الجسمي17 Posted أكتوبر 20, 2008 Report Share Posted أكتوبر 20, 2008 تسلم اخوي على القصة و يعطيك العافية Quote Link to comment Share on other sites More sharing options...
زنجبيل المملكة Posted أكتوبر 21, 2008 Author Report Share Posted أكتوبر 21, 2008 (edited) الحلقة الثالثة ام وسام : رجااااء .. يا رجاء يالله قومي قعدي على ما تزهبين .. وتنزلين تحت اكيد العائلة كلها متجمعة رجاء : همممممم يمة بس شوية خليني ام وسام : رجااااااء .. بتتاخرين عليهم جدي .. يالله قووووومي رجاء وهي تقعد على السرير وتحك عيونها : ان شاء الله يمة ام وسام وهي تبتسم لها : يالله قومي حبيبتي وتطلع من حجرتها .. وتروح حجرة وسام عشان تقعده ام وسام : وســ ... وما شافت احد على السرير وبعدها سمعت صوت الماي من الحمام ( وانتوا بكرامة ) وعرفت انه قعد ونزلت تحت تشرف على الاكل والحلويات وترتيب البيت رجاء كعادتها اول ما طلعت من الحمام ( يكرمكم الله ) مشت وجها عن الماي .. وفتحت الستارة .. وانتشر ضوء الشمس في غرفتها .. وبعدها شغلت المسجل .. على موسيقى هادئة ورومانسية .. وقعدت قبال المستواليت .. وبدت تعدل في شعرها .. حيث ان خلت لها خصلتين على جنب .. ورفعت شعرها الطويل بمشبك رأس وردي مزخرف .. وتدلى شعرها على تحت .. وبعدها اخذت لها بدلة وردية ناعمة .. تنورة نوعا ما مخصرة ومدرجة باللون الوردي .. وقميص مزخرف بورود ورديين صغار .. ولبست وتكشخت .. وحطت لها سمركيك خفيف .. وكلوز وردي فاتح .. نزلت عند امها وباستها : صباح الخير يمة ام وسام : صباح النور والسرور رجاء : يمة من بجينا اليوم بالضبط ؟ ام وسام : عيال خالتج .. وعيال عمج رجاء : اهااا بعدها انصاعت وفي قلبها : عيال عمي .. يعني هالفراس معاهم وعيييييييي .. ما ادري شلون بقابله طول اليوم ( وبصوت مسموع ) : اووووف ام وسام : شفيج تافافين ؟ رجاء : هااا .. لا لا ولا شي .. انزين يمة وصلت باقة الورد الي وصيت عليها ام وسام : أي وصلت كوا فوق الكرسي هناك ( وهي تأشر على مكان معين ) رجاء : اوووكي ماماتي بروح احطها في المزهرية وبنسقها ام وسام : روحي يا ماما وفي بيت ام سلمان شذى : نددددددددددددى من منووو اخذتي تصريح تلبسين قميصي ؟؟؟؟؟ ابي افهم بس ليش تستعملين اشياء مو لج من غير استاذان ؟؟؟؟؟؟؟ ندى تتصنع البراءة : شذوووووي عادي .. الا شذى شذى : عسى شذى تذبحج مع هالفيييييس ندى : انزين لبسي قميصي الازرق شذى : لاااااا انا ابي الابيض .. مو حلووو تنورة جنس مع قميص ازرق .. مانننننننني ندى : شذوووووووي يالله عاد .. انزين لبسي تنورتي البيضة .. مع القميص الازرق .. ولا مرة لبستها صدقيني حبيبتي شذى : انزين جيبيها بنشوفها .. اوووووف .. بتاخرينا وتحت ام سلمان : وينه ؟؟؟ مو انا قلت لج برزي كل شي من امس المغرب .. ليش يعني ما برزتينهم ؟؟ وينا : مدام انا نسيت يبرز هذا كلوو ام سلمان : انزين يالله بسرعة حاولي تكملين الشغل لا نتاخر وتاخذ المبخر معاها .. عشان تبخر روحها وتطلع من المطبخ بنزلة ولدها الي هو دخرها وسندها في الحياة ام سلمان بابتسامة حب .. وهي تبخر ولدها: هلا بشيخ الرجال .. هلا هلا وصدفة كانت ندى وراه : يمة ما يحتاج تتعبين السانج الحلوو .. وتقولين هلا بشيخة البنات .. لان ادري من زمان ام سلمان وسلمان : هههههههه ام سلمان : شيخة البنات .. وقمر البنات .. وحلوة البنــ .. ولحين ما كملت كلامها الا تقاطعها شذى وهي حاطة يدها على خصرها : يا سلاااام شنو خليتي لي ؟؟ ام سلمان : بس خلاص ما ابي افتح منوال ما يتسكر الا بطلعة الروح .. يالله عشان ما نتاخر وفي بيت ابو فراس أبو فراس : يالله يا فراااااس ما صارت .. حتى شوق والا هي البنت برزت قبلك وينزل فراس من على الدرج .. ما شاء الله كأن معرس ليلة زواجه .. بالثوب .. والشماخ .. وصاير قممممممر ام فراس فرحانة بشوفة ولدها بهذا الشكل : الله يبلغني اشوفك معرس يا وليدي فراس وهو نازل ويغمز لها بعيونه : آمين يالغالية ابو فراس : أول خله يكمل دراسته بالجامعة .. ويصير رجال ويوقف على رجله .. بعدين انا بنفسي بخطب له .. والبنت الي يبيها بعد فراس : ان شاء الله يبة ابو فراس : الا وين اسراء ؟ شوق : أي دقت علي قالت بتروح مع محمود بسيارة بروحهم ابو فراس : يالله عجل توكلنا على الله وفي بيت ابو وسام وبالاخص في الصالة رجاء : وسااااااااام شوف تنورتي مو كلش ضيقة .. والقميص بعد وسام : رجاء قلت لج روحي غيري التنورة شوفيها شلون عليج رجاء بتوسل الى امها والدمعة قريب تطيح من عيونها : يممممة شوفي وسامووو وسام : لا يمة ولا يبة .. قلت لج قومي بدلي ولبسي تنورة غيرها .. او ترى ما تقعدين معانا .. بجي فراس وسلمان .. عيب تقعدين جدي معاهم ابو وسام كان بس يبتسم الى ولده الى غيرته على اخته كلش كبيرة .. وطبعا هالشي ما يضايقه .. لانه في مصلحة رجاء رجاء وبرطومها نازل : لكن معلي وسام وهو يبتسم على اخته وحركتها : انزين يالله قومي بدلي رجاء : يا ربي احين وين ادور لي تنورة وردية واسعة وسام : مبلا عندج .. انتي نص ثيابج وردي رجاء : بقوم وأمري لله .. وما اقول الا الله يساعد الي بتكون زوجتك .. ( وهي تمشي رفعت خشمها وكأنها وحدة مغرورة ) : والله الكل ضحك على حركتها وركبت فوق والحمد الله شافت لها تنورة وردية حلوة .. والحمد الله انها واسعة ووقت وهي قاعدة تبدل .. وتدور لها شيلة تناسب بدلتها تحت العائلتين وصلوا مع بعض ابو فراس بعد ما ضم اخوه وباسه فوق راسه بصفته الاكبر ( ولكن الله ما رزقهم بالذرية الصالحة الا بعد عدة سنوات ) : يا هلا يا ابو وسام .. شخبارك شمسوي ؟؟ ابو وسام : الحمد الله .. مرتاح بعد ما رجعت الديرة .. كان عبء على قلبي وانزاح ابو فراس : الحمد الله .. وبعد السلام والترحيب والتحية شوق : خالتي ام وسام عجل وين رجاء ؟ وفراس من سمع اسم رجاء انتقلت انظاره الى اخته .. وبعدها الى مرت عمه ينتظر منها الجواب ام وسام : بعد شوية بتنزل .. تعرفين بعد البنات سنة على ما يبرزون .. مليون حاجة عليهم ندى : ههههه صدقتين خالتي .. انا بروح لها فوق شذى : لا ما فيه قعدي .. انتظري لما تنزل ندى وهي تبتسم للاهل عشان تخفي فشيلتها وبصوت منخفض : اراويج يالهبلة شذى وهي تعدل شيلتها وبنفس الصوت والاسلوب : محد غيرج اهبل وشوق كانت تسمعهم وتضحك عليهم وبعدها كل واحد قام يسولف مع الثاني .. وضحك وسوالف .. ولكن !! كانت في عيون تناظرهم .. وتناظر شخص معين .. بكل هدوء واعجاب ولكن !! وفي