زنجبيل المملكة Posted أكتوبر 28, 2008 Author Report Share Posted أكتوبر 28, 2008 الحلقة " 6 " في غرفة فراس منال : بيبي متى بتدز لي صورتك فراس : بلوتج ما تصبرين .. قلت لج بخليها مفاجاة بجيش الجامعة بقولج انا فراس .. منال : لا لا ابي اشوف صورتك اول فراس : من عيوني تامرين أمر .. ان شاء الله منال بدلع : حبيبييييي فراس وهو يقوم من على السرير ويوقف صوب درشيته ويطالع السما : عيونه منال تلون وجها : تسلم عيونك حبيبي .. فراسي متى بتتخرج ؟ فراس : آخر سنة الي بتجي احين .. وبعدين اشتغل لي كم شهر .. والباقي انتي عارفته منال : حبيبي يعني الي في بالي بصير ؟ فراس : وشلون ما يصير حبيبتي .. عيوني لحين ما عرفتي مكانتج بحياتي منال : فراس فراس : عيون وقلب فراس منال : احبك فراس : الاااااي هالكلمة تسوى الدنيا وما فيها منال : يالله لازم احين اسكره الساعة 1 ونص .. فراس : بل بسرعة يمر الوقت .. ما حسيت فيه منال : يالله اكلمك بكرة بااي عمري فراس : سي يووو وتشرق الشمس وتمد خيوطها نحو عالم مليء بالامل رجاء لحين نايمة .. وعايشة في عالمها الوردي .. البسيط .. الي ما فيها مشاكل ابد .. ولكن !! رجاء يرن يرن تلفونها ولكن على الصامت من صوب ثاني .. ندى : ورييييح شيليه شيلييييه شذى : هههههههه ولا بتشيله تنتظرني اتصل ندى : لااااااااا .. شيليه يالعلة .. ابي اني اخبرها .. ما ابي خالتي تخبرها وفي غرفة رجاء يدخل عليها اخوها وسام ويقعد على طرف السرير وسام بهدوء : رجاء يالله رجاء قومي قعدي رجاء : .... ( بس تحركت شوية ) وسام التفت لتلفونها : رجاء قومي قعدي تلفونج بعد يرن رجاء : هممم خلوني نايمة وسام : رجاء تلفونج يرن رجاء : شيله اني بنام ( ولفت الجهة الثانية ولحفت نفسها ) وسام : أمري لله نشيله نشيله وسام : الوو ندى لما سمعت الصوت استغربت وشكت في نفسها .. شالت التلفون من على اذونها .. وطالعت الشاشة تتاكد من الرقم .. شافت اسم رجاء استغربت وسام استغرب اكثر : الووو !! ندى انصاعت : الوو السلام عليكم وسام حس ان مو غريب عليه الصوت : وعليكم السلام ندى : اممم لو سمحت اخوي هذا تلفون رجاء وسام : أي ندى ارتاحت شوية : اممم وينهي ؟ وسام حس انه يعرف هالصوت طالع شاشة التلفون شاف اسم ندى ابتسم : اهااا هلا ندى .. انا وسام ندى : هلا وسام وسام : شخبارش ؟ ندى : بخير وانت شخبارك وشخبار خالتي ؟ وسام : كلنا بخير دامج بخير ندى تلون وجها : تسلم .. وين رجاء ؟ وسام : هاا أي أي رجاء .. رجاء فوق .. ندى استغربت : نعم ؟ وسام : هااا لا لا قصدي راقدة ندى ضحكت ضحكة خفيفة بس سمعها وسام : انزين ممكن تقعدها ظروري ؟ وسام تفشل : ثواني وسام : رجاااء .. رجاء قوومي تبيج ندى رجاء : هااا ؟ وسام : تبيج ندى بالتلفون قومي كلميها رجاء اخذت التلفون وهي لحين مغمضة عيونها : الوو ندى : رجاءووووووووووو رجاء : آخ اذوني .. تكلمني بالعدال ندى : ليش خليتين اخوج يرد علي فشلتيني رجاء : اووووف بس ما تبين شي خلاص ترى فيني رقاد ابي انام ندى : امممم لحظة انا حق شنو متصلة ؟!!!! رجاء : متفرغة .. اذا تذكرتي اتصلي بااي ندى : تذكرررررررررررررررت رجاء : ندىىىى صدقيني بكسرش احين عورتي اذوني ندى : يالله يالله قومي احييييييين احيييين رجاء : اووووووف ( وتكلم وسام ) الساعة كم وسام ؟ ندى مو صوب تصاارخ : قووووووومي ما عليج من الساعة وسام : احين 9 ونص رجاء ترجع الى ندى : مقعدتني 9 ونص ليش يعني ابي افهم ؟ ندى : قوووووووووووومي وما بتخسرين بنروح المزرعععععععععة رجاء : .. المزرعة !! ندى : اوووووووووف يالله قومي تبرزي وسام اول ما سمع كلمة المزرعة الى السان رجاء : اييي انا جاي اقعدج عشان اقولج ان بروح المزرعة ورجاء لحين مو مستوعبة : مزرعة !! وفي بيت ابو فراس وخصوصا في غرفة شوق ماخذة لها شنطة صغيرة .. وتحط فيها ثياب وبعض الاغراض وتسمع صوت امها من تحت : يالله يا شووووووق تأخرنا على ما نمر بيت عمج بعد يالله شوق : ان شاء الله يمةةة بس ثواني وبسرعة بسرعة حملت اغراضها وتوها بتطلع تذكرت انها نست شي ودخلت شافت دفترها الوردي الي فيه ورود بيضان وابتسمت له .. واخذته وحطته بالشنطة .. بمكان بروحه .. ونزلت تحت ابو فراس : ها كملتين ؟ شوق : أي ام فراس : يالله عجل مشينا شوق وهي تركب السيارة : يبة اسراء تقول ان اليوم عند عمتها ام رجلها .. بعد الغذى بتجي هي ومحمود ان شاء الله ابو فراس : ان شاء الله خير وفي بيت ابو وسام الكل بارز ومتجمع في الصالة يتنظرون يوصلون بقية الاهل رجاء : يااااه من زمان ما رحت المرزعة اكيد تغيرت فيها اشياء واجد وسام : أي رجاء : الا شلون مرة وحدة قررتون انكم بتروحون المزرعة ؟ ابو وسام : ابد بعد طلعتي من المسجد بعد صلاة الفجر .. متصل فيني اخوي يقولي شرايك نروح المزرعة نغير جو .. قلت له ما عندي مانع .. قال خلاص عجل اليوم بشر ام العيال وخلى تبشر اختها ( ام سلمان ) عشان البنات والشباب يستانسون رجاء : اهااا وشوية الا يسمعون صوت السيارة .. وطلعوا ومشوا بنفس الدرب مع بعض وفي بيت ام محمود ام محمود : شوووووف يا وليدي يا احمد اتصل الى اخوك .. من راح المستشفى مع زوجته ما اتصل ولا رد علينا خبر احمد : يمة لا تحاتين اكيد خير ان شاء الله ام محمود : خير .. ان شاء الله احمد .. 