زنجبيل المملكة Posted نوفمبر 7, 2008 Author Report Share Posted نوفمبر 7, 2008 الحلقة " 12 " وبين الاهل في الصالة رجاء وهي قطعة السندويج من امها : يبة متى بنرجع ؟ ابو وسام : ليش مليتي يا بنتي ؟ رجاء : لا بالعككككس فرحانة ابو وسام : والله ما ادري عليكم شوفوا حابين ترجعون شذى : عمي عشان رجاء مع اوراقها في الجامعة ابو وسام : لا صديقي ما بقصر ان شاء الله رجاء : أي عشان الجامعة بعد آخذ لي ثياب واغراض ام وسام : ان شاء الله اول ما نرجع تروحين مع بنات خالتج وبنت عمج تشترين لج رجاء : ان شاء الله ام فراس : الا وينهي شوق لحين ما قعدت ؟ رجاء : لا لحين ام فراس : قومي شوفيها يا رجاء رجاء : ان شاء الله خالتي وركبت فوق عشان تشوف شوق لقتها لحين راقدة .. قعدت على طرف السرير رجاء : شوق شوق : ... رجاء : شوق حبيبتي يالله قومي الكل قعد شوق : .... رجاء خافت وتقربت من شوق اكثر رجاء بصوت فيه نبرة الخوف والحنية : شووق !! شوق ( همهت واراحت قلب رجاء ) رجاء ابتسمت براحة : يالله قومي شوق وهي دايخة ومو سامعة الكلام عدل : همممم رجاء قربت من شوق وشالت للحاف عن وجه شوق .. شافته شاحب واثر الدموع مبين عليها : شوق انتي تعبان ؟ شوق هزت راسها بمعنى أي رجاء : شنو يعورج ؟ شوق غمضت عيونها وسالت منها دمعة حزينة ومتالمة رجاء بحزن : شوق حبيبتي ماله داعي كل هذا الي تسوينه .. احين قومي ويصير خير ومسكت رجاء يد شوق .. عشان تقومها من سريرها .. واول ما قومتها شوية شوق وهي دايخة : رجااء مو قاد.... ولحين ما كملت كلامها طاحت على الارض مغمي عليها رجاء : مبيييي ( وهي تصارخ ) شوووووووق هني تحت الكل سمع صرختها واول وااحد راح فوق وسام .. ووراه الكل اول ما دخل وسام وسام : عسى ما شر رجاء بين دموعها : الحق علي وساااام .. شوق طاحت علي ما ادري شفيها وسام هني ما عرف يتصرف يروح يمين ويسار .. لما دخل فراس فراس : شصااااير شفيها تصارخ ؟ وسام متلعثم : شوووق شوو .. فراس وهو يبي يعرف شصاير دخل شاف شوق طايحة في حظن رجاء .. ورجاء تحاول تقعد فيها وهي تصيح فراس وهو يطلع برى ويشوف ان البنات توهم واصلين : ندى روحي ندى وهي خايفة : اروح وين ؟ فراس : روووحي جيبي شي حلووو أي شي بسرعة ندى تورطت من وين لي ونزلت من على الدرج وهي تركض ووسام راح يجيب ماي والكل تجمع في غرفة البنات .. ويحاولون يقعدون شوق .. وام فراس قلبها ماكلها على بنتها وكلها عشر دقايق وتقعد شوق بصعوبة رجاء بفرح : قعدت شوووق شوق اول ما قعدت كحت ام فراس : حلوو حلوو .. جودي شربي لج قطرة ماي وبعد ما صار شوية اشوى .. قعدت فوق سريرها .. والكل طلع عشان ترتاح .. وآخر شي كانت معاها رجاء رجاء وهي تلحف شوق بحنان : يالله ريحي احين .. بروح اسوي لج ريوق وبجيه لج اووكي شوق : رجاء رجاء : نعم شوق ابتسمت لها : شكرا رجاء : ليش ؟؟ على العموم العفو .. ولا تدلعين مرة ثانية خوفتينا عليج شوق ابتسمت لها : رجاء لو ما عليج امر ابيج تجيبين لي الدفتر ( واشرت على دفتر ) رجاء : ان شاء الله وبين الاهل تحت ابو فراس : ليش يا ام فراس ؟ هي شنو فيها شوق عشان تطيح علينا مرة وحدة ام فراس : والله علمي علمك .. امس ما فيها الا العافية شذى : رجاء تقول كانت البارح شوية تعبان .. وما نامت عدل هني رجاء نزلت ام فراس : ها بشري شخبارها احين ؟ رجاء : اشوى .. بس ابي آخذ لها فطور احين .. عشان شوية تصير عندها طاقة ام فراس : تعالي معاي .. انا اعرف شنو تحب شوق رجاء : ان شاء الله خالتي شذى وهي تكلم ندى : تتوقعين شنو فيها شوق ؟ ندى : ..... شذى وهي تطالع ندى شافتها سرحانة : يووو ندى اكلمج ندى قعدت من سرحانها : هااا هلا قولي شذى : الي ماخذ بالج يتهنى به ندى : هههه .. انزين آمري شذى : لا بس كنت اسالج تتوقعين شفيها شوق ؟ ندى ولحين شوية سرحانة : الله العالم واول ما برز الفطور .. رجاء استاذنت منهم وراحت فوق الى شوق واول ما دخلت الغرفة .. شافت شوق مغمضة عيونها .. وفي يدها القلم .. وجنبها الدفتر ومفتوح على صفحة معينة جاها فضول .. وحبت تعرف شنو في قلب شوق فتحت الصفحة وبدت تقرى فيه انتهت الحكايه.. وأسدل الستار على آخرفصولها .. انتهت يا سيدي .......... ولم تعد هناك حكايه،، انتهت الحكايه،، وانتهت بذلك لحظات الحب والأمل ،،والنور والبسمات .. انتهت و أخذت معها الأمن والأمان والإطمئنان .. انتهت الحكايه،، وأعلن القلب انتهاء دقائق الشوق و خبو جمر الإنتظار ...... انتهت الحكايه ،، وانتهت الضحكات .. انتهت الحكايه ،، وانتهت مآسيها !! انتهت الحكايه ،، وطويت صفحاتها .. لقد انتهت ياسيّدي ،، نعم انتهت ،، انتهت بكل مافيها من عنفوان و أحاسيس،، انتهت بكل أحداثها ،، ومشاهدها ،، وصورها .. انتهت الحكايه ،، لتبدأ فصول الشقاء والألم .. انتهت،، لينقلب الفرح كآبةً ،، و تصبح البسمة دمعات ،، وتحول الأمان إلى خوف وحيره .. انتهت الحكايه ........ وهذه هي النهاية ،، نهاية لا نعرف ماهيتها،، غامضه ... لا تعرف للوضوح سبيل .. مبهمه ،، معتمه ،،مباغته ،، قاسيه ،، مؤلمه ،، وجارحه .. لا أعرف كيف جاءت ،،ولماذا ،، ومن أين ؟؟ مايهمك يا سيدي انك تعرف انها النهاية .. نهايه سريعه ،، لم تتوقعها ولم أتوقعها اناكذلك .. نهايه ...... أزعجني قدومها كثيراً ،، وحكايه،، آلمني انتهاؤها سريعاً .. هذ اعني .. وعن إحساسي ،، عندما أسدل الستار على تلك الحكاية الجميلة،، أما عنك ،، فأنا لا أعلم ،، ولا يمكنني التكهنب مشاعرك حينها ....... إذاً .. فلنسدل الستار ... لأنها ........ خلاص انتهت الحكاية رجاء هني ابتسمت بحزن .. ورجعت الدفتر مكانه رجاء : شوق قومي تريقي شوق : هممم رجاء : شوق قومي اكلي لج لقمة عشان تستقوين شوق : اوكي .. ( وقعدت فوق السرير وبدت تاكل لها شوية ) رجاء : شوق شوق : نعم رجاء : سوري بس انا قريب شي كتبتيه في هالدفتر ( واشرت على دفتر شوق ) شوق تغيرت الوانها وعم السكوت من بينهم شوق : مو مشكلة .. خلاص انتهت الحكاية .. وانتهى معاها هالدفتر .. يعني قريتيه او لا .. ما عاد يفرق معاي رجاء : خلاص بتتركين حبج الي سنين وانتي وراه شوق : شنو تبيني اسوي يا رجاء .. صح انا سنين وراء هالحب .. بس خلاص ضاع مني .. ليش اظل متشبكة بوهم .. بشي سراب .. وانا عارفة انه مو لي رجاء : هدفنا .. ولازم نوصل له شوق : ما في حل .. تبيني اروح له اقوله انا احبك .. احبك وابيك .. شنو بقول عني قاطة نفسي عليه .. يالله خلنا نهونها وتهون .. وانسى هالحب .. الاول والوحيد رجاء : خلاص بتوقفين حياتج .. عند هالنقطة وبس ؟ شوق : خلاص يا رجاء .. وصلت الى طريق مسدود .. رجاء : بس يعني .. بتوقفين حياتج وخلاص ؟ شوق ابتسمت بألم : خلاص قطار الحب فاتني .. وسبقني .. والزمن ما يرجع للوراء رجاء تنهدت وما علقت على كلام بنت عمها .. شنو هالزمن !! بنت في بداية عمرها تدمرها حرام والله حرام .. زمن قاسي .. اقسى من ظروفنا على نفسنا Quote Link to comment Share on other sites More sharing options...
زنجبيل المملكة Posted نوفمبر 8, 2008 Author Report Share Posted نوفمبر 8, 2008 اعـلآن وبين الاهل .. بعد ما كملوا الفطور .. راحوا يتمشون وسام .. وندى وشذى .. واحمد وسلمان وفراس .. ورجاء ندى وهي تمشي بجانب سلمان ندى : سلمان انت من صدققك تبي تتزوج زواج تقليدي .. يعني ما في بنت في بالك ؟ سلمان بلا مبالاة : أي ما في احد في بالي ندى : اممم اهاا سلمان : ليش يعني تسالين ؟ ندى : لا مجرد سؤال .. ( وبعد دقايق سكوت ) شوق اليوم كسرت خاطري يوم تطيح علينا سلمان : شنو فيها بالضبط ؟ ندى : الله العالم .. ما ادري سلمان : ليش ما خبرتكم هي من شنو تتالم ؟ ندى : لا ما خبرتنا سلمان : اهااا .. يالله ان شاء الله خير ندى : آمين مستحيييل .. مستحيييل تنزل دمعتها من جديد .. وهو احين بيدي .. واقدر اقربهم بسهولة .. بس هي سالفة وقت .. ونلتقي في الفصل الثاني توقاعتكم * شوق ؟؟ وحبها الي من طرف واحد ؟ هل فعلا انتهت الحكاية ؟ او مجرد كلام ؟ وقلبها لحين يعاني ؟ * رجاء ؟ شنو من الممكن تسوي لمساعدة بنت عمها ؟ * (مستحيييل .. مستحيييل تنزل دمعتها من جديد .. وهو احين بيدي .. واقدر اقربهم بسهولة .. بس هي سالفة وقت .. )من قائل هالعبارة تتوقعون ؟ وليش ؟ * وسام وندى ؟؟ وصدف القدر الي تجمعهم ؟ * شذى ؟ * احمد وفراس ؟ * اسراء وزوجها ؟ Quote Link to comment Share on other sites More sharing options...
