سنفوررة Posted فبراير 12, 2009 Report Share Posted فبراير 12, 2009 مشكـور للبارت ننتظررك في البااارت الــجاي Quote Link to comment Share on other sites More sharing options...
غصون المحبة Posted فبراير 13, 2009 Report Share Posted فبراير 13, 2009 حددددددددده رووووووعه البارت ننتظر البارت الجاي يسلمووووووووو ربي يعطيج ألف عافية Quote Link to comment Share on other sites More sharing options...
sleep girl Posted فبراير 13, 2009 Report Share Posted فبراير 13, 2009 اخوي مشكور على البارت بس ننتظر البارت الجديد على احر من الجمر بليزز لاتطول علينة Quote Link to comment Share on other sites More sharing options...
~][ حكم الجنون ][~ Posted فبراير 14, 2009 Report Share Posted فبراير 14, 2009 الحلقة " 78 " الو ام سلمان : السلام عليكم بنيتي شوق : هلا خالتي .. وعليكم السلام ام سلمان : شخبارج يا بيتي .. وشلون البيت كلهم ؟ شوق : الحمد الله خالتي .. كلهم بخير .. وانتي شخبارج وشخبار الاهل ؟ ام سلمان : الحمد الله .. بخير وعافية .. موجودة الوالدة ؟ شوق : اي خالتي .. لحظة شوية شوق : يمـــــــه ( وتخلي السماعة تروح تشوف امها وين ) يمـــــه ام فراس طلعت من حجرتها : نعم .. انا هني شوق وهي تأشر ع الصالة : يمه خالتي ام سلمان ام فراس : والله .. جايتنا البيت .. يا هلا ومسهلا شوق : لا لا يمه .. ع التلفون تبيج ام فراس : وي .. لو قلتي وتروح بسرعة الصالة ام فراس : هلا ومرحبا يا ام سلمان ام سلمان : لا بيج يا وخيتي .. شخبارج .. وشخبار العيال ؟ ام فراس : الحمد الله .. وانتي شخبارج ؟؟ .. وشخبار البنات ؟؟ .. عاش من سمع صوتج ام سلمان : بخير الحمد الله .. وعاشت ايامج يا وخيتي ام فراس : آمريني ام سلمان : والله شقولج يا ام فراس .. انا متصلة اطلب يد بنتج لوليدي ام فراس وهي تبتسم بفرح : ابركها من ساعة يا وخيتي .. الولد مثل ماهو ولدنا .. البنت بنتكم بعد ام سلمان : انا قلت اكلمج بالموضوع احين .. وتشوفين تخبرينها .. وخلها تفكر على راحتها .. وعقب زواج شذى .. يصير كل شي ام فراس : وليش المخاسير .. اذا صار نصيب ان شاء الله .. نخلي الاثنين مع بعض .. مافيها شي ام سلمان : اي والله .. ما طرت على بالي هالفكرة .. اوكي انتي خبريها .. وردي على خبر ام فراس : على خير وخيتي .. مع السلامة ام سلمان : الله يسلمج ويحفظج ●εïз●...●εïз●...●εïз● عند شوق في الحجرة شوق وهي تهز اسراء : يالله عاااد قومي .. مب نوم هذا اسراء : اووف خليني انام .. البارحة ما نمت من وقت .. المكان متغير علي شوق : قوووومي .. يا زعم البارحة نمت من وقت عشان اقعد الصبح معاج .. واحين انتي راقدة لي الظهر .. قووووووومي الساعة 10 ونص اسراء وهي تقعد على السرير وتحك شعرها : اوووف .. تمللين الواحد انتي .. وتجيبين له القرحة في المعدة شوق : ههههههههه حلوة .. يالله لج خمس دقايق قومي غسلي هالفيس .. ونزلي تحت .. ترى انا انتظرج .. لحين ما فطرت اسراء وهي تقوم للحمام ( وانتوا بكرامة ) : اوووف انزين شوق : شطورة اختي ام كرش ودخلت اسراء وهي تتحلطم .. وشوق طلعت وهي تضحك اول ما نزلت شوق .. قعدت فوق الجلسة وبحضنها اللابتوب .. تعدل في الصور الي صورتهم .. وكانت هذي آخر صورة .. لبعض من خواتمها واما ام فراس كانت تطالع بنتها من فتحة المطبخ الي تطل ع الصالة .. والله وكبروا عيالي .. اسراء وتزوجت وبتجيب لي حفيد .. وفراس هم تزوج واستقر في حياته .. يا عسى ربي يهنيه .. وما ظلت لي الا قطاعتي شوق .. وكو احين بتروح وتخليني .. ربي يحفظج يا بنيتي ويخليج .. وعسى الله يسعدج .. ويكتب الي فيه الخير ويقطع عليها افكارها صوت اسراء : صباح الخير يمه ( وتبوسها فوق راسها ) ام فراس وهي تبتسم وتمسح على راس بنتها : صباح الخيرات بنتي .. ها شخبارج احين .. ان شاء الله اشوى ؟ اسراء : لا الحمد الله .. انا احين بخير ام فراس : الحمد الله .. يالله الريوق زاهب .. بس اختج تنتظرج اسراء : يالله ( وتشوق شوق ع اللابتوب ) والله ان ما سكرتيه احين .. لا آخذ قشي واروح انام .. ترى مللتينا مع هالكمبيوتر شوق وهي تسيف الصورة : خلاص حملت .. عشى في بطنج راديو مب جاهل .. من حملتي وصايرة حنانة .. وواجد تتحلطمين ( وبصوت نازل ) ومليقة بعد اسراء وهي تحط يدها على خصرها : نعم نعم نعممممممممممم .. يمممممممه شوفي شتقول عني ام فراس وهي تحمل الصحون : ههههه والله وذكرتوني ايام ما كنتوا صغار اسراء : ههههه اي .. كل هواش انا وشوقو .. هي الله يهديها واااجد دليعة .. وانتي وابوي مدلعينها اكثر شوق : هههههه كوا انتي عندج محمود .. وفراس عنده رجاء .. وانا حاسديني على امي وابوي !! .. صدق انانيين اسراء : ههه عليج بالعافية .. شوق : الله يعافيج يا ام كرش اسراء ابتسمت وحطت يدها على بطنها .. وتذكرت : يووو .. محمود اكيد دق علي وانا راقدة .. شوق عمري هاتي تلفوني تحت الموسدة شوق : اوكي ●εïз●...●εïз●...●εïз● وفي الصالة الكل مجتمع .. والفرحة لوين .. وام فهد قاعدة تتلمس في ولدها .. مب مصدقة انه رجع لها .. ولا بعد .. ولدها الطيب الحنون الي تعرفه فهد : هههه شفيج يمه .. بس خلاص كو انا معاكم هني .. وما بخليكم بعد ام فهد والدمعة بعينها وهي ماسكة يد ولدها : والله والله يا وليدي .. مب مصدقة .. يا حبيبي يا وليدي ( وتضمه الى صدرها بكل حب ) ام ناصر : بس عااد يا وخيتي .. ترى نادية تزعل الكل : هههههه نادية : عليه بالعافية فهد ابتسم لاخته : الله يعافيج يا الحلوة ناصر : واخيرا عااد شفناك .. احنا رجعنا من السفر وانت سافرت فهد : هههه اعذرونا .. المهم خلنا ننسى الي راح .. وما ابي احد يذكرني فيه .. واليوم بمناسبة رجعتي لكم .. وجمعتنا الحلوة كعائلة صغيرة .. عازمكم ع العشى .. وطلعة المجمع وتتسوقون يا بنات .. ها شراايكم وجدان : هيااا .. عاش فهد نادية : عاش عاش عاش الكل : ههههههههههه ام ناصر : مشكوور يا وليدي .. الله يخليك لنا فهد : حاضرين للغالين نادية : وجدان .. كأني اسمع صوت تلفونج وجدان : يؤ صدق .. لحظة شوية برجع وتروح تركض فوق .. والاهل ضلوا يسولفون فرحانين بلمتهم مرة ثانية وعند وجدان في حجرتها هلا بدر بدر : هلا بيج يا شيخة البنات وجدان : ههه بدر : شخبارج عمري ؟ وجدان : الحمد الله بخير بخير بخير بدر : دوم دوم دوووووم وجدان : ههههه .. معاك بدر : يا عمري شكلها الحب اليوم فرحانة .. فرحينا معاج ؟ وجدان : شقوولك يا بدر .. تذكر ولد خالتي فهد الي قلت لك عنه .. انه مسافر .. ومتغير وما ادري شفيه ؟ بدر : اي .. الي خالتج وبنت خالتج جو سكنوا عندكم صح ؟ وجدان : اي صح .. اليوم رجع .. وفهد الي نعرفه بعد .. الطيب المزووح بدر بفرح كبير يخفي وراه حزن اكبر : حمد الله على سلامته حبيبتي .. وان شاء الله دووم يتجمعون الاهل وما يفترقون .. ( وبنبرة حزينة ) والفال لي وجدان هني سكتت ونزلت راسها .. ما عرفت شتقول اما بدر .. كانت الدمعة بعينه .. فما حب يخرب عليها فرحته بهمومه وحزنه : عمري وجدان .. يالله اخليج احين وجدان : وين ؟؟ بدر : اخليج .. استانسي مع الاهل وجدان بنبرة حنونة : بدر بدر ابتسم : يا عيون بدر وجدان : صدقني بدر .. اوعدك اني اعوضك كل هاللحظات .. وانا آسفة اني خليتك تحبني .. لان واحد بعمرك من زمان تزوج وبنـ ... ويقاطعها بدر : اوووس حبيبتي .. لا تكملين .. انا عايش عشان وجدان .. وبظل انتظر وجدان .. وما باخذ الا وجدان .. ولا تعتذرين عمري .. الذنب مو ذنبج .. ذنب ابوي الي فضل زوجته وعياله علي اناا .. وراح عاش بعيد عني وجدان : بدر حبيبي بدر ابتسم وهو يمسح دمعته الي طاحت : وجدان عمري .. اذا تحبيني خليني اسكر .. وانتي قومي استانسي مع اهلج وجدان : لكن بدر انـ .. بدر : وجدان .. عشاني وجدان بحزن : اوكي بدر : بااي وجدان : بااي ●εïз●...●εïз●...●εïз● عند بدر .. الي اول ما سكر التلفون .. نسى ليش هو متصل بالاساس .. وقام يفكر بحاله .. وهو فوق السرير .. كان مغمض عينه .. والدمعة تطيح بكل هدوء .. آه .. هو بس انا في هالدنيا حالي جذي .. ووحيد على طول .. لا اخت ولا اخو .. ولا ام ولا ابو .. يعني انا بالضبط شفيني .. غير عن الناس ما يكون لي اهل .. ما اجتمع معاهم .. ما تفرق عندي الايام .. لا اجازة ولا اعياد .. ولا مناسبات .. بدر بظل بدر .. الوحيد الي بين اربع جدران .. لا ونيس ولا شي .. بدر الوحيد .. المحروم .. الحزين .. آه يا يمه .. ليش تركتيني ؟؟ .. ليييش ؟! .. ما عندي احد غيرج .. آه .. استغفر الله رب العالمين .. اللهم لا اعتراض .. الحمد الله .. الحمد الله على كل حال .. ( ومسح دمعته بكف يده ) .. عندي وجدان .. الله يخليها لي .. ولا يحرمني منها وقام توضأ .. وسجد لربه ركعتين شكر .. وتوجه للقرآن .. الي دووم يخفف عنه حزنه ●εïз●...●εïз●...●εïз● وبعد صلاة الظهر .. في حجرة شوق .. شوق كانت تاخذ شور .. واسراء بالتلفون اسراء : هلا حبيبي .. شخبارك ؟ محمود يمثل الزعل : مو زيــــن اسراء : افااا .. ليش عمري ؟ محمود : دقيت عليج الصبح قبل ما اروح الدوام ثلاث مرات .. وفي البريك دقيت عليه مرتين .. ما اشوف رد اسراء : حبيبي والله كنت راقدة .. وقعدت الساعة 11 .. وعلى ما تريقت .. وشفت المسكولات .. قلت بدق عليك .. بس كان وقت صلاة .. قلت عقب الصلاة بدق عليك محمود : اسراء .. حبيبتي اليوم بترجعين البيت ؟ اسراء : امممم محمود : حرام عليج اسراء .. امس مب معاي .. واليوم بعد !! اسراء : هههه .. محمود شفيك .. انا ما قلت لا محمود : بس قلتي اممم .. وانا اعرفج .. يعني دام قلتي امم ما بجين اسراء : محمود حبيبي .. والله بالبيت احس بالضيقة .. وحتى ساعات اصيح .. بس ما اقولك .. لاني ما ابي اضايقك محمود : انزين ليش تصيحين ؟ اسراء : والله حبيبي ما ادري .. يمكن من الحمل على كلام امي محمود : انزين عمري ممكن طلب ؟ اسراء : آمرني محمود : ممكن اليوم نتعشى مع بعض .. ونطلع ناخذ اغراض للبيبي اسراء : اكيد حبيبي محمود : اووكي عمري .. برزي روحج .. بعد الصلاة بمرج اسراء : ان شاء الله ●εïз●...●εïз●...●εïз● الو .. السلام عليكم يمه ام وسام : هلا هلا والله بنيتي .. وعليكم السلام رجاء : شخبارج يالغالية ؟ ام وسام : بخير وعافية .. وانتي شخبارج ؟ .. وشخبار فراس ؟ رجاء ابتسمت وطالعت فراس .. وعرف ان عمته تسال عنه : الحمد الله يمه .. انا وفراس بخير ام وسام : الحمد الله رجاء : يمه .. تغذيتوا ؟ ام وسام : لا والله يمه .. انتظر وسام يرجع من دوامه .. ونتغذى رجاء : امممم .. انزين يمه .. نقدر نجي انا وفراس نتغذى معاكم ؟ ام وسام : وي يا عمري .. ابركها من ساعة .. حياكم .. البيت بيتكم رجاء : الله يحييج يا يمه .. انزين والغذى .. يكفي ؟ ام وسام : يكفيني ويكفيج .. ويكفي الكل .. حياكم انتوا بس رجاء : مشكوورة يا يمه .. مسافة الدرب بس ام وسام : انتظرك يا بنيتي رجاء : مع السلامة ام وسام : مع السلامة ●εïз●...●εïз●...●εïз● يالله فراس .. امي تقول الغذى يكفينا .. نروح فراس : اي عمري .. اكيد نروح .. بس لحظة بغير ملابسي رجاء : ههههه وانا بعد .. تعرف انك جايب بدلة مب قدي فراس : يؤ صدق ؟؟ رجاء : اي .. فديتها خالتي .. شرتها لي في عيد ميلادي .. وكانت واسعة علي فراس : ههههه .. لو قلتي لي رجاء : ما احب فراس : شنو ما تحبين ؟ رجاء : هههه ما بقول فراس : امشي يالعنيدة .. خلنا نبدل لا نتاخر رجاء : يالله ●εïз●...●εïз●...●εïз● وبعد وجبة الغذاء .. في بيت ابو فراس .. وبالذات حجرة ابو فراس وام فراس ام فراس : والله يا ابو فراس .. ام سلمان داقة علي اليوم الصبح .. وتقول انهم طالبين يد شوق الى سلمان .. وقلت آخذ رايك بالموضوع .. قبل ما نشاور البنت ابو فراس : والله ابركها من ساعة .. سلمان ونعم الرجال .. شال مسؤولية ام وبنتين .. وهو صغير بالسن .. بصراحة رجال ينشد فيه الظهر ام فراس : يعني اخبر شوق ؟ ابو فراس : انتي امها .. واقرب لها مني .. خبريها .. وخلها تاخذ راحتها بالتفكير ام فراس : والله وكبروا عيالنا .. وبروحون عنا كلهم ابو فراس : اي والله .. الله يهنيهم ويسعدهم .. ونشوف عيال عيالهم ان شاء الله ام فراس : ان شاء الله ●εïз●...●εïз●...