23 سنة .. بكون له دور مميز في القصة .. شاب جميل وباني مستقبله على اكمل وجه .. حبوب وطيب .. ومن طبعه كثرة المزاح .. ودمه خفيف وانتظروا عشر دقايق .. ربع ساعة .. ومحد دق عليهم ام محمود : اتصل اتصل فيهم ما اقدر استحمل احمد : ههههههه اوكي بنتصل وامرنا لله وفي السيارة .. كانت اسراء موجودة .. وفرحانة وفرحها ما ينوصف وشوية الا تسمع صوت تلفون زوجها يرن دورته وينه وينه .. وعقب شافته تحت كرسي زوجها .. وضحكت هههه ولما شافت الرقم ابتسمت اسراء : الووو احمد : بشرج الله بالخير .. انتي الي رديتي يعني ما متين اسراء : ههههه حرام عليك احمد يكلم امه : هااا تفضلي اسراء بشحمها ولحمها .. اقصد بصوتها الناعم ردت علينا يالله كلميها ام محمود بخوف : بشري بنيتي ؟؟؟ اسراء : هلا خالتي .. لا الحمد الله بس جدي الم بسيط عطوني حبوب ام محمود : ومن شنو هالالم ؟ اسراء : ما ادري خالتي .. بس الحمد الله احين اشوى ام محمود : الحمد الله .. ها نبرز الغذى ؟ اسراء : أي خالتي برزيه احنا بالدرب جايين ام محمود : ان شاء الله اسراء : يالله على خير .. مع السلامة ام محمود : في امانة الله واول ما وصل محمود .. حامل اغراض الدنيا والديين اسراء وهي تطالع الكرسي الخلفي : بل محمود كل هذا محمود وهو فرحان : عشان علاوي كل شي يرخص اسراء وهي تطالع بطنها وتمرر يدها عليه : واذا طلعت بنت محمود : زيادة الخير خيرين .. يصير عندنا قمرين في البيت اسراء ابتسمت له الابتسامة العذبة ونزلت راسها تطالع بطنها Quote Link to comment Share on other sites More sharing options...
زنجبيل المملكة Posted أكتوبر 29, 2008 Author Report Share Posted أكتوبر 29, 2008 الحلقة " 7 " وفي المزرعة البنات دخلو داخل المسكن .. والشباب يشيلون الاغراض من السيارات ندى وشذى ورجاء وشوق في غرفة .. و وسام وفراس وسلمان في غرفة والباقي غرف ثنائية بعد ما خلصوا من صلاتهم .. البنات نزلوا تحت عشان يساعدونهم في تبريز وجبة الغذاء وفي بيت ام محمود ام محمود والدموع الفرح تتجمع في عيونها : صدق .. صدق يا وليدي ؟ محمود وهو يبوس راس امه : أي يا يمة صدق ام محمود قامت تصيح من الفرح احمد : يوو يا يمة تبين تنغصين علينا فرحتنا .. وتخلينها كأن وفاة ام محمود : غصب عني يا وليدي .. الله ما عطاني الا ثنينكم .. ومن بعدها ما سمعت حس الجهال في البيت اسراء : يالله خالتي الحمد الله على كل حال .. ان شاء الله بتشوفين عيالي وعيال عيال عيالي ام محمود : الله يبلغني اشوفهم ان شاء الله .. واشوف عيال حمود بعد احمد تفشل : يمة اسمي احمد مو حمود محمود : ههههههه كله واحد اسراء : يالله محمود مشينا ؟ محمود : يالله اسراء : أي خالتي ترى امي تقول حياكم معانا .. ما بتحلى القعدة الا بوجودكم انتي واحمد ام محمود : والله اني استحي .. مرت عمج انا ما شفتها ولا حتى اعرفها اسراء : مرت عمي واااجد طيبة .. بتشوفينها وبتتعرفين عليها ام محمود : ان شاء الله .. انتي تامرين امر .. بروح ابرز لي كم غريضة محمود : وانت يالبطل شنو ناطر ؟ روح برز روحك احمد : يا سلاااااام وانا بعد معزوم اسراء : أي معزوووم يالله عاد لا تاخرنا احمد : ثواني يا مرت اخوي واول ما كملوا .. مشوا هالدرب الطويل وفي المزرعة بعد كم كملوا وجبة الغذاء رجاء : يالله قوموا ودنا نروح نتجول شوق : يالله عشان اعرفكم على المزرعة .. فيها بحيرة صغيرة تعجبني .. ومكان الخيول بعد كلللش حلوو ندى : الااااي شوقتيني .. يالله عجل وراحوا البنات عشان يتجولون .. وبدوا يمشون وهم يطالعون الاشجار .. وشلون الارضية كلها اوراق اشجار .. وصاير المنظر حلوو .. حيث تكون فيه اوراق يابسة بلونها البرتقالي .. وبعض الاخضر شوق : الااي شكثر وحشتني المزرعة .. آخر سنة جينها ما كانت جدي حلووة ندى : واااجد حلوة صراحة شذى : أي عجيبة شوق : ها رجاء ما قلتي رايش ؟ رجاء : ما شاء الله هالمزرعة عندنا وانا ما ادري عنها شوق : اييييي احين بجيني جسر .. وبعدين بتجي البحيرة الي قلت لكم حنها .. صدق احبها .. احب اقعد عند البحيرة واكتب ندى : هههههه خلج انتي مع اشعارج يالرومانسية رجاء : طالعة على بنت عمها شذى : بالعكس الاشعار والخواطر شي حلوو .. احس تعبر عن الي بداخل الانسان رجاء : غريييييييبة شذى تتكلم من غير طناز ومسخرة شذى : حرام عليكم الى هالدرجة طايحة من عينكم شوق : لا بس مستغربين .. انتي كل شي فيني تذمينه الا اليوم اشوفج معاي ندى : ههههههههه يمكن اثرت فيها المناظر .. وصارت رومانسية وعاطفية شذى : يووووو .. ربشة وسميتوها شطانة .. ومو عاجبتكم .. هادئة وسميتوها عاطفية .. وبععععععد ما عجبتكم .. ابي افهم شنو يعجبكم رجاء : بس بس خلاص عاجبتنها بحلوتج