ريم المحرق Posted ابريل 1, 2005 Report Share Posted ابريل 1, 2005 يلالالالالالالالالالالالالا ننتظر البقية Quote Link to comment Share on other sites More sharing options...
CaNdY GuRl Posted ابريل 1, 2005 Report Share Posted ابريل 1, 2005 شوقتينه اختي يالله نبي الباااااااااااااااااااااااااقي Quote Link to comment Share on other sites More sharing options...
الامبراطوره Posted ابريل 1, 2005 Report Share Posted ابريل 1, 2005 تسلمين ع البااارت ونترياا التكمله Quote Link to comment Share on other sites More sharing options...
** فراشة الربيع ** Posted ابريل 1, 2005 Report Share Posted ابريل 1, 2005 مشكورة ديهية على البارت الحلووووووو و يلا بسرعة ننتظر الباقي تحياتي : ** فراشة الربيع ** Quote Link to comment Share on other sites More sharing options...
أسير الغربة Posted ابريل 1, 2005 Report Share Posted ابريل 1, 2005 شكراااااا على الجزء انا مابقدر ادخل المنتدى لمدة 3 او 4 ايام اتمنى تكملينها فيهم تسلمين على المجهووووووود تحياتي اسير الغربة Quote Link to comment Share on other sites More sharing options...
ريم المحرق Posted ابريل 1, 2005 Report Share Posted ابريل 1, 2005 متى راح تكمليها؟؟؟؟ احس ان راح تكون احداث راح تغير مسيرتهم <_< Quote Link to comment Share on other sites More sharing options...
ديهيه Posted ابريل 2, 2005 Author Report Share Posted ابريل 2, 2005 اكيد فيها احدااث يديده B) Quote Link to comment Share on other sites More sharing options...
ديهيه Posted ابريل 2, 2005 Author Report Share Posted ابريل 2, 2005 سلاااام .. شخباركم .. ان شااءالله بخير ... يالله ما اطول عليكم .. تفضلووا .. الكل اكتمل في العرس.. والكل كان متواجد.. كانت فطووم فعلا طالعه بمنتهى الجمال.. ومريم.. ونوره.. وعواش بعد.. ريم ما حضرت العرس بحكم ان عرسها الإسبوع الي بعده... كان كل شي مرتب في العرس... الدق كان حلو.. والبنات ماشاء الله ارتبشوا وتمن يرقصن ويتمايلن.. لين ما حان لحظه دخول خوله.. الي كان الكل ينتظرها.. خوله: حصه.. ساعديني.. احس بيغمى علي.. حصه: ماعليج.. هدي عمرج.. خوله: انزين شوفي شعري اوكي.. حصه: صدقيني كل شي حلو فيج.. ماشاء الله عليج.. خوله دخلت على انغام موسيقى كلاسيكيه .. وضوء الشموع.. والفلاش الي كان يرافق خطواتها.. كانت في قمه الروعه والجمال.. فستانها بسيط وانيق... لونه اوف وايت.. مطرز عليه بتطريز ناعم باللون الوردي الفاتح مع البيج... وورد من التور منسوج على النفخه الي في فستانها.. وطرحتها كانت طويله.. من التور.. مطرز اطرافه.. وتسريحه شعرها كانت ناعمه ومنزلين منها خصل على ويهها.. كانت طالعه في منتهى الجمال والرقه.. وابتسامتها كانت مزوده عليها جمال.. وباقه ورد بسيطه ماسكتها في ايدها.. الي يشوفها ما يفرق بين الورد وبين ويهها.. يحتار منو الأحلى عن