سنفوررة Posted فبراير 11, 2009 Report Share Posted فبراير 11, 2009 يـلا عاد من متى واحنا نحارس لا تتاخــر؟؟! Quote Link to comment Share on other sites More sharing options...
~][ حكم الجنون ][~ Posted فبراير 11, 2009 Report Share Posted فبراير 11, 2009 (edited) الحلقة " 75 " حلوو المنظر صح ؟احمد (تورط عباله تكلمه وماعرف شنو يرد) :أي حلووشذى لما سمعت الصوتاستغربت ولفت عوارها وطالعت الي رد عليها بنظراتاستغرابوهو لما شافها طالعها بنفس الاستغراب .. دقايق وهم يطالعون في بعض مستغربين .. وبعدها ابتسم في وجها .. وهي ما عرفتشتسوي .. وبسرعة راحت تركض .. احمد :السلام عليكمالكلله وراه ومستغرب وشذى خافت وفضولها اكثر .. شوق : وعليكمالسلاماحمد :اخيرا شفت احد اعرفههههههشوق : افااا عليك احمد .. مو غريبعلينا شوق : أي نسيت ما اعرفكم .. هذااحمد اخو محمود زوج اسراء .. وهذولا رجاء بنت عمي .. وندى وشذى بناتخالتهااحمد وهو يبتسم ويطالع شذى : يا هلاالبنات : هلابيكاحمد : الا وين الشباب ؟شوق : يتسابقون بالخيلاحمد : اهاااشوق : خسارة ما لحقت عليهماحمد : أي خسارة .. بس بيني وبينج احسن انهم تسابقوا قبل ما اجي .. لان ماا اعرف هههههالبنات : ههههههه وشذى طول هالوقت .. تطالع فيه بين لحظة ولحظة .. ودقات قلبها تتسارع ندى : يو شذى .. وين رحتي ؟؟ ( وتحرك يدها قبال وجه اختها ) هووو نحن هنا شذى : هههه هلا .. سوري اخذتني الذكرى ندى : نو بروبلوم يا ام ذكرى هههه شذى سكت .. وشربت من العصير شوية ندى : اي تعااالي .. قولي لي الصراحة .. شصار في المستشفى شذى رفعت حواجبها .. وتخطط جبينها .. وتوها بتتكلم ندى قاطعتها : بلييييييييييييييييييز شذى رسمت ابتسامة ع وجها .. وهي تتذكر شلون زفت اختها من شوية ندى : وااااو ابتسمت الاميرة .. بتقووولين شذى : هههه سمعي .. ع الساعه 9 ونص .. قعدت شذى ع صوت المنبه .. وبرزت نفسها .. ولبست لها احسن شي عندها .. شذى وهي تشوف نفسها بالمنظرة : يا ربي .. ما اعرف شكلي عدل او لا .. وينج يا ندووووووش .. في سابع نومة انتي .. اوووف ام سلمان وهي تطق الباب : شذى يمه بااارزة شذى : اي يمه باااارزة .. بس لحظة البس عبايتي ام سلمان : يالله انا انتظرج تحت .. ترى ام محمود دقت علي تقولي انهم بالدرب شذى فز قلبها : ان شاء الله .. ان شاء الله يمه وبسرعة بسرعة .. لبست عبايتها .. الي تتكون من شك في اليد بسيط .. ولبست الشيلة .. وحملت شنطتها ونزلت تحت ام سلمان : ها يمه جاهزة شذى قعدت جنب امها : اي يمه زاهبة ام سلمان وهي تبتسم لبنتها : الله يتمم كل شي على خير شذى نزلت راسها .. وتوردت خدودها : آمين شذى : يوو يمه .. نسيت تلفوني .. لحظة اروح آخذه ام سلمان : بسرعة يا يمه .. هم بجون بأي لحظة شذى : ثوااااااني مام وبسرعة تركض تاخذ تلفونها شذى وهي تدور فوق المستواليت .. وعند الكمبيوتر : يا ربي وينه وينه ومترفع الموسدة : وقتك انت تخفي .. اوووف ويوصلها صوت امها من تحت : يمه شذذذذذذذذذى .. كو وصلوا انا بسبقج .. لا تتاخرين .. عيب نبطي عليهم شذى : يممه لا تروحين عني بس ام سلمان ما سمعت صوتها .. وراحت بره وشذى تدور ع التلفون بين اغراضها .. وشوية تلاقيه تحت دبدوبها .. لعنت اليوم الي شرت فيه هالدبدوب .. وبسرعة تاخذه وتحمل عبايتها .. وتنزل ع السريع .. وتوها بتطلع شذى : يوو شنطتي شنطتي .. ( ولفت تطالع الجلسة شافتها فوق واحد من الكراسي ) حبيبتي انتي .. وبسرعة تاخذها وتطلع بره اول ما فتحت الباب .. سلمت وقعدت ورا ام سلمان كانت منزلة راسها .. وتحس ان نظارات احمد عليها من المنظرة الي فوق .. ام سلمان وام محمود يتكلمون في مواضيع مختلفة .. لكن كانت الدينا هدوء ومافيها اصوات .. غير كلام القلوب .. بين احمد وشذى شذى حست نفسها بتموت من نظراته .. رغم انها مو رافعة عينها .. الا ان احساسها يقول انه يطالعها .. حاولت تعدل الوضع الي هي فيه .. قبل لا يغمي عليها .. فلمت نظرها للدريشة الي جنبها .. وقامت تطالع الرايح والجاي .. والبقالات .. مكان ازهار .. كراج ووو اول ما وصلوا المستشفى .. وتوجهوا مباشرة الى قسم الرعاية الصحية وبالاخص للمختبر .. قعدت شذى ع اليمين وجنبها امها .. وجنب ام سلمان ام محمود .. واحمد ع اليسار .. ينتظرون ادوارهم واول ما نادوا شذى .. حمدت ربها انها عاليمين قاعدة .. يعني ما بتمر ع احمد .. دخلت وشوية وينادون ع احمد .. اول ما دخل انصـــــــــــــدم احمد وهو يركض لمكان ما قاعدة شذى .. ويهزها : شذى .. شـــذى ( ويطالع الطبيبة بخوف ) شـــــفيها ؟ الطبيبة تبتسم له عشان اطمنه : لا بس شوية داخت لما شافت الدم ينسحب منها .. احين راح يجيبون ماي عشان نرش ع وجها .. تقدر تتفضل هني ( وتأشر له ع كرسي ) عشان ناخذ منك دم احمد وهو يشوف شذى .. الي مغمضة عيونها ببرائة : لحظة .. ابي اطمن عليها اول وبسرعة يركض للممرضة الي دخلت وبيدها كاس ماي .. واخذه .. وحط شوية ماي بيده .. ومسح ع وجه شذى .. بس ما تأثرت .. ورد عاود مرة ثانية .. وثالثة .. على قعدت متخرعة .. اول ما فتحت عينها .. طاحت ع عين احمد .. الي كان نظراته كله خوف .. بس اول ما شافها فاتحة عيونها .. ابتسم ابتسامة عريضة احمد : انتي بخـــــــــــير ؟ شذى كانت منصدمة .. تشوف نفسها مبللة ماي .. ويد احمد مبللة .. يعني هو الي رش علي الماي .. مبي الفشيلة احمد عاود السؤال مرة ثانية : شذى .. انتي بخير ؟ شذى هزت راسها .. بمعنى هي بخير احمد .. مسك يدها متناسي الحواجز الي بينهم : ارتاحي لج شوية ندى : هههههههههههههههههه .. مبي مبي رومانسي .. روميو وجوليييت شذى وهي منزلة راسها : مبييي .. والله تفشلت .. ولا بعد امج الله يهديها .. في الرجعة .. تقوله مر سوبر ماركت .. تاخذ لشذى اكل .. لانها مو ماكلة شي ندى : ههههههه .. اهلا بدر .. شخبارك ؟ بدر : الحمد الله .. انتي شخبارج ؟؟ .. وشخبار يدج ؟ وجدان : ههه انا بخير .. ويدي بخير بعد بدر : متى بشيلونها ؟ وجدان : اممم يمكن بعد شهر ونص .. او شهرين بدر : ما تشوفين شر يالغالية وجدان : الشر ما يجيك .. ( وتناديه ) بدر بدر :عيونه وجدان : سالمة .. شفيك ؟ بدر : شفيني !! وجدان : ما ادري .. احسك مضايق بدر : لا مافيني شي .. تدرين ايمان بعد كم يوم بتجي البحرين وجدان : والله ؟ بدر : اي .. تعالي زوريها يا زعم هههه وجدان : يا زعم هاا .. سلم عليها وااجد .. وترجع بالسلامة بدر : الله يسلمج وجدان : صدق بدر شفيك ؟؟ .. احس صوتك مضايق بدر يتنهد : آآه وجدان : سلامتك من الآه .. شفيك ؟ بدر : ما ابي اشيبج وانتي توج شباب .. ابي اتهنى فيج وجدان : هههه .. بدر صدق شفيك ؟ بدر : ما فيني شي عمري .. لا تشغلين بالج وجدان : يعني انا اشارك همومي واحزاني .. واقولك شفيني وما فيني .. ومع هذا انت ما تقولي ولا شي .. بدر .. انت ما تثق فيني ؟ بدر : يا حبيبتي يا وجدان .. مو مسالة ثقة .. المسالة مسالة اني ما ابي اضايقج وجدان : انت جذي تضايقني .. وتخليني احاتي بدر : شقولج يا وجدان .. صديقي شوية عنده مشاكل وجدان : عسى ما شر ؟؟ بدر : ما شر .. بس احس نفسي عاجز عن مساعدته .. رغم اني وعدته اساعده .. بس ما اعرف شلون وجدان : فراس ؟ بدر : اي فراس وجدان : انزين شفيه .. شنو مشكلته ؟ بدر : الخيانة وجدان استغربت : شنو ؟؟ بدر : يقول انه شاف رجاء تخونه .. بعلاقة مع واحد غيره وجدان : معقــــولة ؟؟ بدر : انا مو مصدق يا وجدان .. رجاء انسانة مؤمنة بربها .. وعاقل وفاهمة .. ماادري .. ما ادري .. بس الشي مو داخل بالي وجدان : انزين اذا كان مجرد كلام .. لازم ما يصدق بدر : مو المشكلة .. يقول ان شافها بعينه تصيح يا زعم له .. وبمكان عام .. وان اليوم متغيرة عليه وجدان : اممم .. ما اعرف شقولك بدر : احسه منهار .. ومب عارف اتصرف معاه .. ودي اعرف الحقيقة .. واواجه رجاء .. ولا المشكلة .. انها تقول خاين بعد ؟!! .. وراسي مفتر .. ما اعرف شسالفة وجدان : هي تقوله خاين !! .. رغم انه شافها مع واحد غيره ؟؟!!! .. كأن الموضوع فيه خطا ؟ بدر : انا متاكد فيه خطا .. بس شلون اوصل له ما ادري وجدان : امممم بدر : .... ولحظة تفكير وجدان : ايييييييي بدر .. ليش ما تعطيني رقمها وادق عليها بدر : انزين .. وعقب ؟ وجدان : واحاول اتقرب منها .. واعرف الموضوع منها كله بدر : امممم وجدان : هو صح 20% .. ممكن تنجح الخطة .. بس نحاول ما بيدنا شي .. غير ان احنا نسمع الموضوع من رجاء بدر : اووكي .. بكرة بحاول آخذ الرقم من فراس وجدان : اوكي انا انتظر .. اختفى القمر .. والشمس قربت ع الشروق .. والدنيا هدوء .. ما عدا من زقزقت العصافير الحلوة .. العالم يبين عليه هدوء غير طبيعي .. رجاء كانت عايشة بالعالم .. وتحس بالهدوء .. حاولت تفتح عينها .. تتحرك .. اول تتكلم تقول ابي مـــــــاي .. عطشانة .. بس تحس نفسها منشلة .. وحتى عينها مب قادرة تفتحها .. الم جسدي ونفسي .. ويا كثر صعوبة الالم النفسي .. الدنيا من حولها توقفت .. والحياة مالها طعم .. تحس نفسها صدق يتيمة .. ومافي احد في هالدنيا يستحمل وجودها .. تحس نفسها مبنوذة .. من هالخيانة الي صادتها .. آه .. لو انا ما حنيت ع ابوي نبي نرجع البحرين ما صار الي صار .. لو ابوي ما توفى هم ما صار كل هذا .. لو انا ما عاملته بحب واهتمام .. ما كان تالمت لخيانته .. لو ما حبيــــــته ما انطعنت وصار عندي شي عاادي .. لو بـــــــس ( وتضم راسها الي يوجعها ) .. آآآآآآآآه .. شنو بتسوين يا لو ؟! .. لا انتي مقدمة ولا ماخرة .. لا مخففة علي الالم .. ولا شايلته بالمرة ؟! .. يظل فراس فراس .. واظل انا رجاء .. وعمر الماي ما يختلط بالزيت .. وانا الماي .. وانت يافراس الزيت !! ع هالافكار .. لفت الدنيا .. رغم انها مغمضة عيونها .. حست انها بترجع .. تحاملت على نفسها .. رغم ان مافيها قوة .. الا ان جتها قوة .. وبسرعة راحت الحمام ( مكرم القارئين ) ورجعت هواء .. ؟! .. رشت وجها بماي .. بااارد .. رغم ان الجو يحتاج لماء دافئ .. رشت وجها باهمال .. وتبللت ثيابها .. وبعض