h_lo0ove Posted نوفمبر 9, 2008 Report Share Posted نوفمبر 9, 2008 مشكور اخويي عـ القصة الروعه يعطيك العافية وبنتظار البارت اللي بعده Quote Link to comment Share on other sites More sharing options...
زنجبيل المملكة Posted نوفمبر 9, 2008 Author Report Share Posted نوفمبر 9, 2008 مشكور اخويي عـ القصة الروعه يعطيك العافية وبنتظار البارت اللي بعده العفوو الله يعافيك \ـج انتظري عقب شوي Quote Link to comment Share on other sites More sharing options...
زنجبيل المملكة Posted نوفمبر 9, 2008 Author Report Share Posted نوفمبر 9, 2008 الحلقة " 13 " مستحيييل .. مستحيييل تنزل دمعتها من جديد .. وهو احين بيدي .. واقدر اقربهم بسهولة .. بس هي سالفة وقت .. الأيام بالمزرعة مرت بسرعة .. بهذي الزيارة تقربوا الاهل اكثر واكثر .. بعد ما كانوا متبعدين كل البعد .. شوق وحبها لسلمان اندفن هني .. في هالمرزعة .. وسلمان ما يدري عن حبها .. ولو يعرف هل من الممكن يبادلها هالحب ؟ ندى ووسام .. والصدف الحلوة من بينهم .. دايم تقربهم وتجمعهم .. ولكن !! رجاء .. وتفكيرها في بنت عمها زاد الفترة الي طافت .. لما شافت بنت عمها مشغولة البال .. هايمة في احلامها الماضية .. وتوعدت بينها وبين نفسها تكون لها عون وتساعدها تطلع من هالمحنة الصعبة اسراء ومحمود .. حياتهم كانت اقرب لشهر العسل .. في المزرعة ومنظارها الحلوة .. وخصوصا فرحهم بالبيبي الجديد شذى .. تفكيرها بمشاعرها المتناقضة في الي يدور حولها .. والي مو فاهمته احمد وفراس .. صاروا اقرب من بعد .. بسببهم سنهم المتقارب .. بعد ما الكل حمل اغراضه عشان يرجعون بيتهم في سيارة ابو وسام ابو وسام : هااا ان شاء الله استانستوا ؟ وسام : وااااجد يا يبة ابو وسام : وانتي يا رجاء ؟ رجاء : اكييد يبة فرحت وااجد هناك ام وسام : ان شاء الله السنة الجاية بعد نعيد هالطلعة الحلوة .. بصراحة حتى انا ستانست مع الحريم .. ام محمود ما شاء الله عليها حبوبة وتدخل القلب .. صدق عندنا اهل ينحطون على الجرح يطيب .. واحنا ما نعرفهم الا معرفة سطحية ابو وسام : يالله ان شاء الله الافراح تجمعنا الكل : ان شاء الله ومرت الايام وقربت المدارس والجامعات تفتح الكل مستعد لها .. وفرحان .. وباقي على فتاحها اسبوعين رجاء وهي تنزل من الدرج ولابسة عبايتها : يالله يمة تامريني على شي ام وسام : على وين يا بنيتي ؟ رجاء : يمة نسيتين !!! ام وسام مستغربة : نسيت شنو ؟؟ رجاء : يووووه يمة قايلة لج بروح السوق مع ندى وشذى وبنت عمي شوق ناخذ لنا ثياب للجامعة ام وسام : اهاااا .... انزين من بوديكم ؟ رجاء وهي مستغربة لانها قايلة الى امها امس : سايقنا !!! ام وسام : أجلوا طلعتكم رجاء منصدمة : لييييييييييييييش يمــــــــــــه ؟؟؟؟؟؟ ام وسام : رجاء صيري عاقل السايق احتاجه اليوم ... وانتي طلعتج تقدرين تاجلينها رجاء وشوية وتصيح : يمة حرام عليج انا قايلة لج من امس العصر .. وقلتي ما تحتاجين السايق ام وسام : خلاص اليوم احتاجه وبس ما بيني وبينج كلام رجاء ودمعتها خلاص طاحت : وبنات خالتي وشووق !!!!!! شقول لهم ؟؟؟ ام وسام : اعتذري منهم .. ويالله بلا كلام فاضي روحي جيبي عباتي رجاء وهي بتركب الدرج بتروح فوق تلبي طلب امها ومضايقة وفجــــــــــــأة وسام : السلام علييييييييكم ام وسام : وعليكم السلام رجاء بصوت حزين ومنخفض : وعليكم السلام وسام وهو يحب راس امه : شخبارج يالغالية ؟ ام وسام : بخير يا وليدي وانت شخبارك .. ( وهي تكلم رجاء ) يالله يا رجاء انتظر العباية رجاء بحزن : انزين وسام يرد على امه : انا بخير ( وهو يطالع رجاء ) شفيييه برطومج نازل ؟ رجاء : امييي وسام : شفيها امي !!!! وبدت رجاء تقول الى اخوها وسام وهو يبتسم ابتسامة عريضة : افاااا عليش تصيحين عشان طلعة ... وانااا !! وين رحت ... افااا بس افاا رجاء بفرح : صدق بتودينا يعنيييييي ؟؟؟ وسام : اكييييد .. يالله مسحي دموعج ومشينا ام وسام : ريحتني من حنتها وزعلها رجاء : ههههههه .. ثواني بس اعدل شكلي وسام بطيبة : اخذي راحتج اختي الوحيدة رجاء طالعت وسام بحب .. صدق عندها اخوو من ذهب .. ياااااه شكثر قلبه طيب .. وغمزت له ... وراحت فوق تركض وتوها داخلة الحجرة يرن تلفونها رجاء : الوووو ندى : وعلة وريييح !!! ويييييييينج ؟؟ رجاء : بل عليج يا ام الدعاوي .. في عدويني ان شاء الله ندى : الزبدة ويييينج ؟؟ رجاء : دقايق وواصلة ندى : يالله بسرعة لا تتاخرين رجاء : أول بمر على شوق وبعدين جاية لكم ندى : اووووه واخيرا شوق اقتنعت ووافقت تجي معانا رجاء وهي تتذكر الي صار رجاء : شوووق طلبتج لا ترديني شوق بنبرة حزن : عارفة شنو تبين ... يا شوق مالي زاغر اروح .. بعطيج فلوس وانتي اشتري لي على ذوقج .. ولا تخافين ترى يعجبني ذوقج رجاء : لا انااا ابيج انتي تجين معانا ... تغيرين جو شوية وترفهين عن روحش شوق : صدقيني مالي زاغر طلعة ودوارة وتسوق .. زين مني بداوم الجامعة رجاء : شنووو ؟؟ شوق : سلامتج بس حاولت اقنع ابوي اني اقعد هالفصل راحة وبداوم الفصل الجاي بس رفض رجاء بعصبية شوية : شوووووق حطي عقلج في راسج وفكري .. وترى سلمان ماهو آخر صبي في الدنيا وفي العالم .. وبجيش الي احسن منه شوق وهي تصيح : مو ذنبببه يا رجاء مو ذنننننبه .. الذنب ذنبي اني حبيت في هالمجتمع .. خلاااااااص هالزمن مافي حب قبل الزواج .. ومن غبائي اصصصلا .. تدرين ما ابي اتشاور في هالموضوع ابي ارتاح خليني بروحي .. وعلى الطلعة بطلع .. بس بليييز ( وبتوسل قطع قلب رجاء ) لا تفتحين جرح يالمني وااجد بلييييز .. وطاحت دمعة من عين شووق وصممممممممممخ .. اكلللللمج رجاء هني قعدت من سرحانها على صراخ ندى : وعلة صمختي اذوني ندى : شدراني عنج صار لي سنة اكلللمج ما تردين علي رجاء : اقووول بااي لا نتاخر ندى بخفة دم حلوة : بايوووش Quote Link to comment Share on other sites More sharing options...
ذكرى ! Posted نوفمبر 10, 2008 Report Share Posted نوفمبر 10, 2008 يسلموو اخووي ع الباارت Quote Link to comment Share on other sites More sharing options...
ذكريات! Posted نوفمبر 10, 2008 Report Share Posted نوفمبر 10, 2008 يسلمو اخوي ع الباارت بنتظاار الباارت اليااي والله يعطييك الف عاافية Quote Link to comment Share on other sites More sharing options...
زنجبيل المملكة Posted نوفمبر 10, 2008 Author Report Share Posted نوفمبر 10, 2008 الحلقة " 14 " وفي السيارة رجاء وهي تسوي مسكوول الى ندى بمعنى نزلي وصلنا ندى : يالله شذى وصلت رجاء شذى : واخيرا ندى : عاد احين بشوف في السيارة واااجد تاخرت علينا بشوف الدبةةةةةةة واول ما نزلوا البنات .. يدرون سيارة السايق ما حصلوها شذى ندوووش مو كأن هذي سيارة وسام ( وهي تاشر على السيارة ) ندى وهي تدور على سيارة السايق : يوووو شدخل وسام .. السايق بودينا مو هو وشوية الا رجاء تفتح الدريشة وتنادي : ندوووووووي احنا هني تعالووو شذى : مو قلت لج ندى هني بلعت ريقها ومشت رايحة للسيارة شذى اول ما دخلت : السلام عليكم الكل : وعليكم السلام ندى بصوت خافت : السلام عليكم الكل : وعليكم السلام رجاء : سووري تاخرت عليكم شذى : لا عادي كله وااحد رجاء : وشخباركم بعد ؟ شذى : بخييير .. وانتي شخبارج ؟ وشخبارك وسام ؟ وسام : بخير الحمد الله شذى : الحمد الله شذى وهي تكلم شوق الي سرحانة تطالع في الدريشة : واخيرا وافقتي تجين معانا شوق ابتسمت لها : وانا اقدر ارفض لكم طلب شذى : كلاااااااااااام .. شوق : ههههه ليش ؟ شذى : والله بالغصب رضيتي تجيب رجاء : رضت والا انرضت لازم تجي مب على كيفها شذى : أي احنا ما ندلع وااجد شوق : ههههه يو كليتوني خلاص تراني معاكم احين وسام كان شارد الفكر .. تكلمي بلييييز تكلمي .. ليش ساكتة ؟؟؟ ليييش ؟؟؟ خليني اسمع صوتج حبيبتي بليييز .. !!! حبيبتي !!! من متى ؟؟؟؟؟؟؟ وشلوووون ؟؟ ولييييييش ؟؟ يا وسام خلك ثقيل واستح شوية هذي بنت خالتك .. لكنييي احبهاااا .. أي أي احبهااااا ولو ما كنت احبها ما قلت هالكلام .. بس هذي بنت خالتك تبيها تقدم لها وعيش معاها قصة حب في الزواج ... لييييييش !!! ليش المجتمع ما يخلينا نعيش قصة حب شريفة قبل الزواااج ليييش !!! انا عندي ظروفي ... بس ما يصير يا وسااااام خلك عااقل وفكر بعقل .. واصلا ندى ما بترضى تعيش معاك قصة حب ... ولييييش ما ترضى ليييش ؟؟؟ .. هل معقوولة في انسان في حياتها .. لااااااا مستتتحيل لااااا .. هالفكرة خوفت وسام .. رجاء بخوف : وسااااام ....... رجاء وشوية تعلي صوتها : وسااااااام وسام : هااااا .. اقصد نعم رجاء : شفيك سرحان يا اخوي في شي شاغل بالك وسام مباشرة طالع المنظرة الي قداااه .. وتراقت انظارهم .. واقل من ثانية ندى نزلت عيونها من حياءها وسام ابتسم .. تحبنييييي تحبنييييي رجاء : يووو اكلمك وسااام شفيييك ؟ وسام : لا ما فيني الا العافية .. الا كل العافية رجاء وفي بيت اسراء محمود : يا اسرااااء بتجي الساعة 4 ونص واحنا لحين ما طلعنا اسراء وهي بسرعة تحط الاغراض داخل شنطتها وتنادي : ثوووواني جاية .. وبسرعة تركض وهي تمر على الباب تشبصت شنطتها في الباب .. اسراء بصوت منخفض : آآآآآي وطراااااخ .. طاحت على الارض وهي تقوم مجودة ظهرها : آآآآي محمود : يا اسراااااااء يالله عاد اسراء وهي تحاول تطرد الألم : جاية جاية وقامت وابتسمت ان الالم راح .. مجرد طيحة بسييطة اسراء وهي تنزل من الدرج وتوصل الى عند زوجها : وصللللللت محمود وهو يضحك على طريقتها الطفولة : ههههه يالله مشينا اسراء : ستووووب محمود : لا تقولين نسيتي شي اسراء وهي تشبك يدها بيد زوجها : هذا الي نسيته محمود وهي يسحب ذقن اسراء بمرح : هههه اسراء ابتسمت له ابتسامة عريضة وفي المجمع رجاء وهي تاخذ بلوزة وردية : شووق شرايج فيها ؟؟ شوق : أي حلوة رجاء : احسها بتصير حلوة عليج شوق : اوكي خذيها رجاء : يا ربي شنو آخذها !!!!! اقولج حلوة عليج تقولين لي خذيها شوق وهي تسحبها من رجاء : اوكي هاتيها رجاء : شووووق شفيج !!!!! وين ذاك الحماس الي عندج وانتي تختارين .. واحلى الاختيار بعد شوق : قلت لج مالي مزاج اتسوق وانتي اجبرتيني اجي هني رجاء : بس والي يرحم والديج .. الف مرة فتحتي معاي هالموضوع .. امشي بس امشي شوق مشت وهي تتنهد .. يا ربي ليش محد راضي يفهمني ليييييييش ؟؟؟؟ مو انا كيفي وهذي حياتي .. اووووووووف وفي الشركة ابو فراس يطلع من مكتبه متجه الى مكتب اخوه .. وبعد ما طق الباب ابو وسام : تفضل ابو فراس : السلام عليييكم ابو وسام : وعليكم السلام ورحمة .. يا هلا حياك تفضل ابو فراس : الله يحييك .. يالله يا اخوي من الصبح وانت على هالمكتب ومع هالمعاملات ( وهو يطالع الساعة ) قربت الساعة 5 ونص قوم ارتاح يا اخوي قوم ابو وسام ابتسم الى اخوه وطال النظر في عين اخوه .. وبعدها ابو وسام : يالله توكلنا على الله وطلعوا الاخوين متجهين للباركات عشان كل شخص بروح بيتهم يرتاح وفراس في القهوة فراس : يا حبيبتي يا منال مو احنا اتفقنا اليوم نطلع ويوم اول لقاء لنا واحلى لقاء منال بدلع : الظروف منعتني فراس : واناا ؟؟؟ شنو ذنبي ؟ تحرميني من شوفة حبيبتي منال : فرااااسي امزح معاك .. مستحيل يمنعني شي وااحد اكون بقربك ومعاك فراس : يعني جاهزة ؟ منال : اكيد عمري فراس : على الساعة 8 اشوفج عند المجمع ؟ منال : أي عمري فراس : خلاص عجل اتفقنا منال : حبيبي فراس : عيووونه وكللله ورووحه منال : يهمك الشكل ؟ فراس : شنو يعني ؟ منال : اخاف ما اعجبك وتتركني فراس : افااا شنو هالتفكير انا احبج لذاتج .. لرقتج ونعومتج يا حلوة .. مو عشان شكلج الخارجي .. كفاية طيبتج مغطية على كل شي منال : فديت حبيبي فراس : تفداه العافية الي يتفداني منال : فراسي فراس : عيوونه منال : تدري شكثر احبك ؟ فراس : شككككثر ؟ منال : هنيييي لهنااااااااااااااك هههه فراس : فديت هالضحكة يا عساها دووم منال : تفداك العافية يا رب .. يالله عمري لازم اسكره عشان ابرز روحي وما اتاخر عليك فراس : اووكي عمري منال بدلع : سي يووو بيبي فراس : بااي بااي حبي واول ما سكر منها .. اليووم .. اليوم بشوف هالانسانة الي احسها غير عن الكل .. وصولي لها غير .. وكلامي معاها غير .. كل شي فيها غير وغير .. وشكلها يا رب يكون غير .. لان اليوم غييير غييير وغييير وحمل نفسه عشان يروح بيتهم ويتبرز .. ويتكشخ وفي المجمع .. وهم فوق الطاولة وسام : واخيرا خليتونا نرتاح شوية ونشرب لنا عصير رجاء : تعبت ههههه ؟ وسام : واصلا في احد ما يتعب من دوارة البنات ؟؟ شذى : أي اخوي سلمان ههههه رجاء هني رفعت انظارها الى شوق .. الي اول ما سمعت الاسم رف شعر جسمها .. ومباشرة نزلت راسها بحزن وسام : من صدقج ؟؟ شذى : أي مسكين ما يقول لا وبسرعة وبس .. فديته اخويي وسام : هههه وشوية الا يرن تلفونها وسام : الووو وسام وهو يقوم من على الكرسي : متىىىىىىىىىىى ؟؟ وشلووووووووووون ؟؟؟ وسام : هاااااااا .. ثواني ثواااني جاااي وحتى ما حمل اغراضه ولا يركض بخوووووف شديد رجاء وهي تناديه : وساااام وسااام شذى : مبييي راح رجاء وهي تحمل شنطتها واغراضها وقلبها ينبض بشدة من الخوف : قوووموا قووموا نلحق عليه وبسرعة البنات حملوا اغراضهم ومو عارفين شسالفة وبسرعة بسرعة طلعوا من المجمع وما لحقووا .. سيارة وسام مو موجودة شذى : معقووولة يروح ويخلينا ؟؟؟ رجاء : اخوي ما يسويها أكيد صاير شي .. يا ربي انا خايفة شوق : مو وقت خوف احين خلنا نشوف من برجعنا ندى : السايق عند امي اليوم شوق : انا بدق على فراس بشوف Quote Link to comment Share on other sites More sharing options...
زنجبيل المملكة Posted نوفمبر 11, 2008 Author Report Share Posted نوفمبر 11, 2008 الحلقة " 15 " فراس في هالوقت كان توه مبركن قدام المجمع .. لابس له ثوب وشماخ .. وكأنه معرس .. ومبخر وكل شي .. وقت الي بيطلع شافته امه سالته سبب هالكشة .. واخترع قصة زواج صديقه .. وابتسم بحلاااوة زادته جمااال ونزل من السيارة الا برنة تلفونه .. شاف اسم شووق .. وبلا مبالاة خلاه على الصامت ودخله في مخباته .. واخذ يمشي يدور على سيارة سودة لكسنز .. والي عرفه من منال ان فيها بنتين وداخل السيارة منال : خااايفة خااايفة يا وفاء وفاء : وليييش خايفة ؟؟ صايرة قمر الا بتسحرينه ومن جهة ثانية فراس لقى السيارة .. وطق مسكوول الى منال .. الي بدوها ودعت صديقتها على لقاء بعد ساعتين .. ونزلت بخوف .. ولما شافها فراس تنزل .. راح لها بكشخته ومد يده : امسكي منال رفعت راسها وشافته .. حبيبببي فراس هني انبهر بجمالها ما توقعها بهذي الحلات ... ما شاء الله عيونها عيون غزال .. على رغم ان مكياجها مو متكلف .. الا انها صايرة قمر وناعمة مسكت يده .. ومشووا داخل المجمع .. وما في بينهم أي تكاليف ولا شي .. وكأنهم خطيب وخطيبته شوق بيأس : ما يرد .. هذي ثالث مرة ادق ما يرد شذى : اوووف ندى : انزين رجاء اتصلي على امج .. شوفيها يمكن رجعت رجاء : مو انااا خايفة تقولي وين وسام عنكم .. وانا ما ابي اخليها تحاتي شوق : امممم خبريها ان وسام مباشرة يبي يطلع مع ربعه وهم في المجمع .. ودرب من المجمع الى البيت قلنا نختصره عليه ونقول للسايق يجي لنا .. وبس رجاء : اوكي أمرنا لله نتصل الى امي وفي المجمع وهم قاعدين فوق الطاولة فراس : الله الله شنو هالقمر الي قاعد جدامي منال مو عارفه شنو تسوياو شنو تقول فراس وهو يرفع حواجبه: شفيج ساكتة ؟ منال و بداخلها تحس انها شوي وتموت الحياء ماكلها وبصوت منخفض : ما فيني شي فراس : يعني بتظلين جدي ساكتة ؟ منال نزلت راسها وبصوت اقرب للهمس : ما اعرف فراس : ياااا ربي بتذبحني هالبنت .. اووكي نطلب لنا عصير وبعدين نكمل كلامها .. ( وهو يكلم مال المطعم ) لو سمحت وفي ذاك المكان .. مكان لبس واغراض الاطفال .. اسراء ومحمود يتمشون اسراء وهي تشوف شبك حلوو بنوتي : الاااي محمود شوف هالشبك كلللش حلوو ( شبك = لبس الاطفال الي في الشهور من عمرهم ) محمود : ايي وااجد حلوو اسراء : محموود خاطري فيه محمود : واذا جبتين صبي ؟ اسراء : يالله مو مشكلة ناخذه لما اعرف شنو في هالبطن محمود : تدرين عشان خاطرج اخذيه ولو طلع صبي خليه ذكرى اسراء وهي تطالع محمود بنظرة حب : اووكي حبيبي محمود : انتي تامرين أمر عمري اسراء : شككرا حبيبي محمود : ما بينا شكر ولو تبين شي ثاني اخذي حياتي ما يغلى عليج اسراء : لا باخذ هذي بس محمود : براحتج حبيبتي اسراء ابتسمت له ابتسامة حلوة تحمل معاني كثيرة واول ما وصلت رجاء بيتهم .. راحت فوق وهي حاسة الاتصال الى وصل وسام وخلاه يتركهم جدي وراه شي كبير .. الا اكبر من الكبير مباشرة قطت اغراضها على السرير وقبل كل شي اخذت تلفونها ودقت على وسام يرن ويرن ويرن ولا اجابة رجاء ما ياست وردت اتصلت مرة ثانية .. والصاعقة انه مغلق !!!! مغلللللق !!! يعني عرف اني اتصلت .. اوكي ليييييش !!! .. ليش ما رد علي ليييش !!! مو حقي اعرف شصاير ؟؟؟؟ في بيت ام سلمان شذى : يمة شوفي هالتووورة عجبتني وااجد بروح فيها اول يوم في الجامعة ام سلمان : أي لونها حلوو وااجد شذى : شووفي يمة هالبلوزة .. وهالشنطة وااجد حلوين صح ؟ ام سلمان : أي حلوووين .. ( وتكلم ندى ) شفيج مو من عادتج الهدوء ؟ ندى : هاااا ما فيني شي .. بس تعبت من الدوار هناك بقوم ارتاح ام سلمان : قومي يا بنتي ندى وهي تبوس جبين امها : تصبحين على خير ام سلمان : وانتي من اهله شذى : يمة يمة شوفي هالخااااتم كيوت صح ام سلمان : وشنو هالكيوت ؟ شذى : ههههههههه اقصد حلو ؟ ام سلمان : أي حلوو شذى : يممممة هـ .. وما كملت كلامها قطعتها ام سلمان وهي تتثاوب : يا يمة انا تعبت وقاعدة اسمعج .. الساعة وصلت الـ 10 انا بقوم ارتاح لي شذى : هع هع .. يمة توها الناس ام سلمان : لا انااا بقوم شذى : تصبحين على خير مام .. احلام سعيدة ام سلمان : تلقين الخيرات وفي حجرة ندى رجاء : ما يرد علي اقولج .. وادق عليه خلاه مغلق اكيييد صاير شي ندى : مو صاير شي رجاء ان شاء الله مو صاير الا كل خير رجاء : ومن وين بجي الخير ومحد راضي يرد علي ؟؟ دقيت على وسام وحتى ابوي ما يردون ندى : شدخل ابوج بالموضوع رجاء : ما ادري مجرد احساس ندى : يمكن تشوفين احد من ربعه عزيز عليه صاده حادث بعيد الشر رجاء : انتي تطنزين !!!!! ندى : لييش ؟ رجاء : تونا راجعين من لبنان صوبة صار له صديق عزيز عليه لدرجة يروح ويخليها ندى حست بغبائها وسكتت فراس وهو يوصل منال الى السيارة فراس : ديري بالج على حالج منال بهمس : ان شاء الله فراس يفتح لها الباب : باي عمري منال : بااي بااي وفاء : بشريييييي ؟؟ منال وهي تغمض عيونها : ما ابي افتح عيوني عشان ما تنمحي من مخيلتي احداث هاليوم وفاء : ههههههه ( وهي تكلم السايق ) راجو امش على بيت منال وفاء : ان شاء الله عجتينه وانتي اعجبتي فيه ؟؟ منال : والله والله هاليوم احلى يوم بحياتي .. حسيت حبه لي في عيونه .. كلماته حركاته .. وشكلللللله .. آآآآه قمر وفاء : انا لمحت شكله شوية .. احلى منج ؟ منال : اكيييييييييد .. شفتي القمر الي فوق السما .. ماخذ حلاه من فراسي وفاء : هههههههه يا عيني اسراء ومحمود كانت طلعتهم جدا حلوة .. اول ما وصلوا بيتهم مباشرة خلدوا للنوم محمود بما انه تعبان من الشغل مباشرة نام .. واما اسراء اول ما حطت راسها حست بآلام فضيعة في ظهرها .. تعوذت من ابليس .. اكيد هالألم من كثر ما كنت أمشي .. احين بصير اشوى .. احين احين وصت الساعة 2 الفجر .. ولكن الألم يزيييد ويزييييد ويزيييد .. ما قدرت تتحمل اكثر .. قامت من على السرير .. ومباشرة راحت للحمام ( وانتوا بكرامة ) وقفت قدام مرايا الحمام .. بعد ما رشت وجهها بالماي البارد .. لا زال صدى تنفسها يتردد على كبر الحمام ... ونبضات قلبها تدق بسرعه جنونيه.. حاسه بجسمها معرق مع ان مكيف الغرفه شغال .. ولكنها بعد تحس بالحراره تطلع من جسمها ... حاولت تهدى نفسها ..وطلعت من الحمام ولحين ألم ظهرها ما فارقها واحين الم البطن بعد .. اخذت تمشي راجعة للسرير وبسبب الظلمى .. دعمت في اسطوانة السرير وبكل قوة وطاااحت على الارض اسراء بصراخ : محموووووووووووووووود محمود فز من سريره وبخوف : اسراء !!!! ولم يكن اجواب سوى السكون وصوت الليل محمود لف الجهة الثانية اخذ يتلمس بيده .. الجهة الثانية خالية ؟؟؟ وين راحت ؟؟؟ وصوت صراخ اسراء حقيقة او مجرد حلم .. قام من مكانه وبسرعة فتح الابجورة .. والصدمممممة محمود وهو يركض لاسراء المغمي عليها : اسراااء اسرااااء ويضربها على خدها بخفة محمود بخوف : اسراااء ردي علييي اسرااء ما قدر يتحمل .. اخذ عبايتها .. وبسرعة للمستشفى Quote Link to comment Share on other sites More sharing options...
