وقـال القـلب: آه..

[~x وصية الغرور x~]

اسوري التاخير من الكاتبة

 

للحين مانزلت جزء جديد

[*Dooset Daaram*]

اسوري التاخير من الكاتبة

 

للحين مانزلت جزء جديد

[شهد]

يلا احنا ننتظر

 

 

 

[بحرينيه^مزيونة]

ننتظر

[see moon]

 

بالأنتظار

[شهد]

 

مليييييييينا الانتظار

[شهد]

يا ربيييييييييييييييييييييييييييييي

 

يلا عاد وايد طولتي علينا

[~x وصية الغرور x~]

وصل الجزء الجديد

والكاتبة كتب لنا انها ماتقدر الا بعد اسبوعين

اقروا القصة وبتعرفون التقصير من الكاتبة اوكى

 

 

الجزء السادس والعشرين:

 

التقت نظرات هيفاء وبدرية ..

وكانت هيفاء خاايفة بس طمنتها نظراات الحناان الناابعة من عيون بدرية..

هيفاء بتردد:بخيير خالتي ؟انتوا شخبااركم؟

بدريه:نحمد الله ونشكرره..شلونك مع الدرااسة؟

هيفاء:بخيير الحمد لله ماشية ..

وفاء:يمه هيفاء صار لها 3 سنين ونص تدرس طب..

بدرية:اووه ماشاء الله الله يوفقك يابنتي..

هيفاء:مشكورة خالتي..

وفاء:عااد بعديين بتجي لك امي اذا مرضت وبالوااسطة تدخلينها اول وحده..

هيفاء:فال الله ولا فالك حد يفاول على هالقمر بالمرض..

الكل:ههههههههههه

بدرية:انت القمر والله ..

وابتسمت هيفاء بخجل ..

وراحت عنهم ام نااصر وهم رجعوا لصديقاتهم...

 

وكاان الجوو ونااسة البناات يرقصوون والضيووف يطالعون وبعضهم يرقصون بعد..

والكل فرحاان ومستانس..

وعبير تحس بمشااعر غريبة تحس بخووف ورهبة ماتدري ليه ودها تصييح..

الا وحده من بين كل هالنااس حالتها لله..

اظن عرفتوها..

ايه هي اللي في بالكم..

 

 

جنان.. مسكينه ماكنت تذوق طعم الفرحة ..كانت تتهشم داخلها بس مستحملة كانت تطالع في عبير بكره بس تتعوذ من بلييس وتقول البنت مالها ذنب..

وتذكرت ذاك اليوم في المزرعة يوم عبير تصقع نااصر وعرفت ان شعورها بالقهر ماكان الا احساس باللي راح يصير..!!

وفاء انتبهت لجنان هي صج ماتحب تكبرها عليهم بس كسرت خاطرها وهي تشووف عيونها تلمع بدمووع مخفيه..

وفاء:جنان..

جنان انتبهت:هـ هلا..

وفاء:شفيك؟ليه متضاايقة؟!

جنان:لا ماشي بس تعباانه..

وفاء :ماتشوفين شر..قومي معاي..

وقامت جنان ساكته وخذتها بعيد عن الناس وراحت عند الباب اللي بيدخلون منه نااصر..

جنان:ليه جايين احنا هنا؟!!

وفاء:لأني ابي اكلمك..

جنان نقزها قلبها:في شوو؟

وفاء:في حالتك..!!

{واللي مايدرون عنه جنان ووفاء ان ناصر كان واقف عند نفس الباب بس من برا ومعاه سالم وحسام وفواز .!!!!! لأن ناصر يبيهم يوقفون معاه لين مايدخل بعد ربع سااعة}..

جنان:حالتي في اييش؟!

وفااء:جنان الله يخليك لاتسوين نفسك مو فاهمة وتستعبطين.!

جنان طاحت دمعتها..

وفاء:جنان بلييز مابي اشوووف دموعك مهما كان انتي بنت خالتي بس مارضى عليك ومايرضيني اشوف دموعك واسكت..

جنان:ماقدر وفاء والله مو بيدي..

وفاء:ليش انت تقولين ماقدر بكذا تصعبين على روحك صدقيني انت تقدرين..

جنان:انت ماحسيتي باحساسي عشان تحكمين..

وفاء وهي تتذكر المشاااعر الغريبة اللي جاتها من بعد ماحلمت براشد:ولو جنان ولو...

جنان تصيح بشهقات:بس انا حبيته وفاء حبيته بصدق واخلاص ..ماهي سنه ولا سنتين وانا احبه يمكن 5 سنين وززود بعد..

وفاء راحت لها وضمتها تبي تخفف عنها:جنان حبيبتي خلااص والله انك تستاهلين كل خيير واللي خلق ناصر خلق غييرة وبيجي اليوم اللي بتحبين فيها انسان ثاني صدقيني الله بيعوضك..

جنان:مااظن احب غيرة..

وفاء:جنان وعسى ان تكرهوا شيئا وهو خير لكم..

جنان:ااااه انا بحاول انسااه وفاء بس ابيكم كلكم تسااعدوني بلييز وقفي معاي لاتخليني بروحي..