هاللحظة تنزل رجاء بكل هدوء محد حس بنزولها .. رافعة تنورتها وتنزل شوية شوية .. ولما وصلت الى نص الدرج وقفت .. وعدلت شيلتها الي انسدلت على كتفها .. حس بحكرتها فراس .. وقام يناظرها بغموض .. وبعدها كملت مشيتها .. بنفس الهدوء والنعومة والرقة .. واول ما وصلت ابتسم الابتسامة الي الكل يحسدها عليها رجاء : السلام عليكم الكل : وعليكم السلام ابو فراس : يا حيالله بنيتي .. والله وكبرتي رجاء راحت الى عمها وباسته فوق راسه : الله يحييك عمي .. شخبارك ؟ ابو فراس : بخير يالغالية ( وتندى شوية وترك لها مجال ) : تعالي قعدي يمي حبيبتي رجاء انصبغ وجها وردي واحمر وازرق هههه : تسلم عمي وقعدت جنب عمها وظلوا يسولفون وهي تسمعهم وبعض الاحيان تضحك ومرة تبتسم .. وفجاة لاحظت نظرات فراس لها .. طالعت بنظرات وبعدها لفت راسه عنها فراس لما شاف حركتها اصر اكثر ان يسوي الي يبيه وباسرع وقت ممكن قبل ما تفضحه فراس : هههههه الا ما قلت لكم سلمان : قوول فراس وهو يطالع رجاء وابتسم لها ابتسامة مكر وكمل : امس في السوبر ماركت كنت مار على بيت عمي .. وشفت ان فراس ورجاء بيطلعون حبيت اسوي فيهم مقلب .. بس اكلته رجاء هني رجاء انصدمت شوق : هههههه وشنو هالمقلب فراس : مشيت وراهم لما وصلوا السوبر ماركت .. شفت رجاء قاعدة تختار وتتخير بالحلاوة .. مثلت دور الصبي الطايش هههه .. لو تشوفون شنو صار فيها ههههه .. راحت ركيض الى اخوها .. عبالها باكلها ههههههههه طلعت جبانة بنت العم واحنا ما ندري الكل : هههههههههههههههههههههههههههه ههههههههههههههههه شذى : آآآآخ بطني هههههههه ندى : ههههههههه ويووو رجاء ههههه هني رجاء ابتسمت .. ابتسامة رضا عن ولد عمها .. وفي نفس الوقت عاتبت نفسها على انها ضنت فيه ضن السووء .. ولكنهاحست بالراحة الغير طبيعية رجاء : مردودة هههه Edited أكتوبر 21, 2008 by زنجبيل المملكة Quote Link to comment Share on other sites More sharing options...
ShAi5at eLbNaT Posted أكتوبر 21, 2008 Report Share Posted أكتوبر 21, 2008 يسلمووو ع البارت ننتظر Quote Link to comment Share on other sites More sharing options...
ذكرى ! Posted أكتوبر 22, 2008 Report Share Posted أكتوبر 22, 2008 روووووووعهـ يسلمووو اخوي ع الباارت الحلووو وننتظر الباارت اليااي Quote Link to comment Share on other sites More sharing options...
الجسمي17 Posted أكتوبر 23, 2008 Report Share Posted أكتوبر 23, 2008 0تسلم اخوي على القصة و يعطيك العافية Quote Link to comment Share on other sites More sharing options...
زنجبيل المملكة Posted أكتوبر 23, 2008 Author Report Share Posted أكتوبر 23, 2008 الحلقة " 4 " وبعدها اذن اذان الظهر .. وانتشرت اصوات كلمات الله عز وجل في المنطقة والشباب راحوا المسجد والبنات توجهوا الى غرفة رجاء وبعد اداة الصلاة .. آخر وحدة كملت ندى ( من ربشتها الزايدة ) رجاء وندى وشوق : تقبل الله ندى : اعمالنا واعمالكم رجاء : يالله انا بنزل تحت اساعد امي شذى طالعت ندى وندى مثل الشي وضحكوا : هههههههههههههه شوق : وي شفيهم ؟ رجاء : خبول الحمد الله والشكر ندى : هههههه لا بس لو تسمعش امي مبييييييي .. تعيد علينا المنوال شوق : منوال شنو ؟ شذى باستهبال : علاوي ابني كبر .. وبالصف الاول صاااااااار .. بعد منوال شنو .. اكيد منوال مال الشغل في البيت .. من بياخذكم اذا انتوا ما تعرفون شي في البيت ؟؟؟؟ .. بطيحون على جبدي يالخايبين خخخخخ والى آخره شوق : اهااا جدي يعني ندى : ايوة يا بطيئة الفهم .. اووه قصدي سريعة الفهم شوق اخذت الموسدة الى على سرير رجاء وطراااااخ على وجه ندى : مالت عليش شذى ورجاء : ههههههههههه شذى : هههههههه شوفي فيسش شلون صار ههههههه يا ام كشة ندى طالعت وجها في المنظرة : مبييييييييي .. وعلة تاخذش رجاء : بس بس اني بنزل ولو سمحتون نزلوا معاي .. لان ادري اذا ظليتوا اكثر بتعفسون لي غرفتي صالة لعب كراتي .. وتروح وراء ندى وتدزها من ظهرها : يالله وانتي اول وحدة يا تاز المشاكس شذى : هههههههههه حلوة شوق : رقميها لوووول ندى : يووووو رجاء لا تدزيني انتوا نزلوا انا بقعد اعدل شعري .. كل من هالوجه شوقوووو اووووف منج شوق : والله محد قالج تغلطين ندى تحط يدها على خصرها : لا والله اصلا انتــ .. وتقاطعها رجاء : بسسسسسسسسس .. شوق امشي معاي لو سمحتين وطلعوا وخلوا ندى بالحجرة عشان تعدل شعرها مثل ما تبي واول ما نزلوا لقوا اسراء ومحمود داخلين شوق راحت اول وحدة وسلمت على اختها : هلا خويتي اسراء : هلا بيج خيتوو .. شخبارج ؟ شوق : تمام نجلاء وهي تبوس اسراء : هلا حبيبتي شخبارج ؟ اسراء : بخير يا وجه الخير وظلوا يسلمون على بعض ويسالون عن احوال بعض .. وبعدها راحوا المطبخ يبرزون الاكل وفي الشارع الشباب راجعين من المسجد ابو وسام وابو فراس قدام ووراهم الشباب سلمان : عجل بكرة تطلع معاي عشان تتعرف على ربعي وسام : ان شاء الله .. يصير خير فراس : وانا ؟؟ وين موقعي من الاعراب سلمان : هههههه فاعل .. خوب انت من الربع لازم اعزمك يعني فراس : أي .. والا ما تبوني ؟ وسام : افاا عليك مكانك موجود .. حياك معانا فراس : تسلم كلك ذوق ووصلوا البيت وفوق في غرفة رجاء .. كانت موجودة ندى ندى من ربشتها مو بس عدلة شعرها قامت تعافس في اغراض رجاء وشافت لها جلوز عجبها .. ومن غير استاذان حطت لها .. ههههه وعفست وجها ندى : مبييييييييي شوف شكلي .. بسرعة بسرعة وتروح تغسل وجها .. وعلى ما تحط لها سمركيك تاخرت ولبست شيلتها وعدلت نفسها .. وطلعت من الغرفة .. وهي تسكر باب الغرفة ...... : من !! ندى شقهت ..... :!! ندى لفت وراها شوية شوية وتوردت خدودها من الخجل : اممم انا ندى وسام ابتسم لها ابتسامة غريبة شوية : انا اقول من .. لان توني شايف رجاء بالمطبخ ندى : اهاا .. يالله انا بروح لهم وسام تباعد عن السلم عشان تمر : تفضلي ومرت بتنزل وسمعت صوت يناديها وسام : ندى ... ندى لفت له بعيونها الحلوة : هممم وسام : ... ندى بابتسامتها الرقيقة : نعم وسام : هااا .. لا لا بس سلامتج ندى ابتسمت له ولفت تنزل : الله يسلمك اول ما وصلت ندى تحت لقت رجاء وشذى وشوق يبرزون الغذاء .. وحدة تحمل السلطة والثانية الماي .. وغيرهم من الاشياء وصلت وقعدت على الكرسي حالها حال الشباب رجاء وهي تحط السلطة وتوقف قبال ندى : يا سلام .. الاميرة قاعدة تنتظر الاكل يبرز ندى : ايييوة عندج مانع وسمعتها شذى وردت