بنت مملكة بوسلمان Posted فبراير 9, 2009 Report Share Posted فبراير 9, 2009 السلام عليكم قصة بحرينيه من تأليفي برويها لكم وانشاءالله تعجبكم وانا منتظره ردوردكم تعليقاتكم تهمني عائلة ابو محمد : ابو محمد : تاجر كبير يملك شركة ويديرها مع اخوه بو سلمان ام محمد : تعتبر بومحمد كل شي في حياتها ورغم كبر سنهم الا ان الحب مازال في حياتهم محمد شاب عمره 22 سنة يدرس في جامعة البحرين تخصص اعلام ذكي _ ملامحه تجذب اي بنت تشوفه لكن تفكيره وقلبه عند وحده وبس اللي اهيه بنت عمه سارة خالد : 18 سنة في اول سنة جامعة لكن اللي يشوف حركاته يقول عمره 10 سنوات مريم : بنوتة دلوعه ملامحها بريئه عمرها 17 وفي آخر سنة ثانوية وصديقتها الصدوقه سارة بنت عمها احلام : عمرها 25 متزوجه وعندها بنت وحده اسمها روان عمرها 4 سنوات عادل : عادل زوج احلام ماخذين بعض على قصة حب وعنده روان بنته دلوعته عائلة ابو سلمان : ابوسلمان : يدير الشركه مع اخوه ابو محمد ورافض فكرة الزواج بعد وفاة ام سلمان سلمان : 24 سنة يشتغل مع ابوه وعمه في الشركة طلال : 19 سنة في الجامعه وصديق خالد لكنه احسن منه في كل شي حسب كلام الكل سارة : اللي يشوفها يقول ملاك حلوه بشهادة الكل خطاطيبها من يوم عمرها 15 سنة لكن قلبها ماخذه الا محمد شجون : 15 سنة في اول ثانوي شيطانه ومقالبها مقالب Quote Link to comment Share on other sites More sharing options...
بنت مملكة بوسلمان Posted فبراير 9, 2009 Author Report Share Posted فبراير 9, 2009 (edited) البارت الأول : في اول ايام العطلة الصيفيه سارة متمللة وزهقانه دخلت لغرفة اختها شجون سارة : ملل شجون : الناس تقول السلام صباح الخير وانتي داشه علي ملل سارة : شجونو مو فاضيتلج والله ملل شجون : تونا بأول ايام العطلة وانتي ملل ملل سارة : شجونو شرايج نروح بيت عمي شجون : عيب من صباحة الله خير نروحلهم يمكن راقدين سارة : شجون نتصل اول شجون : يلا اتصلي على حبيبة قلبج ورفيقة دربج مرايم سارة تتصل على مريم وماتشيله مريم في هاللحظة كانت داخله الحمام (( الله يعزكم )) سارة : ماتشيله مريوم شجون : يمكن راقده سارة : مادري شجون : انزين اتصلي على تلفون بيتهم سارة : استحي شجون : يوووووووه تستحين يبي انا بتكلم اتصلت شجون وكان في هاللحظة محمد يفطر وشال التلفون شجون : الو محمد : الو هلا شجون عرفت صوته : هلا محمد سارة سمعت اسم محمد ودقات قلبها وصلت ليه نهاية بيتهم محمد : هلا من معاي شجون : افا ماعرفتني انا بنت عمك محمد تشقق عباله سارة : من سارة شجون : شنو ماعندك بنت عم الا سارة يعني محمد : اففف يعني انتي شجون الملقوفة خير شتبين شجون : الخير بويهك وين مريم محمد : مادري يمكن راقده شجون : انزين نبي نيي بيتكم محمد : تعالي من يودج شجون بعصبيه : يالملقوف انا استأذن محمد : شعندها اللي تستأذن صاحبة الأدب والذوق شجون : احم احم يلا باي محمد : تعااااااالي شجون : هلا محمد بابتسامة : سارة بعد بتيي وياج شجون بخبث : لا مابتيي محمد : بس عيل لاتين شجون :هههههههههه اتغشمر انا وساروو بنيي محمد : زين عيل حياكم الله شجون : الله يحيك باي محمد : باي عقب ماسكرت : شجون : اففف مليق هالمحمد سارة : حرام عليج شجون تغمزلها : حرام علي هاا سارة : شجونوو شقالج شجون : مو وقتها شقالي وشقلتله قومي لبسي عشان نروح سارة : اووووووووكي طيران في بيت ابو محمد : مريم تبوس راس ابوها : صباح الخير بابا ابو محمد : صباح الخير ياروح بابا ام محمد : احم احم نحن هنا مريم : ههههههه امي تغار ام محمد : قعدي يابنتي تريقي مريم : لا بالعافيه ماما مابي طلال : مريووم اكل ترى وجبة الفطور مهمة لصحة الانسان محمد : ههههههههه تحجى المثقف مريم : حموووود بسك اكل محمد : اوووه صج مريوم اتصلتلج وحده مريم باستغراب : من محمد : شجون مريم : شجونه بنت عمي شتبي محمد : يقولون بيون بيتنا ام محمد : ويه حياهم