وفاء ابتسمت لها:ماطلبتي يابنت الخالة وانا اعرف الحال واذا ابوك ماسمح لك تجين انا بقول لأبوي يجيبني عندك..

جنان براحة:مشكورة وفاء مشكورة..

وفاء:لاشكر على وااجب..

جنان:هههه تدرين اني كنت احسك تكرهيني..!

وفاء:ههههه حراام عليك انا مااكره احد بس كنت زعلاانه منكم لأنكم صرتوا ماتجونا يعني اخوك سالم كان دووم مع ناصر بس صار مايجي له وانت دووم معاي وانقطعتي وهم امك ماصارت مع امي مثل اول بس توني متفهمه انه مو بيدك..

جنان:اااه عسى هالحال يتغير..

وفاء:انشاء الله..يلا نرجع للمعازيم خلنا نرقص اخر رقصة لانهم بيدخلون نصور..

جنان:هههه هذا اللي تحاتينه..الرقص..

وفاء وجنان:ههههههههه ..

وراحوا وهم تاركين اللي برى بصدمه ..صدمه مالها اول ولا تالي..

سالم كان فرحاان ومستانس وكبرت وفاء بعينه على تصرفها مع اخته عكس حسام اللي كاان يطالع في ناصر بحقد دفيين ..وكاره عمرره من يوم ماسمع كلااام جنان عن حبها له..

وناصر المسكين انصدم ماكان متوقع انه جنان تحبه كذا ماكان متوقع انه في يوم بيكون سبب عذاب بنت خالته ابد وحس بتأنيب الضميير ..اما فواز عرف مشاعر ولد اخوه وكسر خاطرة..

لكن ماحد تكلم بالموضوع الكل ساكت ينتظرون يجي ابو عبير يدخل ناصر ..

** ****** * ****** ***

عبير كانت قاعده وخايفة ويوم لاحظت غياب وفاء توترت اكثر واكثرر ..

لما شافتها رجعت ومعاها جنان وصايرين غيير حست بوجود شي ماتعرفه بس سكتت لأنها متوترة اكثر ماتبي تفكرر..

وفاء راحت عندها وقالت بالفرنسي:تُيورا لُه بو جارْسون>وطلعت لسانها..

(يعني راح تملكين واحد وسيم)..

عبير:ابتسمت لها وفهمت انها بتاخذ وسيم وقالت:منو اخته؟!

وفاء:هههههه اكيد انا..

عبير بعناد:قصدت ريم لانها احلى ..

وفاء بصدمه:هااا لكن ماعلية..

عبير:ههه اتغشمر معك بلا دلاعة ..

وضحكوا الثنتين..

>وصج كانت ريم احلى وحده في المكان رغم انهم كلهم حلوييين بس يمكن لأن ريم تعدلت وهي تعرف انها قاصده هالتعديل لحد..خلوود ياحظة فيها خخخ..

شوي قالوا للناس يلبسون عبااياتهم لأن المعرس بيدخل مع ابو العروس..

(هو صج ان ناصر عمي ومايشوف بس الرسول عليه الصلاة والسلام الزم الغطاء حتى عن العمي لمجر انه رجل وفي احاديث تثبت هالشيء)

عبير تبهدلت:وفاء تعالي خلك معاي ..

وفاء:وين اخليني معاك ابوك بيدخل..

عبير:شكلي عدل ؟!

وفاء :حبيبتي عبير وبحزن:ناصر ماراح يشوفك!

عبير كأنها توها تذكر:ااه الله يشفيه..

وراحت وفاء جنب ليلى وجنان وهيفاء ..وسالت عن زينب قالوا لها رااحت..

دخل ناصر وبدخلته الكل التفت له كان يمشي شوي شوي وابو عبير مااسكه من يده يمشي معاه وناصر كان يمشي برزانه وهيبه وكان وسيم لدرجة ان البنات تموا يطالعون فيه كان جد حلو وعيونه تلمع ..

هيفاء كانت فرحتها ماتنوصف اليوم شافت كل خواتها واخوها باقي بس الصغير..

كانت تطالع في ناصر وودها لو تروح تضمه وتقو ل له مبروك ياخوي مبروك..

اما حليمه كانت تشوف نظرات هيفاء وتتحسف على حال بنتها وقامت تراقب ناصر وهو يمشي ولاحظت انه عيونه مثل عيون هيفاء اللي طالعه على ابوهم بنفس اللون الرمادي ..وكسر خاطرها لما قالت لها هيفاء انه مايشووف..

.. . . .. .

اما جنان كانت تراقب ناصر وهو يمشي وتشوف الفرحه بعيونه رغم ان فيها بريق ندم ..وكانت مانعه روحها انها تصييح..كانت تتقطع لشوفته يروح لوحده غيرها كانت طول عمرها تحلم باللحظة اللي بيوصل لها فيها ناصر..

كان حلم دووم تشووفه تشوف نفسها لابسة ثوب وردي حللو وهو يروح لها والابتساامه مغطية وجهه ..بس القدر له كلمه ثانية عليها..