من خصلات شعرها .. تحس بدوخة .. تبي شي حلو عشان يعطيها بعض القوة والطاقة .. والم بطنها بسبب الجوع مب راحمنها .. كل شي حولها ما عنده رحمة اتجاها .. حملت نفسها لبره الحجرة .. وفي طريقها للمطبخ .. !! فــــــــــــــــــــراس ؟!! كان فراس نايم ع احد الكراسي .. والكرسي عرضه ضيق .. ويبين ع ملامح وجهه .. عدم الراحــــة .. وكأنه عايش بكابوس .. كان لام نفسه مثل الاطفال .. دليل ان الجو مسبب له برودة .. آه يافراس .. رغم المي .. احبك احبك .. احبــــــك ولكن !! نست دوختها .. نست الم بطنها .. نست خيانته .. واخذت اقرب لحاف صادفته .. ونزلت تحت بسرعة .. ولحفته بهدوء .. وانسحبت بطريقها للمطبخ .. كعادتها تسوي الجاي .. وتصبغ السندويجات بالجبن .. وتبرز الزيتون واللبنة .. عمرها ما نست واجبتها كزوجة .. لكنه وييين ؟! .. الي عمره ما ذكر واجباته .. كـــزوج تظنيـــــن بهالطريقـــــة لترجعيـــــن ترجعـــــين الـــــي بينـــــي وبينـــــج ؟ رجاء لفت بسرعة : فـراس ؟ فراس بعصبية وبعيون حمر : لا تنطقين اسمي ع لسانج .. ما اتشرف .. فـــــاهمة .. ولا تظنين انـــــج بتقدريـــــن تمثليـــــن علـــــي مرة ثانية .. وتبينيـــــن .. انج بنت فقيـــــرة .. وطيـــــبة .. وع نياتـــــج .. انتي وحدة حيـــــة .. عقربـــــة .. من تحت لي تحـــــت رجاء متفاجاة من كلامه الجارح : فراس ! فراس وهو يحط يده قدام بوزه : جـــــــــــــــب .. ولا كلمة .. يالخايــــــنة وطلع عنها .. وهي انهارت تصيح فوق اقرب كرسي قدامها .. انهارت بين دموعها .. ليش يا فراس ؟؟ .. انا شسوييييت عشان تتعامل معاي بهالقساوة .. كسرت قلبي يا فراس .. وطعنتني اكثر من مرة .. رغم اني ما غلطت .. والله ما غلــــــــطت .. ( وتصرخ في داخلها ) فــــــــراس انا بنت عمك .. انـــــــــا اليتيــــــمة .. انا الي خلاني ابوي في عز حاجتي له .. انا انا المبــــــــــوذة من الجميع .. انا الي احبــــــــــــــــك ولكن !! وينك يا فراس عني ؟؟ .. لا تخلينـــــــــــي .. حبيبتج فرحانة ومستانسة ومرتاحة .. لكن انـــــا .. انا مجروحة ومنهانة ومكسورة .. ووحيــــــــدة .. فراس بليـــــــــز .. وطاح راسها ع الطويلة .. فاقــــدة وعيها بالحيــــــاة ؟! .. عند شوق الي زهقت والي سهرانة ع النت .. تحس عيونها فقدت بريقها .. وراسها شوية وينفجر من الالم .. قامت من ع الكمبيوتر .. رغم ان لحين ما شبعت منه .. وقعدت فوق سريرها بملل .. تقلب في وحدة من المجلات .. وهي بينا افكارها .. خطرت ع بالها فكرة .. وقـــــــامت بسرعة بثغف .. وتجم كل اغراضها .. اكسسواراتها .. ونظاراتها .. وكل شي تشوفه تاخذه وتحطه فوق سريرها .. وبدات بالتصوير .. وهي تحس بالتسلية .. من وهي جاهلة .. تحس سوالف تصوير .. وتزيين .. واستانست لما تعلمت ع الفوتوشوب .. وخطرت لها فكرة .. ان تصور بعض من اغراضها .. وتحطهم في المنتدى .. بعد ما ترتبهم بالفوتوشوب .. ولما تعبت من التصوير .. لمت اغراضها كلهم .. وخلتهم فوق الكرسي .. وضمت دبدوبها .. وراحت في ســــــــــابع نومة .. لك تؤبرني .. شبلاك شال هموم الدنيا فوق راسك ؟ يوووه فهيد .. يالس اكلمك يا طايح الحظ فهد : نعم نعم !! مايد : نعامة ترفسك .. شبلاك ساكت .. ومهموم ؟ فهد : مافيني شي يا اخوك مايد : شدعوة فهد : بس شوية مضايق مايد : مضايج ؟ .. شدعوة ! فهد : ودي ارجع لاهلي هالاسبوعين الاجازة .. بس ما ودي مايد : ما ودك ؟ .. شدعوة ! فهد : احس اني مشتاق لكل شي بالبحرين مايد : مشتاق ؟ .. شدعوة ! فهد انقهر : اووووووه مللتنا انت .. شدعوة شدعوة مايد : هههههه اتقشمر معاك شفيك انت .. صج شبلاك ؟ فهد : شقولك يا اخوي .. شوية مشاكل مايد : اممم .. تدري عاد .. انا عندي الحاسة السادسة .. وراثة من يدتي الله يرحمها ويطول عمرها فهد : يرحمها .. ويطول عمرها ؟!! مايد : خخخخخخخ .. الله يرحمها انزين .. الله يسلمك هالحاسة .. اقرا نظرات العين .. ومن عينك يبين انك .. تحــــــــــــب فهد : همممم مايد : هممم ؟! فهد : ولو احب ما بفيدني شي مايد : شدعوة !! فهد طالعه بنظرة مايد : هههههه اوكي اوكي .. ليش ما يفيد ؟ فهد : لانها متزوجة مايد : متزوجة ؟ فهد : اي .. Edited فبراير 11, 2009 by ~][ حكم الجنون ][~ Quote Link to comment Share on other sites More sharing options...
منامية سبشل Posted فبراير 11, 2009 Report Share Posted فبراير 11, 2009 ثاانكس ع الباارت .. لاتتأخر علينا بالبارت الجااااي .. Quote Link to comment Share on other sites More sharing options...
سنفوررة Posted فبراير 11, 2009 Report Share Posted فبراير 11, 2009 ننظر البارت الجاي لا تتاخر Quote Link to comment Share on other sites More sharing options...
البـ ريم ـحرين Posted فبراير 11, 2009 Report Share Posted فبراير 11, 2009 يسلموو ننتظر البارت الياي Quote Link to comment Share on other sites More sharing options...
