آه يازمن

[دلعلع]

ثانكس خيو عالجزء

 

والليلة ابي ادش واشوف 3 اجزاء منزلة

[الامبراطوره]

نتريــــــــــــــــــــــا

 

البــــــــــــــــارت..

[** فراشة الربيع **]

مشكورة على الجزء الحلو

 

و ننتظر التكملة

 

 

تحياتي :

** فراشة الربيع **

[دلعلع]

ديهيه ووووووووينج

 

نبي الاجزاء بسرعة

 

واذا دشيت العصر وما حصلتهم بتصلين

 

امزح معاج لا تزعلين

[CaNdY GuRl]

مشكووووووووووووووووووووووره اختي على القصه الحلوه

يالله عاد نبي الباقي

[ديهيه]

سلااام

شخباركم .. ان شااء الله تماام

اسفه على التاخير ..

<<<<<< ترى مواعيدها عرب

سامحوها ...

والحين راح انزل لكم الجزء ...

[ديهيه]

احم احم ...

تفضلووا ..

 

الجزء الثاني والعشرون

 

 

 

صباحيه خوله وخالد..

 

الساعه 10.30..

 

خالد قايم من النوم قبل خوله ومتسبح ومتكشخ .. وطلب الفطور عشان اييبونه في الغرفه عندهم فوق.. وراح عشان يقوم خوله من الرقاد..

 

خالد وهو يهمس في اذنها: حبيبتي.. خوله.. يارووووووحي.. نشي..

 

خوله كانت تسمعه بس حابه ادلع عمرها زود..

 

خالد: يلا عاد حبيبتي.. قومي خل نتريق.. نشي ياقلبي (وتم يلعب بشعرها)..

 

وخوله الود ودها تضحك بس ماسكه عمرها..

 

خالد: حبيبي.. خوالي.. نشي .. نحن جيه بنتأخر على بيت عمي..

 

خوله كانت معنده ولا راضيه اتقوم كل شوي تتجلب واتغطي راسها باللحاف..

 

خالد: لا بالله دلع زاد.. وزودتيها.. والله اراويج..

 

نش خالد وياب كوب ماي وما قصر صبه على خوله الي حست عمرها بتنخنق.. وقامت وويها وشعرها كله خرسان بالماي..

 

خالد وهو ميت من الضحك: ههههههههههه.. عشان تتأدبين مره ثانيه لا تتدلعين..

 

خوله: حرام عليك.. احين وين بتفيج اسشور شعري.. انا اراويك والله بخبر عمتي..

 

وتمت اتسوي عمرها اتصيح .. وزعلانه..

 

خالد: ياربي على الدلع.. ماروم ماروم.. خلاص انا اسف.. اممممموح على احلى خدود... كله ولا زعل القمر.. حبيبتي عاد.. يلا صباحيه مباركه يا عروووووس.. كلولولولولووووش

 

خوله تمت تضحك على لهجته وهو يحاول يقلد صوت الحريم: انا بسير اسبح.. لو سمحت اطلع من الغرفه,...

 

خالد: لا والله تطرديني بعد..

 

خوله: ابا اخذ راحتي.. ممكن تتفضل برع..

 

خالد: شو انسوي بعد امرنا لله .. بنطلع مافينا تردين اتصيحين جنج ياهل..

 

..

 

في بيت عبيد النابوده..

 

الكل كان متيمع على الطاوله يتريقون..

 

عبيد: اقول العنود.. شو العرس امس حلو..

 

العنود فاهمه اخوها شو الي يبا يوصل له: هيه حلو..

 

سلامه: اي حلو.. اخخخخ.. انا ماداني الحشره ..

 

العنود: انتي مادري شو بتسوين في يوم عرسج..

 

عبيد: انزين.. شو البنات والرقص.. ربشه ها..

 

ام عبيد: علك العوووق يا صبي.. شو هالرمسه بعد.. وانت شعليك تسأل عن الحريم.. ؟؟

 

عبيد: بل بل بل.. عاد المرض مره وحده.. ارحمينا شوي امي.. مب ناقصين امراض..