الله طلال : خل يبون خلود وياهم محمد : لالا واللي يلمك مافيني شدة خلوود وملاقته الا الجرس يرن : مريم : هذا اكيد بنات عمي انا ببطل محمد : بتبطلينلهم جذب بالبجامه روحي بدلي (( طبعا اهوه متعمد عشان يشوف سارة )) مريم : ايه صدقت روح بطلهم وانا بروح ابدل محمد فتح الباب وعينه على سارة : هلا والله بنات عمي شجون بلقافه : هلا هلا محمد : وانتي من حاجاج شجون :ليش مو انا بنت عمك محمد مطنشها ويطالع سارة : تو مانور بيتنا سارة مستحيه ومنزله راسها شجون : النور نورك مشو عشان بيدخلون بس محمد ناده ساره محمد : سارة شجون : شتقول ياولد عمي ستارة اكوهيه الستارة داخل في غرفتك محمد : يا لقافتج ياشجون شجون : يوووه انا داخله اسم على عمي احسنلي راحت شجون وخلت سارة المستحيه محمد قرب منها : شلونج سارة سارة بارتباك : الحمدالله محمد : والله كبرتي وصرتي حلوه سارة استحت : عيونك الحلوه محمد : سارة سارة : نعم محمد : إذا احتجتي اي شي قوليلي وانا في الخدمة سارة تقول في خاطرها شفي ذي متفرغ ماعنده شي يقوله سارة : اوكي يلا باي محمد : باي دخلت شجون : مرحبااااااااااااااااا ابو محمد : هلا هلا ببنت اخوي شجون تحب عمها : عمي فديتك وحشتني طلال : ليش من متى مو شايفته شجون : مو شغلك ام محمد : الا وين سارة شجون ارتبكت شتقول والحمدالله نقذها دخول سارة سارة :السلام عليكم الكل : وعليكم السلام طلال : شخبارج سارة سارة : بخير الله يسلمك طلال : سبحان الله فرق شاسع بينج وبين اختج شجون حطت يدها على خصرها : وشفيها اختها ابو محمد : ماعليج منه ثنتينكم قمر سارة :الا وين مريم ام محمد : روحولها في غرفتها انتهى البارت الأول وقولولي رايكم عشان اكمل Edited فبراير 9, 2009 by بنت مملكة بوسلمان Quote Link to comment Share on other sites More sharing options...
بنت مملكة بوسلمان Posted فبراير 9, 2009 Author Report Share Posted فبراير 9, 2009 البـــــــــــــــــــــــــــارت الثـــــــــــــــــــــــاني : قاعدين في الغرفة شجون فاتحه ايميلها وسارة ومريم يسولفون : مريم : ساروو احس هالعطله ملل سارة : يمكن عشانه ماسافرنا مريم : يمكن شجون : اقول بنات مريم : قولي شجون : شرايكم نطلع اليوم مريم : وين نروح سارة : ومن بيودينا شجون : اممممممم نقول حق طلال وخالد سارة : ماعتقد يرضون مريم : مافي الا واحد يقدر يقنعهم سارة وشجون باستغراب :: من مريم :حمود اخوي سارة في خاطرها واي فديته شجون : امممم حاولي مريم : ساروو سارة في عالم آخر عالم محمد مريم : سارونة شجون : سارووووووووووووووووووو سارة : وي وي شفيكم من مات شجون ومريم :هههههههههههههههههههههه مريم : صارلنا ساعه ناديج سارة : شتبون مريم : اقولج انا إذا كلمت محمد مابيوافق كلميه انتي يستحي منج وبيوافق سارة : ها انا لا خلي شجون شجون : تعرفيني انا وياه كله هواش سارة : امري لله مريم اتصلت حق محمد وعطت سارة تكلمه : محمد : هاا مريوم سارة : انا مو مريم انا سارة محمد بفرحة :هلا والله سارة : هلا محمد تمو ساكتين وشجون ومريم يقولونلها تحجي تحجي محمد : سارة سارة : هلا محمد : شفيج ساكته سارة :مافيني شي محمد :انزين شفيج متصله سارة : اممممم البنات يبونك تطلعنه محمد : من عيوني سارة : تسلم عيونك محمد : خلاص قوليلهم يبرزون روحهم وانا بمركم سارة : اوكي يوم سكرت سارة التلفون شجون : هاا بشري سارة : طبعا وافق شجون ومريم يغنون : يافرحي انا الليله ياسعدي انا الليله دخلت عليهم ام محمد : اششش بنات ريلي راقد سارة : سامحينا خالتي مانعيدها ام محمد : ويه فديتج انتي مافي مثلج مريم : يمه ترى انا بنتج شجون : احم احم انا موجوده ام محمد : ويه فديتكم كلكم البنات : هههههههههههه ام محمد : قولولي شنو سرهالفرحة مريم : اخوي محمد وافق بيطلعنا ام محمد : زين زين وين بتروحون سارة : ماقررنا ام محمد : انزين قولو لخالد وطلال وسلمان ايون وياكم مريم : ايه صح انا بعد كانت هالفكره في بالي سارة : خلاص انا بتصل الحين حق طلال وبقوله شجون : وسلمان خلوه علي مريم : وخلود اكيد إذا طلال بيي اهوه بيي طبعا سوو خططهم واتصلو على الكل وخططو للطلعه محمد وصل : السلام عليكم البنات طبعا ناطرين ومتجهزين مريم : هلا بأخووووي الغالي محمد : مصالح مصالح مريم : افااا انا مصلحجيه محمد : من قال مريم : انت محمد : لا انا اقصد شجون شجون افلتت عليه المخده سارة : شجون عيب عاد احترمي محمد في خاطره يقول وفديييييييييييت اللي تكلمت شجون : اهوه اللي بدى ابو محمد : ها ياعيال شعندكم محمد : يبه بطلعهم ابو محمد : الله يحفظكم تحملو بروحكم شجون : انشاءالله عمي الغالي محمد : يلا مشينا مريم : لا لحظة محمد : شنو بعد مريم : طلال وخالد بيون محمد : اوهووووووه سارة ابتسمت له محمد في خاطره يقول انا مابتذبحني الا هلأبتسامه ويقطع افكارهم صوت تلفون سارة سارة : الو طلال : هلا سارونه سارة بدلع : هلا طلالي محمد يطالع وميت على دلعها طلال : وينكم انتو سارة : في بيت عمي طلال : انزين انا وخلود ننطركم برع سارة : اوكي طلال : باي سارة : بايات شجون : شيقول طلال طلال : يقول اهمه برع مريم :خلاص يلا نطلعلهم محمد : يلا طبعا انقسمو لسيارتين سيارة طلال ومعاه خالد وشجون وسيارة محمد ومعاه مريم وسارة وطبعا سلمان ماراح وياهم لأنه من طبعه الأنعزال ومن الشغل للبيت ومن البيت للمسيد وبس في سيارة طلال وخالد : شجون : تحجو ليش ساكتين طلال : شتبينا نقول شجون : أي شي طلال : ماعندنا شي نقوله شجون : افف جانزين رحت ويه سارة ومريم بس المشكلة حمود العله التفت عليها خالد وابتسم وقالها : لاحظي انج تتكلمين عن محمد اخو خالد اللي قاعد وياج شجون تفشلت و ويهه صار احمر بعد مده من الهدوء خالد حب يقول شي خالد : شجون شجون : هلا خالد : الا انتي اي صف طلال : خلووود شهالسؤال خالد : ههههه بس قلت اكسر الهدوء شجون : انا في اول ثانوي خالد : ادري خبر قديم طلال : تذكر خلوود لما كنا صغار ودزينا شجونو في برجة بيتنا خالد : هههههههههههه أي أي اذكر شجون بدلع : بايخين لأنكم خالد : لاتخافين يا بنت عمي انتي ماسكتي لنا طلال : أي اذكر انتقمتي شجون بفرح : شسويت خالد : اذكر لما كنت راقد وانتي ومريوم كتيتو علي ماي بارد شجون : ههههههههههههه والله ذكريات وقعد يسولفون عن ذكرياتهم الطفوليه الحلوة اما في السيارة الثانيه : محمد مشغل اغنية محمد الزيلعي ابي حبك معي يكبر وكان قاصدها اهداء لسارة وكل دقيقه يطالع سارة ويبتسملها مريم : حمود غير هلأغنيه البايخه محمد : لا حلوه مريم : وع لا حلوه ولا كلماتها حلوه والمغني فاشل سارة : لا مريم حرام عليج حلوه محمد بابتسامه : سارة قالت تبيها يعني خلاص كل دقيقه برد اعيدها مريم : شدعوووه وانا اختك محمد : اختي على عيني وراسي بس بنت عمي اغلى مريم اظحكت لأنها فهمت حب محمد حق سارة وسارة ماتت من الحيا مريم وهيه قاصده تثير الغيره عند اخوها : سارة سارة : هلا مريم : فكرتي في الموضوع سارة : أي موضوع مريم : خطبتج محمد طق بريك قوي : شقلتي من خطب من مريم : حمووووود مش مش فشلتنا محمد مشى وقال بعصبيه : من خطب من مريم : اخو وحده ويانه في السكول يبي يخطب سارة محمد : انزين مريم : بس محمد : سارة سارة : نعم محمد : وانتي شقلتي عن موضوع الخطبه سارة : لا انا توني صغيره على الزواج محمد : أي صح مريم : شنو صغيره لو انا مكانج وافقت محمد : مريوووووم مالج شغل البنت وكيفها مريم : ههههههههه اوكي Quote Link to comment Share on other sites More sharing options...
m!ss M Posted فبراير 9, 2009 Report Share Posted فبراير 9, 2009 شكـلهااا القـصـه فــن مـن بدايـتـهاا يسلمووو عـنـونـي يـعطـيج العـاآفـيه وبـانتـظااار التـكـمله عاآآد لا تتـأأخرين وهـالمـرة نـبي بـارت أطـول Quote Link to comment Share on other sites More sharing options...