ومرتج بس امشي شذى : والله ما تجون الا بالعين الحمرة شوق : يالله وصلنا شوفوا يعجبني هالجسر الي هني رجاء وهي تمشي فوق الجسر : الاااي واجد عجيب شوق : على فكرة هذي فكرة اخوي فراس رجاء لما سمعت اسم فراس ابتسمت ندى : وااااجد حلوة شوق : احين بتجي البحيرة .. وبعدها تغيرت نبرة صوتها للنعومة : احب هالبحيرة لي معاها ذكريات حلللوة .. اذا اقعد على الرمل احب اكتب .. واعبر عن كل الي بداخلي ندى وهي تدز شوق من ظهرها : انزين يالله امشي يا الشاعرية راوينا هالبحيرة وبدوا يمشون بضع خطوات وكلها دقايق ووصلوا البحيرة الصغيرة شذى : الااااااااي واجد عجيب رجاء : كلش جو رومانسي .. ومنظر حلوو ندى : يالله يالله بنروح بنشوف صهل الخيول ومشوا البنات لكن شذى وقفت تطالع المنظر كلللش عجبها شذى ولا تدري ان البنات مشوا عنها : حلوو المنظر صح ؟ ...... ( تورط عباله تكلمه وما عرف شنو يرد ) : أي حلوو شذى لما سمعت الصوت استغربت ولفت عوارها وطالعت الي رد عليها بنظرات استغراب وهو لما شافها طالعها بنفس الاستغراب .. دقايق وهم يطالعون في بعض مستغربين .. وبعدها ابتسم في وجها .. وهي ما عرفت شتسوي .. وبسرعة راحت تركض .. ولما شافت البنات واقفين عند خيلة راكبها اخوها سلمان رجاء لما شافتها تتنفس بسرعة : يؤؤ شذى شفيج ؟ شذى : مالت عليكم ليش خليتوني هناك بروحي ؟؟؟ رجاء : احنا مشينا عبالنا انش معانا شذى : اوووووف ندى : بس لا تافافين وبعدين قاموا يسولفون مع سلمان ويسالونه عن الخيلة وهو لما شافها طالعها بنفس الاستغراب .. دقايق وهم يطالعون في بعض مستغربين .. وبعدها ابتسم في وجها .. وهي ما عرفت شتسوي .. وبسرعة راحت تركض .. ولما شافت البنات واقفين عند خيلة راكبها اخوها سلمان رجاء لما شافتها تتنفس بسرعة : يؤؤ شذى شفيج ؟ شذى : مالت عليكم ليش خليتوني هناك بروحي ؟؟؟ رجاء : احنا مشينا عبالنا انش معانا شذى : اوووووف ندى : بس لا تافافين وبعدين قاموا يسولفون مع سلمان ويسالونه عن الخيلة رجاء التفت الى شوق ساكتة وسرحانة في البعييد .. ابتسمت لها .. وما حبت تخرب عليها احلامها الوردية واما شذى كانت تفكر بالصبي اول مرة تشوفه .. خبرها هالمزرعة الى الاهل .. ومحد فيها غريب .. استغربت بس ما حبت تسال .. ولو ان الفضول ماكلها وشوية الا يجي فراس على خيلة فراس : هاا سلمان تسابقني ؟ سلمان : ما عندي مانع رجاء : واخوي وينه ؟ سلمان : ما ادري .. فراس وينه وسام ؟ فراس : هههه وسام داخل يختار ويتخير له خيلة .. بيني وبينك هو ما يعرف .. بس يسوي روحه متاخر عشان الاختيار الكل ما عدى رجاء : ههههههههههههههههه رجاء : مبلاااااا اخوي يعرف فراس : ههههه انزين لا تعصبين رجاء : مبلااا اخوي يعرف .. لحظة بس ودخلت داخل وراحت له عند الخيول رجاء : وسام وسام لما شاف اخته ابتسم : هلا رجاء : ليش ما تتسابق معاهم ؟ وسام : والله انا من مدى ما ركبت خيلة .. وشلون بتنافس واعرف نفسي اذا مو 100% خسران 99% رجاء : مو مهم .. تسابق معاهم بليييز وسام متحير : انزين بس !! رجاء : لا بس ولا شنو .. على الخيلة انا بختارها لك وسام : هههههه اختاري وامري لله .. عاد اذا خسرت مو ذنبي رجاء وهي تختار : مو مهم .. ( وكلها دقايق ) رجاء : وساااام هذي الخيلة شكلها حلووة وسام وهو يطالع الخيلة : أي حلووة رجاء : يالله اركب فوقها وسام وهي يعطيها الكبس الي كان في يده ويركب الخيلة : ها شكلي فارس ؟ رجاء : فديت اخويي والله .. بس لحظة نزل راسك شوية وسام نزل راسه .. ولبسته رجاء الكبس رجاء وهي تبتسم له : جدي فارس تمام التمام وسام : هههههه اوكي يالله مشينا رجاء : لحظة شوية رجاء جودت الحبل مال الخيلة .. وقامت تمشيه ووسام فوق الخيلة يضحك عليها رجاء تمشي وهي تطالعهم وتطالع فراس بغرور واول ما وصلت لهم رجاء : ووسام وصل .. وبيتسابق مع الشباب ندى : اييييوة وسام لها سمع صوتها طالعها بنظرة ولما التفت له .. ابتسم لها وطالع في اخته رجاء : يالله مناك وراء الخط وقفوا وهم يتحركون فراس مر على رجاء بالخيلة : تحبين تتحدين ؟ رجاء : أي واااجد .. وخصوصا احب اتحدى الي واثقين من نفسهم واجد فراس وهو يعدل خيلته يخليها عند الخط : اممم الثقة بالنفس مو عيب رجاء : لكن اذا تزيد عن حدها .. يصير غرور وكبرياء .. ولا بعد .. على قلة الفايدة وراحت عنه على جنب رجاء : يالله مستعدين فراس : أي ندى بطرافة : يالله وساااام وسام لما عرف انها تشجعه استانس : ندى تشجعيني ؟ ندى ابتسمت له : أي وسام زادت فرحته واصراره انه يفوز سلمان : وانا ؟ شذى : انا اشجعك سلمان : هههه اوكي رجاء : يالله البنات كلهم : واااااااااحد .. ثنينننننننننننن .. ثلااااااااااااااثة وبعد مرور كم دقيقة من انطلاق الخيول .... : السلام عليكم الكل له وراه ومستغرب وشذى خافت وفضولها اكثر .. شوق : وعليكم السلام ....... : اخيرا شفت احد اعرفه ههههه شوق : افااا عليك احمد .. مو غريب علينا Quote Link to comment Share on other sites More sharing options...