 

وصل ناصر عند عبير اللي قامت وحبت راس ابوها وهي ماسكه دمووعها ونفس الشي ابراهيم ماسك دموع الفرح اخيراا بنته بتكون في عهدة واحد ثاني ومابتكون في بطاقة العائلة اللي حقته رغم انها كانت مترأستهم وحتى لو كانت مابيكون هو ولي امرها..لان زوجها هو ولي امرها..

بارك لهم بكم كلمه وطلع من المكان..

اما ناصر لما وصل بعد ماسلمت عبير على ابوها حطت عبير يدها في يده عشان تسلم عليه وحس بأيدها حاره وارتبك لأول مره في حياته..

وجلس بعد ماقال لها بمسخرة:مبروك عليك انا..

عبير بخجل :هههه الله يبارك فيك ..

وجابو لهم الشبكة ولبسها اياه ناصر بمساعدة وفاء وريم .. وهم كلوا الكيك وشربوا العصير..

بعدها جلسوا شوي عشان الناس..ودخلت بدريه ومعاها هادي بكرسيه المتحرك وراح سلم على اخوه ومرت اخوه وهو فرحان حيل عشان ان اخوه بياخذ عبير اللي يحبها مووت بسبب حنانها معاه..!

وشافته هيفاء اللي تقطع قلبها عليه ولاحظت انه يشابه اختهم ريم شوي ..

. .. .. .. ..

جنان استقلت هاللحظة عشان تبتدي ثاني خطوة بأنها تحاول تكون عادية مع ناصر..

جنان كانت لابسه عبايتها ومتحجبة رغم انها مابتفرق عندها لأن ناصر مايشووف..

وراحت لعندهم وهي تمشي بخطوات بطيئة كأنها بتروح مكان تكرهه كانت مثل العروس بخطواتها بس نظراتها كانت محبطه..

وصلت لعندهم بس ناصر ماعرف منو اللي جا..

جنان تطالع فيهم اثنينهم وهم كانوا مبتسمين على شي قالوه عبير تطالع في جنان بغرابه واختفت ابتسامتها من وصلت عندهم..

جنان بصوت متردد شوي:مبروك عبير مبروك ناصر..

عبير:الله يبارك فيك..

ناصر تفاجأ عرفها بس ماتوقع انها بتبارك له وكبرت في عينه هالبنت:الله يبارك فيك جنان وعقبالك..

جنان تجمعت في عينها دمووع خبتهم:مشكوور..

ناصر:على ايشش والله انك تستاهلي اكثر وكل خيير..ويعلني اخدمك في يوم فرحك..

جنان ماقدرت تتحمل بسرعة قالت:مشكور ولد الخاله ماتقصر..

وراحت بسررعة..

عبير حست ان فيه شي غريب يدور حتى ناصر تغير من جات جنان..!

المعازيم رااحوا اغلبهم مابقى الا العيلة..

ركبوا ناصر وعبير فوق في غرفة ناصر عشان يتكلمون مع بعض ويعرفون بعض اكثرر..

الكل راح غرفته عشان يبدل ويرتااح..

وفاء دخلت غرفتها مع ليلى وتسبحت عشان السبريه اللي في شعرها وناامت ونفس الشي ليلى..

اماا ريم..مانامت كانت تنتظر خالد يجي لأنه راح يوصل نايف اخوه البيت..

رن جوالها بنغمة الرساله..شافت رقم غريب..وكانت الرساله:

 

سلام من قلب يودك ويغليك

قلب يعيش الوقت كله بذكراك

ان غبت عن عيني فلا غاب طاريك

حتى بعز النوم ماغاب طيفك

00باختصار00

ودي اشوفك واقترب لك واحاكيك

واحلف لك برب البشر مقدر انســـاك

 

ريم استغربت من الرساله بس قالت يمكن مغلطيين ولا شي ولا اهتمت بالموضوع زوود كل اللي سوته انها رسلتها لخالد وهي تبتسم ..

اتصل لها..

خالد:هلا ريم عيوني..

ريم:هلااا

خالد :انا تحت تعالي فتحي لي الباب..

ريم:اوكي ثواني بس..

وسكرت وراحت فتحت له الباب..

خالد اندهش من جماال ريم اللي باين اليوم اكثر عن كل يوم..واكثر حتى من يوم خطوبتهم..

ريم تشووف نظراات التعجب والاعجااب في عيونه وتضحك..

خالد يصفرر ..

ريم:هههههه

وهي تمشي تركب الدرج لغرفتها وهو وراها مثل المغناطيس وبس يصفر ويقول في خاطرة سبحانك ياالله..

ريم في غرفتها:شرايك فيني ماقلت؟!

خالد:طااالعة على ولد عمتك في جمااله..

ريم تطالع فيه:انت!!! اتحداك انا احلى!ههههااي

خالد:ههههه وانا اشهد ياعيني انشاء الله طلعتي كذا اليوم قدام الناس؟ّ!

ريم:هههه ايه عجل انا متعدله عشان انخش!

خالد:لا متعدلة عشاني..!

ريم بنظرة:مشكلة الواثقيين..!