بنت مملكة بوسلمان Posted فبراير 10, 2009 Author Report Share Posted فبراير 10, 2009 مشكووورة مس ام صج انج الوحيده اللي رديتي لكني بكمل القصة عشانج البــــــــــــــــــــــــــــــــــــــــــارت 3 : في مجمع السيف كان زحمه وايد خبركم السيف بدون شي زحمه وبعد في العطلة طلال : الحين شتبون ناكل قبل او تتشرون او شنو خالد :لا شنو اي تسوق اي خرابيط ناكل وندش فلم ونرد البيت شجون : شوي شوي كلتونه خلونه نقرر محمد : شعندها الشيخة شجون بعد بتقرر شجون بدلع : طبعا طلال : سارة ومريم شيقولون سارة : كيفكم مريم : سارووو مانبي نتسوق اصلا مو حلو التسوق ويه ذلين (( وتأشر على محمد وطلال وخالد )) خالد : الحين احنا صرنا مانعجبج يا مرايم سارة : ههههههههههه محمد : انزين يلا شوفولنا طاولة بعد حوسه ولويه لقولهم طاولة حق 6 اشخاص وقعدو طلال ومحمد خالد يم بعض وسارة وشجون ومريم يم بعض محمد : شتبون تاكلون شجون : اوووووه ولد عمي عازمنا محمد : عازمهم كلهم الا انتي شجون سوت روحها زعلانه : ماحاجيك خالد بجرأه : انا اعزمها الكل استغرب من خالد وجرأته وسارة حبت تغير الموضوع سارة : طلال ليش ماقلت حق سلمان ايي ويانه طلال : قلتله بس مارضى ايي مريم : جانزين قايلين حق احلام وعادل شجون :ايه صج من زمان ما شفنا رواني محمد : اششش بس سكتوو بقول شي مريم : قول يا اخوي محمد : بما اني انا اللي بعزمكم خالد : انزين محمد : بطلبلكم على كيفي شجون : وإذا ماعجبنا محمد : لا يالملقوفه بيعجبكم طلال : انزين يلا راونا شطارتك محمد : اوكي قوم خلوود وياي نطلب و طلال خلك ويه البنات مريم : لا اخذوه وياكم خالد : لا خلوه عشان لو صاركم شي او شي شجون : شدعوه داشين حرب محمد : لا بس مو عشانج عشان اللي يمج طبعا المقصوده سارة اللي ماتت من الحيا راحو يطلبون محمد وخالد وطلال خلوه وياهم سارة : مريوووم متى النتائج مريم : مادري اتوقع يوم الاربعاء سارة : ميته من الخوف شجون : اختي الشاطره ميته من الخوف عيل الاغبيه شيقولون سارة : اي والله طلال : ومريم مريم ارتبكت : ها انا شفيني طلال ابتسملها ابتسامة تذوب : مو خايفه مريم ردتله الأبتسامه : شوي طلال : الله يوفقكم مريم ماتدري ليش حبت تسولف وياه : وانت شخبار الجامعه طلال : الحمدالله اوكي شجون : اشتقت حق دانوووووو صديقتي مريم : ايه والله حتى انا اشتقت للشلة صفنا مو صح سارو سارة : اي والله شجون : الا شخبار ذيج رفيجتكم الدبه مريم : شجونووو حرام عليج لاتقولين جذي شجون : هههههه انزين شخبارها ضعفت او لا سارة : شوي طلال : ياربي عليكم يالبنات تحبون الهذره صدعتولي راسي البنات : هههههههههههههه طلال نسى خواته وعيونه بس على ظحكة مريم وصل محمد وخالد وياهم الأكل حطو على الطاولة الأكل عبارة عن جيكن كورن سوب 3 توبلة 2 ورق عنب 2 حمص 2 مشويات ميكس قريل 6 بيبسي لهم كلهم 2 سلطة شجون : ااااااااه كل ذي لنا خالد : تستاهلون اكثر سارة : ليش تعبت روحك محمد محمد : لاتقولين جذي ترى ازعل منج سارة ابتسمت طلال : اي انتي ابتسمي سارة عشان احنا نخلص الأكل سارة : طلووول يالبايخ مريم : شجوووووووون ويعه فشلتينا هلون احد يشرب بيبسي خلصتي في دقيقه طلال : ليش ماتدرين انه بنت عمج مدمنه بيبسي شجون : علي بالف عافيه كملو اكلهم واستانسوو واظحكوو وتطنزووو وشجون ومحمد تهاوشو بعض الوقت لكنهم يرضون وراحو بيدشون فلم بس ماعجبهم شي محمد (( يتكلم ويطالع سارة )) : ها تبون تدشون فلم او لا مريم : لا مافي شي عدل شجون : مريوووم الحجي مو لنا الحجي حق ساروو سارة بعصبيه : شجون بس عاد خالد : الحين شنو تبون تدشون فلم او لا سارة : كبفكم مريم : از يو لايك شجون : مانبي طلال : خلاص عيل يلا نمشي محمد : نرجع مثل ماينا او بيتغير احد في السيارات طلال : اي انا باخذ خواتي عشان سيده نروح البيت وخلود ومريم وياك Quote Link to comment Share on other sites More sharing options...
