fa6ooooo Posted أغسطس 20, 2005 Report Share Posted أغسطس 20, 2005 ثاااااااااااااااااااااانكيوووووووو حبيبتي على البارت الله يعطيج العافية Quote Link to comment Share on other sites More sharing options...
~x وصية الغرور x~ Posted أغسطس 20, 2005 Author Report Share Posted أغسطس 20, 2005 اما ريم وخالد بعد ماسهروا ليلهم مع بعض وهم يسولفون ويتغزلون في بعض اذن عليهم الفجر وقاموا صلوا وبعدها نامت ريم في غرفتها وراح خالد نام في المجلس وتوه قاعد من النوم وتفاجأ انها الساعة 3 على باله انه الظهر وصلى صلاة ربه واستغفر وقرأ قرآن وراح يشوف ريم فوق مستغرب انها ماجلسته للصلاه يفكرها قعدت وهي اصلاً بعدها في سابع نومه..!! وركب وتفاجأ بها بعدها نايمه..وراح عندها وابتسامه خبيثة مرتسمه على شفايفة..واخذ منديل ورقي >>كلينكس<< ولوته لين صار ضعيف في الطرف .. وتوه بيبتدي لعبته اللي ناوي عليها الا الباب ينفتح وتدخل منه وفاء.. وفاء ماتوقعت وجود خالد فقالت بطريقة تبينه اجرامي:شو تسوي خلود اعترف احسن لك؟؟!! خالد مسوي روحه خايف:والله عمتي ماسويت شي.. وفاء: وي وهاذي بعدها خيشة النوم نايمه احنا نتلعب على عبيروة وطلع عندنا اللي اطقع منها..! خالد:شب ما اسمح لك ياحلوة تراها مرتي وعن الغلط احسن لك.. وفاء:احلف انت بس وهي اختي يا اخوي.. الكل:ههههههه وفاء: سبحان الله كل هالازعاج اللي سويناه ولا حست ولا اوتعت بعد.. خالد:ههه تعالي خلنا نلعب عليها شوي... وفاء فهمت قصده لأن من يوم هم يهال يسون هاللعبة وضحكت عليه.. وراحوا يتسللون بشويش لين مكان استلقاء راس ريم على المخده.. وطلع خالد المنديل الملفوف وحطها في اذن ريم وقام يحركها بخفيف ..ريم حست بشي وقامت تحك اذنها وهي متضايقة بس مافتحت عيونها.. وخالد ووفاء يضحكون شال المنديل ولما رجعت ريم تنام بهدؤ طلعه مره ثانية وحطة في اذنها وحركه شوي ..ريم اوتعت وعصبت وقالت بقوة بعد مافهمت اللي صار لها:اطلعواا براا !! شو هاي الحالة ماتخلون حد يتهنأ بنومته .. هنيه انفجروا وفاء وخالد من الضحك..وريم انقهرت وسحبت مخدتها الثانية وقطتها عليهم..وهم بعدهم يضحكون..!! وفاء وهي مو قادرة من الضحك:الشردة احسن لي وطلعت وسكرت الباب.. خالد بعد ماسكت من الضحك وريم رجعت تبي تنام راح عندها قعد على طرف السرير وشاف جوالها مرمي جنبها.. خذاه وراح فتح الرسايل مثل العاده.. وشاف اول رساله عندها من رقم غريب.. استغرب وفتحها شافها الرسالة اللي رسلتها له امس... راح للرسائل المرسلة مالقى الا 2 وحده مرسله لـ(حبي الأبدي) ولقاها له واتشقق عاد والثاني مرسله لـ(احلى ابتسامه)وشاف رقم وفاء اختهم وابتسم.. وتوه بيرجع يقرأ الرسايل الباقي الا وصلت رساله جديدة فتحها وكانت من نفس الرقم الغريب وتقول الرسالة: محتاج اضمك واترك الدمع ينساب.. ويكتب على خدي بلاوي سنيني .. بالحيل ميت من زمان مابه احباب.. الكل منهم بالمصايب يجيني الا انت وينك لا تعذر بألاسباب.. ابيك تترك كل شي وتجيني!!.. استغرب خالد وقال انه يمكن وحده من صاحباتها بس بعد لو حد تعرفه سجلت الرقم بأسم ويمكن مغلط بس لو مغلط بيرسل وحده غلط والثانية متعمد يتحرش..