خالد:هااا

ريم:ههههههه اكيد عشانك بس انت زعلتني وانا مابكلمك..

خالد تذكر زعلها:ياحياتي والله احبك..

ريم بدلع:مارضيت رووح رووح مابيك..

خالد:افا بس افا واهون عليك؟!

ريم:هههههه اييه تهوون..

خالد بصدمه:لاااه

ريم:لاااتين..

خالد زعل عليها..

ريم:شوو زعلت؟

خالد:اييه وابيك تراضيني..

ريم:انا كنت اتغشمر وياك ومابراضيك الا لما تراضيني..

خالد:خلاص وحده بوحده..

ريم:هههههههه ..

وظلوا سهرانين يسولفون ويتغزلون في بعض ومايدرون عن شي ثاني..

** ** ** * * ** **

بدريه من طلعت غرفتها وهي تفكر في ام راشد لما قالت لها انها تبي وفاء بنتها لولدها راشد..قالت لها انهم مستعيلين..

بدريه حبت هالحرمه فرحبت فيها بأي وقت وقالت لها البيت بيتك متى مابغيتي تيوون تخطبون رسمي تعالوا والراي الأول والأخيير للبنت..

واتفقوا على يوم الأحد يجون يخطبون رسمي بعد ماخذت بدرية راي زوجها لما كلمته في الجوال..

ووفاء ماتدري عن شي..

** ** ** *** **

نرجع لعبير وناصر في الغرفة..

ناصر وعبير ظلوا ساكتي شوي وعبير تتأمل ملامح ناصر الناعمة والوسيمه بحريه مطلقة..

قطع الصمت ناصر:عبير

عبير بخجل طفيف:عيونها..

ناصر:يسلمو لي عيونها..

عبير:آمر تدلل قول شتبي عيوني لك..

ناصر:لا ياقلبي خلي عيونك عندك مو ناقصين خسارة ثانية >كان يقول هالشي بحسررة..

عبير:لا ياناصر لاتقول كذا انا راضية فيك وفي عيونك وانشاء الله بأمره تعالى بترجع تشووف واحسن من اول..

ناصربأبتسامه: ببركات دعائك انشاء الله..

عبير:هههه اكييد..

ناصر:ماقدر اعبر لك عن فرحتي اليوم..

عبير تبتسم:ولا انا نااصر احس اني كسبت كنزز من كثرر ماني فرحانه فيك..

ناصر:احم احم ..

عبير وناصر:هههههههههههههههههه

ناصر:انا كسبت الدنيا ومافيها ياعبير انت انساانه تستاهل كل خيير وانشاء الله اعوضك عن كل لحظة بتقضينها معاي وانا ماشوف بعوضك عن كل مره ركبتي فيها السيارة مع حد يوصلك لأني ماراح اقدر اوصلك مكان لين مااشوف..

عبير:لاتخاف حبيبي انا مو طالبه شي غير اني اكون معك واهتم فيك وهذا اكثر شي يسعدني..

ناصر:احبك عبير.!!!

عبير: ..... ..

ناصر:ههههه ودي لو اقدر اشوف بس عشان اشوفك وانت مستحيه الحين..

عبير:هههههه

ناصر:عبير ترى انا اشوفك..

عبير باستغراب :شلوون؟!

ناصر:من قلبي..

عبير:يسلم لي قلبك يعلني مااخلى منه..

ناصر:هههههه

عبير وصفي لي نفسك عشاان اقدر اتخيلك..

عبير بصدمه : هاا انا لا ماعرف اخااف ازيد شي و و وتفكر اني...

قاطعها:ههههههه لا لاتخافين مابفكر يلا بليـــز عشااني..

عبير:طيب..

وبخجل تقول:انا لابسة ثوب لونه كذا كذا وشعري كذا وكذا ووصفت له نفسها بالضبط بدون زياده او نقصاان..

ناصر:واااااو ياحظي في هالملااك ..

عبير:هههههه

ناصر:كيفي مالك شغل..

عبير:هههه ماقلت شي..

 

وظلوا يسولفون مع بعض عن الأشياء اللي يحبونها ويكرهونها..

 

** *** * ** ** * **

احلام من رجعت وهي تفكر بناايف اللي تكلمت عنه مطولاً مع رجاء

وقررت انها خلاص تقول له عادي يتصل لها على جوالها بس مرره في اليوم..

ووصلها مسج من عند زهرة حزنها شوي على موقفها مع اعز صديقة لها وكان يقول:

عند الغروب ومنظر الجو صافي

سحر الطبيعة حدني الزم الصمت

اسكت واحاول طمس ماكان خافي..

اخشى دموعي تنسكب لو تكلمت..

الشمس غابت,,

واصبح النور طافي..

وغاب الونيس الي له سلمت الروح...

 

وقررت ترسل لها هالمسج:

 

المعذرة ياحب ماني بناسيك

مانساك لو تنسى الليالي قمرها

أرسل فؤادي بالرسايل يخاويك

طاريك يطريلي وكبدي سمرها

الحب حبك والمحبه تحييك

حبك غمرني والمشاعر نثرها

 

*** ***** *** * *** *** **

 

جنان وامها طبعاً كانوا نايمين في بيت ام ناصر لتأخر الوقت ..