بنت مملكة بوسلمان Posted فبراير 10, 2009 Author Report Share Posted فبراير 10, 2009 الساعه 1 ونص الليل في بيت ابو محمد : مريم تكلم سارة في المسنجر : ميما الحلوه : هاااااي سوسو احلى سارونة : هلا مرايم ميما الحلوه : شخبارج احلى سارونه : تمام الحمدالله وانتي ميما الحلوه : دووووم يارب انا اوكي احلى سارونه : استانسنا في الطلعه اليوم هاا ميما الحلوه : أي والله وايد احلى سارونه : اهم شي شكري محمد ميما الحلوه : وشمعنه محمد يعني احلى سارونه : هههههه لأنه عزمنا ميما الحلوه : اممممم اوكي احلى سارونه : اوكي مرايم اخليج شجونه تناديني ميما الحلوه : اوكي سلمي عليها احلى سارونه : يوصل شجون : سارووو تحاجين من في المسن اعترفي سارة : مريوم بنت عمي شجون : اهاا سارة : وسلمت عليج شجون : الله يسلمها سارة : كان وناسة اليوم صح شجون : اممممممم أي شجون : ساروو سارة : هلا شجون : شعنده محمد وياج سارة : ها مافي شي شجون تغمزلها : اول مادخلنا بيت عمي ناداج وفي الطلعه كل مانقول شي اهم شي سارة سارة سارة : لا عادي مو قصده شي شجون : هاا علي هالحركات سارة : هههههههههههههههههههههه شجون بس عاد شجون : هههههه عيل حب من وراي هاا سارة : شجونو بس عاد سمع صوت ظحكهم سلمان ودخل عليهم : سلمان : شعندكم سارة : ولا شي سلمان : ولا شي وانتو ظحكم واصل ليه نهاية الشارع شجون : مسامحه اخوي بس خذتنا السوالف سلمان : مره ثانيه لاتاخذكم السوالف سارة : اوكي ولا يهمك سلمان : اصلا انتو شمقعدكم لهلحزة سارة وشجون بصوت واحد : اجازة سلمان : اوكي درينا اجازة استغلوها بشي مفيد شجون كاتمه الظحكة سارة : اوكي اخوي مثل شنو سلمان : اقرولكم كتاب شجون ماقدرت تيود ظحكتها : هههههههههههههههههههههههههههههههههه سلمان : ماعتقد قلت شي يظحك سارة تعدل الموضوع : لا ياخوي يعني ماتعرف شجون كله تظحك شجون : سلمان ليش ماييت ويانه اليوم وايد استانسنا سارة : أي والله ماكان ناقصنا الا انت سلمان : مره ثانيه انشاءالله سارة : انشاءالله سلمان توه بيطلع بس تذكر شي : متى نتائجكم سارة : الاربعاء سلمان يطالع شجون : وانتي شجون : مي تو سلمان : بنشوف النتائج سارة : انشاءالله خير صباح جميل في شقة الحب والغرام : احلام : رواني ماما قعدي اكلي روان : ابي بابا يأكلني عادل : ويه فديتج ماطلبتي شي احلام : خلها عنك بتلعوزك عادل : إذا مالعوزتني اهيه من بيلعوزني احلام ابتسمت له عادل : احلام احلام : عيونها عادل : روان تبي اخو احلام تطالع روان : صج روان روان تهز راسها بلأيجاب عادل : شفتي انها تبي احلام : وابو روان عادل : ابو روان بعد يبي روان : ماما من زمان مارحنا بيت ماما عوده احلام : اشتقتيلهم روان : ابي خالو مريم احلام : أي اعرفج تحبين مرايم حق الحلاوه عادل : اليوم نوديج لها روان : هيه هيه هيه هيه احلام : كل هالوناسه حق مرايم يعني عادل : خليها خليها ___________________________________ Quote Link to comment Share on other sites More sharing options...
بنت مملكة بوسلمان Posted فبراير 10, 2009 Author Report Share Posted فبراير 10, 2009 يوم الأربعاء يوم النتائج مريم قااعده من الصبح تبي تروح المدرسة تشوف نتيجتها مريم : صباح الخير ابو محمد + ام محمد : صباح النور مريم : يمه يبه ادعولي ابو محمد : لاتحاتين يا بنتي انشاءالله كل خير محمد : مريوم وين بتروحين مريم : بروح بيت عمي باخذ ساروو وشجون ونروح السكول نشف النتائج محمد : عيل انا بوديج مريم : ماله داعي اقعد تريق خلود اكوه مخلص بيودين محمد : قتلج بوديج يلا سبقيني مريم : اوكي ماماتي دعواتج ام محمد : الله يوفقج يا بنتي دنيا و آخره ___________________________________ اما في بيت ابو سلمان وعلى طاولة الطعام يتريقون الكل باستثناء سارة : ابو سلمان : شجون وين اختج شجون : بابا ماتبي ريوق سلمان : كل هذا خوف من النتائج طلال : ساروو كل سنة تسوي جذي وفي النهاية تيب في التسعين ابو سلمان : بسكم عاد لاتكلمون على بنتي شجون : بابا ماقلنا شي سلمان : وانتي يالنزقه مو خايفه شجون بثقه : لاوالله انا واثقه من نفسي طلال : مشكل يالواثقه ابو سلمان : الحمدالله ها سلمان خلصت سلمان : اي يلا يبه عالشركة يرن الجرس : ابو سلمان : ميري ميري شوفي الباب مريم : السلام ميري : اليكم السلام مدام مريم : وين سارة وشجون ميري : مدام سارة في غرفة مالاهيه انتي تفزل مريم : اوكي دخلت مريم : السلام عليكم ابو سلمان : عليكم السلام هلا والله مريم : عمي شخبارك ابو سلمان : بخير الحمدالله طلال : مريم شخبارج مريم بحيا : الحمدالله تمام سلمان : انتي بعد خايفه مثل سارة مريم : هههههه اكيد طلال : عيل اكيد يايه تاخذينها تروحون تشوفون النتيجه مريم : اي وينهم اهمه ابو سلمان : في غرفتهم روحيلهم مريم : انشاءالله عمي سلمان : ومن بيوديكم تشوفون النتائج مريم : محمد اخوي برع ينتظرني ابو سلمان : وليش تخلينه ينطر يا بنتي خليه يتفظل شجون : لا يبه مستعيلين يلا سارو سارة بخوف : يلا يلا __________________________________________________ Quote Link to comment Share on other sites More sharing options...
m!ss M Posted فبراير 10, 2009 Report Share Posted فبراير 10, 2009 يسلموووو علىآ البـارتات الحـلوة يعطـيج العاافية وبـانتظاار البـاارت اليـاي Quote Link to comment Share on other sites More sharing options...
