Bounty Posted أغسطس 22, 2006 Author Report Share Posted أغسطس 22, 2006 بشاير الحلوة الشباب اللي ينحرف اختي مثل ما قلتي هو فئة وفي المقابل في فئة منهم يروحون ويردون وهم ناجحين بحياتهم ودراستهم وبالتالي احنا ما نقدر نحكم على الوضع لمجرد فئة معينه واما بالنسبة للغربه فهذي الواحد اول ما يورح يحس انه ضايع لاك مع الوقت يتعود وشكرا لج اختي عالمشاركة >> القلب الحزين هدل كلامك خوي ثقة الواحد في بناته تنعكس من ثقته هو بنفسه وترى الوحده اذ حست ان اهلها واثقين فيها تحاول تحافظ على هالثقه ومشالله عليهم شكثر بنات يدرسون بره واخلاقهم احسن حتى من القاعدين بديرتهم يعني السفر ما يحدد اخلاق البنيه لان هذي مفاهيم اهي متربيه عليها واشكرك خوي على مشاركتك بالموضوع والله يرد لك خطيبتك رافعه راسكم انشالله << El_3anaan اهو فعلا مجتمع ذكوري اختي<< واساسا في كل الحالات مستحيل يكون مجتمع يساوي بين البنيه والصبي لان ما يصير ويمكن فعلا ما ان البنيه تسافر حتى تطلع القصص والحجي والبهارات الزياده عليها وكانها رايحة تعصي ربها او شي وهذا لشي فعلا يجمر احلام وايد بنات وشكرا لج اختي على مشاركتج Quote Link to comment Share on other sites More sharing options...
!i!i Posted أغسطس 22, 2006 Report Share Posted أغسطس 22, 2006 شكرا على الموضوع الشيق انا ادرس بره بس مو معناه اني اؤيد دراسه البنت 100% الكل علق انا البنت تروح تلتزم بدراستها في وقت الولد يلعب ويسهر..... حبيت اعلق على هالنقطه ما في شي اسمه ولد وبنت الي يبي المصخره يعرف شلون يروح لها ولي يبي يدرس بيعرف يحافظ على نفسه ويصونها المهم التربيه بس النقطه ما تخلو من بعض الصواب خاصه انا نعيش في مجتمع ذكوري والولد دايم يبرر لنفسه اخطائه بان "الولد ناقل عيبه" بينما البنت لو ضاعت سمعتها تعرف ان ما في شي بيتصلح وهذا ممكن يردع الكثير من البنات حتى لو كان خاطرهم يغلطون مع انه في بنات يخربطون من تحت لي تحت ومحد يصيدهم اما معارضة الاهل لدراسه في الخارج مو دايم تكون نتيجه لعدم الثقه بالعكس انا شفت حالات كثيره منع الاهل لابنائهم سوا بنات او اولاد نتيجه الخوف الزايد عليهم وان الاهل ما يستحملون فكره ان ابنهم او بنتهم تحتاج شي وهم بعيد عنها ما يقدرون يساعدونها واتفهم هالشي لما اتصل اشتكي للوالده احسها تمرض وتسهر وتظل تتصل فيني كل شوي تتطمن الله يكون في عونها اما المجتمع فالبحرين مو مجتمع منغلق بالعكس البحرين من اوائل الدول الي كانت تبتعث الطلبه في جامعات لبنان والقاهره واسكندريه وكندا وبريطانيا بس من واقع خبرتي البسيطه احس انه الدراسه في الخارج تساعد في بناء الشخصيه تعرض البنت لمواقف عمرها ما راح تتعرض لها في البحرين بحكم انه الاهل يتحملون مسؤوليه البنت لحد ما تتزوج وتنتقل من حماية اهلها لحماية زوجها والضغوطات الي راح تتحملها بره بجانب ضغوطات الدراسه ... ظروف لا يمكن انها تمر فيها وهي في البحرين يعني في الخارج لو مرضتي ايام امتحانات ما في يمك حد يداريك لازم تهتمين بنفسك وتدرسين زيدي عليها واجباتك في الحياه بره ما في شغاله بتغسل ثيابك وتسوي لك غدا مع احترامي لآراء الآخرين كل واحد يشوفها من وجهة نظر مختلفه الي يشوفها من وجهة نظر الدين والشرع والي يحاسب للعادات والتقاليد............ وبسسسسسسسسسسسسسسسسسسس Quote Link to comment Share on other sites More sharing options...