زنجبيل المملكة Posted أكتوبر 30, 2008 Author Report Share Posted أكتوبر 30, 2008 الحلقة " 8 " ( هني الكل مستغرب وعلامات السؤال بينا على وجوهم ) شوق : أي نسيت ما اعرفكم .. هذا احمد اخو محمود زوج اسراء .. وهذولا رجاء بنت عمي .. وندى وشذى بنات خالتها احمد وهو يبتسم ويطالع شذى : يا هلا البنات : هلا بيك احمد : الا وين الشباب ؟ شوق : يتسابقون بالخيل احمد : اهااا شوق : خسارة ما لحقت عليهم احمد : أي خسارة .. بس بيني وبينج احسن انهم تسابقوا قبل ما اجي .. لان ماا اعرف ههههه البنات : ههههههه وشوية الا يسمعون صوت ركض خيلة والكل قام يطالع .. يبون يشوفون من سعيد الحظ الفايز وشوية الا ندى تصارخ وسااااااااااام ويظهر وسام .. فوق الخيلة مستانس .. ويلوح بيده رجاء ضمت يدها مع بعض : حبيبي اخووي فاز وسام وهو يصرخ : رجااااء رفعت راسج رجاء : هيييي اخويي فاز وشوية وصل .. بعده الثاني ..... سر وقف الخيلة عند البنات رجاء وهي تحظن اخوها : فديت اخويي فاز وسام وهي يتنفس : هههه خلوني اتنفس ندى : تعبت ؟ وسام لما سمع صوتها ابتسم لها : لا راح التعب ندى : مبرووووك وسام : يبارك في حياتش رجاء وهي تطالع فراس : هااا بشر ؟؟ فراس : هههه شفتي بعيونج رجاء : مو قلت لك الثقة الزايدة تنقلب غرور فراس طالعها وما عرف يرد عليها شوق : أي نسيت .. ترى هذا احمد اخو محمود احمد سلم على وسام وسلمان وفراس احمد : يالله اول ما عرفناك يا وسام انك بارع .. وشطوور في سباق الخيل وسام : هههه صدفة .. واصلا انا تشجعت لما شفتهم يشجعوني .. وحاطين املهم علي سلمان : ههههه مع هالخيلة الي ركبتها .. شكلها انثى عنيدة فراس : هههههه وشكل الي عندي زوجها .. نتسابق ما نشوفهم الا واقفين ويطالعون بعض ههههههه رومانسية على مستوى وسام : اما خيلتي ما يبي لها كلام .. اختيار اختي رجاء : احم احم سلمان : يالله مشينا انا عطشت صراحة هههه وسام : يالله توكلنا على الله وبدوا يمشون الشباب قدام .. ووراهم البنات احمد : ههههه لو سمحتوا بسوي خيانة وسام : ههههه خيانة شنو احمد : شخص يبي يوصل لكم خبر .. وتحلف فيني ان وصلته بسوي فيني جريمة .. بس شسوي هذا طبعي .. احب العناد .. من جدي بخبركم شوق : قوول احمد : ترى بجيكم ولد او بنت اخت شوق وقفت عن المشي : من صدقك ؟ احمد : ههههه كملي مشيج أي من صدقي فراس : يا سلام ومن متى ؟ احمد : اليوم بس شوق : الاااااي اخيرا بجيبون لنا جاهل يقعد معانا ندى : مبرووك حبيبتي .. تستاهل اسراء شوق : الله يبارك في حياتش وفي المسكن ام سلمان : عاد يا بنيتي يا اسراء ديري بالج على نفسج .. احين انتي مسؤولة عن روحين .. عنج وعن هالبيبي الي في بطنج اسراء وهي تطالع بطنها : ان شاء الله خالتي نهاية الحلقة " 8 " * اسراء ؟ شلون بتكون حياتها بعد الحمل ؟ * احمد ؟ الشخصية الجديد ؟ * رجاء وفراس ؟؟ والعناد الدايم والتحدي ؟؟ نهايته ؟ * شوق وسرحانها ؟ * شذى ؟ ندى ؟ Quote Link to comment Share on other sites More sharing options...
ذكرى ! Posted أكتوبر 31, 2008 Report Share Posted أكتوبر 31, 2008 البااارت حده عجيييبتسلم يدك اخووووي وبنتظار التكملة Quote Link to comment Share on other sites More sharing options...
زنجبيل المملكة Posted أكتوبر 31, 2008 Author Report Share Posted أكتوبر 31, 2008 البااارت حده عجيييبتسلم يدك اخووووي وبنتظار التكملة مشكورة من ذوقج كوني بالقرب Quote Link to comment Share on other sites More sharing options...
زنجبيل المملكة Posted نوفمبر 2, 2008 Author Report Share Posted نوفمبر 2, 2008 الحلقة " 9 " شوق : اسراااااااااااااء حبيبتي اسراء مباشرة طالعت احمد واحمد سوى حركة مثل الخايف وسيدا وراء وسام وسام : هههههه اسراء : قالكم الدب ؟ شوق وهي تحضن اختها : مو مهم .. حبيبتي الف الف مبروووووووك تستاهلين كل كل خير حبيبتي اسراء وهي تطالع احمد : الله يبارك في حياتش فراس وهو يتقدم الى اخته : الف مبرووك اختي تستاهلين الخير يالغالية اسراء : الله يبارك في حياتك .. ومباشرة لفت نظرها الى خالتها الي تعتبرها مثل امها : خالتتتتتتتتتي .. شوفي احمد قال لهم وانا محذرته الف مرة في السيارة ام محمود : ههههه اسراء : لكن معلي بشووووف .. ( وتوها بتركض له ) الا محمود راجع من مكان السيارات : اسرااااااء وليش تركضين نسيتي انج حاامل ؟ اسراء : مبييي نسيت .. ما يهمني هاتوا لي هذا الي اسمه احمد خلني اضربه اطلع حرتي فيه محمود : ههههههه ليش شسالفة ؟ اسراء : انت سامع باذونك ...... وقالت له كل السالفة احمد : ههههههه شفيها يا مرت اخوي عادي .. مو لا ؟ ومحد رد عليه احمد شذى : أي عادي احمد : ههههههه اشوى نطقتين جان بتفشلوني شذى ابتسمت له مجرد ابتسامة باهتة تعبر عن اشياء خيالية ودخلوا داخل المسكن يمين الصالة قعدوا الشباب .. ويسار الصالة قعدوا البنات رجاء : ندى بتقومين معاي نبرز لهم الكيكة ؟ ندى : اوكي مو مشكلة شوق : لا وانااا ؟ شذى : مو مالية عيونش اني ؟ شوق : لا بس .... رجاء : ههههه انزين يالله كلنا نروح المطبخ وقاموا البنات وقبل ما يمشون اسراء : على وين ؟ رجاء : بنبرز شي ناكله اسراء وقفت : يالله بجي معاكم هني تكلم محمود محمود : شوووووق لا تتعبون زوجتي تراها حامل شوق : هههههه في عيوني لا تحاتي احمد : ههههه حشى ما يسوى علينا توها في الشهر الاول .. الله يعينا بعد كم شهر محمود قام يطالع حواليه يدور شي ولما لقى الكلينس ( محارم ورق ) اخذ ورماه على احمد .. واحمد مسكه بيده : هههههههههه محمود : مرتي وكيفي اخاف عليها فراس : يا عيني على الحب البنات : ههههههه محمود : لما تتزوج وتحب مرتك بتحس بشعوري .. ويالله انقلعوووا الشباب والبنات : هههههه وراحوا البنات المطيخ عشان يبرزون لهم شي ياكلونه ووراء المسكن ابو وسام وابو فراس يتمشون ويتكلمون عن حياتهم ابو وسام : الف الف مبروووك تستاهل يا اخوي ابو فراس : كنت انتظر هالحفيد من مدى .. وكاهوا وصلنا ابو وسام : بالسلامة ان شاء الله .. وعيال اسراء وشوق وفراس ان شاء الله يملون عليك حياتك ابو فراس : يالله الفال لك ان شاء الله ابو وسام : ان شاء الله كلها كم سنة يشتغل فيهم معاي وسام .. وان شاء الله يكون روحه .. وبنفسي انا بخطب له ابو فراس : ولدك رجال والنعم فيه ابو وسام : انا اثق بختيار وسام .. وبخليه بنفسه يختار البنت الي يبيها وبروح بنفسي بخطبها له ابو فراس : الله يوفقه ان شاء الله .. ويوفق جميع عيالنا ابو وسام : الا شخبار الشركة ؟ تغيرت مثل ما تغيرت المزرعة ؟ ابو فراس : أي وين الشركة القبلية ووين هذي .. كلش فرق ابو وسام : يالله ان شاء الله نداوم قريب ابو فراس : حياك مكانك محفوظ يالغالي .. وحتى ولدك له المكان الي يبيه .. كم اخو عندي ابو وسام وهو يطبطب على ظهر اخوه : كلك ذوق يا خوي مثل ما عرفتك وفي المطبخ اسراء : وااااااو شكلها الكيكة رووووعة رجاء : اكييييد بيدي فديتني اسراء : اذا محمود عجبته .. ابيج تعطيني المكونات والطريقة عشان بسويه له ندى : احم احم نحن هنا اسراء تضربها على خفيف : مالت رجاء : ههههههه يالله ندى روحي جيبي دلة القهوة والجاي ندى : اووكي .. ( وقعدت تدور في الاجياس ومني مناك ) ندى : ما في .. ما شفت شي رجاء : انزين روحي الى امي شوفي ساليها ندى ببرائة : اووكي ندى وهي تركض كعادتها بشطانتها وتنزل من على المدرج الا تصدم في شي طويل قدامها وتفقد توازنها بطيح ...وما حست الابايدين ماسكتها من يدينها وبسرعة يسحبها عشان تتفادة الطيحة لما لصقت بشي طويل .. وهي من خوفها غمضت عينها .. ولما وقفت باستقرار فتحت عيونها ندى اول ما شافت الي ماسك يدها وهي لاصقة فيه .. لا شعوريا شهقت وسام اول ما حس انه مجود يدها وقريبة منه وااجد .. ترك يدها بهدوء وتباعد عنها خطوات معدودة .. وابتسم لها ابتسامة هادية وهي لما انتبهت لنفسها .. بسرعة ركضت .. الا تدعم بامها ام سلمان : هووو شفيج ندى ندى : هااا .. أي أي ادور خالتي ام وسام ام سلمان : انزين شفيج مرتبكة !! شفيج تتنفسين بسرعة ( وهس تطالع وراى ندى ) أحد لاحقش ؟؟ ندى : هااا لا لا .. انزين وين خالتي ام وسام ؟ ام سلمان : ليش ؟ ندى : بسألها عن القهوة والجاي ام سلمان : داخل السلسة الوردية بشوفينها ندى : ما في سلة وردية داخل المطبخ ام سلمان : لا في الصالة عند الباب ندى : اوكي وراحت ندى دخلت من باب المطبخ رجاء : هاا عرفتي وينها ؟ ندى : أي في الصالة ثواني بجيبها ودخلت ندى داخل الصالة وهي منزلة راسها وراحت عند الباب وشافت السلة وحملتها بصعوبة لان داخلها الجاي والقهوة وغير القلاصات ولفت جسدها عشان بترجع المطبخ .. طاحت عينها على وسام .. ناظرته بنظرة خجل .. وبسرعة دخلت المطبخ وأول ما برزت الكيكة .. حملتها رجاء وحطوها عندهم .. وكل وحدة بدى يغرف للثاني رجاء حطت لها بصحن .. والى اخوها وسام وهو ياخذ الصحن من اخته : مشكوورة رجاء : العفو .. حاضرين ندى حطت لها بصحن وقعدت على جنب تاكل سلمان لما شافها : ندوووووي .. بدال ما تقومين وتصيرين سنعة وتحطين الى اخوج بصحن مثل ما سوت رجاء .. قعدتي وأكلتي ندى تفشلت منه ولكنها ردت عليها بشقاوة : كيفيي شوق وهي حاملة صحنين : اوكي سلمان .. هذا حقك .. وهذا الى فراس سلمان وهو يطالعها ويبتسم : مشكوورة شوق : العفو أحمد : شووووق وانا ؟؟ .. ترى اسراء ما بجيب لي .. بس حقها والى زوجها اسراء وهي تحمل صحنين : حرام عليك ظلمتني .. هاا جود ؟ احمد : يمةة .. اخاف حاطة فيه سم ليي .. لان خربت عليش الفاجاة اسراء : يمكن احمد : لحظة هااا جود محمود هذا لك .. وجيبي الي بيدج لي .. عشان اذا فيه سم الى زوجش ههههههه محمود : ههههههه الله يغربل ابليسك اسراء وهي تحمل صحنها : يالله محمود نروح نتمشى ؟ محمود وهو يبتسم لها : يالله واول ما تباعدوا عن الانظار .. محمود حوط يده على كتف اسراء .. وبدوا يمشون في المزرعة اسراء : محمود فرحان ليش اني حامل ؟ محمود وهو يترك يدها .. وبدى يمشي لما صار قبالها وفتح يده : هالكثر .. واكثر اسراء ابتسمت له : صدق محمود فرحان ؟ محمود وهو يرجع مكانه ويشبك يده بيد اسراء : اكيييد حبيبتي وشلون ما تبيني افرح وقريب بجينا ثمرة حبنا ؟ اسراء : محمود محمود : عيونه اسراء : تبي بنت او صبي ؟ محمود وهو يبتسم لها ابتسامة تطمنها : الي يجي من الله حياه الله اسراء : يعني بنت او ولد عادي ؟ محمود : أي عااادي .. الااااي اذا بنت بتصير عندنا اسراء صغيرة .. واذا ولد ابيه مثل احمد .. احمد .. صدقيني كنززز .. والي بتصير من نصيبه داعين لها وهي في بطن امها اسراء : أي والله .. لكني اذا طلع وللد ابيه مثلك .. صبي مملوح .. وغير قلبه الي مثل الكنز .. والحمد الله لحين انا محافظة عليه محمود : اسراء اسراء : عيونها .. وقلبها .. وروحها .. وحياتها محمود : احبش اسراء : ا ح ب ك ,,, احبك ماهي كلمه انا دايم ارددها ,,, ,,,احبك كلمة لاقلتها اقصد معانيها ,,, ,,, صحيح ان الحروف قليله اذا ودك تعددها,,, ,,, ولكن المعاني ماهقيتأنك بتحصيها ,,, ,,, وفا واخلاص وظروف تعاندي واعاندها ,,, ,,, مشاعر صادقهوالود ساكن في معانيها,,, Quote Link to comment Share on other sites More sharing options...