 

سلامه: ههههههه..

 

عبيد: جب انتي.. هاللي فالحه فيه الضحك وبس..

 

كارتينا: ماما.. قاسم يقول هدا مافي لحم عشان يسوي مجبوس..

 

ام عبيد: لا اله إلا الله الواحد ما يقدر يرتاح.. ويتريق بريحاته.. لا حول الله

 

قامت ام عبيد وراحت صوب المطبخ عشان اتشوف شو سالفه قاسم طباخهم..

 

عبيد: اشووووه..خبريني عنودي.. شو العرس..

 

العنود: بإختصار كانت قاعده على الطاوله الي مجابلتنا .. حسيتها مب على بعضها جيه متضايقه مادري شلون.. وانا كنت اسولف وياها.. بس حسيتها مب معبرتني سرحانه..

 

عبيد: وافيدييتها..

 

العنود +سلامه: شووووو

 

عبيد:ها.. ماشي .. بسير عند ثاني..

 

سلامه: ياربي .. انت ما عندك ربع غيره.. كل حياتك ثاني وثاني..

 

عبيد: اشفيج انتي .. حاطه دوبج بدوب هالريال.. الي يقول ماكل حلالج..

 

سلامه: روح روح له.. اتلاقيه يصيح من غيرك..

 

صدت سلامه صوب العنود: اخبرج انا امسات كنت اقرا قصه البحيره السوداء.. مادري وين فريت الكتاب.. ما شفتيه..

 

العنود: انتي ما عندج سالفه ويا روايات عبير.. شو عايبتنج فيها مادري..

 

سلامه: كل واحد له ذوق.. خبريني ما شفتيه..

 

العنود: لا

 

سلامه: كارتينييييييي.. كارتينييي..

 

كارتيني: ها سلوم شنو يريد انت.. واجد في صرخ.. راس مال انا عور..

 

سلامه: والخيييييبه.. طال لسانج كارتينوو.. ماعلي منج.. سمعيني.. ماشفتي كتاب مالي..

 

كارتيني: انا مافي سوف شي.. يلا انا في شغل واجد داخل مطبخ..

 

عبيد: ويييييييييو هزئوها..

 

سلامه: انا هاي براويها.. وايد عطيناها ويه.. انت عبيد ما شفت كتابي..

 

عبيد: لا ما شفت شي..

 

سلامه: احسن شي اني اروح روحي وادر عليه.. ولا انتوا ما منكم فايده..

 

طلعت سلامه وتمت اتدور في الحديقه.. بس ما شافت شي على الطاوله.. تذكرت انها دخلت غرفه الضيوف.. اكيد فريته هناك.. بس عن يكون ها هناك بعد.. اتقولين لاجئ ما عنده بيت.. والله هالإنسان رافع لي ضغطي مغرووور مادري على شو.. بس وين الكتاب.. دخلت الغرفه وتمت اتدور بس ما لقت شي.. ويوم طلعت لقت موتر ثاني.. فركضت عن اتشوفه.. بس ماكان موجود.. شكله طلع ويا عبيد في سيارته.. افففف.. بعد حتى موتره يدخله الكاراج عندنا.. يقهرني.. ودي اكسر جامات سيارته كلها.. خل اشوف سيارته الأثريه هاي شو فيها.. جربت من السياره وتمت تتطالع داخلها.. ولاحظت في كتاب محطوط على السيت الي ورى.. ويوم دققت شافت انه روايه عبير الي اتدور عليها بعد كملت.. يدخل بيتنا ويصرق اغراضنا.. ولا بعد كتابي عنده هو.. اخييييج.. اكرهه اكرهه ما احبه.. شو هالإنسان.. لزقه.. ما ينبلع.. احين زين جيه اكسر الجامه عشان اخذ الكتاب.. والله بس خل اشوفه.. ما بسكت.. طز الي فيها فيها.. برمس.. عبيد يبا يعصب ولا لا كيفه.. بس ليش ياخذ كتابي من غير اذن.. .. ..