صقر المحرق Posted أغسطس 22, 2006 Report Share Posted أغسطس 22, 2006 اهنئك الشيخه من كل قلبي على اختيارك المواضيع التي تتميز بالاثاره بالنسبة لراي لاشخصي نحن الان فى عصر متحضر اصبحت فيه البنت باستطاعتها ان تفعل اي شي وهى جالسه فى منزلها دون ان اي احد يراها سواء ان كان والدها او غيره فعلي حسب اعتقادي ان الفتاه اذا كانت تردي بالفعل عمل ما هو يغضب رب العالمين ستفعله اينما كانت ... ولكن هناك بعض الامور التي لا نقدر ان نستغني عنها من اهمها العادات والتقاليد ... ففي البحرين ايضا توجد الكثير من الجامعات والتى فتحت الكثير ايضا من التخصصات التى تسمع للفتاه الدراسه بوسط اقاربها وذويها ... ولكن انتم يا البنات تريدون ان يتداول اسمائكم بين الناس ان انا دارسه فى فرنسا والثانيه دراسه مدري في وين ... والغالبيه العظمي يرديدون ما اردده انا الان .. ولكن ان اردت البت ان تفعل ماترديه فسوف تفعله حتى لو كانت فى غرفه من اربع جدران Quote Link to comment Share on other sites More sharing options...
عنيدة الخليج Posted أغسطس 22, 2006 Report Share Posted أغسطس 22, 2006 اختي بونتي عساج عالقوه بالنسبة لسؤالج عن التجربه بالعكس وايد استفدت اشيا اصلا الانسان كل يوم يحس نفسه انه قاعد يكبر ويوتعي على اشيا اكثر وخاصه الانسان المتواصل مع الناس والي يقرأ وايد يستفيد اختي بونتي انا سفرتي كانت سفره انا ابيها كنت اتمنى اني احصل على بعثه طب ولكن مع الاسف ماحصلت حصلت بعثه ثانيه بتخصص ثاني خارج البحرين فما كان عندي خيار ثاني غير هذي البعثه ولان اتعرفين البحرين والظروف وان الانسان مووحيد بالعايله فقررت اني ارضى بالبعثه والقدر الي بكون فيه وكانت عندي الارادة الكافيه وانا تقدرين تقولين صبوره وقويه لكن في السفر غير كلش غير الواحد يحس انه غريب بينهم رحت الديرة ودرست فيها بس مع الاسف كان اولا جو البلد والمحيط (الناس اقصد) اولا انا مومتعوده على ناس جذي وكان في السكن حكره وخبرج انا توني ماخذه الليسن وخاطري اسوق واطلع لكن كل شي كان ممنوع حتى طلعه مانطلع وغير ذي يقولون ان التخصص يبي له سبع سنين >> ليش طب وماقالوا لي من قبل قالوا نفس البحرين 4 او خمس سنين بالكثير وغير الغربه الي كل يوم كانت توحشني الوالده فيه لكن تعلمت وايد من هذي التجريه تديّنت اكثر , اعتمدت على نفسي تكوّن لي كيان وشخصيه كانوا الكثير يحسدوني عليها عرفت اتكلم ويتكون لي اسلوب حلو لكن نصيحه اذا في التخصص في البحرين لحد يسوي روحه فن ويسافر لان صدقوني حتى لو البحرين مافيها شي بس صدقوني انا وصلت البحرين وحبيت الارض اول ماوصلت احمد ربي على هالديرة ولو فيها عيوب تعلمت بعد اني ابتعد عن الغرور لان كنت قبل مغرورة حبتين لكن مايعني تجربتي ان ماتسافرون وغيره بس انا ماقدرت بالرغم من قوة القلب الي انا فيه والله يوفقكم انشالله شكلي طولت بالكلام ودربكــــــــــــــم خضــــــــــــــر Quote Link to comment Share on other sites More sharing options...
