه حصلتها ؟ امممم .. كل الهدايا غاليين علي قلبي .. 12- اكره عضو في المنتدى لديك ؟ ماعرف وايد من المنتدى .. 13- أكثر عضو تخاف منه !!؟؟ محد .. 14- من اقرب انسان لك و تحبه اكثر شي ؟ my best friend .. 15- هل تفضل الشباب ولا البنات ؟ شالسؤال .. .. ؟!!! 16- شخصيه من الفيدوجيمز تود ان تكون مثله ؟ اممممممممممممممم .. مافي .. 17- تشبه احد من الممثلين او المغنيين او .....الخ ؟ يشبهوني بممثلة هندية .. ماعرف اسمها .. نيلام على ماعتقد .. بس بصراحة .. مادري وين وجه الشبه .. ! 18-انت تصلي ؟ أكيد .. و في أوقاتها بعد .. الحمدلله .. 19- كم مره تقرأ كتب المدرسه لما ترجع؟ تخرجت من المدرسة .. .. بس سابقا .. ما كنت ابطل الكتاب الا حزة الامتحان و حدهم مرة وحده بس .. B) 20- تعرف ترقص" نوع رقصك ؟ احم احم .. امتنع عن الاجابة .. خخخخخخخخخخ .. 21-عندك اخوان او خوات و كم ؟ 3 خوات و أخو واحد .. الله يخلينا حق بعض ان شا ءالله .. 22- أكثر كلمه او جمله تقولها على لسانك ؟ دب و دبة .. 23- احلى قناة عندك ؟ MBC .. MBC2 .. 24- انت شاطر ولا كسلان ؟ والللللللللللللله .................... ! 25- اكثر عضو غريب الأطوار شفته ؟ ماعرف وايد ناس في المنتدى .. 26- اكثر عضو عنده رووح المرح في نظرك ؟ ماعرف وايد ناس في المنتدى .. 27- لون عيونك؟ أسود .. 28-لون شعرك؟ أسود .. 29-اسمك ؟ ســــــــــــــر .. 30- أحلى رقم عندك؟ 3 و 8 .. 31- احلى لعبه لعبتها؟ ما في بالي لعبة الحين .. 32- احلى فلم شفته؟ امممممممممممممم Brave Heart .. 33- انت نوعك free ولا قواعد وخرابيط تراثيه قديمه ؟ يس free .. ماحب اتقيد بشي .. 34- انت قوي بالمدرسه ؟ باي باي skul .. .. 35-شنو تلبس دايم ؟ على حسب الموود .. ما في شي معين .. 36- انت ماركات ولا تدور اي شي رخيص ؟ اي شي يعجبني آخذه .. بس بصراحة بصراحة .. ما يسوى ناخذ شي رخيص و يخترب عقب يومين .. فأفضل شي عدل .. في كل شي .. 37- حمام مدرستكم نظيف ؟ سابقا أيام المدرسة .. كان اي اوكي .. مع اني ماروح حمامات المدرسة .. بس لما آخذ فرّة هناك .. خخخخخ . كنت اجوفه نظيف .. 38- انت شخصيتك اكثر شي كيف تكون ؟ كوول و ماخذة الحياة ببساطة .. الحمدلله .. 39- اكثر شي تسويه في حياتك؟ حاليا .. صار النت .. 40- كم مره تدخل الحمام باليوم ؟ مالكيش دعوة .. 41- تأكل كثير؟ من يوم ما دشيت الجامعة و انا ماشتهي آكل .. 42- وين ساكن؟ في اي منطقة ؟ البحرين .. عراد دوت كوم .. B) 43- كم وزنك ؟ يـــــــــــــه .. !!! 44-تنام في هدوء ولا التلفزوين شغال او اي شي ثاني ؟ اذا تعبانة حدي .. زلزال ما يمنعني من النوم .. بس أفضل انام في هدوء و ظلام .. 45- شنو تسوي لما تقعد بروحك في البيت ؟ أقعد على النت .. أجوف تلفزيون .. أكتب .. 46- كيف تنام ؟ يوه .. ! 47- سيارتك في المستقبل؟ أتمنىىىىىىىىىىىىىى .. انفنتي الجيب .. 48- الساعه كم الحين عندك ؟ 1:13 am 49- اشرايكم فيني ؟ للأسف .. ماعرفج .. بس عجبتني اسألتج .. 50- هل عجبك الموضوع ولا لا (( بكل صراحه )) ؟ يس يس .. عجبني .. أحب هالنوعية من المواضيع الخفيفة ..

الله يرحمها ان شاء الله و يغمد روحها الجنة .. عظم الله أجرك أخوي .. فهد .. و الله يصبركم ان شاء الله .. و ربي يجعلها آخر الاحزان يا رب ..

تصويت حق شنو .. ؟!!! = S

ما بصوت حق أحد ..

سبحان الله .. ماعتقد بتكون في لحظه أجمل من انج تدعين واحد للاسلام .. و يسلم على يدج .. اللهم بلغنا .. اللهم آمين .. اللهم أعز الاسلام و المسلمين .. اللهم اعز الاسلام و المسلمين .. اللهم اعز الاسلام و المسلمين ..

انا خذته ذاك الكورس مع د. خليل الكبيسي .. اهوه وااااااايد حليو .. و مثقف .. و طيب .. بس فيه مشكله وحده انه يديد نوعا ما في الجامعه .. وو ايد يمشي على القسم .. يعني بيخليكم تدرسون المقرر من الغلاف لي الغلاف و اهوه نص الكتاب محذوف .. انتو اخذو عنده و لي ييتوا تدرسون للفاينل .. سألوا باقي السكاشن عن المحذوف .. ( هيا النعيمي ) .. الله يعينج بس .. آقول اذا تقدرين حولي .. ( تمام همام ) .. ( سعيد هاشم ) .. ( السعيد ) .. ( حرب ) .. كلهم ربعي ماخذين عندهم ذاك الكورس و محد اشتكى من واحد منهم .. الله يوفق الجميع .. و يعينكم على هالمقرر المملللللللللللللللللل ..