واخيراً قال اسأل ريم احسن لي..وراح عند ريم .. خالد بكل جديه:ريـم يا ريـــــم؟؟! ريم:همممم خالد بصوت عالي شوي:ريـــم قومي جلسي ابيك..! ريم قامت على طول من لهجة خالد حاسة ان فيه شي صاير.. خالد:تعرفين هالرقم؟!وخلاها تشوفه.. قالت:ايوه اقصد لاا ماعرفه بس امس رسل لي رساله .. قال:اها واليوم بعد رسل انا لازم اتصل اشوف منو .. واتصل خالد شوي ورفعه شخص.!وقال:الو.. خالد:الو السلام عليكم... الشخص كأنه انصدم وسكر في وجهه خالد.. خالد بعصبيه: قليل الأدب والله بيشوف .. ريم:خلاص حبيبي ماله داعي خله يولي... خالد:لا والله مايولي ورد اتصل بس مالقى رد..!! خالد:الحيوان خااف ومو راضي يرفع.. وثواني الا نفس هالرقم متصل.. خالد بعصبية :الو.. الشخص:السلام عليكم. خالد:وعليكم السلام منو حضرتك؟ الشخص:آسف اخوي بس بغيت اسألك مو هذا جوال الآنسة ريم بنت سعودالملكي؟! >> طبعاً خالد كان حاطة سبيكر عشان ريم تسمع وتشوف اذا تعرفه ولا لااا.. مامداه يرد لأن الخط انقطع.. خالد بهدوء محفوف بالمخاطر:منو هذا ريم اللي يعرفك؟ ريم تحاول تتذكرر هي فين سامعة هالصوت من قبل وفجأه قالت بحماس:أيــــــــه اظني عرفت!! خالد:منو؟ ريم:اتوقع ان هذا اللي يصير لأمي من بعيد انت بعد تعرفه اسمه جاسم كنا نلعب عاه ومع اخته يوم كنا صغاار .. خالد تذكره الحين وتذكر حقده عليهكانوا دوم يتهاوشون على ريم ايام الطفوله وانقهر يبي يعرف كيف جاب رقم ريم.. اتصل جاسم قبل خالد لا يتصل.. جاسم:آسف اخوي انقطع! خالد:ماعلينا شنو تبي انت؟! جاسم:بغيت اسألك اذا كان هذا جوال ريم ولا لاا؟ خالد:ايه نعم جوالها ومعاك زوجها شو تبي؟! جاسم انصدم: هاا زوجها ؟! ليش من متى ريم تزوجت؟! خالد:من كم شهر قولي شو تبي فيها؟!ومن وين جايب الرقم؟! جاسم من الصدمه: لا اخوي الظاهر اني غلطان المعذرة.. خالد:لا اخوي مو غلطان واسمعني عدل يا جاسم والله ان شفتك داق على هالرقم مره ثانية ياويلك مابتشوف اللي يسركان شفت رقمك ولا أي رقم غريب جاي من طرفك لا تلوم الا نفسك!! جاسم:لا تاكلني اخوي وآسف انا ماكنت ادري ان ريم تزوجت لأني كنت ابي اخطبها بس قلت ابي اسألها اول موافقة ولا لاا والحين تفاجأت بهالخبر !! الاا صج كيف عرفت اسمي..؟! خالد:لأني اعرف وتعرفني معاك خالد ولد عمة ريم..! جاسم مثل اللي حصل صفعة على وجهه حس بالموت لأن اللذ اعدائة اخذ البنت اللي حبها يوم كان صغير قبل لا ينتقل للعيش في السعودية فقال بدوء: اها اهلين خالد شو اخبارك؟ خالد:بخير الله يسلمك يلا تآمرني بشي؟! جاسم:سلامتك مع السلامه.. خالد سكر دون مايرد عليه وهو معصب بس يحس انه انتقم منه شوي والتفت لريم لقاها تبتسم وهذا اللي زاد قهره اكثر.. خالد بعصبية:فرحاانه هاا فرحانه ان في وااحد متصل يقول يبيك ويا هالوجه؟!! ريم زادت ابتسامتها توسع..!! خالد بقهر:ماتقولين لي ليش تبتسمين؟؟!! ريم بكل رقه وفرح:حبيبي خلوود انا فرحانه لأن ريلي يغار علي هالكثر وشوي ويجن عشان رساايل تافهة.. خالد هنيه انجبر يبتسم... وقاموا يتكلمون مع بعض وتناسوا هالسالفة.. { جاسم هذا يصير ولد خالة ابو بدرية وكان من قبل جارهم في البحرين ومانسى وفاء وحاط في باله من زمان انه اذا اشتغل بيخطبها رغم انه في السعوديه الحين} بعد ماسكر من عند خالد ظل محبط وبائس وهو يتذكر ريم ايام الطفوله يتذكر كيف كانت تحبه وتلعب معاه الا اذا انوجد خالد بالساحه تتركة وهالشيء ككان يضايقة وماعرف شيسوي.. اتعوذ من ابليس وقام من مكانه وهو يفكر يقزل لأمه تخطب له بنت ناس كويسين بس يبيها من اللي كانوا يعرفونهم ايام ماكانوا في البحرين ..صج رغبه غريبه خخخخ.. او يمكن عشانه واضع مخططات انه بياخذ وحده ساكنه في البحرين وحاط اشياء براسة فكانت هاذي رغبته اللي مابيغيرها وشكر ربه اه مو متعلق بريم لدرجة الموت لأنه ماصار يشوفها من زمان فعادي الوضع عنده الللهم فقد مخططاته الأولية!!!.. ** *** **** **** *** *** ** * في بيت ام راشد.. كل العائلة قاعده في الصالة تتطالع التلفزيون لأنه فتح مسلسل(عباس الأبيض في اليوم الأسود) المصري اللي يطالعونه كل يوم الساعة 3 ونص.. كوثر قطعت هالصمت لأنها تحس بالخنقة من اللي لقته من خليل وتبي تطلع بما انه اليوم الجمعه يوم الطلعة المحدد:حسين؟ حسين حاقرها مسوي انه مندمج.. كوثر شوي واتصيح:اوهو حسين قاعده اكلمك انا.. حسين: خير شتبين؟ كوثر:شفيك تكلمني كذا؟! حسين :سألي نفسك؟ راشد:سكتوا عن المناقر وخلونا نتابع المسلسل عدل.. كوثر وكأنها ماتسمع: انزين انا آسفه ماكنت اقصد.. حسين ابتسم: شنو تبين؟! كوثر: وين بتودينا اليوم؟! حسين:وين ماتبون بوديكم؟! نرجس:نبي نروح السينما!! كثر:ايه صج من زمان مارحنا.. حسين:طيب ..وانت راشد بتروح معنا ولااا؟! راشد:عادي بروح ماعندي شي.. واتفقوا ع الساعة اربع ونص لما ينتهي المسلسل يروحون .. *** **** *** *** *** * * ** في بيت ابو ناصر..ع الساعة 3 ونص.. وفاء نزلت من فوق ومعاها ليلى وكان هادي يطاالع لتلفزيون.. وفاء:هدوي رجاء ابي اطالع المسلسل.. هادي بزعطة:أي مسلسل؟! وفاء:هادي لاتقعد تستعبط علي وانت عارف المسلسل.. هادي:ان شاء الله هالمصري التافة؟! وفاء: مالك شغل تافة ولا غيرة بسرعة ابي اطالعة.. ليلى انقهرت من عناد هاديكل مره يتهاوش مع وفاء ع هالحالة:يلا هدوي حبيبي خلنا نطالع اليوم الحلقة العاشرة مايصير تفوتنا وتوه المسلسل بادي بعدين مابنفهم.. هادي بنظرة:والله لو عندي شي اطالعه ماحطيته لكم احمدوا ربكم ان مافيه شي ابيه.. وفاء سحبت رموت الكنترول من عنده:يلا ضف ضف.. وحطت قناة دبي وقامت تطالع المسلسل..