~][ حكم الجنون ][~ Posted فبراير 11, 2009 Report Share Posted فبراير 11, 2009 الحلقة " 76 " فهد : اي مايد : شدعوة ! فهد انقهر وقام : اوووف مللتني انت .. امشي عنك احسن لي مايد : ايلس نمزح معاك .. شدعـ ! ههههههههه .. عنبوووووه جبريت ما نقدر نمزح معاك فهد : اي اي جبريت ع قولتك مايد : الهروب مب حل فهد .. انت والحمد الله عندك شهادة حلوة .. ومؤهلاتك تساعدك لبناء حياة حلوة .. مب لازم تتغرب وتدرس فهد : ...... مايد : اذا مب عشاني .. وعشان هذرتي الزايدة .. عشان الوالدة واختك .. الي عاشين بروحهم .. وتجرحهم بكلماتك وقسوتك .. هووو احين الحبيبة تزوجت .. تحط حرتك في اهلك ؟! .. مب كلام هذا فهد .. ما رد عليه .. وحمل اغراضه وراح عنه مايد وهو يهز راسه : الله يهديك يا فهيدان وعند فهد .. الي راح السكن وكلام مايد يرن باذونه .. كل كلمة قالها صح في صح .. انا ليش سويت جذي ؟؟ .. وليش قاعد اعامل اهلي بقسوة ؟! .. هم مالهم ذنب .. ومالهم علاقة بالموضوع كــــــلــــــــش ؟! .. آه يا رب .. عونك يا رب .. عونك وهدايتك يا ربي .. نادية وهي تهز وجدان : وجدااان يالله قومي .. كلنا تحت نتغذى وجدان : ما ابي ما ابي ندوش نادية : قووومي وجدان .. حشى خيشة نوم وجدان : يوو ندوي .. شنو خيشة نوم .. نمت البارحة متاخرة نادية : يعني ما تبين ؟ وجدان : لا ما ابي نادية : كيفش وطلعت عنها .. اما وجدان مباشرة مدت يدها لتحت موسدتها .. شافت مسكوليت من بدر .. ومسج يا ام النوم .. ادق عليج ما تردين .. نوم العوافي حبيبتي .. ع العموم تفضلي هذا رقم رجاء ******39 وجدان ابتسمت .. وتوها بتكلم نومها .. الا تلفونها يرن .. مبي بدر .. صوتي مال نوم فشلة وجدان بصوت كله نوم : الـو بدر ضحك عشان صوتها : هههههههههه ههههههههه وجدان : بدر .. والله ازعل بدر وهو يحاول يكتم ضحكته : هههه اوكي اوكي هههههههههههه لا لا بس خلاص ههههههه .. سوري بس ضحكت غصب هههههههه اوكي اوكي خلاص بدق عليج عقب .. كملي رقادج هههههه وجدان نزلت برطمها : بااي بدر : ههههههه .. ندى وهي تناقز فوق السرير : شذذذذذى شذذذذى .. يالله قومي .. شوووفي النتيجة اكيد احين دزتها لج ع الهوت ميل شذى وهي تدوفع يمين ويسار من تناقز اختها .. وكأنها في بيت هزاز : هو شصاير ؟! .. ( وتصرخ فجاة ) زلزال في البحريــــــــــــن ؟!! ندى وهي تقعد وهي تاخذ نفس : ههههههههه لا بس اشتفت لمرحلة الطفولة .. وقلت اناقز ع سريرج شذى : لا والله ( وتدزها ع ورا .. ولانها كانت ع الحافة طاحت ع الارض ) شذى ضحكت ع شكل ندى شلون صار : ههههههههههه تستاهلين واكثر ندى : هههههههه معلي مردودة شذى : يو صدق .. شلى قعدتيني ؟ ندى : ايييييي ذكرتيني .. قومي فتحي الكمبيوتر شوفــ شذى تقاطعها بفرح : اييييييييييي ذكرتيني وتقوم هي ببجامتها وكشتها .. وتروح تفتح الكمبيوتر : بسرعة بسرعة يالله افتح وريح .. بسرعة لا ادوس في بطنك ندى : هههههههههههه حشى حشى .. مجرمة حتى الكمبيوتر ما سلم منج شذى : مبي سكتي .. كو الهوت ميل لودنق ندى : بسم الله .. انا ما احب هالمواقف .. بطلع بره .. واذا صارختي بفرح بعرف .. هههههه جاو شذى وهي تسحب اختها من بجامتها : يووو تعالي لا تخوفيني ندى : ههههههه يالله يالله وطلعت بسرعة اما شذى .. كانت مجودة الموس وهي ترجف .. وتنزل الصفحة شوية شوية .. الي تعرفه ان هي سليمة .. واحمد سليم .. والحمد الله ع الصحة والعافية .. بس الي ما تعرفه هل فصائل الدم تركب او لا ؟! وشوية تنزل تنزل تنزل .. تـ نـ زلـ وتصرخ : ندوووووووووووووووش ندى مباشرة دخلت .. وكانها قاعدة تتجسس : النتيجة اووووووووكي ؟ شذى وهي تقوم وتضم اختها .. بدموع فرح : اوووكي اوووووووووووكي عمرررري ندوووووش ندى : ويلي ويلييييييييييي .. بتصير اختي عرووووس شذى : هههههه الفال لج ندى : هههههه آمين .. محمود حبيبي .. احس نفسي مضايقة .. وصدري مكبوت محمود خاف .. مباشرة مسك يد زوجته : ليش شفيج حبيبتي ؟ اسراء والدمعة بعيونها : ما ادري احس انسي مضايقة وااجد .. وودي اصيح محمود : يو .. شفيج ؟ .. ما يصير شي من غير سبب اسراء ودمعتها طاحت : ابي اروح عند امي محمود خاف عليها .. مسح دمعتها بطرف صبعه : لا تصيحين عمري .. وقومي لبسي .. بوديج عند اهلج شوية تغيرين جو عن قعدتج بروحج اسراء .. حملت نفسها .. يا ربي شفيني .. احس نفسي مضايقة .. ومالي خلق احد .. آه يا ربي .. رحمتك يا رب .. عند شوق الي ضايق خلقها .. كانت تدق ع رجاء عشان تجي تقعد معاها .. بس دايما ما في رد .. طلت من الدريشة .. شافت ان سيارة فراس مو موجودة .. توقعت انهم طلعوا .. وكلها ربع ساعة ام فراس : يا شووووووق .. شوووووق شوق وهي تطل من الدرج : نعم يــــــــــمه ام فراس : تعالي بدل حبتج في غرفتج .. عندنا ضيقة شوق : مـــــــــن ؟ ام فراس : اسراء .. اسراء اختج شوق استانست : اسرائييييييييييييييي وبسرعة نزلت تحت .. وضمت اختها وباستها شوق : حياج حياج تفضلي .. البيت بيتي هههه اسراء ابتسمت لاختها : شخبارج ؟ شوق : عااادي .. وانتي شخبارج ؟ اسراء : عجل انا بعد عااادي شوق : بس رجاء مب عاادي هههه اسراء : هههه ليش يعني ؟ شوق : ما ترد ع اتصالاتي .. وحتى ع بيتهم ما ترد .. واكتشفت ان سيارة فراس مب موجودة .. يعني طااالعة وهايمة في الحب مع الحبيب اسراء وهي تضربها ع خفيف : وانتي شحارنج .. ليش تحسدينها ؟؟ .. خلها تستانس .. توها في بداية زواجها شوق : مبي انا شكلي بعنس .. انا وندوش .. كو شذوا بتروح عننا .. ما ظلينا الا انا وندى .. اسراء : ههههه .. انزين الواحد مب لازم يزوج بعمركم .. توج صغيرة .. انثبري بالبيت ساعدي امي وبدخلة ام فراس حاملة الصينية : شدعوة عاد قعدتها فايدتني .. كل مقابلة هالنت .. وحابسة نفسها في الحجرة اسراء : ههههه بنات آخر زمن شوق : يو .. دعوني افرح في ريعان شبابي اسراء ضحكت : هههههههه الله والريعان عااد شوق : بذمتج .. شنو تبيني اسوي يعني اسراء : لو مكانج .. مب دايما مقابلة النت .. في تيفي .. فيه روايات بكتب .. اقعد مع البيت اشاركهم الحوار .. مب كله مقابلة هالشاشة .. حتى عينج كو شوية صغروا شوق وهي تلمس جفونها : وي صدق اسراء : هههههه خبلة ( وتكلم امها ) يمه تصدقين ام فراس : هلا يمه ( وتمد يدها ) اول شي شربي هالعصير .. طبيعي زين لج اسراء : شكرا .. يمه تصدقين ان قبل ما اجي كنت مضايقة .. واحس اني مب قادرة اتنفس .. لدرجة اني صحت ام فراس : وي اسم الله عليج .. شفيج ؟ اسراء : صدق ما ادري يمه .. حسيت نفسي مضايقة مرة وحدة ام فراس ابتسمت : شكله بداية النسات شوق : ههههههههه اسراء : وي انتي شفيج تضحكين .. قلنا نكتة شوق وهي تاخذ فندق من صحن المكسرات : يه .. حرام نضحك اسراء : لا مب حرام .. بس من ضحك من غير سب ..... وانتي كملي عاد شوق : اووف مرت العصرية عادي عند الكل .. مافيها أي احداث مهمة .. الكل عايش بحياته بكل هدوء .. وجا وقت رحيل الشمس .. وظهور القمر بين النجوم .. شفيه ولد عمك ؟ .. اليوم ما داوم .. وتلفون ما يرد عليه وسام : ههههه شدراني عنه سلمان : غريبة ؟! وسام : شكله ما شبع من الزواج هههههه سلمان : شكله جذي .. تصدق عاد الاهل ذابحيني تزوج تزوج وسام : انزين شنو المانع ؟ سلمان : مثل المانع الي بالنسبة لك وسام : ههههه ما اظن سلمان : مافي مانع .. بس ما ادري .. كنت مسؤول عن خواتي وامي .. وكأني خلاص عشت حياتي وكانهم عيالي وانا المسؤول عنهم .. يعني مو متمحس يكون لي عائلة وسام : يعني تبي تفهمني .. ان ما تبي زوجة .. ما تبي عيال ينادونك " يبه " .. اشك صراحة سلمان : هههه صدقني عندي شي عادي وسام : يا برودك .. الله يساعد الي بتاخذك سلمان : ههههه .. تصدق عاد .. الوالدة حاطة عينها ع شوق وسام : بنت عمي ؟ سلمان : اي بنت عمك وسام : والنعم فيها .. تصدق لايقين ع بعض ههههه سلمان : هههههه عيارتك الزايدة وسام : لكن جذي يالخونة .. فراس وتزوج .. واحمد بالدرب .. وانت بتلحقه .. يعني تخلوني عزوبي بروحي ؟ سلمان : والله محد قالك لا تتزوج .. انت بس اشر .. وانا اروح بنفسي معاك وسام : ههههه ما تقصر فيك الخير .. عند فراس الي تملل من دوارة السيارة من الصبح .. حتى لما وقف يناظر البحر .. حس ان وجوده خطا .. الكل فرحان وجاي مع اهله .. والجهال يلعبون .. وهو حضرته قاعد ومهموم .. حمل بقايا نفسه .. وتوجه للسيارة .. ومباشرة لبيت الهم والحزن .. والخيانــــــــة اول ما فتح الباب .. كان البيت مظلم .. وكأنه مهجور محد فيه .. اكيد بكون بيت مهجور .. دام صاحبته ما قدرت معنى الحياة الزوجية .. مشى وقلبه يتقطع .. ومباشرة توجه للمطبخ لانها يحس بالعطش .. لكن قبل ما يوصل .. لقى مكان رقاده .. على حاله !! .. وللحاف الي لحفته فيه رجاء .. مثل مكانه مقطوط ع الارض .. معقولة ما كلفت نفسها ترتب مكاني ؟! حرك كتفه ومشى متناسي هالافكار .. ولكنه انصدم .. وتراجع لورا خطوتين رجـــاء ؟! .. رجــــاء ؟! وبملابسها مثل ما تركتها الفجر .. ليـــش ؟! .. شفيها حاطة راسها ع الطاولة .. معقولة ما حست بدخولي .. غريبة ؟! توجه للثلاجة دايس ع قلبه وحبه لها .. وحاول يصدر بعض الاصوات .. يمكن تسمع وتقعد من رقادها ؟! صوت كؤوس .. والضوا .. كل هذا ما قعدها ؟! .. رغم ان نومها خفيف .. لازم بسرعة تقعد .. والله كيفها براحتها .. خل تشبع نوم مع خيانتها .. ما تستاهل المسها واقولها قعدي .. تافــــــــهة وتوجه مباشرة للباب .. وراح فوق .. اخذ له شور سريع .. وهو يفكر بحياته .. بمستقبله لما ينفصل عن رجاء .. شنو بتصير بحياته ؟! .. بيرجع عزوبي ؟! .. وبترجع سوالفه مع البنات .. والا مباشرة بيطلب يد منال ؟! .. ومعقولة بتوافق عليه ؟! .. بس شلون اطلب يدها .. وقلبي بيد غيرها .. شــــلون ؟! مبي رجاء .. قلبي واحساسي وحبي .. يقولي انج مب راقــــدة ترك الفوطة الي كان يجفف فيها شعره فوق السرير .. ومباشرة ركض لتحت .. وهو ينادي باسمها بداخلها وصل لعند باب المطبخ .. ووقف يتأملها .. شعرها الطايح الي مغطي كل ملامح وجها .. يدينها الي فوق الطاولة .. اصابعها الهزيلين .. دبلة الزواج الي في يدها .. بجامتها .. كل شي فيها قام يتأمله .. احبها يا ناس .. احبها يا عالم توجه لها متناسي طعنها له .. مد يده يهزها .. بس قلبه منعه .. ناداها باسمها بصوت يصرخ بخـــــوف .. وما من مجيب .. هزها بألم .. ولكـــــــن !! .. حاول يرفع راسها .. وفجـــــــــاة .. طــــــــاحــــــــت بجثتــــــــها الهزيــــــــلة التعبــــــــانة بيــــــــن احضانــــــــه طاحــــــــت بكــــــــل ما فيــــــــها مــــــــن مشاعــــــــر ترســــــــم الألــــــــم تدلــــــــت خصــــــــلات شعرهــــــــا بالهــــــــوا .. وراسهــــــــا بيــــــــن احضــــــــانه لقــــــــى شفايفــــــــها زرق .. ووجهــــــــا