بنت مملكة بوسلمان Posted فبراير 10, 2009 Author Report Share Posted فبراير 10, 2009 التكمـــــــــــــــــــــــــــــــــــــــــــــــــــــــــــــــلة : ركبو السيارة : سارة + شجون : السلام عليكم محمد بفرحة ان شاف سارة : هلا هلا وغلا ببنات عمي شجون : شعندك اليوم صاير ذرب محمد : حلفي عاد شجون : والله عاد مريم : يلا فكونه وانت يلا امشي نبي نشوف نتائجنا مو فاضينلكم محمد حرك السيارة وقال : بعدين بتفرغلج يا شجون يا بنت عمي شجون : هههههههههههههه وصلو المدرسة : شجون : يلا يلا نزلو بسرعه سارة بخوف : مابي انزل خايفه محمد طالعها وابتسملها ابتسامة دوختها : نزلي لاتحاتين والله معاج مريم : يلا سارونه انزلووو المدرسة ياخذون النتائج في الشركة : ابو محمد : بشر يا سلمان شلون عن صفقة النسيج سلمان : لاتحاتي عمي طرشناه وانشاءالله خير ابو محمد : انزين وينهم خالد وطلال ماقالو بيداومون في الأجازة3 سلمان : هههههه ماعليك منهم عمي خالد وطلال حق الهياته بس ابو محمد : بنشوف الاجازة توها بداية بنسامحهم اليوم سلمان : ايه بنشوف ابو محمد : ومحمد راح يودي البنات ياخذون نتائجهم ومايه سلمان : ماعليك ياعمي معذور محمد خبرك سارة ومريم وشجون ابو محمد : ههههههه اي صدقت ابو سلمان دخل عليهم : شنوو اخوي و ولدي عنهم اجتماعات من وراي سلمان : هههههههههههه ابو محمد : حياك حياك ياخوي ابو سلمان : ها يلا قولو شكنتو تسون بدوني ابو محمد : ولاشي ياخوي بس كنت اسئلة عن صفقة النسيج ابو سلمان : ايه ابو محمد : احسدك يا اخوي على هالولد النشيط سلمان : هههههههه ابو سلمان : انت بعد محمد يحليله مايقصر ابو محمد : إذا على محمد وسلمان مريحينه الا خالد وطلال الله يعينه عليهم ابو سلمان : اي والله صدقت ابو محمد : ها ياسلمان يا ولدي مو ناوي تكمل نص دينك سلمان تتقلب الوانه إذا يبون هالطاري لأنه كان عنده حبيبه وخانته ومن عقبها مايفكر بالحب والزواج ابو محمد : شفيك سرحت ياولدي سلمان ابتسم : لا ياعمي مافيني شي ابوسلمان : تعبت اقوله فرحني باعيالك ابو محمد : ها ياسلمان شقلت سلمان اقتنع : انشاءالله ياعمي ابومحمد : في وحده فبالك او تبي خالتك ام محمد تشوفلك سلمان : اكيد رايي خالتي ام محمد يعجبني ابو محمد : ولايهمك انا اليوم بكلمها ابو سلمان : ماتقصر واهيه بعد في حسبة المرحومه ام سلمان سلمان بزعل على امه : رحمة الله عليها ________________________________________________________________ طلعوو البنات من السكول ناجحات وكلهم تقدير ممتاز سارة 94 مريم 92 شجون 90 مبروووووووووووووووووووووك ركبو السيارة فرحانين محمد : ها بشروو مريم بفرح : اكيد اكيد نجحنا كلنا محمد : مبرووووووووك مبرووووووووووووووك الكل : الله يبارك فيك مريم : شفت ساروو شقد كانت خايفه وهيه اكثر وحده فينا سارة : هههههههه محمد : مبروك سارة سارة : الله يبارك فيك شجون : وانا محمد : اوووه انتي نجحتي بعد شجون : طبعا محمد : عبالي رسبتي شجون بعصبيه : اسمالله علي سارة ومريم يظحكون عليهم : هههههههههههههههههه محمد : بهالمناسبة الجلوة شرايكم نسوي عزيمه شجون : اول مره ولد عمي يقول شي عدل محمد طالع سارة : انا اعجبج يا شجون شجون : انا شجون اللي تطالعها سارة مريم : ههههههههههههههه سارة استحت مريم : انزين سكتو ببشر امي بالنجاح سارة وشجون تذكروو امهم الله يرحمها ودمعت عينهم حضنوو بعض وقعدوو يصيحون مريم : انتو شفيكم تصيحون ثنتينكم محمد بخوف : ساااارة شجون شفيم شجون بعدت عن حضن اختها ومسحو دموعهم سارة : مافينا شي مريم : شلون مافيكم شي وانتو قبل شوي تصيحون شجون : تذكرنا امي الله يرحمها ساره ليلحين مواصله تصيح ومحمد ميت مايحب يشوف دموعها مريم : خلاص سارة حبيبتي الله يرحمها سارة مسحت دموعها عشان ماتخرب فرحتهم محمد يبي يغير الموضوع : ها شقلتو عن العزيمه سارة : مو احنا اللي نقول شجون : عيل من مريم : امي وابوي وعمي سارة : اي صح مريم : امي ماعليكم خلوها علي سارة : وابوي فديته بعد مايقول شي مريم : خلاص العزيمه في