 

عبيد وثاني كانوا سايرين صوب العين .. مزرعه واحد من ربعهم..

 

ثاني: طول الدرب وانت ساكت.. بعدك اتفكر فيها..

 

عبيد: والله هالبنت عجيبه.. يعني انا اشكثر بنات اشوف يوميا.. بس ولا وحده خذت عقلي مثل ماهاي سوت.. والله هاي عجيبه..

 

ثاني: هههههه.. انزين ريح عمرك واخطبها..

 

عبيد: المشكله امي..

 

ثاني: امك؟؟ شوفيها..

 

عبيد: ما بطيع اتقول لازم نتعرف عليهم ومادري كيف.. وناخذ عليهم زود..

 

ثاني: انت كلمتها.. قلت شي.. جرب

 

عبيد: مادري والله.. وبعدين هم مشغولين هالأيام اختها بتاخذ فيصل ربيعي..

 

ثاني: اهااااا.. اقول منو هذا الي ورى يديم لك..

 

عبيد: لحظه خل اشوف.. هيه.. هذا طلول ولد عمي..

 

ثاني: طلال طلال.. لحظه خل اتذكر.. هذا الي شفناه وياك في بيت المزروعي ولا؟

 

عبيد: هيه هو.. لحظه خل اوقف في الباركينات هني.. بسلم عليه

 

وقف عبيد في الباركات .. ونزل وياه ثاني عشان يسلمون على طلال بن عامر ولد عم عبيد..

 

طلال: هلا والله بولد العم.. اشحالك؟؟

 

عبيد: هلا والله.. بخير يسرك حالي.. وينك وين هالغيبه كلها..

 

طلال: تدري الكليه وأرفها.. احين عندنا تدريب في المعسكر.. لازم اروح..

 

عبيد: الله يعينك.. اوه سوري.. ها ثاني ربيعي

 

ثاني: السلام عليك (وتم يتوايه ويا ثاني)..

 

طلال: يا مرحبا والله.. ادريبه.. شفته في بيت المزروعي.. شخبار الأهل.. خواتك كلهم بخير. ..

 

عبيد: هههههه.. ايا العيار.. تنشد عن منو انت..

 

طلال: حرام عليك.. راح بالك بعيد.. خلاص اسحبها اشحال عمي..

 

عبيد: والله بخير.. يسرك حاله..

 

طلال: يلا عيل.. شفتك وقلت خل اسلم عليك.. يلا في امان الله..

 

عبيد +ثاني: مع السلامه.

 

.. كل واحد ركب موتره وراح.. طلال طول الدرب وهو يفكر ااااه يا سلامه.. والله ان قلبي معورني.. كيف اقنع امي.. احترت ارضي قلبي ولا امي.. يارب دخيلك.. ساعدني.. امي ليش انتي جيه.. والله حرام.. ليش جيه اتسوون فينا.. مستحيل اخلي سلامه.. بس والله احبها..

طلال ما يسمع اغاني.. وكان طول الوقت يفكر.. ومن غياضه وغير جيه كان حاس عمره متأخر شوي... فكان مسرع حده.. وعدى عن عبيد الي كان متجدم عنه..

 

ثاني: شوفيه ولد عمك.. متخبل جيه ويسرع..

 

عبيد: غريبه.. بس انا ما احيد طلال يحب السرعه..

 

ثاني: اتصل فيه قوله خل يخف.. الشارع هني سيدين ومب زين عليه..

 

عبيد: وينه ماشوفه..

 

ثاني: الريال بهالسرعه الي يمشيها وتبا اتشوفه بعد.. اتصل به اقول لك..

 

عبيد تم يتصل بس كان تليفونه مغلق.. : مغلق..

 

ثاني: اقول اسرع شوي يمكن نلحق عليه..

 

عبيد زود من السرعه عنده.. بس ما قدر .. لأنه السيد كان موقف.. شكله كان مستوي حادث.. شاحنه كانت يايه على السيد الثاني منجلبه.. والسياره الي داعمنها.. مب قادر يشوفها..