جنان ماذاقت طعم النوم ذيك الليلة وهم ماذرفت ولا دمعة لأانها تخطت الصدمه بس الحزن هو اللي مسيطر عليها..

 

** *** ** ** ** **

يوم ثاني الصبح ..في بيت ام عبير..

هدى:يلا ابراهيم روح جيب بنتك ..

ابراهيم :خلاص قلت لك بروح بس صبري علي البنت ما بتضيع الا في بيت زوجها هي..

هدى:والله البيت مايسوى بدونها..

الا واحلام ناطة عليهم:نعممم..يعني انا مو ماليه عينك يمة خلاص انا زعلت..

هدى:روحي انت لأبوك يادلوعة بابا..

ابراهيم :فديت احلام بنتي الغالية تعالي حبيبتي..

راحت وحبته على راسه:الله يخليك لي يااحلى ابو بالعالم..وطالعت امها ويخليك لي ياامي العزيزة..

هدى قامت عنهم..

فاطمة:ماتقوم ياابراهيم جيب لي بنتي بسررعة..

ابراهيم :الله يهديك امايه ستويتي مثلهم..

فاطمه:اشتقت لها ياولدي مو كفاية امس ماخلوني اقوم من مكاني عشان اسلم عليها تعبانه قال..

ابراهيم :كاهي عندكم احلام اختها ..

فاطمة تطالع احلا بنظرة:وووع ماتسوى نظرة من نظرات عبير الحنونه..

ابراهيم تضايق انهم يفرقون بين احلام وعبير قدامه وهو مايبي هالشي يسبب كره من جهة احلام لأختها عبير..

ابراهيم:لا والله بناتي كلهم عندي سوا الله لايحرمني من احلام ولا عبير..

دانه وهي تلعب بفلة لعبتها ومبوزة: وانـــــا بابا مالي رب؟!

ابراهيم:حتى انت؟هههههه الله يعينك يابراهيم لا حبيبتي انت اولهم...

دانه:ايه فكرت بعد..

الكل:هههههههههه

وطلع ابراهيم عشان ياخذ بنته يرجعها البيت..

** ** **

اما في بيت ام ناصر ..

كانت بدرية قاعدة مع اختها وبنتها جنان ومع ليلى ووفاء اللي توهم جالسين من النوم في الصالة..وكلهم ياكلون الفطور..

ريم بعدها نايمه ..خالد ونايف بالمجلس مع ابو ناصر وسالم..

اما ناصر وعبير كانوا جالسين بس ماطلعوا من الغرفة ..

عبير قعدت قبل ناصر وغيرت ملابسها وجلست ناصر تقول له ان ابوها بيمرها عشان بتروح البيت..

واتصل لها ابوها يقول لها انه برا ينتظرها..

عبير:يلا حبيبي اشوفك وقت ثاني انشاء الله..

ناصر:طيب عيوني خلي بالك من نفسك..

عبير:ههه لاتوصي..

وطلعت عبير من الغرفة وناصر رجع للنوم لأنه كان يحلم بعبير ومو ناوي يخرب الحلم خخخخخخخ..

نزلت عبير من الدرج ووصلت لين ماهم قاعدين..

عبير:السلام عليكم..

الكل:وعليكم السلام..

بدرية:ها بنتي وين بتروحين؟

عبير:ابوي برا برجع البيت..

ليلى:تو الناس ليش تروحين..

عبير:بيتنا يبوني مايستغنون عني..

الكل:ههههههههههههه

جنان كانت تطالع في عبير وتشوف جمال وجهها الصافي وهو مافي ولا نقطة مكياج وكانت جميله فطريا ..ولاحظ هالشي كل اللي شافوها..

وفاء تطالع صديقتها الغالية وتحسها غييير..

عبير استغربت ان وفاء ماكلمتها وحز في خاطرها هالشي بس سكتت..

عبير:يلا مع السلامة..

الكل:مع السلامة..

بدرية:سلمي على امك..

عبير :يوصل انشاء الله..

وفاء كأن المعلومة توها توصل لعقلها وبسرعة قامت ولحقتها ..

الكل كان يطالعهم ومستغرب الا ام ناصر لأنها تعرف مدى عمق صداقتهم..

عبير علطول رمت نفسها في حظن وفاء ..وتموا الثنتين ساكتين ودموع تنزل من عيونهم..

وفاء:واخييرا ياعبير تحقق حلمك وحلمي ..

عبير:ههه عقبالك انشاء الله..

وفاء تساسرها في اذونها:ها شنو قلتي لأخوي امس؟!

عبير:ههههههههههه ماقلت شي.. وفاء:عبير كلميني اليوم اذا فضيتي.. عبير:اوكي عمري يلا باي.. وفاء:باي.. وراحت عبير ورجعت وفاء مكانها وجنان حسدت عبير على محبة وفاء لها ولو مو قاصده هالشي .. طلعو سالم وخالد من المجلس > وتحجبوا اللي في الصالة.. سالم:يلا يمه نمشي..