عليها : لا عندها دواس ههههه ندى : خفيفة شذى : صدق كم وزنها لووووول ندى : شذوا وصمخ سكتي عني شذى : كيفي ندى : مالت شذى : عليج رجاء : بس بس يالله قومي وقامت معاهم بعد عناد وساعدتهم في بعض الشغلات .. واجتمعوا الكل على مائدة الطعام ابو وسام في المقدمة .. وبعدين ابو فراس وقباله ولده فراس .. وبعدين سلمان .. وقباله محمود .. وجنب محمود وسام .. وبعدين ام فراس .. وقبالها ام وسام .. وبعدها البنات ابو وسام : سمو بالرحمن الكل : بسم الله وبدوا ياكلون .. عليهم بالعافية هههه وأول ما كملوا .. اتجمعوا يشربون جاي .. ومكسرات وبعض الحلويات والكيك والعصير .. وكانت القعدة كلش كلش حلوة .. والبنات استاذنوا وركبوا فوق في حجرة رجاء ندى : يالله لو سمحتين طلعي لي كم غريضة من لبنان شريتهم لي شذى : ويييي تفشل هالاخت ندى : يا ربيييييييي انت شعليج انجبي اني اكلم بنت خالتي شوق : بس بس خلااااااااص .. والله اليوم راسي بينفجر بسبب هالثنتين رجاء : هههه بتتعودين عليهم في الجامعة شذى : أي على طاري الجامعة متى بتسجلين ان شاء الله ترى ما باقي شي .. عشان تحصلين لج كم مادة على الاقل رجاء : أي اوكي مو مشكلة .. بكلم ابوي شذى : يسسسسسس بتصير معانا رجاءووو رجاء : هههه شوق : هييييي احين بتنسيني يعني .. صديقة الطفولة .. معاج ابتدائي واعدادي وثانوي ندى : اوووف صراحة تمللت من وجهش شوق : مالت عليش ههههه رجاء : المهم .. ترى انا اخذت لكل وحدة شي بسيط .. وسامحوني على القصور بس ترى مرة وحدة صدفة بنرجع .. وكانت هذي اغراض مجمعتها من مدى قلت السنة الي تكون عندنا اجازة ورجعنا اعطيكم اياها ندى : لا كلللل واحد بس اهم شي ما نسيتيني احم احم رجاء : ههههههه وفي احد ينساج اصلا ندى : ادري ما يحتاج تقولين شذى : يا ربي هالبنية ما تسكت .. تدري انت وااجد سوي قرقر شوق : ههههههههههه انقلبت هندية ندى بغرور : من حرتها من صوتي انعم منها ( وبلحست عليها ) رجاء : شنو تبون تتناجرون او تبون الهداية ؟ شوق : اووووف سكتوو .. يالله طلعي صوغتي لو سمحتين رجاء : ههههه ثواني رجاء وهي تفتح الشنطة رجاء : امممممم شوفي ندوي هذي النظارة لج ندى اول ما شافتها : فديييييييتج وااااجد حلووة .. لحظة بروح اجيكها علي ندى لبستها وطالعت روحها بالمنظرة : يا بخت الي بصير من نصيبي خخخخخ شذى : اشوف طالعيني يالخبلة ندى : ههههه شوق : واااجد حلوة عليج رجاء : شوفي شذى هذي لج بما انج تحبين تلبسين هالاشياء شذى : الااااااااااااااي واااجد حلوين .. ولا بعد لونهم تركوازي مثل جلابيتي .. مشكووووورة حبيبتي ندى سحبتهم منها : اشوووف شوق : يا ربي ربشة هالبنية رجاء : شوفي هذي شوق حقش .. شرايج ؟ شوق : الااااااااي وااجد وااجد حلوة .. ( وحطتها على صدرها ) .. بس هي حلوة .. بس اذا علي تزيد حلاتها رجاء : ههههههه تستاهلين حبيبتي ندى : اشوووف راويني اياها رجاء : شوووووفي ندوي هذا حقش ندى : الاااااااي ( وحطته في صبعها ) يا ربي يجنن علي رجاء : وهذا الوردي الى شوق و الازرق الى شذى .. ها حلوو ؟ شوق : واااجد وااجد حلووو شذى : فديت بنت خالتي .. ما تنسانا رجاء : هههه تستاهلون Quote Link to comment Share on other sites More sharing options...