 

ثاني: هدي.. لا حول ولا قوه الا بالله.. شو هالناس ما يفكرون يوم يسرعون ابا افهم..

 

عبيد ما كان منتبه لكلام ثاني.. كل همه يشوف السياره الثانيه.. كل تفكيره على ثاني لأنه كان مسرع.. يوم جرب من مكان الحادث وتم يطالع.. شاف السياره الثانيه.. وما قدر يمسك عمره .. نزل من السياره بسرعه وركض صوبها.. وشاف المنظر الي ماكان يتمنى يشوفه ابد في حياته... ولد عمه ميت ومتقطع شوي من اجزاء جسمه.. وثاني كان واقف عدال عبيد ومب عارف شو يسوي.. وهو يعرف طبع عبيد كيف حساس..

 

عبيد وعيونه مليانه دموع: سلامه.. شو اقول لها.. عمي المسكين..

 

ثاني مب قادر يجمع اي كلمه من الي كان يقولها عبيد لأنه كان روحه منصدم حال حال عبيد.. وماصار شوي الا ووصلت الشرطه وسياره الإسعاف وشلوا طلال لمستشفى التوام.. وعبيد ركب الموتر بس خلا ثاني الي يسوق لأنه مب قادر..

 

ثاني: عبيد.. خل ايمانك بالله قوي.. ترا هاي اعمار.. وكل شي بإيد ربك..

 

عبيد: كيف اقول حق سلامه.. ما بتتحمل.. سلامه قلبها ضعيف.. خايف يستوي فيها شي..

 

ثاني: اختك؟

 

عبيد: هيه يا ثاني.. طلال وسلامه كانوا محيرين لبعض من هم صغار وكل واحد متعلق في الثاني..

 

ثاني من سمع طاري سلامه انقبض قلبه.. يا حبيبتي.. ليتني اقدر اكون يمج في هاللحظات..

 

ثاني: الله يعينك..

 

ووصلوا المستشفى ونقلو جثه طلال لثلاجه الجثث بعد ما تأكدوا من موته.. وعبيد حاس ان ريوله مب قادره تشيله..

 

عبيد: ثاني.. دخيلك ساعدني.. ماعرف شو اسوي.. والله راسي مفتر..

 

ثاني: اتعين من الله خير.. المستشفى بيتصلون احين في بوطلال..

 

عبيد: لاااااااااااا.. مابا اتم هني.. مااقدر اشوفهم جدامي..

 

ثاني: خلاص انت هدي .. وقوم خل نظهر..

 

وتوه عبيد بيظهر ويا ثاني من المستشفى ياهم الدكتور..

 

الدكتور: لو سمحت..

 

عبيد: نعم..

 

الدكتور: انت ولد عم المرحوم صح..

 

عبيد: هيه..

 

الدكتور: كان في قبضه ايده ميداليه صغيره.. فخذها عن اتضيع..

 

عبيد: اي ميداليه.. هذي..

 

الدكتور: هيه.. يلا في امان الله..

 

ثاني: هات خل اشوف..

 

عبيد: هاك..

 

ثاني: هاي شكلها حد معطنه اياها شوف محفور عليه هديه إلى حبيبي.. جنه ينفتح افتحه اشوف؟؟

 

عبيد: لا خلني انا بشوف..

 

شله عبيد وفتح الميداليه وشاف داخلها صوره سلامه وهي صغيره وعالصوب الثاني مكتوب حرف T&S

 

عبيد: اااااااه.. والله ما اقدر اتحمل زود.. كيف بخبرها كيف.. امس كانت تنشد عنه..

 

ثاني: ماعليه انت ادعي ربك بس..

 

عبيد: الله كريم..

 

.. ..

 

وصل عبيد جريب البيت وكان متردد يدخل البيت.. ومن دخل الموتر شاف امه وابوه والعنود وسلامه ولطووف وعذاري متيمعين كلهم..