Bounty Posted أغسطس 22, 2006 Author Report Share Posted أغسطس 22, 2006 !i!i عدل كلامج اختي مب شرط يكون عدم الثقه هو سبب منع البنيه من السفر يمكن يكون الخوف عليها بعد لاكن ترى اذا البنت راحت واهي تحس ان اهلها خايفين عليها ويحاتونها اهي بعد تتوتر يعني المفروظ يكون خوفهم فيه شي من العقلانيه بمعنى ما يكون مفرط او بشكل هستيري عشان البنيه بعد ما تخاف وترى فعلا سفر البنيه بره يحملها مسؤوليه ويعلمها اشيا بعدين تستفيد منها ومشكورة اختي على مشاركتنه بالموضوع << صقر المحرق اي خوي البنيه اذا بتسوي الغلط مايهمها اهي بره الديره لو حتى في بيت ابوها اللي يبي الغلط يعرف شلون يسويه وما بيمنعه كونه بالديره بس ترى خوي البنيه ما تروح تدرس وتتغرب وتتحمل كل هذا بس عشان اسمها يطلع يعني فيه اشيا اكبر من جذي بوايد ومشكور خوي على مشاركتك << عنيدة الخليج هذا اللي كنت اقصده ختي ان البنيه تروح تسافر مو بس تستفيد من الدراسه وانما تتعلم شلون تدير حياتها وهالشي ترى يفيدها باجر لما تتزوج تكون قادرة انها تتحمل مسؤوليه وتدبر امورها وانتي عشتيها التجربه وعرفتي شلون تغير في شخصيه الواحد سواء بنيه او صبي وحتى تخليها مثل ما قلتي تتمسك بدينها اكثر لما تجوف شكثر صعبه الواحد يتم على دينه ويمكن في حالتج ما قدرتي تواصلين بالغربه لاكن هم فيه بنات يتحملون ومشكورة اختي على تفاعلك وعلى مشاركتنا تجربتج Quote Link to comment Share on other sites More sharing options...
بشاير الحلوة Posted أغسطس 22, 2006 Report Share Posted أغسطس 22, 2006 (edited) بشاير الحلوة الشباب اللي ينحرف اختي مثل ما قلتي هو فئة وفي المقابل في فئة منهم يروحون ويردون وهم ناجحين بحياتهم ودراستهم وبالتالي احنا ما نقدر نحكم على الوضع لمجرد فئة معينه واما بالنسبة للغربه فهذي الواحد اول ما يورح يحس انه ضايع لاك مع الوقت يتعود وشكرا لج اختي عالمشاركة تسلمين حبيبتي على التعقيب الرائع و الله يوفق الجميع Edited أغسطس 22, 2006 by بشاير الحلوة Quote Link to comment Share on other sites More sharing options...
!i!i Posted أغسطس 22, 2006 Report Share Posted أغسطس 22, 2006 حبيت اسأل عن حديث النبي صلى الله عليه وآله وسلم الي ذكروه الاخوان انا ما قط سمعت فيه " مو قصدي اني انكره " بس حبيت اني استفسر عن المعنى انا من مبيت متدين والحمد لله بس محد من هلي مانع السفر وخواتي كلهم درسوا بره فيا ريت تفيدوني في هالموضوع يمكن جهل الانسان يرميه في التهلكه واحاديث الرسول لا يمكن ان توصف "بالتحجر والتخلف" لانها تعبر عن الدين الاسلامي الصالح لك زمان ومكان فاذا صح تفسير الحديث يجب ان ينطبق على هذا الوقت بعد مهما تطور العصر ولا يمكن ان نخالف الشرع عشان "نتطور" واكون شاكره لكم واجركم على الله مع العلم اني شيعيه Quote Link to comment Share on other sites More sharing options...