زنجبيل المملكة Posted أكتوبر 27, 2008 Author Report Share Posted أكتوبر 27, 2008 الحلقة " 5 " وتحت بين الاهل ابو وسام : الا يا وليدي يا فراس انت تدرس او تشتغل ؟ فراس : لا عمي انا اشتغل .. باقي لي هالسنة وان شاء الله اتخرج ابو وسام : ان شاء الله .. بالتوفيق يا وليدي فراس : اجمعين محمود : وانت وسام بشر شنو بتسوي ؟ وسام : بشتغل مع الوالد في الشركة .. بكون سند له ان شاء الله ابو فراس : ونعم الولد وسام ابتسم ابتسامة رضى : ينعم بحالك عمي ام وسام تكلم اسراء : الا يا بنيتي اسراء من متى وانتي متزوجة ؟ اسراء : صار لي تقريبا نص سنة ام وسام : تستاهلين والله يا بنيتي .. ومحمود صبيي ما ينعاب اسراء ابتسمت الى مرت عمها ولفت نظرها الى حبيبها وابتسمت له .. وهو بدوره غمز لها ومر اليوم والحمد الله .. كل الامور بخير .. الجو ما كان يخلو من الضحك والمزاح .. وحان وقت وداعهم .. والى لقاء قريب ان شاء الله فراس وهو طالع : يبة انا بطلع مع وسام بالسيارة .. بنروح القهوة شوية .. ابو فراس : اوكي براحتك يا وليدي وفي السيارة وسام : بنروح ورا بيت خالتي .. عشان بعدين يجي معانا سلمان فراس : اووكي وثواني الا التلفون يرن .. ولما شاف الاسم فراس ابتسم فراس بصوته الغاوي : هلا بعيوني ......... : بيبيييييييي وينك ما تدق علي طول اليوم ما سمعت صوتك فراس : حبيبتي قلت لج انا مع الاهل .. واحين بعد لازم اسكره .. واول ما ارجع من البيت .. ما انام الا انا سامع صوتج ....... : فدييييتك .. اوكي انا انتظرك فراس : اووووكووو .. سي يوو ماي هني ...... : بااي باااي بيبيييي وسكر التلفون التلفون فراس وهو يبتسم ابتسامة مكر وسام : وهذا انت مع هالبنات ما تجوز فراس : هههه مضيعة للوقت .. وتسلية وسام : هههه هذا هو ردك ما تغير من آخر مرة شفتك فيها .. صدقني احسن لك تترك هالخمة .. اذا كلموك اكيد بكلمون غيرك .. دام الترقيم جابهم لك .. اكيد بوديهم لغيرك .. وترى ما وراه الا المصاريف وخسارة كردت على الفاضي فراس : لا منال غير وسام : الله يهيدك بس وفي ذلك القصر الكبير منال : يحبني صدقيني بحبني .. ما شفتين شلون هو يتكلم معاي وفاء : عساه دووووووووم يظل بحبج منال : بس متى يكمل دراسته .. ونعيش في بيت وااحد وفاء : اتمنى يتحقق هالشي .. وانا اول وحدة ببارك لج منال : فديتج حبيبتي والشباب اول ما وصلوا القوة فراس : كبتشينو واحد .... : حاضر سلمان : هااا وسام مستانس انك بينا ؟ وسام : صراحة ما اقدر اوصف لك فرحتي فراس : نورتونا .. وسام : تسلم النور نورك الا شوية ويرن تلفون فراس فراس لما شاف الاسم انعفس وجهه .. وحول تلفونه للصامت وسام : هههههه هذي وحدة منهم فراس : لا تذكرني .. والله تشوف شكلها ذي ملاااك .. لكن صوتها اقرب لصوت البقر سلمان : هههههه حرام عليك .. محد قالك رقمها فراس : يالله بتتملل من كثر ما تدق ما بشوفني ارد عليها وسام : قلت لك خل عنك هالسوالف فراس : ههههههه يالله ربك كريم .. يرخص الحريم سلمان ووسام : ههههههه نهاية الحلقة الخامسة *فراس قدر يفر اول مرة ؟ بيقدر يفر للمرة الثانية ؟ * رجاء ؟ شلون بتكون حياتها وهي بالجامعة بين اهلها ؟ *وسام ؟ هل بكون قد المسؤولية بالشغل او في عائق ؟ واذا في شنو من الممكن يكون ؟ *فراس ؟؟ شنو بعد هالحياة الي كلها خداع ؟ *وسام ؟ وغموضه ؟ Quote Link to comment Share on other sites More sharing options...
ذكرى ! Posted أكتوبر 28, 2008 Report Share Posted أكتوبر 28, 2008 يسلمووو ع الباااارت وننتظر الحلقة "6" Quote Link to comment Share on other sites More sharing options...
الجسمي17 Posted أكتوبر 28, 2008 Report Share Posted أكتوبر 28, 2008 تسلم اخوي و يعطيك العافية Quote Link to comment Share on other sites More sharing options...
zoomy Posted أكتوبر 28, 2008 Report Share Posted أكتوبر 28, 2008 تسلم اخوي ناطرين يديدك Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.