●εïз● رجاء وهي تبتسم وتطالع اخوها وامها : والله اليوم انا جيتكم .. وقلت اقول لكم الخبر .. قبل أي شخص بهذا الكون كله .. الوحيدين انا وفراس نعرف وسام : شصاير .. ؟! رجاء : انزين اصبر وسام : هههه .. قولي قولي رجاء : اممم ( وتطالع فراس .. وفراس يبتسم لها ويهز راسه ) يمه .. وسام .. انا ( وتنزل راسها ) حـ ـامـ ـل ام وسام وقفت .. وبفرح : صدق والله ؟؟ رجاء ابتسمت : اي يمه صدق وسام : اووووه .. ( ويروح يحضن فراس ) الف الف مبرووووووك ام وسام : كلولولولولولولوووووووووووووش ( وتضم بنتها بكل حب ) .. يا حبيبتي يا بنيتي .. الف الف مبروووووووووووووك رجاء ابتسمت لامها : الله يبارك في حياتج يا يمه وسام : وانا اقول شنو سر هالزيارة الغريبة رجاء : ههههه .. من جذي احين نستاذن وسام : وييين ؟؟ رجاء : بروح اخبر بيت عمي ( وطالعت فراس وابتسمت له وهو رد عليها الابتسامة ) ام وسام : حياج الله يا بنيتي .. تحمل بروحج .. وهالله هالله بضناج .. واكلي زين .. ترى شكلج ضعفتي وااجد رجاء : ان شاء الله يا يمه .. باكل زين فراس : يالله نستاذن وسام : اذنكم معاكم رجاء وفراس : مع السلامة وسام و وام وسام : الله يسلمكم من الشر واول ما طلعوا وسام : ما شاء الله .. الله يتمم كل شي على خير ام وسام : على خير .. وانت يا وليدي ؟ وسام : وانا شنو ؟؟ ام وسام : متى بتتزوج .. كو فراس وتزوج .. واحمد وقريب ان شاء الله .. وسلمان يدورون له على بنت الحلال .. انت لمتى ؟ وسام : يمه .. اذا كان على الاحفاد .. رجاء بتترس لج البيت عيال ام وسام : يا يمه مب على الاحفاد .. انت انسان مقتدر ووسيم .. ومب ناقصك شي .. غير انك تكمل نص دينك .. وانا ودي بمرت ولد تقعد معاي بالبيت .. تشاركني السوالف وسام : ........... !! ●εïз●...●εïз●...●εïз● Quote Link to comment Share on other sites More sharing options...
غصون المحبة Posted فبراير 14, 2009 Report Share Posted فبراير 14, 2009 يسلمووووووووو ع البارت يعطيك ربي ألف عافية ننتظر البارت الجاي Quote Link to comment Share on other sites More sharing options...
MaNaM!a Posted فبراير 14, 2009 Report Share Posted فبراير 14, 2009 يسلموو اخووي على البااارت .. Quote Link to comment Share on other sites More sharing options...
● MaRwA ● Posted فبراير 18, 2009 Report Share Posted فبراير 18, 2009 حلووة القصة ننتظر الباقي =) Quote Link to comment Share on other sites More sharing options...
غصون المحبة Posted فبراير 18, 2009 Report Share Posted فبراير 18, 2009 ووووووين البارت نبي بارت ؟؟؟؟؟ Quote Link to comment Share on other sites More sharing options...
● MaRwA ● Posted فبراير 20, 2009 Report Share Posted فبراير 20, 2009 =( وآيد تأخرت علينا Quote Link to comment Share on other sites More sharing options...
هبوب الرياح Posted فبراير 20, 2009 Report Share Posted فبراير 20, 2009 نبي بااااااااااااارت Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.