ام سالم:يلا..

وراح يدور بعيونه على اخته جنان ولمح وفاء اللي كانت سرحاانه في عاالم ثاني وبقايا ابتسامه على شفافيها الورديه الناعمه وبقايا دموع في عيونها الخضرا ..

ليلى:سلووووم!!

سالم:هـلا للوو

ليلى:انا مو قايلة لك اني ابيك في سالفة قبل لاترووح..!!

سالم:وييه نسيت حبيبتي عذرا ..

ليلى:تعال معاي..

وراحوا برا في الحديقة اللي فيها كل شي استوى امس الطاولات والمبات وكانت رووعة..

سالم:يلا آمري تدللي عيوني..

ليلى:مايآمر عليك عدو..

بغيت اسألك عن شي..!

سالم:شنو؟

ليلى:سالم انت ذاك اليوم اللي جيت فيه تبي ناصر شنو كنت تبي فيه؟!

سالم:هاا ايه والله كنت ابيه في سالفة خاصة وانتهت خلاص..>بحزن قالها..

ليلى فهمت من كلامه انه مايبي يقول السالفة:طيب وليه الدمعة اللي نزلت من عيونك؟

سالم منصدم:هاا وانت شدرااك؟!

ليلى:لأني شفتك وانا راجعه مع وفاء ..

سالم:ووفاء شافتني بعد؟؟!

ليلى اللي لاحظت اهتمامه بوفاء:ايه اصلا هي اللي قالت لي..

سالم :انا لله راجعون اااااااه

ليلى:لاتغير الموضوع سلووم..

سالم:كنت متضاايق ليلى ..

ليلى:من شنو؟

سالم: من الدنيا كلها ومن ابوي..لأني كنت كاره ابوي في ذيك اللحظة ياليلى كنت كاره اللحظة اللي صار فيها انسان قاسي ..لأن لو ماابوي كان ماصارت حالة اختي جنان كذا ولاا انا..

ليلى:تعوذ من ابلييس يا سالم ولاتقول كذا عن ابوك..وبعدين شو فيها اختك جنان كاهي بخيير وسلامه..

سالم علمها بالسالفة وهي حزنت على حالة جنان بس قالت له:لاتخاف سالم مصيرها بتنسى والله بيعوضها انشاء الله..

سالم:الله يسمع منك انشاء الله..

ليلى:يلا ابي اشووف الضحكة ماليه وجهك..

سالم:هههههههه

ليلى:ايوه كذاا..

سالم:لوللو غناتي ابي اطلب منك شي بس مو وقته الحين بكلمك بعدين على جوالك..

ليلى:جوالي لك لو تبي اتصل متى مابغيت ومايصير خاطرك الا طيب..

سالم:تسلمين لي يااحن خاله صغيرة بالعالم..

سالم وليلى:هههههههههههه

ورجعوا داخل..

سالم:يلا يمه مشيناا..

ام سالم:يلاا..

سالم:يلا جنان تعالي نطلع..

جنان راحت لأخوها ومسكت يده علطول وهو تقرب لها بطريقة حنونه..

وقامت جنان تقول له شي بشوييش وهو يسمعها باهتمام وهو طاالعين..

واثر هالمنظر على كل اللي شافوه..

وراحوا بيت ام سالم من بيت ام ناصر وهم بطريقهم للسعوديه ومعاهم حسام..

اما البنات ظلوا في الصاله يسولفون مع خالد اللي بهدلهم بأسألته عن ريم وعن منو اللي شافها بالحلفلة وايش ..وايش..!!!

 

** *** *** ** ** ** **

اما في بيت ام راشد..

 

نوار: خلاص يا ولدي ابشرر انا كلمت ام البنت اللي بغيتها لك وقالت لي يوم الاحد نروح نخطب رسمي..

راشد:طيب..وشو اسمها البنت؟!

نوار:اسمها وفاء..

راشد في خاطرة :ياربي تطلع اسم على مسمى وتكون شعلة من الوفاء وماتغدر بي في يوم مثل ماصار لي من قبل..

>> لأنه حتاط في باله ان مها خطيبته الاوليه غدرت به وخانته بعد <<

نوار:وين رحت صار لي ساعة اكلمك..

راشد انتبه لأمه:ها لاموجود حبيبتي بس كنت افكر..

نوار:بأيش؟!

راشد:ولا شي بالشغل وبس..المهم يمة توصين شي انا طالع..

نوار:سلامتك..بس جيب لي معك لبن لأنه خلص وانا خاطري فيه..

راشد:ماطلبتي شي يمه..يلا باي..

نوار:في حفظ الرحمن..هو راح وهي:في حفظ الله يالغالي عسى ربي مايحرمني منك والله يوفقك في دنياك وآخرتك..

حسين:اكيد انا يمه ولاااا كلامي غلط؟!

نوار:هههههههه ايه انت واخوك ..

يلا متى ناوي ع العرس؟!انا بس بخطب لأخوك وبرجع لك عشان اخطب لك..

حسين:هههههه تبين الفكة مني يمه؟!

