~][ حكم الجنون ][~ Posted فبراير 4, 2009 Report Share Posted فبراير 4, 2009 (edited) الحلقة " 72 " ..:: لــــيــــه الــــخــــيــــانــــة ::.. وفاء : مرحبا منال منال : هلا هلا خيو مراحب وفاء : منال بدون مقدمات .. ابيج تدقين على فراس منال : نعم ؟! .. لييييش ؟! .. على شنو ناوية وفاء : مو علي شي .. بس ابيج ادقين عليه .. وتقولين له ابي اشوفك في أي مكان منال : ما بدق وفاء : منااال .. يا صداقتنا .. يا انـ .. منال بعدم حيلة : خلاص اوكي .. وشنو تبيني اقوله ؟ وفاء : بس قولي له يعني خلاص الي بينا انتهى .. وابي لك حياة سعيدة .. وآخر شي جودي يده .. وقولي له لا تنسى لمسة يدي الي كلها حب .. منال : انتي مجنونة ؟! وفاء وكانها ما سمعت كلام منال : بس انتي دقي عليه .. عشان تتفقون على المكان واليوم والوقت .. وردي علي .. ابيج احين تدقين عليه .. احين احين احين .. انتظر ردج .. يالله جااو منال : لـ وما عطتها مجال وفاء تتكلم وسكرت الخط ع الساعة 10 الصبح .. كانوا في الممر .. في طريقهم لغرفة ام فهد وجدان حاملة العصاير .. ونادية حاملة لامها فطور .. وناصر حامل لها بعض الملابس اول ما دخلوا الحجرة .. كان شي مفرح بالنسبة للجميع ان ام فهد قاعدة ام ناصر وهي تضم اختها : حمد الله على سلامتج يا وخيتي ام فهد : الله يسلمج نادية خلت الفطور فوق الطاولة .. وطارت لحظن امها بدموع فرح : ما تشوفين شر ماماتي .. وحشتيني ام فهد وهي تمسح على راس نادية بحنان : الشر ما يجيش يا حبيبتي وبعد ما ناصر ووجدان سلموا عليها ام ناصر : شدعوة تتغلين علينا يا اختي .. خليتي الكل يحاتيج ام فهد : آه .. يا ليته تغلي يا اختي ام ناصر : لا اتعبين عمرج يا وخيتي .. ماله الا دياره .. واكيد بيرجع .. اذا مو اليوم بكرة .. واذا مو بكرة الي عقبه .. بس انتي خلج اقوى من جذي .. اذا مو عشان شي .. عشان بنتج هالمسيكينة ام فهد : انتي ما شفتي شلون صار يا ام ناصر .. صار انسان قاسي وجاف .. غير الي تعرفونه والله غير .. واسالي نادية نادية هزت راسها بالايجاب ام ناصر : مب داخل عقلي .. فهد ولد اختي الطيب .. ينقلب لقاسي .. يالله الله يهديه .. بس انتوا ما تعرفون شفيه بالضبط ؟! ام فهد : ما نعرف ولا شي ام ناصر تنهدت .. وحركت راسها بأسى : احين انتي لا تشغلين بالج .. ويالله تفطري .. الدكتور قال مو زين لج التفكير الو السلام عليكم .. شدعوة نتصل عليج امس وما تردين علينا رجاء : ههه .. امس كانوا مسوين لي حفلة عيد ميلاد .. وانشغلت فيها وفاء : افا ولا تعزم بعد .. ع العموم كل عام وانتي بألف خير .. لو قلتي لها نعطيج هدية رجاء : هههه هالكلمة تكفي وزيادة .. الله يسلمج انا ما ادري .. ( وبخجل ) زوجي كان مسوي لي مفاجاة وفاء : اهاا رجاء : اي وفاء : رجاء .. احين في احد معاج رجاء : لا مافي احد وفاء : وزوجش ؟! رجاء : اليوم الاحد .. ويداوم وفاء : اهااا رجاء : عشى ما شر ؟! وفاء تمثل الطيبة : رجاء .. انا لو ما احبج والله ما قلت لج .. لا تظنين اني ابي لج السوء .. بس الانسان الطيب في هالدنيا يدوسونه .. واذا الطيبة زادت عن حدها تنقلب الى سذاجة .. وانا مستحيل ارضى في يوم يقولون عن بنت خلوقة وحبوبة مثلج مجرد هبلة وساذجة رجاء نغزها قلبها من كلامها : شصاير وفاء ؟! وفاء : لو لا معزتج ما قلت لج صدقيني .. بس انتي بنت صغيرة والعمر قدامج رجاء : بليز وفاء .. بدون لف ودوران .. قولي من البداية وفاء : اول شي .. ابيج تسمعيني للنهاية .. وما ابيج تصدقين مباشرة .. لاني ابيج تشوفين بعيونج .. عشان مو تتهميني بالجذب .. لان اصلا ما بيني وبينج عداوة .. عشان ابي لج الشر رجاء وهي تقعد على احد كراسي طاولة الطعام : تفضلي وفاء : عندي صديقة اسمها منال .. كانت لها علاقة بصبي من قبل .. وكانت تسولف لي عنه .. تقولي انه يحبني واحبه .. قلت لها انا ما احب هالنوع من العلاقات .. ليش ما يتقدم لج ؟! .. قالت لي انه متزوج غصب .. عشان وصية ربطته في بنت عمه .. واحين هو يبي يوقعها بالخطا .. ويسوي تمثيلية يمثلها على الاهل .. عشان ينفصل عنها بأقرب فرصة .. ( هني رجاء تجمعت الدموع بعينها ) .. وعقب للاسف الشديد .. اكتشف ان هالصبي ما غيره زوجش يا رجاء ( وتصرخ ) زوجششششششششششش .. رجاااء .. فتحي عقلج .. وتركي عنج العاطفة .. ولا يقص عليج بعيد ميلاد .. وكلام معسول وغيره .. والمشكلة الاكبر .. ان لحين بينهم لقاءات .. وهذا الي مخليني احس بالذنب اتجاهش .. وما ابي اسكت .. والمثل يقول .. الساكت عن الحق شيطان اخرس رجاء وهي تصيح : خلااااص وفاء سكتي وفاء : رجاااء .. الدموع ما بتفيدج .. احين بخليج ترتاحين .. وبحاول اشوف اقرب لقاء بين منال وفراس ( وبهذي العبارة اخذت رجاء تصيح .. وبشهقات مؤلمة ) وبخبرج عنه .. عشان تشوفينه بعيونج رجاء : خلااص بااي وفاء بابتسامة نصر : بااي السلام عليكم ام محمود عرفت الصوت : يا هلا والله ام سلمان .. وعليكم السلام ام سلمان : شخبارج خويتي ؟ ام محمود : الحمد الله .. وانتي شخبارج ؟! .. وشخبار البنات ؟ ام سلمان : الحمد الله .. ماشي الحال ام محمود : الحمد الله ام سلمان : والله انا داقة عليج يا ام محمود .. اقولج حياكم .. وعلى بركة الله ام محمود : يعني ؟! ام سلمان : البنت موافقة .. والله يتمم كل شي على خير ام محمود : كلولولو( وبنزلة احمد ) ووووووش احمد ابتسم ابتسامة عريضـــــــــــــــــــــــــة .. ونقز عند امه .. وتوه بيتكلم امه سوت له حركة .. بمعنى اووس ام سلمان : ههه من هذا الى نسمع هالولوال .. في ليلة العقد ان شاء الله ام محمود : ان شاء الله ام سلمان : يالله .. مع السلامة ام محمود : الله يسلمج من الشر واول ما سكرت احمد بفرح : واااااااااااااااااااافقت ؟!!!!!!!!!! ام محمود : هههه اثقل يا ولد احمد : يممممه واافقت ؟!!! ام محمود : اي اي وافقت .. ع البرككة احمد وقف من وناسته : ياهووووووووووووووو .. ومتى نروح لهم ؟ ام محمود : ما يندرى .. اي وقفت .. شوف انت .. واخوك ومرت اخوك احمد : ياربيييييييييييي .. محلاة السعادة والله .. انا بقوم ادق عليييييييه ( ويروح يراكض فوق الدرج .. وشوية ويتخطرب .. واشوى ما طاح ) ام محمود : ههههههه شوي شوي احمد : يفداها يفداها ومرت ظهرية هاليوم .. على رجاء بكل ألم .. كانت فوق سريرها .. ويتردد عليها الكلام الي قالته وفاء .. كل شي صح .. كل شي حولها يقول ان صح .. اخذها مغصووب .. والديل يوم المقابلة .. ليييش ؟! .. وتقص علي .. الا الخيانة يا فراااااااااس الا الخيانة ؟!! .. آآآآآآآآه يا ربي كابوووس .. كاابوس واقعد منه .. رااسي بمووت .. ( وتمسح دمعتها بظهر يدها ) .. اذا طلع صدق ؟! .. شسوي ؟! .. وييين اولي .. وين ارووووح ؟! .. آخ ياربي .. شنو سويت انا .. شنو سوييييت ؟! .. عشان تعاقبني بهالشكل انتشر خبر خطبة شذى .. والكل فرحان لها .. لان احمد انسان ما يتعوض .. ورجاء تعبانة بين افكارها .. وحاولت قد ما تغير ما تبين الى فراس أي شي .. لانها تبي تشوف بعيونها وعقب تحكم .. ولكن !! زوجتك المصون .. اليوم لقائها مع حبيبها .. لا تظن اني اجذب .. لان تقدر تشوف بعينك .. بس ترى رجاء قمر اوف شنو هالمسجات الي ترفع الضغط .. انا لازم ما اسكت .. رفع تلفونه ودق على الرقم .. ولكنه ما في رد .. قط التلفون فوق مكتبه .. وهو يفكر هالمسجات الي تجيه .. ضد زوجته .. شنو سرهم !! .. وشوية ويوصله مسج ثاني واخيرا اتصلت .. المهم .. تبي تشوف زوجتك مع حبيبها المخفي .. حياك اليوم مجمع ( ..... ) الساعة 9 .. وبتشوفها .. واكيد بسرعة بتعرفها بين هالناس .. لانها قمر .. لا تفوت الفرصة .. ترى كل شي ولا الخيانة .. لا تنسى الخياااااانة .. جاو وبعد صلاة المغرب .. في بيت ابو منال .. وفي غرفة منال منال : وفاء انا خايفة وفاء وهي تعدل شيلتها : وليش تخافين .. ترى احنا ناخذ حقنا منال : أي حق يا وفاء .. انا خايفة بشوف فراس .. شنو بسوي وفاء : منال .. ترى مب اول مرة تشوفينه منال : ذاك اليوم كان غير ( وتتذكر احداثه ) كان يوم حلو بالنسبة لي .. وكنت متعودة عليه .. بس احين .. انا من مدا ما كلمته .. شنو بسوي اذا شفته وفاء : ايزي .. اخذي كل شي بالبساطة .. المهم احرق قلبهم .. مثل ما حرقوا قلبنا كلنا منال : وفااااء وفاء : منال .. تبين تهدمين صداقتنا .. عشان واحد يلعب عليج ؟! .. هاااا منال : لكـ .. وفاء : آخر كلام ؟؟ منال نزلت راسها : لا بس خلاص .. مشينا صعب صعب صعــــــــــــــب .. ليش تحطني بين خيار علاقتنا .. وتهديم حياة فراس ورجاء .. رجاء مالها ذنب .. ليش تأذينا ليييش ؟! .. بكبري مب عارفة على شنو ناوية .. يا ربيييي وعند فراس .. الي قاعد بسيارته .. مب راضي يتحرك .. مب عارف شسوي ؟! .. سبحان الله .. الله ما يضرب بعصا .. اليوم لقائي مع منال الي ما ادري شنو تبي .. ورجاء مع حبيـ.... ؟! .. لكن انا ليش اقول جذي .. وانا ما شفت شي ؟! .. ما شففففففففففت شي ؟! آآآآه اذا طلعت صدق يا رجاء .. الا الخياااانة .. الا الخياااااااااانة .. ما ارضى بها .. وحرك سيارته .. عشان يروح المجمع .. وهناك مصيره ؟! عند رجاء .. الي لبست ثيابها بألم .. مترددة تروح .. بس قلبها .. كرامتها .. عزة نفسها .. وكل شي فيها .. يجبرها انها تروح .. تبي تعرف شنو مصيرها ؟! .. شنو نهاية هالعلاقة .. الي ارتبطت فيها بوصية .. آه الله يرحمك يا يبه .. ويقطع عليها افكارها صوت التلفون رجاء بألم : هلا وفاء وفاء : هلا بيج .. هاا بارزة ؟ رجاء : احين بس البس عبايتي واكون زاهبة وفاء وهي تلف الدوار : ترى انا عند الدوار .. يعني خمس دقايق واكون عند بيتكم رجاء : خلاص شوية وانزل وفاء : اوكي .. بسوي لج مسكول اذا وصلت بيتكم رجاء : اوكي شذوووووووووي .. يالله عاد قعدي .. ما صارت ذي ابرة شذى وهي تلف الجهة الثانية : اوه ندى .. خليني ارقد ندى : قومي صلي يالعروس .. اذن وفرغ شذى : احين بقوم ندى : ما صار ذي شوية دم ماخذينه منج شذى بنص عين : شوية ؟!!!! .. ثلاث غراش .. مو لعبة ندى : ههههه انزين .. شصار بالمستشفى ؟ شذى نزلت راسها وهي تتذكر .. وما ردت ندى : ههههههههههههه يعني صار شي اكشن ؟؟!!! .. قولي قولي شذى انقهرت وقطت الوسادة عليها بس ما صادتها .. وبحرج : اووف لا تذكريني .. ندى بمكر : هههههههه يعني صار شي بينكم ؟؟؟؟؟ شذى وهي تبي تصيح لان الي صار يحرف وجها : يوووو لا تذكريني اقولج .. ما تفهمين ندى بنغمة تحرق الدم وتقهر شذى : يعني صاااااااااااار شـــــــــئ ؟!!!! شذى عشان تفتك منها : اي صار صار ندى : ههههههههههههههه قولي شذى : ما بقول لو تموتين .. بكبري ابي انسى وانتين تذكريني ندى : ههههههههه عسى مو شي قوي قوي !!!!!! شذى : وووجع ليش شنو شايفتني .. شي قوي مثل شنو يعني ؟؟؟ ندى تبي تغيض اختها : انتي اذكى مني .. وتعرفين شنو اقصد ! شذى انقهرت من اختها : اووووف مو كأنج زودتيها ( وتقوم ) اروح الحمام ( وانتوا بكرامة ) ابرك لي من مقابل وجهج النحس ندى : ههههههههههههههه كانت فوق الطاولة .. وكل شوية تبلل شفايفها بطرف السانها من التوتر .. ما تعرف شنو تسوي .. شلون تتصرف .. وخصوصا الشي الي تبيه وفاء منها .. صعب صعب .. ومو بـ .. ويقطع عليها افكارها ( ويسحب الكرسي ويقعد ) : السلام عليكم منال من شافته .. ملامحه .. نظرة عيونه .. ابتسامته .. صووووووووته .. ذكرها بأول لقاء بينها وبينه .. آه وحشتني وحشتنننني فراس ابتسم لسرحانها : نعم منال آمري منال بارتباك : و وعليي كم السل ااام فراس ابتسم لارتباكها الملحوظ .. وتذكر ايام طيشه معاها منال : فراس .. شخبارك ؟ فراس : الحمد الله بخير .. وانتي شخبارج ؟ منال : الحمد الله ( وتنزل راسها ) فراس : امم شنو تشربين ؟ منال ابتسمت .. لان هالعبارة ذكرتها بأحلى طلعة طلعتها : مثل ذاك اليوم فراس : ذاك اليوم !! .. هههه اي .. اوكي ( ويكلم الجرسون ) excuse me ? الجرسون : yes my dir فراس : two mango juice الجرسون : ok فراس .. رد يطالع منال .. الي كانت تطالع فيه .. ومن طاحت عينه بعينها نزلت راسها فراس : آمريني يا منال منال : فراس انا آسفة اذا كان طلبي صعب عليك .. بس ما كان ودي علاقتنا تنتهي بدون وداع ( وابتسمت بألم ) فراس ابتسم : انتي عارفة يا منال .. ان هالشي ما كان بيدي .. صح ؟ منال هزت راسها بالايجاب : صح فراس : وانا لو مو الظروف ما تخليت عنج .. بس الي صار صار .. وانا خلاص تزوجت .. وانتي اتمنى لج حياة سعيدة .. مع الانسان الي يسعدج منال ما قدرت تتحمل هالكلام .. ما زالت تحبه .. وما زال قلبها ينبض باسمه .. بدت تدمع عيونها ومن جهة ثانية وفاء منقهرة .. لان قالت لمنال لا تصيحين .. ولفت تطالع رجاء .. !!!!! وفاء خافت وقامت راحت لعند كرسيها : رجاااء ؟!!!!!! رجاء رفعت راسها من بين يدينها .. وطالعت وفاء بعيون حمر : ليش يا وفاء ؟! وفاء ابتسمت ابتسامة مزورة بالطيبة : ما علي حبيبتي .. انتي قمر وتجنين ربي بعوضج .. بس اهم شي لا تنسين .. الانسان ما بيقدر يعيش في هالدنيا من غير كرامة .. وانتي هدي احين .. وانا بقوم بطلب لنا شي ناكله .. انتظريني رجاء ودموعها على خدها : لا بمشي البيت .. تعباااانة وفاء : لا لا ما يصير .. وغلات امج .. لازم تتعشين .. دقايق بروح اطلب باستا وراجعة Edited فبراير 4, 2009 by ~][ حكم الجنون ][~ Quote Link to comment Share on other sites More sharing options...
سنفوررة Posted فبراير 4, 2009 Report Share Posted فبراير 4, 2009 مشكورر بس نبييييييييي بارت طويل مو كل قصار هع يعطيك العافية Quote Link to comment Share on other sites More sharing options...
~][ حكم الجنون ][~ Posted فبراير 6, 2009 Report Share Posted فبراير 6, 2009 (edited) الحلقة " 73 " وتقوم وفاء بسرعة .. وتسوي رنة الى منال .. منال من شافت المسكول عرفت .. ان احلى واعذب تمثيلية انتهت .. ووقفت فراس : وين ؟! منال وهي تحاول تمشي عدل بدون ما تعرج .. لما وصلت لعند فراس ومسكت يده : لا تنسى لمستي لك الي كلها حب .. تذكرني .. وداعا والي هاللحظة رجاء .. فضولها ذبحها تشوف شصار بين زوجــــــــــــها الخائن .. وحبيبته المجهــــــــــولة !! فراس ابتسم لها .. ومسح على يدها بحنان : في حفظ الرحمن يالغالية هني رجاء ما قدرت تتحمل .. قامت تشاهق .. والمار عليها يطالعها .. ويشوف شفيها هالبنية .. ويطالعها مستغرب ........ : لو سمحتي اختي رجاء كانت بين شهقاتها .. تعبانة وتحس الدنيا تدوور بعينها .. لييييييييييييييش ؟؟! .. ليششش يا فراس ليششش تعذبني معاك ؟!! .. ليش مثلت علي حبك وحنانك .. شلون قدرت تلعب بعقلي وتخليني اشوفك بصورة زوج صالح .. ليش يا فرااااس ليييش .. وانا الي حـ .. ؟؟ ....... لا لا ما يستحق هالكلمة .. ما يستحق هالكلمة .. انسان خاااين ........ : اختي رجاء هني رفعت راسها من على الطاولة .. ومسحت دموعها بسرعة .. ونزلت راسها : نعم ؟! الصبي وبدون استئذان قعد معاها على مثل الطاولة : انا اخو وفاء .. قالت لي اجي اطمن عليج .. ولانج بنية بروحج .. خافت عليج من هالشباب يعاكسونج او ياذونج رجاء ابتسمت .. وفي داخلها تتقطع من الألم .. آآآآه اخو وفاء : شفيج اختي تصيحين .. عسى ما شر ؟؟ رجاء بدون تفكير .. لان عقلها مو معاها .. بدون احساس .. لان احاسيها انجرحت : ما شر اخوي وهو ابتسم لهدوء هالبنت : لا تخافين وفاء شوية وجاية رجاء ما ردت عليه ونزلت راسها .. تفكر بحياتها ؟! .. شنووو بسوي ؟!! .. شلووون بقابله ؟!!! .. ولا بعد يجودها من يدها ويمسح عليها ؟!!!! .. وقداااام الكل .. وبصبعه الدبلة بعد .. آآه صدق دليل ع الخيااانة هههههههه .. يا محلى الخجل في علاقتهم .. صح ؟! فراس من قرا المسج .. وهو قلبه يعتصر بالألم .. رجـــــــــاء ؟!!! .. ولا بعد تصييييح !!!!! .. تصيح اكيد على سواد وجها لانها ما تبيني واخذتني غصب .. وانا انا الي بعت حبي .. وشبابي .. وعزوبتي .. وكل كل كل شييي عشانها .. ( ويضحك بسخرية ) ههههه وتسوي نفسها آيه الله .. وملتزمة .. وهي من ورا تطعن في زوجها .. هين هين يا رجاااء .. وحمل بقايا نفسه لبرى المجمع ههههههه ويييين ؟!!! .. ترى لسى ما صار شي ؟!! فراس من قرا المسج .. اخذ التلفون وكسره بالجدار وتناثرتج القطع على الأرض .. وكمل طريقه وهو يدوس فوقهم .. و عيونه محمرة من الغضب .. لو قدامي ذبحتها وشربت من دمها الخاااينة .. وع ذي بنت عم .. ما اتشرف .. واتبررررى منها ام سلمان وهي تسكر التلفون وتتنهد .. بنزلة ندى : شفيها ماماتي مضايقة ؟ ام سلمان : مافيني شي يا بنيتي ندى : شدعوة علينا ؟! ام سلمان : لا بس .. كنا نبي وحدة خوش بنية الى اخوج .. وتوني مسكرة من عندهم .. بس طلعت محجوزة لولد خالتها ندى وفي قلبها تحمد ربها : اهااا ام سلمان : يالله الزواج قسمة ونصيب .. وكل وااحد ما بياخذ الا نصيبه ندى : يمه .. يعني سلمان هو الي مختار البنية ؟! ام سلمان : يا لييييييييييت ... يا لييييت هو الي يختار .. انا الي حادته ع الزواج .. والله لو اخوج اعتمدنا عليه .. بظل طول عمره عزوبي ندى : اممم .. انزين يمه .. ليش ما تاخذين له وحدة من الاهل ام سلمان مستغربة : الاهل !! ندى : اي يمه .. شــــــــــووووق .. بنت ونعرفها .. ومتربية معانا .. وما عليها قصور ام سلمان : ايييي والله .. صدق ما جت في بااالي .. شوق ما عليها كلام .. احسن تربية ندى : خلااااص شنو تنتظرين يمه ؟! ام سلمان : بارك الله فيج يا يمه .. فتحتي عيني عليها .. بكلم سلمان واشووف ندى وقفت بفرح : اووكي .. جاااو ام سلمان وهي توقف : والله ما ادري شنو تخربطين اما ندى كاانت فرحاااااانة .. انها قدرت تقنع امها .. شوق تبيها لسلمان .. وسلمان لشووق .. ما يصير حبها لاخوي يرووح عبث .. ما يصير .. والله لاخليج يا شوق تطيحين دموع الفرح والسعادة .. بدل الدموع الي طيحتيها ذاك اليوم ( تقصد بالمزرعة ) .. فديييييت قلبج يا بنت امج وابوي .. هههه هلا فروووووووووووسي .. الي تزوج ونسانا فراس دخل بدون ما يرد عليه بدر : هوو شدعوة ؟! .. شبلاك فراس : تقووولي عاملها اووكي .. وذي بنت عمك .. ويتيمة .. ومسكينة ( ويصرخ ) عساها سجيييييييييينة الخاااينة بدر مستغرب من عصبيته : شفيك فراس .. اهدا اهدا فراس وهو متنرفز : اووووف أي اهدا .. والله لخليها تذوق طعم الخيانة .. واجيب فوقها بنت ثانية .. واخليها تذووق الويل وتشتغل خدامه .. مثل ما خلتني اعييش مثل الغبي الاهبل .. الي ما يدري زوجته شنو تطببخ من وراه وتسوي من لقاءات .. اصلا زوج بالاسم .. بالاســــــــــــــــــــــــم بدر : فراااااس .. صل على النبي وانا اخوك .. استغفر ربك .. وتعوذ من بليس فراس وهو يتلفظ باسم ربه .. ويتعوذ من بليس وبدر انسحب .. وجاب له قلاص عصير ليمون طبيعي .. شوية يهديه فراس .. شرب العصير بكل قهر وألم .. مثل الماي .. وما حس حتى بطعمه بدر : هد شوية .. وفهمني السالفة .. لا تعصب .. ( ويبتسم لصديقه ) العصبية ما منها الا عوار الراس .. وياليت تنحل الامور بعد فراس : آآآآآآآآآآآآآآآآآه يا بدر .. شنو اقول شنو اخلي .. طلعت خااينة يا بدر خااينة بدر : رجااء ؟!! فراس وهو يحس بالألم من سمع اسمها : ويا ليتني ما عرفتهااا يا بدر .. يا لييت بدر : شنو الي قلب احوالك .. توك البارحة مسوي لها احلى عيد ميلاد .. وعشت معاها احلى ايام عمرك .. ذايب بالهوى ورومانسية .. وشصار ؟؟ فراس : آه .. خلتني اذوق طعم الألم دبل .. وربي دبل .. ما يسوى علي هالكم اسبوع عايش بسعادة معاها .. ما يسوى بدر : قلي شصاير ؟ وقــــالــــه بمـــوضــوع الخيـــانة .. بتمـــــثيلية الحـــــب الـــــي كـــــان عايـــــشها قـــــاله طعنتـــــني الخـــــاينة .. ومـــــا درى انهـــــا بالبـــــيت تنـــــزف مـــــن الألم قالـــــه الـــــي صـــــار .. ويـــــاليته عـــــرف انـــــها مجـــــرد تمثـــــيلية تمـــــثيلية بســـــبب طيشـــــه .. واحيـــــن يدفعـــــها بغالـــــي الثمن ويـــــاليت .. يـــــاليت يكــــــــــون بالألـــــم .. عـــــايش لوحده بدر وهو مو داخل عقله : وانت صدقققت ؟!!! فراس : شفت بعيووني الثنتين يا بدر .. بعيووني الثنتين .. وهي تصيح له .. وكأنها تشتكي حالها .. وما تبيني .. وهو يبتسم لها وما ادري شقول لها .. ونزلته راسها .. وكأن قالها كم كلمة غزل .. آآه يا بدر .. ودي اذبحها بدر : لا تتسرع يا فراس فراس : ترضى بالخيانة يا بدر .. ترضـــــــــــى ؟؟ .. الا الخيانة .. وعزة نفسي وكرامتي .. ما ارضى عليها بدر بعد تفكير : اسمعني فراس .. انا صديقك وابي مصلحتك .. وعمري ما قلت لك كلام .. الا بكون لصالحك فراس وهو يتنهد .. ويحاول يتنفس : قول .. شورك واهداية الله بدر ابتسم .. وضرب على كتف فراس كـ وقفة صديق مع صديقه : احين روح بيتكم .. وعيش معاها ولا كأن صاير شي .. اذا حسيت ان تصرفاتها معاك متغيرة .. وتحس انها تنحاش منك وما تبيك .. وصدق صدق اسلوبها معاك متغير .. معناته الي شفته صح .. لكـــــــــــــــــــــــــن .. اذا ما كان فيها شي من هالتغير .. اسمح لي اقولك الي شفته مجرد تمثيلية .. واكيد هي ماتعرف شسالفة .. وعطني بس الرقم الي يدز مسجات .. وانا اوصل لك للحقيقة فراس : يعني ؟ بدر : اي .. يالله احين .. توكل على الله .. وحط لك بالمسجل قرآن لما تهدا .. وعقب انزل بيتكم .. ويحلها الف حلال فراس وقف .. ويحس انه هلكان .. بس تفاءل خير بكلام بدر : خلاص .. مشكور بدر : حاضرين فراس : مع السلامة مرت ربع ساعة .. ورجاء بالسيارة تصيييح وتشاهق .. ومرة تهدا وتفكر .. وترجع تصييييح بكل الم .. ووفاء تحاول تهديها .. بس ماكو فايدة وفاء وهي تشوف الساعة : رجااء .. احين الساعة 9 ونص .. انتي اهدي .. عشان تقدرين تروحين بيتكم وانتي طبيعية رجاء وهي تصيح .. ومب قادرة حتى تتكلم : مـ مـا اقـ ـدر وفاء من داخلها تتأفأفف .. بس ما تبي تبين شي : خلاص حبيبتي يا رجاء .. اهدي احين ( وتكلم السايق ) راجو يالله امش طول الدرب .. ورجاء تناظر الدنيا من المنظرة .. آه .. صدق الدنيا يوم لك وعشرة عليك .. امس صحت من الفرح .. واحين دفعت الثمن غالي .. وطيحت بدال دموع .. دم من قلبي المجروح .. وشنو بكون حالي من بعدك يا فراس ؟! .. وشلون برجع بيت اهلي مطلقة ؟! .. وابوي ما جمعنا بوصية .. الا عشان ما تفترق العائلة .. واحين بطيشك .. وبلعبك .. وبخيــــــــــــــانتك .. بتهدم علاقتنا .. ليش يا فراااس ليييييييش ؟! .. وتسكر ها بألم .. وتنزل دموع حاارة .. تحرق وجها .. وظلت على هالحال .. لما وصلت عند باب بيتهم .. ونزلت وراحــــــــــــــت سيــــــــــــــــارة الظلـــــــــــــــم رجاء وهي تجر رجولها بالغصب .. وتتسند على اقرب جدار وصلته .. وتحاول تمشي بسرعة .. لا يطلع عمها أو أي احد .. ويشوفها بهالحال .. لكن لما شافت سيارة فررراس .. حست بالطعنة .. حست بالألم .. بالخيـــــــــانة المـــــــــــرة ما قدرت تتحمل اكثر .. وخرت كل قوتها .. وطاحت من زود الألم .. وصارت هي والارض واحد .. طاحت تصييييييح .. تتألم .. تشااهق .. تحس ان قلبها بيطلع من مكانه من الألم الي تحس فيه .. آه آه يا دنيا ؟! جرت نفسها .. وهي تصيح .. لما وصلت لعند باب بيتها .. بيتها ؟!؟! .. آه ما عندي بيت .. ما عندي احد بهالدنيا .. ترددت تدخل من الباب الرئيسي .. ووقف بكل صعوبة .. ودخلت من الباب الي ورا .. وحمدت ربها ان فراس ما كان موجود بحجرتها .. ومباشرة دخلت الحمــــــــــام ( وانتوا بكرامة ) بكل سرعتها .. وكأن هالمكان هو الوحيد .. الي بتقدر تفرغ فيه كل المها وتعبها .. فتحت الماي بكل قوته .. ورج المكان بصوته وصداه .. فتحته .. مو بقصد شي ؟! .. قصدها انها تخفي شهقاتها وبكائها .. !! عند فراس الي كان تحت .. وسمع صوت السيارة .. وتوقع دخولها في أي لحظة .. خمس دقايق .. عشر دقايق ؟! .. ربــــــــــع ساعة ؟! .. ما دخلت ..!! ... راح بره يتاكد .. بس ما شاف لها أي اثر .. توقع ان الصوت مجرد من خياله .. وفي رجعته .. شاف عند الباب الرئيسي .. شنطتــــــــــها بكبرها طايحة ؟! .. معقوولة دخلت من الباب الخلفي ؟! .. حتى وجهي ما تبي تشوووفه ؟! .. وهذا اول دليل ان الي شفته صح .. صح صح يا بدر !! .. وبسرعة راح يركض .. ودخل حجرة النوم .. وسمع صوت الماي .. اهااا تسبح ؟!!! انسحب .. وراح الصالة الصغيرة الي تواجه حجرة نومه .. فتح التيفي .. على فلم .. يا زعم يتابعه .. ولكن باله كان بعيــــــــــــد .. وانتظر .. وانتظر عند رجاء .. الي بللت نفسها من فوق لتحت بالماي .. حست انها ظلت واااجد بالحمام .. وخصوصا وهي تصيح ؟! .. والصياح مب زين بالحمام .. بندت الماي .. ونشفت جسمها .. وقبل ما تطلع .. حست بدوار براسها .. وفجـــــــــــاة .. رجعت .. رجعت المها .. عذابها .. تعبها .. وكل شي .. ظلت فترة وهي على هالحال .. معدتها تقولب من التعب الي تحس فيه وتحس بالغثيـــــــان .. وترجع هوا !! .. وهو في شي في بطنها ؟! .. واول ما هدت .. رشت وجها بماي بااارد .. وطالعت ملامح وجها بالمنظرة .. تجمع دم تحت ها اثر الترجيع .. وعيوونها صغــــــــــــار .. وما للبياض اثر منهم .. بؤبؤ بني .. والبياض تحول الى جمرة .. داكنة الاحمرار .. وجفنا نازل على ها بكل تعب .. وكل شي بجسمها يدل على التعب .. لفته بالروب الطويل .. وطلعت .. ولبست لها بجامة .. ولانها كانت تعبانة .. ما قدرت حتى تعدل شعرها .. وتوها بتتوجه للسرير .. انفتح الباب !! .. هي لفت تطالع الخاين .. وهو علق عيونه على الخيانة !! ..:: لــــيــــه الــــخــــيــــانــــة ::.. توقعاتكم : * ليه الخيانة ؟! .. وشلون بكون اللقاء بينهم ؟ * شنو صار بين احمد وشذى بالمستشفى ؟ * سلمان .. هل بوافق على شوق ؟! .. او ....؟! * وفاء ؟! .. هل بتكتفي بكل هذا ؟! .. او هناك مزيد من الحقد ؟! * توقعاتكم للأيام الجاية ؟؟ Edited فبراير 6, 2009 by ~][ حكم الجنون ][~ Quote Link to comment Share on other sites More sharing options...