زنجبيل المملكة Posted نوفمبر 4, 2008 Author Report Share Posted نوفمبر 4, 2008 الحلقة " 10 " وبعدها اذن اذان المغرب .. والكل رجع المسكن .. للصلاة واول ما كملوا البنات من الصلاة شوق قعدت فوق السرير وفتحت دفرترها .. الي عبارة عن قلبها لان كل شي بخاطرها تكتبه هني .. بصورة شعر او خواطر معبرة رجاء بعدها قعدت قبالها : شنو يسوون الحلوين ؟ شوق : أبد .. قاعدة اتمنظر بدفتري رجاء : ممكن اقرى الي بالدفتر ؟ شوق تورطت ما عرفت شنو ترد رجاء : هووو اكلمج شووق شوق : هااا هلا رجاء : يا ربي .. اقولج عادي اقرى الدفتر شوق : اممممم عادي وقت ثاني ؟ رجاء : مو مشكلة وقت ثاني شوق ابتسمت لها رجاء : امممم ممكن اعرف شنو شاغل بالج ؟ شوق : لا ابد ولا شي .. مب شاغل بالي شي رجاء : افاا علي وانا بنت عمج والقريبة منج شوق : اممم لا صدقيني مب شاغل بالي شي رجاء : انا افهمج يا شوق .. سرحانج له معاني كثيرررة شوق : اناا ؟ رجاء : هههه لا انا شوق : رجاءووووو لا تظلميني رجاء : اوكي بنشوف .. بس مع الايام بذكرج شوق سكتت لان كلام رجاء لمس وترها الحساس بعد ما نزلوا الشباب والبنات تحت راحوا مكان ما الكبار قاعدين .. فوق الكراسي قريب شوية من المسكن ابو فراس : والله احين وابو وسام ورجع .. مو ناقصنا الا فرحة تضمنا كلنا ام فراس : فرحة مثل شنو ؟ ابو فراس : والله الود ودي .. زواج احد من هالشباب الي عندنا ام سلمان : اتمنى من كل قلبي .. هالصبي يتزوج سلمان : يمة عمري 23 .. لما يصير 24 يصير خير ام سلمان : فرق سنة ما يفرق سلمان : ولا يهمج يمة لما تمر هالسنة انا بنفسي بقولج اخطبي لي ام سلمان : يعني ما في وحدة ببالك تبيها ؟ سلمان : لا شنو لي بهذي السوالف .. أي وحدة انتي في بالج تبينها بنفسج روحي خطبيها لي فراس : اووووه اوووه الفال لي رجاء : والى اخوي بعد احمد : والى محمود هههههههه اسراء : احمدووووو محمود : هههههههه احمد وهو يروح وراء وسام : لا لا بس خلاص الفال لي هههههه اسراء : عبالي بعد ام سلمان : ندى ندى : نعم يمة ام سلمان : شرايج ببنت جيرانا مرام ؟ ندى : وااااجد طيووبة ام سلمان : اقصد شرايج فيها لو لما تمر هالسنة نخطبها الى اخوش شذى : أي حلووة تناسبه سلمان : ههههههه يالله مرام مرام .. هذي أي وحدة فيهم ؟ ندى : بعدين بقولك هههه سلمان : اووكي ابو فراس : الفال الى فراس ووسام نشوفهم في يوم وااحد احمد : يمة نسوني ام محمود : هههه الفال لوليدي بعد اشوفه معرس احمد : اميييين الكل سكتووو احمد : وييي قلت امين قولوا امين الكل : امين احمد : عبالي بعد الكل : ههههههههه ابو وسام : والله انك حبوب احمد .. الا قولي كم عمرك ؟ احمد : احم احم .. 23 قد سلمان ابو وسام : ولا يناسبك شكلك اصغر احمد : ههههه محمود : ما جيته قبل سنتين .. كأن طالب في الاعدادي الكل : هههههههه احمد : من حرتك اصلا .. لانك بتعجز قبلي الكل : هههههههه وبعدها بثلاث ساعات .. برز العشاء والكل بدى يتعشى وكلها كم ساعة .. البنات راحوا يخلدون للنوم .. لان تعب السيارة واليوم كله في المزرعة .. وفي غرفة الشباب احمد : اشوى لي سرير .. بدالي بنام مع هالدعلة الكل : ههههههههه وسام : عاد من فينا ؟ احمد : تبي الصراحة .. ما ادري هههههههههه الكل : هههههههههه فراس : هااا تتحدى ؟ احمد : في شنو فراس : اممممم احد جايب بتة او اونو ؟ الكل سكووت فراس : هههههه اسال قولوا أي او لا سلمان : السكوت علامة الرضا .. يعني لا ما جبنا فراس : اممممم عجل نكمل سهرتنا وين ؟ سلمان : ليش ما ننام كوا البنات والكبار كلهم ناموو فراس : لا وينا ووين النوم .. جايين نستانس وبعد مرور ساعات معدودة .. الكل خلد للنوم .. وعلى الساعة 3 الفجر في حجرة البنات .. رجاء قعدت من الرقاد عطشانة حطت شي على راسها ونزلت تحت تشرب لها ماي .. واول ما ردت الحجرة .. لفت الا تشوف سرير شوق مافيه احد استغربت رجاء : وين شوق في هالليل وين راحت ؟ عدلت رجاء الشيلة الي على راسها .. ونزلت تحت راحت تدور في الصالة المطبخ وكل مكان .. ما لقتها رجاء : ذي وين راحت .. يا ربي رجاء طلعت برى يمكن تشوفها مني مناك لقت انسانة كلها اسود ضامة رجولها الى صدرها ومنحنية على ركبتها رجاء استغربت من المنظر .. وفي نفس الوقت كسرت خاطرها وهي تتقرب بهدوء .. وتحاول ما تصدر صوت .. لما سمعت صوت شقهات بكاء .. انصاعت .. رجاء في نفسها : شفيها شووق رجاء تقربت اكثر وحنت نفسها الى شوق : شووق شوق لما سمعت صوت احد خافت .. ورفعت راسها شوية شوية .. ولما شافت وجه رجاء حست شوية بالأمان .. ورجعت راسها بين ركبها وبدت تصيح اكثر واكثر رجاء استغربت : شوق شفيج ؟ شوق : ...... رجاء : شوق في شي يعورج شوق جوابها الشقهات رجاء : شوق حبيبتي قومي دخلي داخل مو زين تصيحين في هالليل والظلمة شوق زاد صياحها رجاء تحيرت مو عارفة شنو تسوي قعدت قبال شوق وظلت ساكتة دقايق رجاء : شوق حبيبتي قولي لي شنو فيج ؟ شوق : ....... ( لحين تصيح ) رجاء تحيرت معاها : امممم أحد زعلج ؟؟؟ أحد ضايقج ؟ شوق : ..... رجاء : شوق ردي علي .. رفعي راسج ( وتحاول ترفع راسها ) وبصعوبة رفعت راسها .. وبدت تمسح دموعها .. وتحك عينها مثل الطفلة رجاء : شوق شفيج ؟ شوق بصوت اقرب للهمس : ما فيني شي رجاء : شنو ما سمعت ؟ شوق بصوت مبحوح : ما فيني شي رجاء : انزين قومي ندخل داخل شوق قامت بصعوبة .. راسها يألمها من كثر الصياح حملت نفسها الى الداخل وفي طريقهم الى داخل غرفة البنات شوق : رجاء ما ابي ادخل رجاء : ليش عاد ؟؟ متهاوشة مع ندى او شذى ؟ شوق : لا بس ما فيني رقاد رجاء : اوكي عجل بقعد معاج شوق : لكن ... رجاء : لكن شنو .. ترى ما فيني رقاد حالي من حالج .. يالله امشي نقعد وقعدوا السكوت عنوان قعدتهم .. ولما تنازلت رجاء وبدت بالكلام رجاء : يعني ما بتقولين لي شنو فيج ؟ شوق بدت تتذكر الي صار .. والكلام ينعاد عليها مئات المرات .. وبدت عيونها تدمع .. مثل حبات الؤلؤ على وجنتيها رجاء لما شافت شكلها نزلت راسها وتنهدت .. وبعدها تقربت من شوق وضمتها الى صدرها بكل حب .. هني شوق ما قدرت تستحمل .. بدت تصيح بشهقات وهستيريا رجاء وهي تمسح على راسها : بس خيتوو شنو مزعلج ؟ شوق : ...... ( صوت بكاء لا غير ) رجاء بدت تمسح على راس شوق وتهديها .. وبعد ربع ساعة ورجاء تحاول تهدي شوق .. شوق هدت شوية رجاء تبي تغير شوية الموضوع : صراحة انا ميتة جوع .. شرايج نروح ناكل لنا شوية قبل ما يأذن ؟ شوق وهي تمسح آخر دمعة : يالله ونزلوا تحت في المطبخ عشان ياكلون واول ما كملوا اكل .. ركبوا فوق عشان يصلون .. وبعد الصلاة بصفة ان سرير شوق جنب سرير رجاء رجاء : شوق ما بتقولين لي شفيج شوق بين دموعها بهدوء : شنو تبيني اقولج ؟ رجاء : الي فيج .. شنو الي خلاج تصيحين ؟ من الي خلاج تجافين النوم خبريني انا بنت عمج شوق بدت تنزل دموعها وتسند راسها على الجدار الي خلفها بتعب شوق : آآآه شنو اقولج وشنو اخلي رجاء : قولي الي ودج تقولينه .. كل شي بقلبج قوليه وبدت شوق تسرد حكايتها الى رجاء ونلتقي بالبارت الثالث توقاعتكم * اسراء ؟ هل من مزيد في حياتها ؟ * ام سلمان وفكرة خطبة ولدها ؟ * مرام ؟ هل بتكون شخصية من شخصيات قصتنا ؟ * سلمان ورايه بالفكرة ؟ تتوقعون يكابر او من صدقه ؟ * شوق وصياحها الغامض ؟ * ندى و شذى ؟ * وسام واحمد وفراس ؟ شنو مخبي لهم القدر ؟ Quote Link to comment Share on other sites More sharing options...
زنجبيل المملكة Posted نوفمبر 6, 2008 Author Report Share Posted نوفمبر 6, 2008 الحلقة " 11 " وبدت شوق تسرد حكايتها الى رجاء شوق وهي تمسح الدمعة الي سالت من عينها : صدقيني يا رجاء حاولت وتعذبت وانا احبس هالشي في قلبي .. بس تعبت مو قادرة .. احس اني ودي ابوح لأحد عن الي بقلبي .. غير الورقة وقلم رجاء : همم شوق : اختي اسراء كانت مشغولة بحياتها الزوجية في الآونة الاخيرة .. ندى والي كانت اقرب وحدة لي .. لكن !! .. ( وبتدت تصيح بصوت مكتوم ) رجاء : لكن شنو ؟ شوق : شلون ؟؟ شلون تبيني اقول لها وهي ... رجاء : وهي شنو ؟؟ هل شي يتعلق بندى ؟ سوت لج حركة مثلا ؟ زعلتج ؟ شوق : لا بالعكس .. بس اليوم حسيت ان قلبي ينطعن .. وينجرح .. كفاية الجرح الي لحين ما تلاءم .. ويجيني جرح غيره .. احمد ربي اني تمالكت نفسي .. وما طيحت دموعي .. والله تعبانة يا رجاء .. تعبانة موووت .. مب قادرة استحمل رجاء : صلي على النبي حبيبتي .. وقولي لي شفيج وليش جرحين ؟ شوق : اللهم صلي على محمد وآل محمد .. ( واخذت نفس ) رجاء ابتسمت لها ابتسامة تحمل كل معاني الامل والتفاءل شوق لما شافت ابتسامة رجاء حست بالامان : يا رجاء .. قلبي حب وخلاص .. وللاسف ما اقدر اعبر عن حبي وعارفة انه حب من طرف وااحد .. يا رجاء انا انا .. انا احب سلمان رجاء شوق : لا تطالعيني جدي .. انا احبه من صغري .. لما كان عمري بين الـ 14 و الـ 16 .. كنت اقول مجرد حب في فترة مراهقة وطفولة .. لكن كنت اكبر وحبي الى سلمان كل يوم يكبر .. ما كنت اشوف احد غيره محرم علي .. فراس اخوي .. واحمد مثل اخوي .. ولكن سلمان كنت لما اروح بيتهم ازور ندى .. احب اني لما اشوف وجهه .. احس بالبرودة في عز الظهر .. صدقيني يا رجاء غصب عني .. سلمان انسان وسيم .. وغير جدي اسلوبه .. حياته .. ابتسامته .. وكل شي فيه يعجبني .. ( وابتسمت لما تذكرت ابتسامته ) وبعدها صارت الابتسامة سراب .. وبدت الدموع تتجمع بعينها شوق وهي تكمل ودموعها خلاص نزلت : قولي لي شسوي ؟؟ احبه ولكن !! .. مرام ؟ .. خالتي تبيها له .. وانا شنو اقدر اسوي عشان ادافع عن حب عشته وصار دولتي الي عايشة فيها .. شسوي يا رجاء ؟ ( وبدت تبكي بصوت مسموع ) رجاء شافت حركة شذى بالسرير وخافت ان تزعجهم .. واخذت شوق معاها برى رجاء : يا حبيبتي يا بنت عمي .. ما توقعت هالشي كلش .. بس شوفي لو يكون حب من طرف وااحد .. ( وتمسك يد شوق ) بيدج هذي تقدرين تخلينه حب متبادل .. سلمان ظروفه ما اظن سمحت له يتعرف على بنت او يتعلق ببنت .. ولكن !! شوق : عارفة ان المشكلة هني .. شلون بوصل له حبي .. كانت نظراتي تبين حبي صدقيني .. حتى اسلوبي معاه بالكلام .. حبي له كان فاضحني يا رجاء .. بس هو ما يحس فيني .. ما يحس يا رجاء رجاء : لا عاد مو الى هالدرجة .. تبيني اكلمه ؟ شوق : لا مستحييييل .. شنو بتقولين له !!! بتقولين له شوق تحبببببك ؟؟؟ .. تبينه ياخذ عني فكرة مو زينة ؟ .. اني قاطة نفسي عليه .. لا يا رجاء رجاء : شوق حبيبتي قومي احين ارتاحي .. ترى عينج محمرة .. وباين عليج ما رقدتي كلش .. قومي ارتاحي .. ولما تشرف الشمس يحلها الف حلال وحملت شوق نفسها الحزينة .. وهي عارفة ان هالمشكلة بالذات ما لها حل ابد في الغرفة .. رجاء على السرير حاسة نفسها مو عارفة شنو تسوي .. شلون تتصرف ؟؟ .. وشوق بنت عمها تبي تنقذها من هالحب ؟؟ .. وانا ؟؟ .. هل من الممكن احب شخص وهو ما يحبني ؟ او ما يعرف عن حبي .. لكن ما في شي بعيني عشان ما يحبني .. ولكن !! .. حتى شوق كاملة والكامل الله .. آآآه يا ربي .. ساعدني وخلني احل مشكلتها المسكينة وتشرق الشمس وتعلن ان هناك يوم جديد .. مليء بالمفاجاة في غرفة الشباب .. وسام بهدوءه كان اول القاعدين .. بس ما تغسل وكل شي قعد معاه سلمان .. وبعد ما برزوا وكل شي سلمان : شفيهم هذولا لحين مو قاعدين احنا جايين نستانس مو ننام وسام : شدراني عنهم .. الا احين الساعة كم ؟ سلمان وهو يطالع تقولنه : احين الساعة 10 ونص .. كل منهم ما خلونا ننام من ازعاجهم البارحة وسام : شوف بس شنو بسوي فيهم .. مللونا من ازعاجهم امس .. واليوم انا بمللهم واخذ له قلاصين .. وعباهم ماي بارد .. واخذ واحد .. وسلمان اخذ وااحد وسام وسلمان : واااحد ثنين ثلااااااااااااااثة أحمد وفراس شهقووو احمد وهو ياخذ نفس بعصوبة : بسم الله وسام وسلمان : هههههههههههههههههههههههههههه ههههههههههههههههه ههههههههههههههههههههه فراس وهو لحين مو مستوعب وسام : هههههههههههه يالله يالله قدامنا روحوا غسلوا هالوجه احمد : دواك عندي لحظة بس سلمان : هههههههههه وفي غرفة البنات ندى وهي تنشف وجها من قطرات الماي : صباح الخير رجاء وشذى : صباح النور شذى : وهذي شوقوا على راسها ريشة .. شوووووو .... وتقاطعها رجاء : لا خليها لا تقعدينها .. لان .. أي لان امس ما نامت .. كان بطنها شوية يألمها شذى : اهااا .. يالله عجل ننزل احنا ندى : سبقوني .. بعدل شعري رجاء : اوكي .. يالله شذى وعند الدرج .. سلمان ووسام ينزلون بسرعة ( ركيض ) لان احمد وفراس متحلفين فيهم رجاء : ههههههه شفيهم هذولا ؟ شذى : ههههههههه مثل الخيول رجاء وشذى : صباح الخير الكل : صباح النور وسلموا على الكبار رجاء : وسام شفيكم تراكضون ؟ وسام : ههههههههه سلامتج ام فراس : الا وينهي شوق ؟ رجاء وهي تلف نظرها الى سلمان تشوف ردة فعله : شوق البارح كانت شوية تعبانة .. وما رقدت الا متاخرة ام فراس : اهااا رجاء هني بانت علامات الحزن على ملامح وجها .. ما يحس .. كلامي ما هز منه شعرة .. آه يا شوق .. الله يساعدج على ما بلاج وسام : فراس وين تلفوني ؟ فراس : يؤؤؤ نسيته فوق وسام : مو مشكلة وسام وهو يركب الدرج .. واختفى عن الانظار ندى وهي تطلع من غرفة الشباب .. وبوجها وسام وسام كان مستغرب لوجود ندى في غرفة الشباب ومليون سؤال في راسه .. وغير نظرات العصبية الي بتاكل ندى .. ندى هني رفعت التلفون الي في يدها ندى بتلعثم : انـ .. جـ .. وسام لما شاف النقال الخاص فيه في يد ندى بدى يطالعها بحدة وبعصبية مبينة من عيونه .. وهو يشد على اسنانه : نددددى شنوووو تسووووين هنييييي ؟ ندى وهي تناظره بعيون تلمع والدموع متجمعة فيها : وسسـ .. وسام اناا ؟ وسام وهو ياخذ نفس يحاول يهدي نفسه : انتي شنو ؟ ندى وخلاص دمعتها نزلت ( هني حس بالضعف وسام ) : اناا .. انا بس كنت طالعة .. اقصد نازلة تحت ( وهي تشهق ) سمعت صوت التلفون .. و . و دخلت عشان اجيبه لك .. ( هني مسحت دمعتها الى وصلت لذقنها ) وبس وسام هني حس بتانيب الضمير .. لان ظلمها بشكه فيها .. وغير جدي دموعها .. صياحها .. شهقاتها .. ذاب قلبه وسام ابتسم لها عشان يحسسها بالأمان : مو مشكلة حصل خير ( ومد يده عشان ياخذ التلفون ) ندى ردت له بابتسامة بعين محمرة شوية من دموعها .. وحطت التلفون في يده وسام : آسف ندى : كله واحد وظل السكوت من بينهم ندى استحت وحست انها خلاص حرانة .. والوانها متغيرة ندى بصوت اقرب الى الهمس : استاذن ونزلت تحت وفي غرفة البنات شوق فتحت عيونها بصعوبة .. وهي تحاول تتحرك مو قادرة .. حاسة نفسها ثقيلة لدرجة كبيرة .. آه يا ربي .. ليش خليتني احب يا زمن ليش ؟؟؟ .. وليش سلمان بالذات .. انا ما اعني له شي .. ولا عمره فكر فيني مجرد تفكير .. نظراته لي هادية وما تحمل أي معنى .. واذا نظر لي اصلا .. غمضت عيونها وسالت دمعتها على خدها .. آآآآآه خـــــــلاص انتهـــــــت الحكايــــة Quote Link to comment Share on other sites More sharing options...
ShAi5at eLbNaT Posted نوفمبر 6, 2008 Report Share Posted نوفمبر 6, 2008 يسلموو على البارت ننتظر البارت الياي لاتطول Quote Link to comment Share on other sites More sharing options...
زنجبيل المملكة Posted نوفمبر 6, 2008 Author Report Share Posted نوفمبر 6, 2008 يسلموو على البارت ننتظر البارت الياي لاتطول لا ان شاء الله مال طول نطريني باجر ثنكس Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.