نوار:لا يمه ماحصل مافي ام تبي الفكة من اولادها بس ابي اشوف عيالك قبل لااموت..

حسين:لاتقولين كذا والله يطول لنا بعمرك.. و ع العرس انشاء الله يصير خيير افكر بالموضوع..>لأنه يعرف ان امه مابتتركه وبتحن عليه مثل ماسوت مع اخوه..

نزلوا كوثر ونرجس من غرفتهم: صباح الخير..

الكل:صباح النور..

نوار:شعندكم؟قولوا شتبون خلصوني عارفة انا مولله جاين لي..؟!!

نرجس:هههههههه

كوثر:شدعوة يمه لا والله مانببي شي..

نرجس:بس كنا نبي نقول لك..

كوثر:ان شهد عازمتنا ع الغدا اليوم ونبي نروح لها..

حسين:حشى ماشبعتوا منها اربع وعشرين ساعة معاها في المدرسة..

كوثر بنظرة:انت مالك شغل..

نرجس:لا يا حسين مو سالفة ان حنا ماشبعنا منها بس هي عازمتنا ع الغدا ومايصير نردها..

كوثر:ها يمه شقلتي؟!

نوار:شقلت بعد مابقول الا الله يحفظكم روحوا بس لاتتأخرون وخلوا اخوكم يوصلكم..!

حسين:انا ماراح اوصل حد يلا يمه انا طالع

كوثر:اووه حسين لاتعاند!!

نرجس:عاد حسون يلا وديناا والله مالنا غيرك..

حسين:عشانك يانرجستي الجميله بوديكم ولا لو ماانت ماوديتكم..

نرجس بابتسامه:ياحبيبي ياخوي..

حسين:5 دقايق ماطلعتوا انا ماشي..

نرجس وكوثر:لاااا دقيقة وبنطلع لاتمشي..

حسين :هههههههههه زين بسررعة..

>كوثر تدري ان يعاندها لأنها فشلته ولا ردت عليه عدل وهو مستانس انه لعوز خواته شوي..

لبسوا البنات عباياتهم وركبوا السيارة و5 دقايق وهما عند البيت ..

نرجس وكوثر:قواك الله حسين..

حسين:الله يقويكم..

ونزلوا وراحت كوثر تدق الجرس بينما نرجس تكلم حسين تتفق معاه متى يرجع لهم..

فتحت لهم الباب شهد اللي كانت تطالع في حسين اللي ابتسم لها ابتسامه اخويه بريئة بينما هي فسرتها شي ثاني >ماتنلاام خخخخخخخ..

شهد:حياكم الله تفضلوا..

كوثر:زاد فضلك..

{نرجس وكوثر حاسين بأن شهد تحب اخوهم وهي حاسة بأننهم يدرون بحبها لأخوهم}

نرجس حبت تحرجها:بس عااد شهودة مامليتي مطالع في اخوي تراني اغاار عليه..

وصار وجه شهد احمرر من الخجل..

كوثر ونرجس:هههههههههههههه هههه

سعاد:حيا الله بناتي شلونكم عساكم بخير؟

كوثر ونرجس:بخير خالتي الله يسلمك..

سعاد:ماوصيكم عاد خذوا راحتكم البيت بيتكم..

كوثر ونرجس:مايهمك ..

الكل:هههههههه

سعاد:ها شهد توصي عدل في بنات خالتك وشوفي اخوك بعد خليه يتغدا انا بروح ازور ام ناصر ابارك لها على خطبة ولدها وبرجع

وراحوا قعدوا في المجلس..وسلفوا لين مااذن اذان الظهر عليهم..

وراحت شهد تجيب لهم احرامات للصلاة وكوثر دخلت الحمام عشان تتمسح للصلاة وبقت في المجلس نرجس..

.. ... .. ..

 

خليل خلص صلاة في غرفته ونزل ماسمع حس امه ولاسمع حس اخته شهد اليوم وراح يدورهم يبي يشوفهم..نزل وراح المطبخ مالقا فيه حد بس شم ريحة الغدا اللي تسلب العقل من حلاوتها وطلع يشوفهم يمكن في المجلس وفتح الباب وهو يوايق ..

* ** ** **

راشد بعد ماطلع اتجه طبعاً لمكانه مكانه اللي يرتاح فيه ويهواه قلبه راح عند البحر صج ان الشمس كانت قويه بس ماتحمل يصبر مايرووح..

وقعد يتأمل خلق ربه والعصافير اللي تروح وتجي وكأنها تونسة بقعدته وكان فيه عائلة واحده بس وقاعده بعيد عنه ..

راشد في خاطرة:اااه يالبحر شفت بعد ماغدرت بي النيا كاهي تجلب لي الوفا اتمنى لي السعاه ياحبيبي لاجل اسعد وانت تعرف معاناتي وتحس فيها ..

ااااااه ليت ربي يحرمني من الهم والغم ليت ربي يحفظ لي الراحة..

تعبان يابحر تعباان والله احس روحي اكبر عن عمري بعشرين سنه ابي ارتاااح خلااص كفااية..

قطعت افكارة بنت صغيرة جايه من وسط العيله اللي جالسة قريب..