سنفوررة Posted فبراير 6, 2009 Report Share Posted فبراير 6, 2009 نتظرك في بارت اطووول مشكور Quote Link to comment Share on other sites More sharing options...
~][ حكم الجنون ][~ Posted فبراير 6, 2009 Report Share Posted فبراير 6, 2009 انزيـن آآبي توقعـآآتجـ لآ! Quote Link to comment Share on other sites More sharing options...
MaNaM!a Posted فبراير 7, 2009 Report Share Posted فبراير 7, 2009 ننتظر الباارت الجاااي .. لاتتأخر علينا تحياتي MaNaM!a Quote Link to comment Share on other sites More sharing options...
غصون المحبة Posted فبراير 9, 2009 Report Share Posted فبراير 9, 2009 وووين البارت نبي بارت Quote Link to comment Share on other sites More sharing options...
سنفوررة Posted فبراير 9, 2009 Report Share Posted فبراير 9, 2009 يلا زنجلبيلووو وين البارت Quote Link to comment Share on other sites More sharing options...
~][ حكم الجنون ][~ Posted فبراير 9, 2009 Report Share Posted فبراير 9, 2009 الحلقة " 74 " هي لفت تطالع الخاين .. وهو علق عيونه على الخيانة كانت المسافات من بينهم بعيدة تقريبا .. الا ان رجاء تحس انه قريب منها اقرب من نفسها .. ولكن في حاجز كبييييييييير بينهم .. ليش يا فراس ؟! .. ليش تخوني ؟! .. لـــــــــــيش ؟! واما فراس .. كانت مشاعره مضاربة .. كل شي يدل ان الي شافه صح .. وجها التعبان .. نظرتها الحزينة .. عيونها المحمرة .. وقفتها بعيدة بدون ما تتحرك .. ولا تنطق بولا كلمة .. ليش يا رجاء ؟! .. ليش تطعنيني من وراي ؟! .. لــــــــــــــــــيش ؟! شوية وتنسحب رجاء لسريرها .. وتغطي وجها كامل .. وتلف الجهة الثانية .. وتحاول تحبس صياحها وشهقاتها .. وبين دموعها همست رجاء بصوت حزين ومتقطع : تـ ـصـ ـبـ ـح عـ ـلـ ـى خـ ـيـ ـر فراس ويحاول يستجمع قوته .. وما يخلي صوتها الحزين ياثر فيه .. هي خانته .. ولازم يدفعها الثمن غالي : على ما اعتقد .. ان الزوجة لما بتطلع مكان .. لازم تخبر زوجها .. والا .. انا مو زوجش ؟! رجاء : ................. ( صياح ودموع وألم وتعب وعذاب ) فراس وهو ياخذ نفس يحاول يخفي عصبيته الي بأي لحظة بتتغلب على عقله .. ويمكن يسوي شي يندم عليه : ر... ( وسكت شوية ) انا اكلمج .. اعتقد ان مافيج رقاد .. قومي وكلميني .. ( ويرص ع اسنانه ) وواجهـــــــــــيــــــــــني رجاء بصوت مبحوح : فراس .. انا تعبانة ابي ارتاح فراس : لو سمحتي .. لا تقوليـ ... !! رجاء : .......... فراس : اذا اليوم ما تكلمنا .. بكرة بنتكلم رجاء بألم : ان شاء الله فراس .. توجه للباب بينسحب من هالمعركة .. باردة الكلام .. وحارة الاعصاب رجاء بهمس خفيف زين ان فراس سمعها : مشكور ما تقصر فراس انقهر من حركتها .. تخون وتشكرني ؟! .. رجع مكان ما كان .. وقالها بكل هدوء .. عكس اعصابه : ممكن اعرف ليش الشكر ؟ رجاء وما زالت مغطية وجها باللحاف .. وما يبين ولا شي منها : انت ادرى فراس : بدون هالالغاز .. وقولي بالوجه لو سمحتي رجاء وهي ترفع صوتها : ما بقووووول شي فراس بعصبية : منوووووو الييييي لازززم يعصببببب .. ويشككككر الثاني .. انا او انتيييي .. هااااااااااا ( ويسحب عنها اللحاف بكل قوة وعصبية) رجاء .. رفعت راسها .. وطالعته بكل قوة .. وجراة : انا الي لازم اشكرك .. يالخايــــــن فراس ضحك باستهزاء : هاهاهاهاهاها ( ويصفق لها ) ما شاء الله .. طلعت خاين ؟! رجاء تبتسم بألم : يا زوجي العزيز .. وولد عمي .. عندي طلب .. ( وتتنفس بتعب ) .. اذا تبي الامور تنتهي من بينا .. انا راضية وموافقة .. بس بعد زواج شذى بنت خالتي .. لاني ما احب اخرب فرح الي حولي .. ولاني ما ابي اكون انانية .. يشاركوني فرحي .. فلازم اشاركهم فرحهم .. واذا حياتي حزن والم وهم .. ما ابي حياة الي حولي تصير مثلي فراس : تمثيلية حلوة .. يا بنت عمي .. خلااااص تقدرين تشيلين قناع الطيبة هذا .. لانج انكشفتي على حقيقتج .. مو لازم تمثلين علي اكثر رجاء ابتسمت : الايام بتبين لك يا فراس فراس : لا تقوووولين اسمي .. ما اتشرف ينطق اسمي بلسان خايــــــــنة رجاء ابتسم كعادتها : ان شاء الله .. ممكن ارقد ؟ فراس .. طالعها بنظرة تحمل كل معاني الاحتقار .. وطلع من الحجرة من غير ما يرد عليها .. وهي مباشرة اخذت للحاف .. وغطت نفسها .. وسارت بنوبة بكاء .. طويلة ومحرقة اما فراس .. بسرعة انسحب من الحجرة .. وسكر وراه الباب بكل قوة وعصبية .. وقعد على الكراسي .. وحط وجهه بين ايديه .. يا ربي ؟! .. شسوي يا ربــــي ؟! .. ما ابي اخسر ابوي بسببها .. وما ابي اخسر ولد عمي واهلي كلهم .. ما ابــــــــــي ؟!! .. وحبي لها ما ابيه يضيع ؟!! لكــــــــن هي ذبحتي وطعنتني .. وخانتنــــــــــــي .. آه .. قــــهـــر .. وشوية ويقطع عليه افكاره .. صوت تلفونه .. بــــــــــدر .. ابتسم فراس رغم المه .. صدق لي قالوا .. الصديق وقت الضيق .. دايما يجي بوقته .. شال التلفون ووصله صوت بدر .. الي يحس بالراحة لما يسمعه بدر : هلا فراس فراس بحزن