زنجبيل المملكة Posted نوفمبر 12, 2008 Author Report Share Posted نوفمبر 12, 2008 الحلقة " 16 " وفي بيت ابو وسام رجاء النوم جفاها .. اخوها لحين ما رجع دق عليها .. ولا حتى موجود في البيت وشوية الا تسمع صوت باب غرفها يندق فزت من مكانها وفتحت الباب : وسسسسسـ .. ؟ .. يمة !!! ام وسام : شفيه وسام ؟ رجاء خافت : ليش ؟؟ ام وسام : اني الي اسال او انتي !!! اشوفج اول ما فتحي الباب تقولين وسام !!! رجاء : لا مو قصدي بس ... أي أي بس لان وسام لحين ما رجع من جدي عبالي هو .. ولان توقعتج راقدة ام وسام : ومن وين بجيني رقاد وابوج لحين ما رجع وما يرد علي تلفونه رجاء مصدومة : لحيييييين ؟ ام وسام : أي لحين .. تمللت من القعدة بروحي وغير المحاتة جيت اشوفج الا اشوف الضوى يبين .. قلت لحين مو راقدة رجاء : أي ما جاني رقاد ام وسام : عجل نزلي معاي تحت ننتظر ابوج رجاء : ان شاء الله يمة فراس اول ما دخل بيتهم كان مرتاح ومبسوووط .. وصدفة فراس : يمة لحين قاعدة ؟؟؟؟؟ شوق وهي تطلع من المطبخ حاملة قلاص ماي : زين انك وصلت تعال شوف امك فراس وهو يقعد على الكرسي جنب امه : عسى ما شر يالغالية ؟ ام فراس : ابوك ... لحين ما رجع وتلفونات ما يرد عليهم شوق : من المغرب وهي تحاتي ولحين حالها جدي فراس وهو يحاول يهدي امه : لا تحاتين يالغالية ام فراس : شلون ما تبوني احاتي .. وهو من روحته الصبح للشركة ولحين ما سمعت له خبر فراس : احين لاقينه في الديوانية ام فراس : انا اعرف ابوك اذا تبي يسهر يتصل يخبرني ما يخليني جدي معلقة شوق : يمة لا تحاتين الله يهديج .. انتي بس هدي شوية ونامي احسن لج ترى قعدتج جدي ما بترجعه فراس : أي شوق معاها حق يالله قومي ارتاحي لج شوفي الساعة بتوصل الثنتين ونص ام فراس : بنتظر لما الأذان وبصلي .. واذا ما رجع ما باليد حيلة بقوم ارقد وهو في المستشفى .. شكله الي يرأف بالحال .. الثوب مو مكوية .. وشعره المرفوع .. ووجه الي يبين عليه النوم .. وغير جدي خوفه وتوتره .. وهو يمشي في الممر .. هلكان .. يبي احد يطلع يقوله زوجتك بخير .. وما فيه شي .. يا ربييي .. خله يطلع الدكتور يبشرني انها بخير .. يالله يالله اطلع احيييين يالله الله يخليك .. وهو يمشي متوتر ........ : محموووووود !! محمود يلف لمصدر الصوت وينصدم : شسوي هني !!!! ونلتقي في الحلقة " 17 " توقاعتكم * اسراء ؟؟؟ شنو من الممكن يصيدها ؟؟ وسبب الاغماء وآلام الظهر ؟ * اختفاء ابو وسام وابو فراس ووسام ؟؟؟ مجرد صدفة ؟؟ او لسبب معين نجهله ؟ * محمود ؟؟ من لقى بالمستشفى ؟؟ هل من المكن تكون شخصية جديد ؟؟ او !!! * فراس ومنال ؟؟؟ الزمن الى حد أي نقطة بوقفهم ؟ توقعاتكم للايام الجاية .. والاحداث المشوقة وانتظروني قريبا ان شاء الله بجزء مشوق واحداث غريبة سوف تغير نمط القصة Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.