وليلى متملله لأنها ماتحبه.. ليلى:وفاء بكرة بنروح الجامعة.. وفاء:مو شي جديد.. ليلى:ايه نبي نطلع مليت انا .. وفاء:وين تبين ؟ ليلى:خاطري اروح السينما ..خلنا نروح وفاء.. وفاء:هههااي تهقين امي بترضى يعني نروح انا وانت لحالنا.. ليلى:اوهو عبير اكيد بتظل مع ناصر.. وفاء:شوفي لما ينتهي المسلسل بشوف خلود بحاول فيه يروح معانا ويا ريم وكذا امي مابتمانع.. ليلى:اوكي خوش فكرة.. وبعد ماانتهى المسلسل.. راحت وفاء لخالد:خلود حبيبي.. خالد:اوهوه يوم تبي شي اصير حبيبها.. وفاء:عفيه خلود مابي شي عظيم انا.. خالد:ههههه شو تبين؟! وفاء:انا وليلى خاطرنا نروح السينما ونبيكم تيون معانا.. ريم:غريبه تبينا معاكم مو العادة..! خالد:لأن ياغناتي الماما مابتخليهم يروحون لحالهم..! ريم:اهااااااا وانا اقووول.. وفاء متمسكنه:يلا عاد ارجوكم نبي نطلع.. خالد: بس بشرط ؟! >> وهو يغمز لريم.. وفاء:موافقين..!! خالد:هههه انت اسمعي الشرط اول.. ريم:هههه مطيورة ع الطلعة وفاء:انزين شو الشرط؟ خالد:انا وريم ندخل فلم بروحنا وانتوا بروحكم... وفاء: اوكي يلا احنا بروح نلبس وبسرعة انتوا خلصوا .. ** ** ** ** يتبع.. Quote Link to comment Share on other sites More sharing options...
بقايا أمل Posted أغسطس 20, 2005 Report Share Posted أغسطس 20, 2005 اخيرا اشرقت الشمس مشكوووره غلاتي على الجزء في انتظار البقية Quote Link to comment Share on other sites More sharing options...
الدمعة الجريحة Posted أغسطس 20, 2005 Report Share Posted أغسطس 20, 2005 مشكورة عمري على الجزء الحلو مثلچ Quote Link to comment Share on other sites More sharing options...
بحرينيه^مزيونة Posted أغسطس 21, 2005 Report Share Posted أغسطس 21, 2005 واخيييييرا مشكووووووووره حبيبتي ووننتظر التكمله Quote Link to comment Share on other sites More sharing options...
بقايا أمل Posted أغسطس 21, 2005 Report Share Posted أغسطس 21, 2005 في انتظار التكملة Quote Link to comment Share on other sites More sharing options...
شهد Posted أغسطس 21, 2005 Report Share Posted أغسطس 21, 2005 واخيييييييييييييرا ثاااااااااااااااانكس وننتظر الجزء الياي Quote Link to comment Share on other sites More sharing options...
عيون حزينة Posted أغسطس 22, 2005 Report Share Posted أغسطس 22, 2005 القصة صراحة روعه واااااااااااااااايد حلوة مشكوووورة يعطيش العافية خيووووه و ننتظر الاجزاء القادمه على احر من الجمر لا تطولين علينا بليييييز Quote Link to comment Share on other sites More sharing options...