 

عبيد: ثاني.. ردني .. ودني اي مكان.. مابا انزل..

 

ثاني: انزل.. واتعوذ من ابليس..

 

عبيد: كيف بواجههم كيف.. شوف سلامه كيف مستانسه قاعده تضحك وتسولف ويا مطر..كيف تباني اخرب عليها هالضحكه.. والله بتموت اختي.. ماروم اقول لها

 

ثاني ماكان قادر يشوف الصوب الي قاعدين فيه لأنه ما يبين من صوبه..ولكنه كان يحس عمره اقرب من عبيد لها.. وان كل عقله عندها.. ووده يحضنها ويواسيها يوم تسمع الخبر..

 

ثاني: انزل.. واتعين من الله خير..

 

عبيد: دخيلك ادعيلي.. يلا انا نازل.. الله كريم

 

نزل عبيد وحاس انه خطواته مثجله علييه .. ومب قادر يمشي.. ريوله ماعاد يقدر يشيلها.. وكل ما يجرب من صوب هله يحس عمره بينخنق زود..

 

مطر: سوفو عمي عبيد وصل..

 

الكل صد صوب عبيد الي كان لون ويهه متغير.. والحزن مبين على ملامحه.. وكل شوي من الحزن الي فيه يرص على الميداليه زود.. لين ما ياه جاسم ومسكه من ورى ظهره ..

 

جاسم: بو حميد.. شفيك..عسى ما شر..

 

عبيد: ها.. هلا جاسم اشحالك؟؟

 

جاسم: انا جدامك.. بخير ومافيني شي.. انت الي اشبلاك؟؟

 

عبيد: جاسم شو اقول لك.. تعال على صوب برمسك..

 

جاسم : تعال خبرني.. خير خبرني .. والله بديت احاتي..

 

عبيد والدموع في عيونه: شو اقول .. طلال يا جاسم طلال..

 

جاسم: اشفيه.. اليوم ياني البيت وياب لي جيس اعطيه لعذاري وانا لين احين ما عطيتها حاطنه في السياره..

 

عبيد: ااااااااااااه.. دخيلك لا تعور قلبي زود..

 

جاسم: عبيد شو مستوي خبرني.. تراك دوخت راسي..

 

عبيد:طلال مات يا جاسم.. ماااااااات

 

جاسم: شووووو... لا صدق ترمس..

 

عبيد: الموت مب لعبه عشان العب فيها عليك..

 

جاسم: لا حول ولا قوه الا بالله... وكيف احين هله دروا..

 

عبيد: المستشفى اتصلوا في هله وهم سايرين هناك جنهم.. كنا سايرين العين انا وثاني وجفناه في الدرب.. سلم علي.. وهو سار لأنه عنده معسكر مادري شي جيه.. والأخ مسرع.. جيه ما يدعم ويا شاحنه.. الله لا يراويك المنظر الي شفته

 

جاسم: لا حول الله.. واحين كيف بتخبرها.. ؟

 

عبيد: انا هذا الي متعبني.. خايف على سلامه.. مابا يصير فيها شي..

 

جاسم: والله مشكله..

 

ام عبيد: شو فيكم يا عيال تتساسرون.. عبيد يما اشفيك..

 

عبيد من سمع صوت امه ما قدر .. تم ساكت ومنزل راسه..

 

عذاري: جاسم.. عبيد.. شو فيكم.. خبروني..

 

 

 

 

 

شو بيصير يا ترى.. تابعوا الفصل الثاني من الجزء22

 

شو موقف سلامه من موت طلال؟؟

 

وثاني شو بيسوي؟؟

 

تاابع ...

[شيخة بنات البحرين]

تسلمين اختي

 

ننطر الباقي

[** فراشة الربيع **]

تسلمين ديهية

 

ننتظر الجزء الي بعده

 

 

** فراشة الربيع **

[دلعلع]

تسلمين اختي

 

بانتظار البقية

 

بس يا ليت تطولين الجزء

 

لان هذا الجزء وايد قصير