زنجبيل المملكة Posted نوفمبر 19, 2008 Author Report Share Posted نوفمبر 19, 2008 الحلقة " 20 " اول ما وصلت ام وسام البيت كان الضغط جدا كبير .. فخافوا تزيد حالة رجاء سوء ام سلمان وهي تكلم ندى بصوت قريب للهمس : خذي رجاء لفوق وقعدي معاها ندى هزت راسها بالايجاب ندى وهي تمسك يد رجاء : رجاء قومي معاي فوق رجاء وهي تميل راسها لليمين وتناظر ندى بنظرات لا يمكن تفسيرها .. وبعدها باعدت نظرها .. وبدت تنظر للاعلى ندى وهي كاتمة عبرتها : قومي رجاء معاي رجاء وقفت .. واخذت تمشي لفوق وندى حاولت تمنع رجاء للنظر الى غرفة ابوها .. بطريقة غير مباشرة .. وبكل أمل نجحت اول ما دخلت رجاء الغرفة وقفت مكانها .. وكأنها مثل الطفلة مو عارفة وين تروح بالضبط .. توقف .. تجلس على الكرسي او السرير او الارض .. او تطلع من هالغرفة ندى ابتسمت لرجاء ومسكت يدها وودتها فوق السرير ندى بابتسامة تخفي وراها حزنها الكبير على زوج خالتها الي مثل ابوها .. وتعبها بسبب حالة رجاء .. وغير هذا .. اختفاء وسام كان شاغل تفكيرها : وهذا احنا وصلنا رجاء ما ردت عليها .. وكانت تنظر الى نقطة معينة في الطوف .. مجرد فراغ .. لا شي .. يا ترى شنو يدور في بال بنت خالتي .!!! شنو !!! لازم اقتحم عالمها الخاص .. لازم اطلعها من الي هي عايشة فيه لاااازم ندى : رجاء اكلمج !!! ندى وهي شوية وتصيح : رجاء ردي علي لمتى بتضلين ساكتة لمتى ؟؟؟ ......... ندى وهي تهز رجاء : رجـــــــاء كوا ابوي توفى وانا بعمر الـ 15 صحت عليه وحزنت .. ولكن ما سويت مثلج .. امج بحاجة لج .. مرة كبيرة ولازم توقفين معاها .. ( وبشوية صراخ ) رجججججججاء حرام عليج رجاء بهدوء وهي تناظر ندى بتعجب : ليش تجيبين طاري الموت .. على ابوي !! وابتسمت ابتسامة خوفت ندى : انتوا اغبياء .. والله اغبياء .. وقمة الغباء .. ابوي عايش انا طول الوقت اكلمه ندى صارت تبكي بحرقة قلبها على بنت عمها وبدت تكلمها بعصبية : طـــــيب دامه عايش كلميييه .. كلميه وطلعت وهي تركض وتصيح .. وراحت عند البلكونة في الصالة الي في الطابق الثاني فتحت البلكونة .. ووقفت .. والهوى يداعب خصلات شعراتها .. الدنيا مظلمة على خفيف .. وضوى الشمس الخافت .. معطي للدنيا منظر جميل .. الله يرحمك يا ابو وسام .. رحت ومن بعدك تركت زوجتك ارملة .. وعيالك يتامة .. ورجاء حالها لا يسر لا حبيب ولا عدوو .. ووسام ما ادري شنو الي في باله !!! قلبي مو مرتاح لطلعته ... يا ربي كون لنا عون في هالزمة الي قاعدين نمر فيها .. وبدت تمسح دموعها لان سمعت صوت خلفها ندى !! ندى لفت شافت شوق ندى : هلا شوق شوق : تصيحين ؟؟ ندى : آه شقولج .. رجاء تكلمت شوق : واخيرا !!!!! ... عرفتي منها شي ندى : يا ليتها ما تكلمت .. تصوري تقول ان ابوي ما مات وانا اكلمه !! شوق ندى : ما قدرت استحمل طلعت من عندها شوق : يعني تتوقعين ان في سكوتها كلام مع ابوها ندى : الله العالم شوق : لازم نعرضها على دكتور نفساني ندى : لا مستحيل شوق : ليييش !! عبالج الدكتور النفسي حق المجانين !! كبري عقلج يا ندى .. ولا تصيرين انانية .. احنا نبي نساعد صديقتنا وقريبتنا .. ما نبي نضرها باقتعادنا الخاطئ ندى نزلت راسها بحزن .. خلاص نهايتها مســــــــــــــــــــــــــتشفـــــــــــــــــــ ــــــــــى الطــــــــــــــــــــــــــــــــــــب النفســـــــــي الساعة 10 برز الفطور .. ندى رفضت تنادي رجاء .. فراحت لها شوق شوق وهي تطق الباب .. وما سمحت رد .. تذكرت كلام ندى عن رجاء .. فاقتحمت المكان قبل ما تسمع السكوت والصمت شافت رجاء بمنظر يقطع القلب .. كانت راقدة وضامة صورة ابوها .. وهذي هي بلبسها وحالتها .. ما غيرت شي .. تركتها في حال سبيلها وما حبت تزعجها ونزلت تحت برز الفطور .. واجتمعوا ( ندى وشذى وشوق .. وام سلمان وام فراس وام وسام ) السكوت كان عنوان قعدتهم .. محد له نفس ياكل .. ام فراس حبت تبتدي وتقطع هالصمت : بسم الله .. تفضلوا اكل العوافي فراس وهو يسكر خط الموبايل : الحمد الله وسام عند بدر ابو فراس وقف وهو متفاءل : بشرك الله بالخير .. ومن هذا بدر ؟ فراس : بدر صديقنا تعرف عليه وسام لما رجع من لبنان ابو فراس : وان شاء الله هو بخير فراس وهو يخفي خلفه كلام : لا الحمد الله بخير ابو فراس : الحمد الله .. اتصل في مرت عمك الله يرحمه وخبرها ان وسام بخير .. وتعالي الديوانية ابيك شوية فراس : ان شاء الله يبة فراس : السلام عليكم ندى : وعليكم السلام فراس : موجودة ام وسام ندى : لحظة شوية ندى وهي تمد يدها بالسماعة لخالتها : خالتي يبونج بالتلفون ام وسام : نعم فراس : السلام عليكم ام وسام : وعليكم السلام والرحمة فراس : وسام تراه بخير ولله الحمد وهواحـ .. وقاطعته : في وين ؟؟؟ فراس : مع بدر صديقنا والحمد الله بخير لا تحاتينه ام وسام : الحمد الله .. وصل لي اخباره كل يوم فراس : لا ان شاء الله كلها يومين بالكثير ثلاثة وبيرجع لج ام وسام واحساسها يقول لا : ان شاء الله فراس : يالله تامريني على شي ؟ ام وسام : سلامتك يا وليدي ما قصرت فراس : واجبنا .. مع السلامة ام وسام : مع السلامة ام وسام : الحمد الله وسام بخير ام سلمان : الحمد الله .. شكرا لك يا رب ام فراس : يالله احين روحي ارتاحي لج شوية ام وسام : ما يصير اخلـ .. ام فراس : ما بينا كلافة يا وخيتي .. وانتي روحي فوق ارتاحي ام وسام : ان شاء الله ام سلمان : بنات وحدة منكم تروح معاها فوق ندى : ان شاء الله يمة فراس : نعم يبة ابو فراس وباين عليه الارتباك : ينعم بحالك تفضل ارتاح فراس قعد جنب ابوه : خير يبة ابو فراس : الخير بوجهك فراس ابتسم الى ابوه ابو فراس : اسمعني يا وليدي .. وكلامي لازم تنفذه فراس ما رد على كلام ابوه في نظرات عيونه مليانة حيرة ابو فراس : انت ولدي واعرفك .. واعرف ان لك سوالف الشباب .. وخلاص صرت احين رجال ولازم توقف هالشي فراس لا اراديا مر في باله طيف منال ابو فراس : اسمعني يا وليدي Quote Link to comment Share on other sites More sharing options...
*شيوخـة* Posted نوفمبر 19, 2008 Report Share Posted نوفمبر 19, 2008 تسلم اخوووووووووي Quote Link to comment Share on other sites More sharing options...
زنجبيل المملكة Posted نوفمبر 20, 2008 Author Report Share Posted نوفمبر 20, 2008 الحلقة " 21 " وبين تلك الجدران .. يضم رجله الى صدره .. ويمضي في رحلة بكاء طويلة الأمد بدر : خلاص يا وسام الي صار صار .. الموت حق علينا كلنا وسام يرفع راسه وبلهفة : بدر طلبتك بدر : آمر وسام : قول تم بدر متردد وسام : تكفى قول تم بدر بلا حيلة : تم وفي تلك الغرفة ندى وشوق مع بعض ندى بالها مشغول وتفكيرها للبعيد .. وسام بخير !! ومع صديقه !! بس على شنو ناوي ؟؟؟ .. ويقطع عليها صوت شوق شوق : ندى لازم نعرض رجاء على دكتور نفسي يشوف حل لمشكلتها ندى : يعني لازم الي عنده مشكلة نعرضه على طبيب نفسي ؟ شوق : تقريبا .. لان رجاء مشكلتها كبيرة ولازم ندور على حل لها ندى : وانتي !! نعرضج على طبيب بعد ؟ شوق باستغراب شديد : اناا !!! وشدخلني بالسالفة ؟ ندى : مو انتي قلتي ان الي عنده مشكلة يروح لطبيب نفسي عشان يشوف له حل ويساعده شوق بارتباك : هاا أي أي بس اان .. انا ما فيني الا العافية ندى : شوق تجذبيني ؟؟ شوق : ندى شفيج .. اكلمج عن رجاء درتي لي !!!! ندى : تجذبين اذوني الي سمعت !! شوق : ! ندى : شوق دريت انج مخبية علي وقلت مو مشكلة .. بتخبرني بيوم .. لازم بجي يوم وتقولين لي .. مرت ايام وايام .. وانتي مو راضية تفتحين بوزج .. ولا تفاتحيني بالموضوع .. ادري مو صديقتج المقربة .. بس توقعتج بتخبريني شوق بارتباك : ششش .. شقاعدة تتتتقولين ! ندى : ومع ذلك مصرة تخبين عني .. وقت الي حاستني قد الثقة خبريني منج ومن نفسج شوق ما عرفت شنو تقول شنو تبرر موقفها .. يعني عرفت .. شلللون ؟ .. معقولة رجاء خبرتها .. اخاف اخبرها وتطلع ما تعرف .. وقاعدة تكلمني عن شي ثاني ندى : براحتج يا شوق .. كنت اعرف اني مو قريبة منج واجد .. صح ربع ومع بعض على طول .. بس ما كان بينا اسرار .. بس ما توقعت انج بعيدة عني كل هالبعد شوق : ندى انتي تعرفين شي ؟ ندى : والله ما ادري .. اذا انتي حابة تقولين منج تفضلي شوق تورطت : تقصدين سـ ( وسكتت ونزلت راسها ) ندى ما ردت عليها .. ليش جدي يا شوق ؟؟ .. ليش تبين تخبين علي .. وانتي الي حاسة انج قريبة مني .. اكتشفت انج ابعد من البعيد .. ما بجبرها تخبرني .. وقت الي تحس ان ودها تتكلم .. بتتكلم منها ومن نفسها في ذلك القفص الزوجي الاكثر من جميل محمود : اسراء وصل العشى .. يالله حبيبتي اسراء وهي لحين فوق السرير ومنكسة راسها وتناظر يدينها الي يلعبون بتوتر : مالي نفس محمود : ليش عمري .. الطبيب قال لازم تاكلين عشان تقوين اسراء : صدقني مالي نفس آكل .. انت كل عمري محمود وهو يحاول بشتى الطرق انها تاكل .. قعد على السرير : خلاص عجل اذا انتي ما تبين انا بعد ما ابي اسراء : محمود اذا لك خاطـ .. محمود وهو يكمل جملتها : خاطر عندي تعشى .. وانا اردها لج .. اذا لي خاطر عندج تعشي معاي اسراء بنفاذ صبر : اوكي محمود ابتسم بأمل .. ومسك يدها عشان يقومها .. وهي تمشي شوية وتتعثر بكيس محمود : الله يحفظش عمري اسراء طالعت تحتها شافت الجيس .. نزلت واخذته .. فتحته وظلت اطالع الي فيه محمود : يالله عمري لا يبرد العشى اسراء بحزن واضح : محمود شوف محمود : شنو ؟ اسراء طلعت الشي .. وتفاجا محمود صدق مو وقته .. يا ربي اسراء ودموعها بدت تتجمع بعينها : تدري ليش الله كتب واشتريتها تدري ؟؟ محمود وهو يحاول ياخذ الشبك ( لبس الاطفال ) من عندها : عمري العشى زاهب اسراء وهي تمسك اللبس وتحظنه بكل حنان ودموعها تطيح على خدها : اخذته لذكرى الطفل الي ما شفته .. ربي اعطاني طفل .. حسيت فيه .. وسهرت معاه ليالي .. لكن !!! .. ربي حب لي بيت بالجنة .. والحمد الله اني ما شفته .. وللأسف ولا كانت حتى حكاية .. حتى حكاية يا محمود ( وبدت تصيح ) محمود نزل لها .. وضمها لصدره بكل قوته يبي يحميها حتى من حزنها .. وهي بدورها تمسكت فيه اكثر واكثر وفي ذلك الكوخ المظلم .. تفجر آلام وصدمة كبيرة شلووووووووون !! ليش ربي يكتب لي جدي ليييش !! عذاب ! ألم ! حزن ! وكل هالشعور بالغصـــــــــــــــب ؟ ابو فراس : فهمتني يا وليدي لازم تسوي هالشي .. وبأسرع وقت فراس وهو مصدوم وعيونه مثبتة على ابوه .. شتقول ؟؟؟؟؟؟ انا بحلم او بعلم ؟؟؟؟؟؟؟ .. ومر طيب منال للمرة الرابعة !!!!! فراس وهو يبلع ريقه وجسمه صار بارد .. وحاس الدنيا صغيييرة .. ودارت جدران البيت بعينه وكأنه في لعبة خطيييرة .. تقلبه راس على عقب وبدى يتكلم وفكه السفلي يتحرك : ييييييبة قولي اني بحلم !!! ابو فراس : وليدي هذي وصية عمك ولازم تنفذها .. وما باليد غيرك وغيـ فراس : لااااااااا .. لا تقول هالاسم .. مو لييييييي مو ليييييي وطلع من البيت بسرعة واتجه لسيارته معقوووولة !!!! آخر شي توقعته هالشي آآآآآآآآآآآآآخر شي نهاية الحلقة " 21 " توقعاتكم * الشمعة ( ابو وسام ) وانطفت ؟ شلون بتكون القصة وحياة الابطال من غيره ؟ * اسراء ؟ بعد الي صادها شنو بتكون حياتها ؟ * رجـــــــاء ؟؟ بتلتقي بدكتور نفساني ؟ وشنو بكون علاجها ؟؟ وبتتقبل العلاج ؟ * وصية ابو وسام ؟؟ وفراس شنو موقعه من الاعراب ؟ * طيف منال ؟؟ بضل متابع فراس ؟ والى متى ؟؟ وليش ؟ * سر الحوار الي دار بين شوق وندى ؟؟ وندى شنو الي تعرفه ؟ تعرف شي احنا ما نعرفه مثلا !!! * خوف ام وسام على وسام ؟؟ شنو سببه ؟؟ واحساس الامومة شنو يقول لها ؟؟ معقول يمــــــــــــوت حزن ! * طلب وسام من بدر ؟؟ Quote Link to comment Share on other sites More sharing options...