~x وصية الغرور x~ Posted أغسطس 23, 2005 Author Report Share Posted أغسطس 23, 2005 مشكووووورين على الردود ويلاا الحين هالمرة ماتاخرت عليكم بالجزء يلاا اخليكم م احداث القصة Quote Link to comment Share on other sites More sharing options...
~x وصية الغرور x~ Posted أغسطس 23, 2005 Author Report Share Posted أغسطس 23, 2005 الجزء الثامن والعشرين: وقبل الساعة اربع وصلوا وفاء وليلى وريم وخالد مجمع (الدانه) وراحوا جهة السينما واختاروا وفاء وليلى فلم عربي كوميدي ابتدأ من ربع ساعة بس مايقدرون ينتظرون لأن العروض الجديدة ماتبدى الا ع 6 وشوي.. ونفس الشي خالد وريم بس هم دخلوا فلم اجنبي رومانسي كوميدي.. وراحوا شروا لهم فشار وعصير ودخلوا افلامهم.. اما ع الساعة خمس وشوي دخلوا مجع الدانة راشد وحسين ونرجس وكوثر تأخروا لان حسين شاف برنامج علمي تثقيفي ومارضى يقوم من عند التلفزيون لين ماانتهى ..راحوا اول جهة السينما واختاروا فلم كوميدي عائلي يبدأ بعد ساعة .. فراحوا قعدوا في كوفي شوب ينتظرون وهم يسولفون واللي طلب له عصير واللي قهوة واللي اسكريم وهيك.وضمن السوالف حسين قال انه يبي ينزل تحت في الطابق الأول محل عشان بيشتري له منه نعال جديد وقالت له نرجس انها بتروح معاه بعد ماتخلص قهوتهااللي تشربها.. بعد نص ساعة تقريبااً خلص فلم وفاء وليلى بس باقي يشوفون مشاهد اللي خلف الكواليس اثناء تصوير الفلم وتضحك الواحد..وفاء ودها تشوفهم بس ماتقدر تبي تروح الحمام وقالت لليلى بسرعة:ليللوه انا بروح الحمام وبعدين بوقف محل ما اتفقنا.. (اتفقوا مع خالد وريم يتلاقون عند البوابه رقم 2) ليلى من زود الأندماج: انزين روحي بس سكتي ابي اطالع.. وراحت عنها وفاء وهي تمشي بتروح الدرج شافت في الكوفي شوب اللي مقابلها راشد اللي كان سرحان وكان جالس جنبه واحد حليو بعد ومقابلهم بنتين عاطينها ظهورهم فما شاتهم هي عرفته على طول بس ماطولت مناظر ولفت راسها تكمل طريقها وهي مبتسمه على هالصدفة.. هنيه راشد بعد انتبه لها وابتسم بينه وبين نفسة لأنه شافها تطالعة أي انها عرفته مثل ماعرفها.. كوثر كانت تاكل اسكريم وتطالع اللي يمشون وهي تفكر بخليل اللي مافارق تفكيرها ولا دقيقة.. اما حسين ونرجس خلصوا شرابهم وقاموا عشان بينزلون تحت المكان اللي يبيه حسينوهم يسولفون ويضحكون ويحاولون يسرعون عشان مابقي وقت على بداية الفلم.. اما ليلى بعد مانتهت المشاهد وطلعت من السينما شرت لها قرشة ماي وراحتبتنزل تحت عشان تروح محل ماتفقوا يتلاقون وماعرفت شلون خافت تنزل وكان الدرج فاضي لأن الكل في المطاعم ولا في السينما ولا المحلات ..وهي ماخذت جوالها عشان تدق لوفاء اللي مشت عنها..وشوي وشافت بنت بتنزل لحالها>>نرجس.... وقالت لها:لو سمحتي اختي.. نرجس:نعم.. ليلى:بتنزلين تحت؟! نرجس باستغراب:ايه ليش؟ ليلى تدري انها مستغربه فحبت توضح لها الوضع: انا اخاف من الدرج ماحب اركبه ولا انزله بروحي فهل ممكن تنزليني معاك لأن اختي نزلت عني..! نرجس رغم الدهشة اللي فيها من خوف هالبنت الغريب من نوعة بس ماحبت الا تطمنها: عادي اختي تعالي ولا يهمك..>وابتسمت.. نزلوا مع بعض.. ليلى:مشكورة حبيبتي ماراح انساها لك.. نرجس :ههه العفو ولو ماسويت شي............ وقطع كلامهم حسين اللي ماانتبه لوجود ليلى.. حسين:يلا نرجس خلنا نروح قبل لا يبي الفلم....>ويوم انتبه انها واقفة مع بنت ى قال: اوه سوري ماانتبهت ان معاك احد.. ليلى فتحت عيونها من الدهشة وابتسمت وكذلك حسين.. نرجس حست بوجود شي غريب.. حسين: اوه هاذي انت؟! صج لا قالوا الدنيا صغيرة.. ليلى بابتسامة خجل مبينه غمازات خدودها الغزيرو الحلوة:ايه صج نرجس:شنو السالفة علموني كيف تعرفون بعض؟! ليلى:هالشخص ساعدني مره يوم كنت بورطة مع السيارة والحين انت ماشاء الله العائلة الكريمه كلها تصادفني وقت ورطاتي..!! الكل:هههههههههههههههه نرجس:ههههههههه فديت اخوي دومه يساعد طالع علي.. حسين:قوليث انت طالعه علي.. الكل:ههههههههه ليلى :مشكورين على كل حال وسرتني شوفتكم.. نرجس:واحنا اكثر يلا باي.. ليلى : باي وراحت مشت للبوابه الثانية..وهي تحس بسعاده ماتعرف سببها... في حين ان نرجس وحسين راحوا محل احذية رجالية وهم يسولفون.. نرجس:بعد تساعد ياحسين ماقلت لي كيف!؟ حسين:ههههههه وعلمها بالسالفة..وتذكرة سالفة مغلفها اللي من وناسته بشوفتها نسى يقول لها عليه.. حسين بقهر: اوووووووووه صح نسيت اقول لها ان مغلفها عندي لأنه طاح وهي مشت عنه فاظطريت اخذه!! نرجس:تعال نشوفها يمكن بعدها موجوده وساروا يدورونها بس مالقوها لأنها اصلا طلعت من المجمع مع وفاء وريم وخالد.. وهم في السيارة.. خالد:ان شاء الله استانستوا..؟! الكل:طبعاً.. ليلى:لكن انا مااحبكم دوم تخلوني لحالي وماعرف انزل ادرج فأتفشل مع الناس لما اروح اقول لهم نزلوني..>وهي مبرطمه.. الكل:ههههههه وفاء:السوحه منك لولو بس والله مو قصدي كنت ابي انزل بسرعة ونسيت سالفتك.. ليلى:اوكي مقبولة منك بس لاتعيديها.. ولما وصلوا بيتهم علمت كل وحده الثانية باللي صار لها ومنو شافوا وهم يضحكون على اعمارهم ومايدرون ان اللي يتكلمون عنهم في الحقيقة اخوان.. ** *** *** *** *** ** *** اما اريج بعد المغرب طلعت مع محمود وراحوا تعشوا في مطعم وبعدها راحوا البحر وظلوا يتمشون وهم يسولفون وكل واحد منهم فرحان عشان فرح الثاني واما ريهام في البيت مع الخدامه بس طاقتها نومه من 7 المغرب خخخخخخ.. ** ******** *** *** *** **** *** في هالساعة تقريباً الكل مستعد لنوم عشان يستقبلون بكرة بنشاط وروحة لدوامات..ماعدا انسان ماجاه النوم وهو يفكرر باشياء واايد انسان يحس ان الحزن صار له صديق انسان اظنكم عرفتوه..!! Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.