بيتنا شجون : وليش مو في بيتنا مريم : نفس الشي يعني بيتنا وبيتكم واحد سارة : خلاص خليها في بيتكم مريم : اوكي عقب صلاة المغرب تكونون في بيتنا سارة : ولا يهمج محمد : ليش عقب صلاة المغرب من الحين تعالو شجون : لا عشان نشتاقلكم الكل : هههههههههههه سارة : لا انا ابي انام تعبانه شوي ابي ارتاح مارقدت محمد : خلاص اللي تبونه مريم : ولاتنسون سلمان لازم ايي مو مثل كل مره شجون : اوووووكي راحو البيت وارتاحوو وصار موعد الغدى ووصل سلمان + ابوه ابو سلمان : الغدى جاهز سارة : اي يبه حياك ابو سلمان : مبروك يابنتي سارة : الله يبارك فيك سلمان : مبروك سارونه سارة : الله يبارك فيك يا اخوي شجون بزعل : وانا محد باركلي طلال : شجووووووونه حبيبتي الف الف الف مبروك عقبال الزواج سارة وسلمان : ههههههههههههههههه ابو سلمان : وانتي بعد مبروك يا شجون رغم انه مو عاجبتني نسبتج شجون : انشاءالله بابا طلال : ومريم سارة : شفيها مريم طلال : نجحت شجون : وانت شعليك طلال : بنت عمي واسئل عنها سارة : مريم بعد نجحت سلمان : وجم نسبتها سارة : 92 ابو سلمان : يلا تغدوو وخلوو الحجي عنكم شجون : بابا احنا معزومين اليوم ابوسلمان : وين سارة : في بيت عمي طلال : كلنا ولا بس انتو سارة : كلنا ابو سلمان : خلاص كلكم تجهزو عشان نروح سلمان : انا مو رايح سارة : لا عاد سلمان ترى خالتي موصيه اهم شي سلمان ابوسلمان : خلاص سلمان تعال عشان خالتك سلمان : انشاءالله يبه ____________________________________________ في شقة عادل : عقب الغده كانو يتابعون مسلسل وروان تلعب رن تلفون البيت شالته احلام احلام : الوو ام محمد : هلا يمه احلام : هلا يمه شلونج ام محمد : الحمدالله انتي شلونج وشلون ريلج وبنيتج احلام : بخير يمه ام محمد : وينكم يابنتي اشتقنا لروان احلام : بس روان يعني يمه ام محمد : كلكم والله احلام : شنسوي بعد ام محمد : المهم يا بنتي انا بقولج نبيكم تيونه اليوم مسوين عزيمه بمناسبة نجاح البنات احلام : مرايم نجحت ام محمد : اي نجحت وحتى سارة وشجون بنات عمج نجحو احلام : الحمدالله ام محمد : قولي حق ريلج احلام : اي يمه اكيد بنيي ام محمد : يلا حبيبتي مع السلامة احلام : مع السلامة عقب ماسكرت روان : هذي ماما عوده احلام : اي حبيبتي عادل : شفيها احلام : عازمتنا اليوم عادل : على شنو احلام : مسويه عزيمه بمناسبة نجاح مريم وبنات عمي شجون وسارة عادل : اوكي نروح شورانه _____________________________________________________ سارة تكشخت ولبست احلى ماعندها كانت لابسه تنورة بيضه في ورود وردين والتيشرت يدها قصيره بلون الورد وطالعه كيووت اما شجون كانت لابسه قميص اسو مخطط بالعرض بابيض وبنطلون ابيض __________________________________________________________ ابو سلمان : ها بناتي برزتو شجون : اي يبه بس لحظة نلبس عباياتنا سلمان : يلا ننطركم برع _____________________________________________________________ في بيت ام محمد برزو كل شي بأشراف ام محمد مريم : ماما شرايج فيني ام محمد تبوس بنتها : انتي بدون شي حلوه خالد : الله لنا ام محمد : خالد ود البخور يمه المجلس خالد : انشاءالله يمه مريم كانت لابسه تنوره زرقه لون البحر وتيشرت ابيض وفيه صورة دبدوب ازرق لون التنورة محمد :اووووووووووووه اختي شحلوج مريم : شكرا شكرا محمد : طبعا مو احلى من مرتي مريم : اعصابك انت ومرتك ام محمد : محمد يمه ماوصلو بيت عمك محمد : يمه بس طلال وصل وعمي وسلمان والبنات ليلحين مريم : ماما لين ياو سارة وشجون قوليلي ام محمد : انشاءالله ____ &&& ______ كلها ساعات و وصلو بيت ابو سلمان : ابو سلمان : السلام عليكم الكل : وعليكم السلام سارة تسلم على ام محمد : هلا خالتي ام محمد : هلا هلا بسارة شيخة البنات مبروك النجاح سارة : الله يبارك فيج شجون : ازعل انا جذي خالتي ام محمد : انتي فديتج بعد انتي دلوعة العائلة طلال : خالتي شلونج ام محمد : هلا يمه طلال شخبارك طلال : الحمدالله ام محمد : سلمان وين هالغيبه سلمان : والله مشاغل سارة : خالتي وين مريم ام محمد : في غرفتها روحولها سارة ركبت فوق حق مريم وتوقعت انه مافي احد ففصخت دفتها وشيلتها سارة كانت تمشي حق غرفة سارة الا ودعمت بشخص محمد يطالع سارة ميت على جمالها وناسي نفسه سارة استحت ونزلت راسها محمد : آسف سارة : لا اوكي سارة دخلت غرفة مريم وبالها مو وياهه مريم : هلا ساروو سارة : هلا مريم : شفيج مسمهيه سارة : مافيني شي مريم : بعدين شهالجمال طالعه تهبلين سارة : وانتي بعد مريم : و وين شجون شجون تدش : شجووووووووووووووون هناا مريم : الطيب عند ذكره سارة : قولي الا طرينا القط جانا ينط البنات : هههههههههههههههههههههههههههههه شجون : مرايم محلوه مريم : عيونج الحلوه سارة : انزين يلا ننزل مريم : واخوانج هنيه عشان البس عبايتي شجون : اي مريم : اوكي انا بلبس عبايتي عشان اكيد عقب بيدشون المجلس دشو البنات ومريم سلمت على عمها مريم : السلام عمي ابو سلمان : هلا مريم مبروك يا بنتي مريم : الله يبارك فيك طلال بطالعها بفرح : مبروك بنت عمي مريم : الله يبارك فيك يا طلال طلال في قلبه يقول وفديت اسمي من لسانها ابو محمد : يا ام محمد سلمان يبيج في موضوع ام محمد : سلمان يآمر سلمان : مايامر عليج عدو يا خالتي ابو سلمان : يا ام محمد سلمان وده يكمل نص دينه ام محمد : ويه هذي الساعه المباركه اللي نشوف فيها سلمان معرس محمد : شدعووووووه سلمان من ورانه طلال : انا اخوك ماتقولي شجون : اي سلمان حتى انا ماقتلي ام محمد : شوي شوي على الولد كلتوه سلمان :هههههههههه ام محمد : في وحده معينه فبالك سلمان : لاخالتي ام محمد : خلاص خلني اشوفلك بنت الحلال الزينه سلمان : وانا واثق من اختيارج ياخالتي سارة : الاي بيصير عندنا عرس شجون : الاي انا اخت المعرس مريم : وانا بنت عمه خالد : صج متفرغين عادل واحلام ورواني يدخلون : السلام عليكم الكل : عليكم السلام ام محمد : هلا هلا ببنيتي احلام : هلا يمه ابو سلمان : مابقيتو تيون عادل : شنسوي مع الانسة روان خالد : مسكينه رواني شكو مريم : رواني حبيبتي اشتقتلج روان تبوس خالتها : انا بعد سارة : وانا روان روان : انتي بعد وانتي بعد (( تقصد سارة وشجون )) الكل ظحك على روان احلام : وشخبار الجامعه يا محمد محمد : ماشي الحال عادل : وخالد وطلال شخباركم طلال : بخير الحمدالله خالد : انا زعلان منك يالنسيب عادل : افاا ليش خالد : كلش ماتبينون ابومحمد : ايه والله صادق خالد كلش مانشوفكم عادل : شنسوي ياعمي ويه هالشغل شجون : احلام شلونج احلام : هلا شجون يحليلج كبرتي شجون : احم احم احلام : الحين اي صف شجون : اول ثانوي احلام : زين زين عقبال التخرج شجون : تسلمين سارة : احلام ببوق بنتج عجبتني احلام : وليش تبوقينها تزوجي ويبي مثلها محمد ابتسم وطالع سارة سارة تفشلت مريم : شفيكم تحنون علينا انا وبنت عمي لاحقين على الزواج سارة : اي صح ام محمد : اكوه سلمان وبنخطبله احلام : صج مبروك سلمان سلمان : تو الناس يا بنت عمي على التباريك خلناخذ الموافقه بلأول احلام : فبالك وحده سلمان : لا والله احلام : انا انا عندي لك خوش بنيه شجون : بنت عمي اشتغلتي خطابه من ورانه الكل : ههههههههههههههههه ام محمد : ومن البنت يا احلام احلام : وحده وياي في الشغل سارة : شسمها احلام : اسمها ريم شجون : كشخة كشخة ريم مرت اخوي احلام : تبوني اكلم البنت سلمان : انتي كلميها وشوفي رايها واذا اوكي روحي انتي وخالتي والبنات لبيتهم ونحدد موعد نروح لهم بعد احنا احلام : خلاص ولايهمك سارة : الاااااااااي شجون بعدين مابيج كله بقعد في البيت مع ريم شجون : افااااااا سارة : اتغشمر وانا اقدر على فراق اختي شجون : احلام احلام : نعم شجون : حلوة ريم احلام : حلوه بس مو احلى من سارة سارة : احم احم اشكر شعوركم الكل : هههههههههههه Quote Link to comment Share on other sites More sharing options...
سفيره ولد الشايع Posted فبراير 10, 2009 Report Share Posted فبراير 10, 2009 يسلموو حبيبتي استمتعت بقرائتها Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.