اشبــــــــه بأشعــــــــة الشــــــــمس لقــــــــى حرارتــــــــها مرتفعــــــــة .. وقطــــــــرات مــــــــن التعــــــــب بيــــــــن حواجبــــــــها ضمــــــــها بكــــــــل حــــــــــــــــب وهيــــــــام .. وصــــــــرخ بالنجــــــــدة حملــــــــها بيــــــــن يدينــــــــه .. وللســــــــيارة ركــــــــيض تركــــــــها بيــــــــن احضانــــــــه .. احســــــــاسه بفقدانــــــــها يزيــــــــد مســــــــح ع وجهــــــــا .. وهمــــــــس بحبــــــــه لهــــــــا المجنــــــــون آه آه آه آه نســــــــى خينتــــــــها .. ورجــــــــع لحبــــــــه لهــــــــا اول ما وصل المستشفى .. مباشرة حطوها ع السرير .. ودزوها لأقرب غرفة صادفتهم .. ولأقرب دكتور ممكن يكشف ع حالتها اول ما وصل الدكتور للغرفة استوقفه فراس فراس : امانة دكتور .. ابيها الدكتور ابتسم له : لا تحاتي .. ان شاء الله خير فراس هز راسه .. وانتظر وهو على اعصابه .. ما يعرف شسوي .. مباشرة توجه لربه وبالمصلى .. بس ما كمل صلاة المغرب .. دعى ربه الشفا والصحة والعافية لرجاء .. ويفتح عليهم ابواب الرحمة .. ومباشرة انتقل لغرفتها .. لقى يدها موصلة بالمغذي .. ووجها ما زال اصفراني .. ويبين عليها التعب .. ابتسم لها وتوجه للدكتور فراس : بشر دكتور ؟ الدكتور ابتسم له : تفضل اخ ..؟! فراس : فراس الدكتور : تفضل اخ فراس فراس : زاد فضلك .. بشر عن احوالها ؟ الدكتور : شكلها مب ماكلة شي اليوم كله .. ويمكن اكثر من يوم .. ؟! فراس نزل راسه وما قدر يتكلم .. شقول للدكتور ؟! .. يقول انا ما ادري عن أخبارها .. خانتني وتركتها بالبيت بروحها .. وكرهت سؤالي عن اخبارها ؟! الدكتور : مب زين لها يا فراس .. انت زوجها ؟ فراس : اي انا زوجها الدكتور : اهتم بزوجتك .. دامها باول حملها .. ترى بتخسر ولدك .،.،.،.،.،.،.،.،.،. توقعاتكم : * زواج شذى ؟! .. هل بصير بكل هدوء ؟! .. او فيه عوائق ؟! * حمل رجاء ؟! .. هل بغير من مجرى الاحداث ؟! * خطبة سلمان الى شوق ؟! .. شنو بتكون ردة فعلها لما يوصها الخبر؟! * اسراء ؟! .. وحياتها بعد فترة النسات ؟! * وجدان ؟! .. هل تدخلها بالموضوع بحل المشكلة ؟! * فــهــد ؟! .. هل بغير تفكيره كلام مايد ؟! Quote Link to comment Share on other sites More sharing options...
سنفوررة Posted فبراير 11, 2009 Report Share Posted فبراير 11, 2009 يسلمو ننتظرك في البات الجاي Quote Link to comment Share on other sites More sharing options...
~][ حكم الجنون ][~ Posted فبراير 11, 2009 Report Share Posted فبراير 11, 2009 إن شـإأآأإأآإأآإأآإأآء اللهـ.. Quote Link to comment Share on other sites More sharing options...
غصون المحبة Posted فبراير 12, 2009 Report Share Posted فبراير 12, 2009 روووووووعه البارت ننتظر البارت الجاي يسلمووو ربي يعطيج ألف عافية Quote Link to comment Share on other sites More sharing options...
~][ حكم الجنون ][~ Posted فبراير 12, 2009 Report Share Posted فبراير 12, 2009 (edited) الحلقة " 77 " الدكتور : اهتم بزوجتك .. دامها باول حملها .. ترى بتخسر ولدك فراس شاك بسمعه : شنو ! الدكتور : اقولك اهتم فيها .. دامها حامل وفي الشهر الاول .. تحمل فيها اكثر .. عشان ما تخسر ضناك فراس فاتح عيونه ع الآخر : حـــــــــــامــــــــــل ؟! الدكتور مستغرب : شكلك ما تعرف انها حامل !! .. غريبة .. اشكالكم صغيرة واظن انكم في بداية الحياة الزوجية .. شنو الي يخليك تهملها جذي .. وانا مجرد دكتور واشرف على حالتها .. ومو من حقي ادخل بحياتك الزوجية مع الاخت رجاء .. بس ياريت تتحمل فيها اما فراس .. كان بعالم ثاني .. ما سمع ولا كلمة من الدكتور .. غير انه زوجته حامــــــــل ؟! يعني بصير ابو ؟! .. لا لحظة .. وشلون بيفتح عينه هالطفل على ظروف جذي ؟! .. اي اي لازم .. لازم اصلح الي بيني وبين رجاء .. مو عشان حبي لها .. عشان الطفل الي يجمعني فيها وبسرعة حمل نفسه لبرة حجرة الدكتور .. من غير ما يشكره ولا شي .. كل همه احين .. رجــــــــاء والي تحملــــــه فتح باب الحجرة الي فيها .. وشاف الي ما تمنى يشوفـــه ؟! كانت رجاء مسندة كل جسمها على يد الممرضة .. وتشرب الماي من يدها بكل تعب وعذاب .. كان شكلها وردة ذبلانة .. والعظمتين الي في خدها بارزين .. فقدت كثير من وزنها .. وغير المغذي الي في يدها .. آخ يا دنيا ! مشى بكل هدوء .. وحاول يحافظ على نفسه لا ينهار فراس وهو يمد يده ياخذ القلاص من الممرضة : لو سمحتي الممرضة ابتسمت : اووكي تفضل .. بس امسكها عدل من ظهرها .. لانها كلش ما عندها قوة فراس هز راسها بالايجاب .. وحط يده مباشرة ورا ظهر رجاء .. ومسك القلاص .. وقام يشربها .. كانت تشرب بماي بتعب .. وبهدوء .. كان قلبها يتقطع من الألم .. وجود فراس بقربها يحسسها بالتعب .. آه اما فراس كان ماسك يدها من جهة .. ويشربها من جهة ثانية .. اول ما كملت .. مباشرة فراس ساعدها عشان ترجع تمدد جسمها فوق السرير فراس بهمس .. وهم يباعد بعض الخصل عن وجها : حمد الله على سلامتج .. يا ام ولدي رجاء بصوت زين ينسمع : الله يسلمـ ... !! .. شنو ولدك ؟ فراس ابتسم : اي يا حلوة .. مبرووك ع الحمل رجاء مب مصدقة .. كانت تبي تقعد .. بس فراس منعها : لا ارتاحي .. ما ابيج تتعبين اكثر رجاء بصوت تعبان .. ومبحوح من الدموع الي نزلته من عينها : فراس .. انا ( وتحط يدها على بطنها ) حامل ؟ فراس مبتسم بحنية .. وهو يمسح دموعها : اي يا عيوني فراس .. انتي حامل .. عاد بدون هالدموع .. لا تقطعين قلبي رجاء : فراس .. انا .. انا احـ...........؟! فراس : انتي شنو يا رجاء ؟ رجاء حست مو وقته هالكلام : انا احس بالجوع .. بس احين شبعت من الخبر فراس : عمري وحياتي وقلبي .. انتي ارتاحي .. وانا بروح بشتري لنا عشى .. وبنتعشى انا وانتي هني بالمستشفى رجاء استغربت : هني ؟! فراس : ههههه اي .. غصبـ(ن) عن الكل .. والي مب راضي ياكل تبن رجاء ضحكت : هههه فراس : فديت هالضحكة الي وحشتني .. يالله ثواااني وبرجع لج رجاء ابتسمت : انتظرك فراس قبل ما يطلع .. طبع بوسة على جبين رجاء وطلع واول ما طلع فراس .. رجاء كانت عايشة بين الحلم والواقع .. تخاف تقرص نفسها .. ويطلع كل هذا مجرد حلم او سرحان .. تخاف تغمض عينها وتفتحها .. يتحول هالعالم كله الى كابوس .. وترجع للواقع .. آه .. معقوولة ؟! .. انا حامل .. وبحملي رجعت المياه لمجاريها ؟! .. معلي فراس ( وتمسح دمعتها الي نزلت من عينها ) انا مستعدة اسامحك يا فراس .. واغفر لك كل شي .. لاني احبـ .............. ؟! ●εïз●...●εïз●...●εïз● يالله يا عيون محمود .. اجي لج اسراء خافت من هالفكرة : محمود ما ابي محمود مستغرب : شنو الي ما تبين ؟؟ اسراء : ما ابي اروح البيت .. والله فراس من اشوفه ولو من بعيد .. احس بالضيقة محمود بحزن : وانا ؟ اسراء : معلي محمود .. خلني في بيت اهلي ولو بس اليوم ببات عندهم .. لما نفسيتي شوية ترتاح محمود بحزن اكبر : وانا اسراء ؟ اسراء : ... محمود : اسراء .. من اول ما تزوجنا ما افترقنا يوم .. شلون برقد من غيرج ؟ اسراء : معلي عمري استحمل .. فترة وتعدي .. اممممم انزين روح عند اهلك .. هناك احمد محمود : اوكي اسراء بحنية : محمود محمود : ...... اسراء : محمود حبيبي .. تحملني هالفترة محمود : اوكي مو مشكلة اسراء : انا آسفة عمري محمود : لا عادي حبيبتي .. ما بينا أسف .. تحملي بروحج .. وخلج معاي على اتصال اووكي حياتي اسراء : اوكي .. بااي محمود : بااي ●εïз●...●εïз●...●εïз● رجاء : الحمد الله فراس : شنو ؟! .. ما كليتي شي .. يالله يالله اكلي بعد .. الدكتور يقول ان مب زين عليج ولا على الجنين ان ما تاكلين رجاء ابتسمت : والله كليت .. واجد بعد فراس : اوكي .. بالعافية رجاء : الله يعافيك فراس ابتسم لها .. وظل يطالع في ملامحها الي اشتاق لها رجاء : فراس فراس ابتسم لها .. ابتسامة تحمل كل معاني الحب : نعم رجاء : فراس ....... ما اعرف شقول فراس : رجاء .. قولي كل الي بقلبج .. لا تخبين علي شي رجاء : لا بس .. امم اوكي خلاص فراس ابتسم لها : اوكي حياتي .. ما ابي اضغط عليج .. وقت الي حابة تقولين .. قولي يا حياتي رجاء ابتسمت .. آه يا فراس .. ياليتك قلت لي قوولي قوولي .. واصريت علي .. عشان اقول واريح قلبي .. آه ●εïз●...●εïз●...●εïз● اختفى القمر .. والشمس اشرقت بحلتها الرائعة .. وبدأت زقزقة العصافير .. لتعلن بدا يوم جديد .. مليء بالمغامرات ●εïз●...●εïз●...●εïз● جر شنطته وراه .. وركب اول تكسي صادفه .. كان يطالع من دريشة السيارة كل الي حوله .. ريحة البحرين .. ترابها .. اهلها .. كل شي فيها اشتاق له .. آه .. والاشتياق الاكبر للي في بالي .. وقف عند باب بيتهم .. طق الجرس أكثر من مرة .. وما من مجيب ؟! رفع تلفونه .. ودق على رقم معين .. وصله صوت انثوي صغير الـــــــو فهد : الو السلام عليكم وعليكم السلام .. نعم اخوي فهد : تلفون نادية ؟ اي تلفون نادية فهد : ممكن تعطيني اياها نادية تسبح .. اقولها من ؟ فهد : قولي لها فهد اخوج وجدان : فـــــــــــــــــهد ؟! فهد مستغربة : .... ><! وجدان : فهد انا وجدان بنت خالتك .. لحظة لحظة شوية واطق الباب على نادية : نااااااااااااااادية .. فهد اخوج معاي على التلفون يبيج نادية : فهد اخوووووي ؟!!! وجدان : اي اي فتحي الباب نادية لحظة بلبس الرووووووب وبسرعة لبست الروب .. وطلعت هي بالشامبو فوق راسها نادية : الو فـــهــــد ؟! فهد ابتسم بحنية : يا عيون فهد نادية : الاااااااااي فهد وحشتني .. شخبااارك ؟؟ فهد : بخير انا .. تعااالي انتي وامج ما تبووني ؟؟ نادية حست بفرح كبييير ان اخوها شكله رجع اخوها الي تعرفه .. آآآه شكرا لك يا رب فهد : هووو وينج ؟؟ نادية بفرح كبير ودموعها تنزل : انا هني هني .. بالعكس نبيك ومشتاقين لك فهد : صار لي ساعة وانا اطق الباب .. محد فتح لي نادية ما توقعت هالشي .. ومن صدمتها مدت يدها لوجدان بالتلفون : يـ يـقول انـ ـه عنـد باب البييـ ـت وتطلع هي بروبها وشامبوها .. تراكض بالبيت وتصرخ : يمممممممه رجع فهد .. فهد رجـــــــــــــــــــع وتنصدم في شي قووي .. خلاها تطيح فوقه .. وهو حاول يمسك نفسه ما قدر .. طاح هو الثاني .. وهي فوقه وجدان طلعت من الحجرة وبيدها التلفون وهي فرحانة وتصرخ : رجع رجع ( وشوية تختفي ابتسامتها ) ر ـج ـع وفجاة تضحك بطريقة هستيرية : ههههههههههههههههههههه ههههههههههههههههههههههههه هههههههههههههههههه مبي مبييييييييي نادية في هاللحظة فتحت عيونها .. ومباشرة كانت على عيون ناصر الي كان يطالعها ومو مستوعب شي .. وبســـــــــرعة .. تباعدت عن صدره .. ووقفت والحرارة بجسمها تسري .. والوانها تغيرت .. ولكنها ما قدرت تسوي شي .. غير انها تشرد بسرعــــــــة البرق وجدان : ههههههههههه هههههههههههههههه مبي بمووووت آآآآه ههههههههه ناصر منقهر : ووجع وجدان : ههههههههههههههه ههههههههههههههههههههه ناصر ما قدر يكتم اكثر .. ضحك هو الثاني : هههههههههههههههههههه ههههههههههههه هني ام ناصر طلعت مستغربة : هو شفيييكم تضحكون ؟ وجدان : هههههههههههههههه لا لا ما فينا شي ناصر و ووجدان : هههههههههههه هههههههههههههههه هههههههههه ام ناصر : لا لا عيالي فيهم شي مو طبيعي ؟؟ وجدان : ههههههههه مبي مو قادرة .. انا بروح حجرتي ( وبسرعة تركض لحجرتها ) ناصر : ههههههههههه وانا بروح بعد .. بااي بااي ( وشرد هو الثاني ) ام ناصر مستغربة : هووووووو .. شفيهم هذولا .. خرفوا وقعدوا !! في هاللحظة .. وجدان وناصر طلعوا مباشرة مع بعض من حجرهم وجدان : هههههههههه مبي خليتوني انسى الي طلعت عشانه ناصر في مثل الوقت : ههههههههه طلعت عشان اسال شفيها نادية تصارخ ونسيتوني ودخلت ناصر ووجدان ضحكوا على بعض : هههههههههههههههههه هههههههههههههه ام ناصر: يوووووو ما تعلموني شفيكم وجدان : هههههههههههههههههه يمه يمه فهد رجع هههههههه رجع رجع ناصر بفرح : هههههههه حلفييييييييييييي ؟!!!! وجدان : والله والله ( وترفع تلفون نادية الي في يدها ) توه متصل على نادية من شوية ناصر من سمع اسم نادية ضحك : هههههههههه ووجدان معاه : ههههههههههه ام ناصر بفرح : والله رجع .. فرحتوني عسى الله يفرح قلبكم .. لحظة برووح اخبر خويتي .. وتروح حجرة ام فهد .. ووجدان وناصر وراها فرحانين .. وعند نادية من الحياء الي فيها .. مب قادرة تطلع من حجرتها تشاركهم الفرحة ههههه ●εïз●...●εïз●...●εïз● عند فراس .. الي قعد من رقاده من وقت .. وهو اصلا رقد ؟! .. لأول مرة من ارتبط بهالملاك .. رقد الليل بالبيت بروحه .. حمل محفظته وتلفونه .. وبعض الاغراض الى رجاء وفي طريقه لبرا البيت .. لمح تلفون رجاء .. وحمله معاه .. واول ما وصل المستشفى .. وقع على اوراق خروج رجاء من المستشفى .. واول ما فتح الباب .. كانت رجاء قاعدة فوق السرير بكل براءة .. شعرها مفتوح .. وضامة يدينها في حضنها .. وكانت تطالع الباب وكأنها تنتظر قدوم شخص معين .. ومن شافت فراس ابتسم ابتسامتها العريضة .. فراس وهو يبتسم لها : صباح الخير .. على الحلوين رجاء ضحكت براحة : ههه صباح النور على الغالين فراس طبع بوسة على خدها : وشخبارها ام وليدي ؟ رجاء ابتسمت ونزلت راسها بخجل : بخير .. وانت شخبارك ؟ فراس : انا الحمد الله بخير .. ( ويمد يده بشنطة ) يالله عمري خذيت لج بعض الثياب .. قومي بدلي .. عشان نطلع ونتريق رجاء : ان شاء الله واول ما اختفت رجاء لداخل الحمام ( وانتوا بكرامة ) فراس قام يفكر بحياته .. وشلون ممكن يقدر يعيشها .. ما ينكر ان جرح خيانتها لحين ما برى .. بس ؟! .. آه تعبت من هالافكار وشوية ورجاء تطلع .. ومباشرة طاحت عينها على فراس .. الي كان مرفع حواجبه .. ويبين عليه التفكير العميق .. ما حبت تقطع عليه افكاره .. قعدت هي بعبايتها واغراضها .. فوق السرير تنتظره يكمل من افكاره فراس قعد من افكاره على هزة السرير يوم قعدت : كملتي ؟! رجاء ابتسمت له : اي كملت فراس : يالله مشينا رجاء : يالله فراس : يؤ لحظة .. ( ويمد يده لها بورقة ) .. هذي ورقة حملج .. كذكرى لاول ثمرة رجاء اخذت الورقة وهي تبتسم : مشكور فراس وهو يسحب ذقنها : حاضرين للحلوين .. يالله مشينا رجاء : يالله ●εïз●...●εïз●...●εïз● احمد : هلا هلا محمود محمود : هلا احمد : يؤ .. شفيه صوتك !! محمود : مضااايق احمد : من شنو ؟ محمود بحزن : اسراء احمد : يؤ .. شفيها اسرااااء ؟؟ محمود : وحشتني .. ادق عليها ما ترد احمد : تدق عليها ؟ .. اي اي انت بالشغل .. انزين شلون وحشتك ؟ محمود : لان الله يسلمك البارحة مب راقدة معاي احمد خاف : يؤؤؤؤ ؟! .. متهاوشييييييين لا سمح الله ؟؟ محمود : لا مب متهاوشين .. بس الحمل وما يسوي .. والله مشتاق لها .. جاي الشغل وانا مضايق عدل .. دقيت عليها الصبح .. وما ردت قلت يمكن راقدة .. واحين بعد من شوية متصل فيها .. ما تشيله احمد : لا تحاتي انت عاد .. اكيد البنت راقدة محمود : مسامحة خوك .. غثيتك من صباحة الله خير .. بس محد اشكي له الحال احمد : ههههه .. لا عااادي .. بس لو جيتني القسم احسن من تخسر الكردت محمود : مالي زاغر اقوم من مكاني احمد : انزين كو معاك في مثل المكتب وسام وفراس .. بس انا موديني قسم ثاني ههههه .. معتزل محمود : وسام عند عمي .. وفراس هذا يوم ثاني ما يداوم احمد : هههههه حشى .. لحين ما كملت اجازته ؟! .. مو زواج هذا محمود : لا تحسده يا صبي .. انت توك بالبر .. لما تتزوج بتعرف حلاوة الزواج احمد : يعني يعطونا شهر اجازة للزواج ؟ محمود : حشى .. ههه ضحكتني وانا مالي نفس اضحك احمد : اضحك اضحك .. الدنيا ما تسوى .. الا تعال ليش تضحك خخخ محمود : على كلمة شهر اجازة .. هم بالكثير يعطون اسبوعين .. وفراس كملت اجازته من زمان .. بس لا امس ولا اليوم شفته .. ما ادري شسالفته احمد : ان شاء الله خير .. الا تعااال يا خوك .. قلبي مشغول ع النتيجة .. خايف حد حدودي محمود : لا تحاتي .. انت سليم وهي سليمة .. ان شاء الله خير احمد وهو يتنهد : ان شاء الله ●εïз●...●εïз●...●εïз● Edited فبراير 12, 2009 by ~][ حكم الجنون ][~ Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.