النحلة المزعجة Posted أغسطس 24, 2006 Report Share Posted أغسطس 24, 2006 مرحباا ... يسلموو خيوو على الموضووع الرووووعة ... و انا حبيت اني ابدي رايي ... و اتمنى ان رايي ما يكون مصدر ازعاج لأي احد ... سفر البت للخارج << في نظري >> ما فيها شي .. و عادي واااااااايد .. و انا ما اتجاهل الاحاديث الشريفة الي ذكروها بعض الاعضاء .. بس انا عند اهلي البنت عادي لو سافرت .. و اعرف بنات وايد الحين مسافرين بره يدرسون و لا عليهم كلام و لا شي .. طبعاً السفر لدولة عربية مسلمة غير عن السفر لدولة اجنبية ما تمت لديننا الاسلامي بأي صلة .. يمكن في الدولة الاجنبية البنت او الولد من دون استثناء لما يشوفون العادات و التقاليد المختلفة عن ديرتهم .. بتييهم حووومة الا يبووون يجربوون هالعادات الي تعتبر يديدة في نظرهم << طبعاً اهم وايد سمعوو عنها في ديرتهم من كثر التحذيرات و الانتقادات عنها .. بس هالمرة اهم قدامها و قاعدة تمشي هالعادات امام اعينهم .. فبحب الاستطلاع و الفضوول الي عند الانسان .. راح يحب يجرب هالاشياء الي بدورها راح تضيعه في متاهاتها الي مالها اول من تالي .. و في ناس عكس هالفئة .. يروحون ديرة الاجانب و ما يتأثروون بشي من هالعادات السيئة .. و يردون ديرتهم و بيدهم الشهادة رافعين راسهم و راس اهلهم و دولتهم بعد (( طبعاً من كلا الجنسين البنات و الصبيان )) ... اما السفر لدولة عربية مسلمة .. في هالحالة راح تختلف الحسبة .. صج راح يكون فيها انحراف و طيش شباب .. بس مو كثر الدولة الاجنبية ... و في نظري اذا البنت او الولد متربيين احسن تربية و الاهل واثقين فيهم اشد الثقة << على اساس ان البنت او الولد يستاهلون هالثقة >> ما عليهم اي خوووف .. و لازم اهلهم يخلوونهم يسافروون و اهم متطمنييييييين على الآخر .. و اعيد و اكرر اذا كانوو يحسوون ان اولادهم وبناتهم يستاهلون هالثفة عن جدارة ... و في بعد نقطة احب اني اذكرها .. مثلاً الاسرة وافقت ان بنتهم او ولدهم يسافرون بره للدراسة .. و راح تقعد الام على راس الي بسافر .. لا تسوي جذي .. و لا تسوي جذاك .. لا تروح مني .. لا تكلم هذا .. لا تاكل اكلهم .. لا تشرب شي انت ما تعرفه .. لا تاخذ اكل من احد غريب .. لا تشيل عيونك من الكتاب ............................... و من هالوصايا الي ما تخلص .. اهني في هالحالة .. الصبي مسكين غصباً عنه .. انزين .. حاضر .. ان شاء الله .. لا تشيلين هم .. افا عليش .. ما عليه .................... .. يقول متى اسافر و افتك من هالحنة و الطحنة .. و بس يسافر .. يحس روووووووحه يبي يطلع حرة هالوصايا الي دوخت راسه و خلته يسب روحه يوم قال بسافر .. و كل الي قالت له امه لا يسوي .. يسوي العكس .. و كل هذا من الضغط و الحنة و الزنة الي صار فيها مسكين (( و هالشي ينطبق على البنات بعد )) ... و سووووووووووووري على الاطاااااااااااالة ... ادري انكم بترقدوون قبل ما تخلصووون قراية ... بس شسوي .. عجبني الموضووع وايد و قلت ما بهده الا لما اطلع كل الي في خاطري ... Quote Link to comment Share on other sites More sharing options...
أحلى سمره Posted أغسطس 24, 2006 Report Share Posted أغسطس 24, 2006 اي صح مع ان المفروض مافي فرق بين البنت والصبي لان متسوين في كل شي بس بعد احنا مع المجتمع الخليجي Quote Link to comment Share on other sites More sharing options...
مـرام الحلوة Posted أغسطس 24, 2006 Report Share Posted أغسطس 24, 2006 اذا كان السفر للدراسة ليش لا ؟ اهي مو رايحة تلعب رايحة تدرس .. وبالنسبة لي اذا كان الدراسة احسن للبنت نفسها في الخارج ترووح حتى اختي الحين ماحصلت التخصص الا تبيه امي حاولت فيها عشان تسافر برا تدرس احسن من جامعة البحرين بس اهيا مارضت على اساس انها مخطوبة وماتحب تروح تضيع نص عمرها هناك وهي تاركة اهلها وخطيبها .. شكرا على طـرح الموضوع Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.