زنجبيل المملكة Posted نوفمبر 20, 2008 Author Report Share Posted نوفمبر 20, 2008 شتشاهدون في الحلقة القادمـة رجاء وهي ترفع راسها وتناظره بملامح بسمة مرسومة على شفاتها .. ولكن البسمة مختلط معانا حزن : ليش تجذب علي ؟؟ الدكتور فهد استغرب من ردها وناظرها بحيرة : انا ما جذبـ .. ولحين ما كمل كلامه قاطعته رجاء : انا عارفة انك دكتور .. وانا مريضتك .. عارفة كل شي .. بس السبب الي اجهله ليش جايبيني هني ؟؟ ليش ؟؟ انا صاحية ما فيني الا العافية الدكتور فهد : جسدج وصحتج ما فيهم الا العافية .. ولكن نفسيتج تعبانة .. وانتي ادرى صح والا انا غلطان ؟ رجاء بشوية عصيبة : تعبانة نفسيا .. تعبانة نفسيا .. اووووف والله ما مليت من هالكلمة .. نفسيتي ما فيها شي .. وشنو الي بخليني اتعب نفسيا مثلا .. ام وعندي وكل شي عندي حتى ( وسكتت فجاة ولكن كملت كلامها متناسية الواقع ) وحتى ابو وعندي واخو بعد .. وعائلة انحسد عليها الدكتور فهد ويرد عليها بنفس العصبية : انتي شنو ؟؟ عاقلة والا مجنونة ؟؟ كبيرة ولا صغيرة ؟؟؟ رجاء : شنو تشوفني جداك ؟؟ انتظرووونـآآآآآآآ Quote Link to comment Share on other sites More sharing options...
ShAi5at eLbNaT Posted نوفمبر 20, 2008 Report Share Posted نوفمبر 20, 2008 في انتظاار البارت Quote Link to comment Share on other sites More sharing options...
زنجبيل المملكة Posted نوفمبر 20, 2008 Author Report Share Posted نوفمبر 20, 2008 الحلقة " 22 " في ذلك المكان .. جالس يتأمل .. وينظر الى هذه العائلة وتلك العائلة .. ويتذكر عائلته التي بعد ما حدث تغيرت احوالهم تنهد واخذ التلفون وضرب على أحد الارقام ولكن لا جواب شفيه فراس ما يرد ؟؟ وضع التلفون على جنب .. وركز نظره على كوب القهوة الذي امامه وبيت تلك الامواج الهائجة .. التي كانت تضرب على صخور البحر بقهر وألم .. وكأنها تعلم ما يحمل هذا القلب .. من قهر وغضب وعذاب وأي عذاب !! ويرجع صدى ما حدث مرة اخرى على مخيلته ،،،،، اسمعني يا وليدي عمك قبل وفاته .. كان وصيته ان العائلتين ما يتباعدون ولا يتفرقون .. وكانت وصيته ان نتقارب اكثر .. بان شوق تكون الى وسام او انت لرجاء .. وسام صح انه ولد اخوي .. بس عيب علي اروح اقوله تعال اخطب بنتي !!! .. ولكن انت وليدي .. والوصية راح تكون عليك .. انك تاخذ رجاء .. وتحطها بعيونك الثنتين .. تراها يتيمة .. وما بقى لها في هالزمن قريب منها غيرك انت .. الي بتصير زوجها .. ونبي الزواج يصير بأقرب وقت .. وخصوصا حالة رجاء الى ما تسر ،،،،، ليش يا ربي تكتب علي برجاء ؟؟؟؟ ليش !!!! اكرههااااااااااااااااااا .. يا ليتها تموت وافتك منها آخذ وحدة مجنونة !!!!!!!!! وبعمر صغير يوجب علي اربيها من جديد !!!!! واسهر عليها واداريها !!!! مو هذا دور الزوجة !!!!!!! لييش ؟؟؟؟؟ لا لا يا فراس بنت عمك الوحيدة وهي يتيمة لازم تحافظ عليها وتراها مو مجنونة .. ورجاء ألف من يتمناها خلااااص !!! دام ألف من يتمناها .. خله ياخذها شخص غيري ابي اعيش حياتي .. حر واسوي الي ابيه لا لا يا فراس .. تتزوج وتستر على نفسك من اللعب على بنات الناس احسن يا ربي .. منــــــــــــــال !!! شنو اقول لها ؟؟؟ وكان فراس في حالة لا تسر لا عدو ولا حبيب .. مشاعره مختلفة ومتداعفة ومتناقضة لأبعد حدود وما يعرف شنو يسوي ؟؟ حسم الأمر .. ورجاء بتنأخذ لدكتور في هذا اليوم .. بعد مرور ثلاثة اسابيع من حالتها الكئيبة والمنعزلة .. وبعد اسبوعين من اختفاء وسام !!!! رجاء هالفصل ما بتداوم لسوء حالتها .. واذا تحسنت حالتها بتبدا من الفصل الثاني ان شاء الله ام وسام : يالله يا شوق روحي فوق وجيبي معاج عبايتي ونزلي معاج رجاء شوق : ان شاء الله ام وسام : وندى خبري سلمان اننا بارزين خله يعجل ندى : خالتي سلمان برى ينتظرنا ام وسام : لعوزناه هالصبي المسكين .. الله يهديك يا وسام لو كنت موجود مو انت الي تكفلت فينا .. الله يعلم وينك فيه بس ندى كانت تسمع كلام خالتها .. ووقتها كانت خناجر تنغرس في قلبها ليش !!! ليش يا وسام تسوي كل هذا ليييش ؟؟؟ بين تلك الحنايا صوت الآه يتفجر بدر : تبي تسوي مثل وسام ؟؟؟ فراس : أتمنى .. والله امنية .. بدر وهو يحاول يلطف الجو : يووو شكلي قاعد على بنك .. او محصل كنز ههه فراس وهو يكمل كلامه ولا كأنه سمع بدر : لكن !! .. بعد الامنية بعد النجوم .. ما ابي احط ابوي قدام الامر الواقع بدر : عجل شنو تبيني اسوي لك ؟؟ فراس : ما ابي شي .. بس ابي افضفض بدر ولحين معزم يخلي فراس لو يبتسم بس ابتسامة ( وهو يقلد صوت العجوز ) : تكلم يا وليدي تكلم .. فضفض لامك العودة ( هني فراس طالع بدر بنظرة حدة ) بدر : هههههه شنو تبيني اسوي لك ؟؟ فراس : تضحك حضرتك !!! بدر : يعني شنو تبيني اسوي ؟؟ اصيح فراس : لا بس .. من حقك شكلي ثقلت عليك وااجد بدر وهو يحط يده على كتف فراس : شدعوة يالاخو .. ما بينا كلافة .. ولا نسيت عشرة العمر الي بينا ؟؟ فراس : آه .. والله ما ادري شسوي بدر : انزين قولي احين انت ليش ما تبي هذي شنو اسمها بعد ؟؟ فراس وهو يصر على اسنانه : رجججججاااااااء بدر مصدوم من طريقة فراس : يــــه .. لهدرجة جدي تكرها !!!! فراس : واكثر .. خلاص بتروح ايام الحرية .. بتروح سهراتي بدر : والله احسن لك .. تستر على نفسك وعلى حالك من هاللعب على خلق الله فراس وهو يتذكر منال !!! شسوي يا ربي بدر : هييي يووو اكلمك فراس : ها !! بدر : الي في بالك يتهنى به .. ههههههه شكلك بديت تحب رجاء فراس : أي حب أي خرابيط .. افكر في منال بدر : منال !! .. اووووووووووبس .. الي تكلمها بالتلفون ؟؟ فراس : أي هو في غيرها بدر : وليش تفكر فيها ؟؟؟؟ يا حظي لا يكون حبيتها صدق ؟؟ فراس : طلعت معاها بدر : الفال لي . ههههه امزح فراس : وقتك والله بدر : المهم شنو يعني طلعت معاها ؟؟ فراس : بددددر والي يرحم والديك الي فيني كافيني بدر : اوكو اوكو .. طلعت معاها وين ؟؟ فراس : رحنا مجمع بدر : اشوى يعني مكان عام ما صار ذاك الشي فراس بعصبية : بدددددددددددددر لو سمحت بدر : سووووري سووري مو قصدي شي ( ولكن نظرة فراس العصبية لحين ما تغيرت ) .. اوكي ما عجبك السوووري ( وهو يحط يده تحت ذقنه ويحرك راسه مثل الهنود ) هنننندي أجااا فراس غصب عنه ضحك شوية بدر: هي هي هي ايوة .. اشوة ضحكت .. المهم قولي وليش تفكر فيها ؟؟ فراس : طلعت معاها .. شفت حبها لي بعيونها مرسوم .. مو بس مرسووم الا محفوووور .. وهي تنتظر اليوم الي اكمل فيه الجامعة عشان نجتمع تحت سقف وااحد .. بنت هادئة وخجولة .. كانت اصعب غزالة اصيدها .. بنظري طفلة .. وانا علمتها على الذنب .. ما ادري شسوي لها ؟؟ بدر : وكان في بالك تاخذها لو ما صار الي صار ؟؟ فراس : اعترف اني نذل .. اني كنت اكلم عشرة في يوم .. لكني مو نذل الى هالدرجة .. وفعلا لو ما صار الي صار كنت باخذ منال بدر : أهاااا يعني حبيتها فراس : ما انكر لك .. ان ابتسامتها كانت تلاحقني من مكان لمكان .. صوتها وصدى صوتها يرن باذوني .. اول بنت اشوفها بهذي الصورة .. واقعد معاها .. والمس يدها بدر يضحك بسخرية : عبالك احنا بلبنان ؟؟؟ تلمس يدها .. لا ما باقي الا تضمها وتسوي لنا فلم هندي .. بقولك مجرد انك كلمتها بالتلفون خطا .. والخطا بعينه واعلمه انك طلعت معاها .. ولا لمستها بعد .. انت ما تخاف على خواتك ؟؟ فراس : ادري خطا .. وحابب اصلحه انها تكون لي .. لكن !!! .. بعد شنو بدر : انزين هذي رجاء الي بتصير زوجة صاحبي ... ويقاطعه صوت فراس : لا تعجل الامور .. لاحقين بدر : المهم هذا امر وانكتب فراس : لا لحين ما انكتب بدر : المهم بينكتب قريب .. انزين رجاء مو حلووة يعني عشان تخليك ما تبيها ؟؟ فراس ويروح باله لذك اليوم الي كان يبي يرقمها .. وابتسم ابتسامة حرك فيها جهة وحدة : شفت القمر يا بدر .. ما تشبهه .. هو يشابها بدر : اووه اووه .. يعني اناسبها انا .. قمر بدر .. ياهوووووووو هههههههه فراس : ملامحها بسيطة وناعمة .. ابتسامتها الكل يحسدها عليها ( وانتبه على نفسه انه يمدح العضم الي ببلعومه ) لكني اكرها بدر : يووه رجعنا يا طير يالي فراس : شنو تبيني احبها !!!!!!!!!!!!!!!! .. وهي بتخرب علي كل شي كل شييي بدر : اسمعني يا فراس .. الحياة قاسية فعلا .. ونكتشف يوم بعد يوم انها اقسى واقسى .. ولكن ما لنا الا الصبر .. ونتوكل على الله .. ونشوف شنو الي مقدره علينا .. نسويه وما نعارض كتبته .. وبكون اختيارنا اصح من الصحيح .. لانها هذي كتبة رب العالمين .. ويمكن رجاء الي عافها قلبك .. في يوم بتملك كلك .. ونفسك وهواك وكل شي مو بس قلبك .. ويمكن العكس .. وينطيق على منال .. منال مثل ما عرفها من كلامك .. جوهرة .. ولكن وصلت لها بطريقة السرقة .. لان وصولك لها بشي ما يرضي ربك ونبيك .. ولكن رجاء جوهرة .. وصلت لك متدحرجة .. ودحرجها القدر لك .. لتحت رجلك .. والله العالم انت بتحافظ على أي جوهرة فيهم !! ولكن نصيحة من اخ الى اخوه .. لا تفر من الواقع مثل ما فر وسام .. ترى الرحيل مو الحل ؟؟ Quote Link to comment Share on other sites More sharing options...
ذكرى ! Posted نوفمبر 21, 2008 Report Share Posted نوفمبر 21, 2008 الباارت حده عجيييييب وننتظر الاحدااث ع نار والله يعطيييك الف عاافيه وفي الانتظاار Quote Link to comment Share on other sites More sharing options...
زنجبيل المملكة Posted نوفمبر 21, 2008 Author Report Share Posted نوفمبر 21, 2008 كوني من المتابعين واشكر الجميع على المتابعة Quote Link to comment Share on other sites More sharing options...
زنجبيل المملكة Posted نوفمبر 21, 2008 Author Report Share Posted نوفمبر 21, 2008 الحلقة " 23 " وفي الجامعة منال : اكره يوم هاليوم ممل .. آخر محاظرة الساعة ثلاث شنو هالحالة وفاء : هذي اول سنة لنا بعد منال : مشكووووورة حبيبتي وفوي انتظرتيني وفاء : شدعوة انا اكمل ثتين ونص وانتي ثلاث يعني كلها نص ساعة منال وهي تلبس النظارة الشمسية : تصدقين فراس يمر بأزمة عائلية وفاء : ليش شصاير ؟ منال : واحد من أهلهم متوفي .. بعض الاحيان ادق عليه ما يرد وفاء : يمكن يتهرب وما في أي ازمة ولا ظروف منال : ترى بزعل منج .. حرام عليج لا تظلمينه .. تراه اذا يرد علي صوته حزين .. واحس هموم الدنيا كلها فوق راسه وفاء : يعني منال : أي والله ودي اكون جنبه .. اعزيه اخفف عنه حزنه .. ولكن !! وفاء : يالله ما باليد حيلة .. ان شاء الله كلها ايام وتعدي .. وبيرجع لج احسن من احين منال وهي تتنهد : ان شاء الله وفي المستشفى .. نزلت ام وسام مع رجاء وندى .. ونزل سلمان معاهم عشان يدليهم بالضبط وين يكونون موجودين .. وبعد ما عرفهم على طريقة دخولهم على الدكتور .. توجه للسيارة ينتظرهم عشان ما يسبب أي حرج لرجاء اول ما دخلت ندى ورجاء وام وسام عند الدكتور .. طلب الدكتور ان رجاء تكون معاه لحاله عشان يعرف بتصرف معاها .. فتوجهت ندى ومعاها ام وسام الى غرفة الانتظار الدكتور عرف حالة رجاء من سلمان .. ومن التقرير الي من المستشفى لان قبل ما ياخذون رجاء لمستشفى الطب النفسي .. عرضوها على دكتور عادي .. فكتب تقرير يشرح حالتها النفسية .. وبهذا الدكتور بيبدا معاها العلاج الدكتور وهو يعامل رجاء معاملة عادية : الواحد اول ما يدخل يسلم وانتي حتى سلام ما سمعنى منج رجاء ما تحرك شي من جسدها .. بس مجرد بؤبؤ عينها الى يدور على مصدر الصوت ولكن !! .. ما ثبت على مكان واحد الدكتور : مو مشكلة لا تسلمين علي .. بس السلام على رسول الله اذا كنتي ناسية بدى كلام الدكتور يكون أثر على رجاء حتى ان عينها ركزت على شي واااحد .. الشي الي يطلع منه هالصوت .. وبدت عيون المها تتفحصه .. من هذا !! ولكن !! رجاء بهمس خجل : السلام عليكم الدكتور بابتسامة عريضة : وعليكم السلام والرحمة نورتينا رجاء مجرد ابتسمت له وبعدها نزلت راسها الدكتور : احين انا اعرف اسمج .. وانتي ما تبين تعرفين اسمي ؟ ..... ( وما رجع غير صدى صوت الدكتور ) الدكتور وهو يبتسم برحابة صدر : معاج حق تتغلين وما تسالين عن اسمي .. لكن انا بقولج بدون ما تسالين .. معاج فهد رجاء ابتسمت ولا اراديا : عاشت الاسامي فهد وهو يحس انها طبيعية والتقرير الي جاه واجد مبالغ : عاشت ايامج .. واحنا ان شاء الله بنصير ربع .. وبتكون لنا مواعيد نلتقي فيها شرايج ؟ رجاء وهي ترفع راسها وتناظره بملامح بسمة مرسومة على شفاتها .. ولكن البسمة مختلط معانا حزن : ليش تجذب علي ؟؟ الدكتور فهد استغرب من ردها وناظرها بحيرة : انا ما جذبـ .. ولحين ما كمل كلامه قاطعته رجاء : انا عارفة انك دكتور .. وانا مريضتك .. عارفة كل شي .. بس السبب الي اجهله ليش جايبيني هني ؟؟ ليش ؟؟ انا صاحية ما فيني الا العافية الدكتور فهد : جسدج وصحتج ما فيهم الا العافية .. ولكن نفسيتج تعبانة .. وانتي ادرى صح والا انا غلطان ؟ رجاء بشوية عصيبة : تعبانة نفسيا .. تعبانة نفسيا .. اووووف والله ما مليت من هالكلمة .. نفسيتي ما فيها شي .. وشنو الي بخليني اتعب نفسيا مثلا .. ام وعندي وكل شي عندي حتى ( وسكتت فجاة ولكن كملت كلامها متناسية الواقع ) وحتى ابو وعندي واخو بعد .. وعائلة انحسد عليها الدكتور فهد ويرد عليها بنفس العصبية : انتي شنو ؟؟ عاقلة والا مجنونة ؟؟ كبيرة ولا صغيرة ؟؟؟ رجاء : شنو تشوفني جداك ؟؟ الدكتور فهد : اشوفج يا رجاء عاقل وكبيرة بعد رجاء : عجل ؟؟ الدكتور فهد وبصوت مرتفع : ابــــــــــــوج مــــــــــــات وبــــــــــــدل هالاخبــــــــــــال .. ادعــــــــــــي لــــــــــــه بالرحمــــــــــــة رجاء وهي تطالعه بعصبية : هــــــــــــي انت من عطاك الحق تقول ان ابوي مات ؟؟ انت ولا هووووو فاهم .. ابــــــــــــوي عايــــــــــــش .. ( وهي تصر على اسنانها ) مسافر وبرد لي .. هو اتصل فيني وقالي انه مسافــــــــــــر مع وسام حق شغل .. وبــــــــــــرد .. طلع ان مو انا الي تعبانة نفسية ومجنونة .. انت .. وبدال ما تسوي روحك دكتور تعالج الناس .. عــــــــــــالج روحــــــــــــك وطلعت برى وما تركت خلفها غير طيفها .. وصدى صوتها ينعاد على فهد .. وبعدها ابتسم ابتسامة هادية وتنهد : توها البداية .. وشكله المشوار معاج صعب وطويل الامد وفي غرفة الانتظار ام وسام وهي تكلم ندى : ندى مو كأن هذي رجاء الي توها مارة على الباب ندى الي كانت تشوف المجلات مضيعة للوقت : ما اعتقد خالتي .. رجاء لازم تكون عند الدكتور ام وسام وهي واقفة وتمشي متجهة للباب : لا هذي بنتي ندى تركت المجلة ولحقت خالتها : خالة شفيج رجاء لازم تكون عـ.. ندى وهي تكلم نفسها : مبيي صدق هذي رجاء ام وسام الى رجاء : رجاء وين بتروحين يمة ؟ رجاء بهدوء خلفه بركان من العصبية : يالله نرجع البيت ام وسام لبت طلب بنتها : يالله .. ( وهي تكلم ندى ) هاتي جناطنا ولحقيني ندى وهي في قمة استغرابها : ان شاء الله واول ما طلعت من غرفة الاستراحة .. بخطوات كبيرة عشان توصل الى خالتها قبل ما يسبقونها .. ولكن صوت وقفها ندى : نعم الدكتور فهد : انتي قريبة رجاء صح ؟ ندى : أي نعم انت منو ؟ الدكتور فهد وبداخله يضحك .. تشوف ان عليه جاكيت ابيض يعني من يطلع .. شكله السذاجة بهذي العايلة كلها : انا الدكتور فهد ندى وهي تخفي خلها فشيلة كبيرة يا خبلة تشوفينه لابس لبس دكاترة شنو هالسؤال التافه وبضحكة تخفي خلها بياختها : ههه يا هلا الدكتور فهد : اهلا .. بس حبيت استفسر رجاء جت لعندكم ؟ ندى : أي احين سبقوني للسيارة الدكتور فهد : اهااا زين .. ولو ما عليج كلافة بغيت رقمها .. لان شكل علاجها شوية صعب ندى : ان شاء الله دقايق ( طلعت موبايلها وعطت الرقم الى الدكتور .. ومباشرة راحت لمكان مواقف السيارات ) ابو فراس وهو يدق على ولده الى من خبره بالسالفة وهو مختفي .. وهذي ولا عاشر مرة يتصل فيه ولا يرد عليه .. او يكون مغلق .. ولكن هذي المرة ضبطت ابو فراس بحنية : وينك يا وليدي .. صار لك اسبوعين وكم يوم لا حس ولا خبر فراس : سلامتك يمة .. مع صديقي قاعد ابو فراس : وليش يا وليدي ما عندك بيت يضمك ؟؟ والدراسة وانا ابوك ؟؟ فراس : وهو في دراسة وانا خلاص برتبط بانسانة بالغصب ابو فراس بفرح : يعني رضيت يا وليدي ؟؟ فراس : رضيت !!! .. القدر غصبني ولا انا عمري ما برضى اظلم بنت عمي معاي ابو فراس : وشلون تظلمها وانا ابوك ؟ فراس : ما احمل لما أي مشاعر .. حالها حال اختي شوق .. واقل بكثير .. وشلون ما تبيني اظلمها معاي وانا اقل شي وهو المعزة الي لازم احس فيه اتجاها .. ما حسيت فيه ابو فراس : يا وليدي الحب يجي بعد الزواج .. وبعد الزواج بتشوف كل شي متغير فراس : وليش هو ما في خطوبة ؟ ابو فراس : وهو في وقت للخطوبة .. خل الخطوبة للي ما يعرفون بعض .. وللي ظروفهم احسن من ظروفنا احنا .. ملجة وبعد عدة مرت عمك مباشرة زواج .. وبنخليه زواج عائلي .. بس بنسوي لها حفلة فراس : اشوفك مرتب كل شي يا يبا ؟ ابو فراس : البلوة ان وصية عمك معلقة برقبتي .. وابي ارتاح ( للتوضيح بس .. عندنا بالبحرين خطبة ( يعني خلاص ملج الشيخ ومو محرمين على بعض ) ويطلعون مع بعض عادي .. والبعض يظلون بالسنوات بس خطوبة .. لظروف يمكن دراسة .. او البعض يكونون صغار بالسن فمثلا الـ 18 او 19 .. بتكون فترة الخطوبة مثل ما اسميها لحظات الرومانسية بين الزوجين .. بس للتوضيح .. لان خطبة بين دولة ودولة تختلف معناها ) اول ما سكر فراس من ابوه تنهد فراس : شكله يا فراس بسبب بنت هالعم .. لا فترة خطوبة ولا هم يحزنون وبعبارته هذي على دخلة بدر وهو لابس : شفيك بعد تتحلطم على بنت عمك .. مسكينة هالبنت والله شكلك بتراويها الويل فراس : قول هي بتراويني الويل .. والله كل شي مرتب وانا علي بس ارتبط وخلاص .. الله يسامحك يا عمي بس بدر : قوم بس قوم .. شوية وياذن المغرب .. خلنا نقوم نصلي ابرك لنا فراس : يالله مشينا واول ما وصلوا ام وسام وندى ورجاء .. ام وسام شكرت سلمان الي ما قصر معاهم بشي ام وسام وهي تكلم اختها : والله هذا الي صدق انه يتسمى دكتور .. شلون يخلي بنتي تطلع جدي .. يعرفها مريضة .. ما يصير يخليها جدي .. لازم يجي يوصلها لنا .. بس انا ما ابي هو الي يعالجها .. اوديها لدكتور ثاني احسن رجاء هني تكلمت : يمة ليش دكتور ثاني ؟ انا ما فيني شي ام وسام : يا يمة لكــ.. وما كملت كلمتها .. وقفت رجاء : اذا وديتيني لدكتور ثاني اول ما يرجع ابوي من السفر بخبره وبقوله انج ما تحــــــــــبيني ( وراحت تركض على الدرج وهي تصيح ) ام وسام وقلبها يتقطع على بنتها : الله يهديج بس يا رجاء .. وين عقلج .. وين رجاء الفاهمة .. وشو سالفته من سفر الي شاغلة بالج ندى الى خالتها : خالتي ترى قبل ما اجيكم شفت الدكتور الي يعالج رجاء .. وشكلها هي طلعت من عنده .. لانه سالني رجاء مرت عندكم .. يعني زين الدكتور ومتابع لها .. والدليل جى يطمن اذا مرت علينا او لا ام سلمان : أي صح كلام ندى ندى الى امها : يمة الا وين شذى ؟ ام سلمان : متصلة فيني معصبة شوية وتصيح ندى : بل ليش ؟؟ ام سلمان : تقول خبرج تقولين لي ادز لها السواق الساعة 4 ونص .. لان تلفونها خربان .. وانتي خبر خير ندى وهي منصاعة : مبييي نسيت .. الله يساعدني عليها .. وشلون دقت عليج ؟ ام سلمان : وي عليي دخلت الجامعة من اول وجديد .. واتصلت لي من التلفونات الي هناك ندى : اهااا .. بس انا ما برجع البيت ببات مع رجاء .. اخاف ارجع وتعفس حالتي تعرفين بنت واسلوبها شلون ام سلمان : براحتج بس نهايتج بتقابلينها ندى : على الاقل بقابلها بالجامعة شوية بخف كلامها وعصبيتها Quote Link to comment Share on other sites More sharing options...
MaNaM!a Posted نوفمبر 21, 2008 Report Share Posted نوفمبر 21, 2008 مشكوووور اخووي القصه رووعه صرااحه ،، وننتظر البارت الجاااي ،، MaNaM!a Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.