البنت:دادووو

راشد:بسم الله وابتسم لها تعالي ماما تعالي..

البنت:مابا ابا هواوه..

راشد:ههههه وينها ريهاموه عنك

البنت:هو هاموه انا ساله

راشد:والنعم حبيبي سارة..

البنت:ات تبيب اهبك انا..

راشد:ههههه يابعد عمري انت والله وطلع من جيبته دينار وعطاها اياه..

البنت خذته وهي مستانسه:سكلاً

راشد:ههههه عفواً..عنوني..

في هاللحظة جت بنت عمرها تقريبا عشر..

البنت:سارة وينك؟تعالي لاتأذين الريال..

سارة:اه اه مابا مابا هدا تبيت اباه

البنت:سوري ع المغثة..

راشد:لا عادي مايهمك ..

وخذت البنت ختها وراحت وين ماقومها جالسين ...

هنيه راشد حس انه اشتاق لريهام وقام مقرر يروح بيت اخته اريج منه يسألها عن البنت اللي بيخطبوها ومنه يشوفهم..

** ** ** ** **

 

خليل لما دخل الغرفه لقا بنت توايق من الدريشة وكانت لابسة عباتها وشيلتها بعد كا،ها مستعده تطلع هو عرف انها مو شهد اخته لأن يبان من اختلاف الجسم..

كان توه بيطلع الا انه اصدر صوت من الاب خلى البنت على طول تلتفت له..

خليل ابهت يوم شافها كوثر:اووه هاذي انت كوثر شخبارك ؟!

نرجس ماحبت تصحح له لأنها ماترتاح له خايفة انه يسرق اختها منها بدليل ان كوثر دووم تكلمها عنه:بخيير تمام انت شلونك؟

خليل:بخيير دام اني اشووفك..

كوثر بدون نفس:تسلم الغالي..

خليل استغرب منها ومن اسلوب كلامها:الله يسلمك ..

خليل استقل فرصة وجوده معاها قبل لااحد يجي عشان بيقول لها ع اللي في باله قبل لايقول لأحد عنه:كوثر بغيت اقول لك شي قبل لاامشي..

نرجس:تفضل قول..

خليل:انا في بالي شي بس ماقلت ولا لأحد عنه وابي اخذ رايك فيه قبل عشاان ما ابي اتسرع وبعدين اندم..!

نرجس بفضول وخوف:وشو هو؟

خليل:كوثر انا بسألك سؤال وصدقيني ان غرضي منه مباشر وشريف وبدون لف ودوران انا ابي اتقدم لك واخطبك من اهلك بس قلت ابا رايك اول واذا عرفت موافقتك بقول لأمي تكلم امك وبعد ماتخلصين هالسمستر نعقد وانت بكيفك انا صراحه حسيت من نظراتك انك تبيني مثل ماابيك ولذا قلت اسألك اول خذي وقتك وردي علي بعد ماتفكرين زين واسمحيلي ع طريقتي في سؤالك هالشي بس مالقيت قدامي غيرها..

ودار يبي يطلع من الغرفة عشان لايحرجها اكثر..

كوثر كانت تغلي من كلامه ومنقهرة لأن في بالها العهد اللي خذته مع اختها انهم مايتزوجون ابدا عشان يضلون مع امهم وهي محافظة عليه عكس كوثر اللي فاهمه انه بس لعب يهال لأن هالعهد خذوه يوم كان عمرهم 14 ومايفهمون ان سنة الحياة الزواج..

 

كوثر قبل لايطلع من الغرفة:خليل انتظر..

خليل دار لها:هلا..

كوثر:مايحتاج تعطيني وقت افكر انا بقولك رايي الحين..

خليل ابتسم وانتظرها تجاوبه ع باله بتقوله ابيك دون ماافكر ..

كوثر في بالها:مو انت ياخليلوة اللي بتفرق بيني وبين اختي وبتنقض عهدنا..

وبصوت عالي وبدون تفكير:انا مابيك ولا ادانيك حتى

ولاتفكر بهالشي مره ثانية انت فاهم ولا لا انت شخص مستحييل افكر فيه كزوج لي

ولذا رجااء لاتخرب لي حياتي وتخليني كارهه عيشتي روح وفكني من شيفتك سااامع هذا اللي ناقصني بعد..!!!!!!!!!!!!!!!!!!!!!!!!

 

 

يتبع..

 

 

ادتني ظرروف وخصوصا ان بكررة بساافر وماكان عندي علم الا قريب يعني السمووحه منكم كلكم على التأخيير وعلى التقصير في حقكم بس والله انشغلت لذا رجااء لا حد يزعل انا كنت مقرره انزله لكم من زماان بس النت انقطع عندي وكنت مقررة اسويه لكم طوييييل بس والله ماصار عندي وقت مو بيدي الظروف هي اللي منعتني..

وانشااء الله برد بعد اسبوعين وبيكون الجززء عندكم على طوول ..

وتحيااتي لكم وسامحوني وحللوني ..

[شهد]

ثاااااااااااااانكس على الجزء

[بحرينيه^مزيونة]

ثااانكس