ممزوج لابتسامة : هلا بدر بدر : بشر ؟!! فراس : شنو ابشر ؟! .. البشارة لازم يكون شي مفرح .. شقولك يا بدر ؟! بدر خاف : شصار ؟؟؟!!! فراس : تبيني اقولك ان كل شي قدامي يدل على خيانتها .. تبيني اقولك اني انتظرتها بالصالة وآخرتها دخلت من الباب الخلفي .. ما تبي حتى تشوف وجهي .. تبيني اقولك انها ما كانت تبي تكلمني وتبي ترقد مباشرة .. اقولك انها اتهمتني بالخيانة رغم خيانتها الواضحة وضوح الشمس .. او شنو اقولك .. هاا شنو يا بدر ؟! .. ( وبدر ساكت ) .. اقولك انها تبي تنهي الي بيني وبينها بعد خطوبة بنت خالتها ؟!! .. شنو اقولك وشنو اخلي يا بدر .. آه بدر بصوت كله أمل : سلامتك من الآه يا اخوي .. شقولك يا فراس ؟! .. عقلي واحساسي يقولي ان السالفة فيها أن .. وكلامك يقول شي ثاني فراس : احساسك خطا يا بدر .. كل شي واضح وانكشفت .. خلاص اذا هي ما تبيني .. وتبي غيري .. كرامتي اكبر من حبي لها .. بطلقها بعد زواج شذى .. بدر : لا يا فراس .. ابغض الحلال عند الله الطلاق .. ممكن ادخل في الموضوع يا فراس ؟ فراس يضحك بسخرية على حاله : هــه حياك بدر : خلاص .. امهلني هالفترة بس .. وان شاء الله خير فراس وهو يتنهد بحيرة والم وحسرة : ان شاء الله .. هلا والله وليدي سلمان ابتسم لامه : هلا يمه ( وباسها فوق راسها ) ام سلمان : تبوس الكعبة يا شيخ الرجال سلمان : الا قاعدة يمه ام سلمان : انتظرك يا وليدي سلمان استغرب : عسى ما شر يمه ! ام سلمان : يا يمه الزواج قسمة ونصيب .. واذا راحت دانة في غيرها سلمان ابتسم : يا يمه والله عادي .. لا تكدرين نفسج ام سلمان : انزين يمه في وحدة في بالي سلمان : اوكي .. روحوا لها وشوفوا ام سلمان : لا نبي هالمرة لك .. شـــــوق سلمان : أي شوق ؟؟ ام سلمان : بعد أي شوق .. شوق بنت عم عيال اختي سلمان استغرب : شوق .. ما غيرها شووق اخت فراس ؟! ام سلمان : اي شفيها يعني .. جمال ودلال واخلاق .. واكثر من جذي انت متربي معاها .. يعني مافي أي مشكلة سلمان مستغرب : امم ام سلمان : هااا شقلت ؟؟ سلمان : اوكي ما عندي أي مشكلة .. بس نكمل من زواج شذى .. وعقب يصير خير ام سلمان : اوكي يا يمه .. احين نشوف راي البنية .. وعقب زواج اختك .. يصير كل شي على سنة الله ورسوله سلمان : ان شاء الله يمه .. ما يصير خاطرج الا طيب .. شذى بفرح : والله .. تقدرين عااد ؟ دينا : اكيد حبيبتي شذى .. كم شذى عندنا بالكلاس .. احين بتصل لولد عمي وارد عليج شذى وهي مو مصدقة : مبيي من صدقج دينو ؟ ( وبدخلة ندى ) دينا : هههه اي من صدقني شذى : لكن تعالي فشلة .. بقول احمد اني منزهقة دينا : لا يا عمري .. لا تقولين له خل تحترق اعصابه .. انا بس بطلع لج النتيجة .. عشان تزهبين نفسج يا عرووس شذى بهبل : ويلي صرت عروس ما اصدق هههههه دينا : العروس لازم ثقيلة ههه .. مو انتي دزني واطيح شذى وهي ترفع صدرها بمعنى الثقل : لا لا انا ثقيلة ندى هني ضحكت : هههه شذى قوست حواجبها وسوت لها بصبعها حركة بمعنى اوووووس .. وندى قامت تاحوس ببوزها وتتلحلطم دينا : ايوة اخليج يالثقيلة .. بدق ع ولد عمي .. عشان يطلع النتيجة بكرة ويدزها لي ع الميل شذى : دينا تكفييين .. اذا النتيجة مو اوكي ( وبحزن ) الله لا يقوله عساني ذبحة ولا تكون النتيجة مو اوكي .. المهم .. لازم ابيها اووكي دينا : ههههه وانا شقدر اسوي .. الي اقدر اسويه اطلع لج النتيجة بواسطتي وبس شذى : اوف انزين .. ابي اقعد الصبح فيه مسج ع الهوت ميل اوووكي دينا : اوكي .. سي يو شذى : سي يو اول ما سكرته شذى .. قامت مسكت يد ندى .. وقامت تدور معاها شذى : يا ربي احبببببببببببهم احبببببببهم ندى وهي تدور معاها بشعرها الناعم الي يوصل لعند كتفها : ويلي فديتني يحبوووووني شذى وقفت مرة وحدة : ومن قال اني اقصدج ؟ ندى وهي تحك راسها بخبال : عجل !! شذى : اقصد الي في بالي يالخبلة ندى انقهرت : خبل زوجش شذى : هيييي لا تغلطين عليه فاهمة ندى رجعت مكانها للمجلة: اسمي ندى .. المهم من كنتي تكلمين ؟ شذى : حبيبي .. خخخ اقصد دانيا .. ( وفجاة تصرخ بفرح ) ايييييييييييييييي ندى خافت وقطت الملجة من يدها: وعلتين خوفتيني شذى : وحدة لي ووحدة لج ههه .. المهممممممممممم .. دانيااااااااااااا ندى : ايييي شذى : عمرررررررررررررري ندى : اييييييي شذى : حياااااااااااااااتي وندى مثل الخبلة وراها : اييييييييييييي شذى : بطللللللللللللللللللللع ندى : ايييييييي ( وحست لنفسها ) اوووف مللتيني ترى شفيها شذى : ههههه .. ( وتصرخ مرة ثانية ) ايييييييييييي ندى : اووووف مللتيني شذى : هههه من فرحي يا حبيبتي .. دانيا بطلع نتيجة الفحص بكرررررة ندى : اهااا شذى انقهرت من رد اختها : مالت عليج ندى مستغربة : وييي شسويت احين يعني هااااا !! شذى تقلد صوتها : اهااا .. ذلفي ذلفي بره ندى وهي تقوم من مكانها : الشره مب عليج .. علي انا الي قلت بدخل على اختي بشوفها شنو تبي .. بكرة بتتزوج وبفقتدها .. باااي شذى انبها ضميرها .. بس قررت تاخذ لها شور اول .. وعقب تروح تراضي اختها بكم كلمة .. ام ناصر وهي تغطي اختها باللحاف : اعتبرني البيت بيتج .. ومافيه احد غريب .. وأي شي تبينه احنا حاضرين ام فهد : والله يا وخيتي .. ما كان ودي اضيق عليج هني .. بس انتي الله يهديج اصريتي علي ام ناصر : اووس .. ما بينا هالرسميات .. انتي اختي الكبيرة .. ومثل توامي ام فهد : ما تقصرين يا وخيتي ام ناصر وقفت .. وفتتحت الابجورة .. وقبل ما تسكر الضوا : يالله تصبحين على خير ام فهد : وانتي من اهل الخير واول ما طلعت من حجرة اختها .. نزلت تحت وكانوا هناك وجدان بيدها المكسورة .. ونادية .. وناصر ام ناصر : الا متجمعين العيال اليوم وجدان : انا مضايقة .. لان ما اقدر اقعد ع النت ام ناصر مستغربة : ليش مافي انترنت ؟ وجدان : مبلا فيه نت .. بس ( وتاشر على يدها ) مكسووورة .. ما احب اكتب بيد وحدة ع الكيبورد بس ام ناصر ابتسم : يالله كلها شهر ونص .. ويشيلونها .. ( ولفت لنادية ) وشخبارج ندوي ؟ نادية ابتسمت لخالتها : الحمد الله بخير وسهالة ام ناصر : الحمد الله .. ان شاء الله مرتاحة من قعدتج معانا .. ومافي احد مأذيج نادية : محشومين .. ما منهم مضرة ام ناصر : بصراحة في موضوع .. ابي آخذ رايكم فيه ناصر : تفضلي يمه ام ناصر : لان اختي شيخة ونادية .. صاروا يعيشون بالبيت بروحهم .. ومافي رجال معاهم بالبيت .. وانا الحمد الله البيت يكفيني ويكفيها ويكفي قوم فرعون .. وعيب علي اخليها بهالظروف بروحها .. فقررت آخذ رايكم قبل ما افاتحها بالموضوع .. انها تظل تعيش معانا .. لما يرجع فهد من هالسفرة الي ما نعرف سببها .. ويرجع لعقله .. ويرد فهد الطيب الخلوق الي نعرفه ناصر لا اراديا .. بحماس : يــــــــــــــــس الكل لف نظره الى ناصر .. يطالعونه باستغراب ام ناصر : هو شفيك ؟ ناصر تفشل .. وصار وجهه طماطية .. وحك راسه : لا يمه بس تذكرت شي ام ناصر مو مقتنعة من رده : اهــا !! ناصر رفع عيونه على نادية .. ومباشرة نزلها .. وهو يسب نفسه مليون مرة .. حشى ما اقدر اكتم شعوري .. هههههه بس فرحاااان ام ناصر : المهم .. شرايكم بالموضوع ؟ وجدان : امممم ( وترفع نضرها الى اخوها ) شرايك ناصر ؟ ناصر : اممم .. والله من رايي احسن حل .. عشان شوية هني يغيرون جو .. نادية مع وجدان .. وخالتي مع امي .. يعني شوية ينسون الي فيهم وجدان : وانا بعد رايي من رايك ام ناصر : ونادية ؟ نادية ابتسمت : انا رايي من راي امي .. اذا امي وافقت اكيد ما عندي أي مانع ام ناصر : يعني افهم من كلامج راضية ؟ نادية : اي خالتي ام ناصر ابتسمت براحة : وهذا عشمي فيكم .. والنعم فيكم يا عيال .. في بيت ام سلمان .. وبالذات في غرفة شذى .. اول ما كملت الشور .. لبست لها بدلة خفيفة .. ونزلت تحت لقت امها قاعدة وتقرا في بعض ايات الذكر الحكيم شذى : يــــمه ام سلمان : صدق الله العلي العظيم .. نعم يمه شذى : وين ندى ؟ ام سلمان : ندى بغرفتها .. ما نزلت فوق شذى : اهااا .. اووكي ام سلمان : ليش ؟ شذى : لا بس .. حبيت اقعد معاها بالحديقة .. بس اول شي بسوي لنا عصاير .. وشي خفيف ناكله .. وعقب بروح اناديها ام سلمان ابتسمت : الله يخليكم لبعض شذى : ويخليج ماماتي وراحت شذى المطبخ .. وبرزت لها عدد من البرتقال .. وطلعت لها كاسين .. وصحن فيه بعض الفواكه .. وعلى ما برز كل شي .. ودتهم ع طاولة الحديقة .. وراحت فوق بسرعة وهي تنادي نــــــــــــــــدى .. نــــــــــــــدوي حبيبتي .. أين انتـــــــــــــي ؟ وفتحت الباب بدفاشة : وانا اناديج ليش ما تردين ؟ ندى ما حركت لها ساكن .. وظلت عيونها ع شاشة الكمبيوتر .. يا زعم زعلانة شذى قعدت ع سرير ندى : ندوووووووي يالله عاااد .. كنت امزح معاج ندى : ........ شذى وهي مبرطمة : نـــــــــــــــــدى .. والله حرام عليج ( وبلهفة ) قومي سويت لنا عصير .. حطيت لنا فواكه في صحن .. وخليتهم في الحديقة .. يالله قومي ناكل ندى ولا كانها زعلانة من سمعت طاري الاكل .. لفت تطالع اختها : صـــــــدق ؟! شذى : ههههه اي صدق ندى قامت .. وحوطت يدها حول كتف اختها مثل الاطفال : يالله مشينا شذى بابتسامة عريــــــــــضة : يالله واول ما نزلوا شافتهم امهم .. ابتسمت لهم براحة .. يا كثر راحة بال الام .. لما تحس ان عيالها على قلب واحد وفي الحديقة ندى : مستانسة ان بكرة بشوفين النتيجة شذى وهي ترشف في العصير : اوف كوووووووورس .. يالله يستر ذي داينو تصدق او تجذب .. والا وجها وجه مستشفى ندى : هههههه لا حرام عليج شذى : ندوي خايفة والله .. اخاف تطلع النتيجة مب اووكي ندى : تفاءلوا بالخير تجدوه .. ان شاء الله خير شذى : صدقينوا ندوش .. انا بنيت احلامي ومستبقلي كله عليه .. وما اظن اني راح اقدر اعيش مع غيره .. احمد ( وترفع راسها للسما برومانسية ) هالهوا الي اتنفسه .. من جد هو الوحيد الي خلى قلبي ينبض .. من اول لحظة شفته بالمزرعة .. ( وتتذكر اول ما شافته ) Quote Link to comment Share on other sites More sharing options...
سنفوررة Posted فبراير 9, 2009 Report Share Posted فبراير 9, 2009 زنجبيلو وااجد قصار حط ع الاقل 3 بارتاات جميع ع العموم مشكور Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.