الثاني.. ومن صعدت وقعدت على الإستيج حست براحه نفسيه.. والبنات ارتبشوا زود.. اما عواش فمن شافت عذاري حست بقرب جاسم منها.. كانت تتألم في داخلها بس تخفي هالألم بابتسامتها .. خلصت الحفله عند الرياييل.. وسووا مسيره من عند فندق حياة ريجينسي إلى المركز التجاري.. كان ثاني صدق مرتبش.. لأنه من طبعه يحب جو الأعراس والفرفشه.. وكان ايول من خاطره بين الرياييل.. الي يشوفه يقول عرس واحد من ربعه ولا اخوانه.. ونفس الشي عبيد.. اما جاسم فكان متغير.. مب على حاله.. دخل خالد وكان وياه عبدالله .. وأبوه.. من دخل على طول تم يطالع القمر الي على الإستيج.. قام يسرع من مشيته عبدالله: هههه.. مستعيل ولد عمي... يراكض.. بوخالد: اركد.. خل نلحق عليك.. خالد: وليييت انا من شفت القمر.. وليييت مشى خالد ووقف عدال خوله.. فطوم استغربت لأنه غانم ما دخل كان مفروض يدخل.. على طول طلعت من الصاله وتمت اتوايج في الصاله الخارجيه.. جان اتشوفه وتنادي عليه.. فطوم: وانت ليش ما دخلت.. غانم: بس جيه اتغلى.. اقول فطيم.. دخيلج .. شلي غشوتج خل اشوفج.. فطوم: لا والله.. اتهبي.. ماشي.. انا بعد اعرف اتغلى غانم: يهون عليج غنووم.. فطوم: رياييل وراك استح.. غانم: واشعلي منهم ما يشوفونج انا مغطي.. دخيلج.. فطوم: غانم.. ماشي.. غانم: كم بعيش.. ماروم لازم اشوف عيونج فطوم: هههه اسفه وراحت عنه.. وغانم راح ودخل من الباب الي يدخل على الفرقه عشان ياخذ عنهم الميكرفون ويدق علىالعود الإغنيه الي كان مجهزنها.. ومن بدى يدق فطوم فزت من مكانها.. حست ان قلبها بيطلع من مكانه.. تمت تسمع الإغنيه .. وذابت في صوته.. وما كانت منتبهه ان الكل يطالعها وهي مندمجه.. ويضحكون عليها.. ومن خلصت الإغنيه وشافت يطالعونها .. حست بخجل.. وفشيله.. اليده: ههههه.. اخ منكن انتوا يالبنات.. ام خالد: هههه هي والله صدقتي.. مريم: العاشقه الولهانه صايره لنا فطووم.. فطوم: جب جب انتي.. قامت عنهم وتموا يضحكون عليها.. وتمت ترقص جدام اخوها خالد.. بس هو ماكان معبرنها مستانس.. وكل يطالع في خوله.. وخوله ميته من المستحى لأنها عارفه ان الكل يطالعها تمت امنزله راسها.. فطوم عصبت جان اتروح لهم.. فطوم: مادري انا ارقص حق عمري.. بسك بسك.. بتشوفها فوق.. خالد: غيرانه الإخت.. فطوم: عبرنا شوي.. محلو الهرم.. خالد: حلاج ربي.. خوله: مبيض بعد.. خالد: الله يخلي المغربيات الي فركوني.. خوله: شووووووووووو؟؟ خالد: اشفيج بسم الله.. اقصد الحمام المغربي.. خوله: اتحرى بعد.. خالد: اشووووه.. ولا اليوم برقد بيت اهلي انا .. وخلص العرس.. والكل كان مستانس على هالفرحه الي كانوا من سنين يتريونها.. والكل رد البيت.. وغانم تم يتحايل.. الا انه هو يوصل فطوم.. من بعد ما وزع الكل على المواتر.. ماكان في مكان يسد فطوم غير موتره.. فطوم: اوهووو.. وانا ويا منو اسير.. غانم: معاي طبعا.. فطوم: شووووو.. لا مابي.. اليده وهي تغمز لغانم: ماشي مكان يدو.. شو انسوي.. روحي يمي وياه.. وهاي حمده ودوها وياكم .. تراها اذيه.. فطوم: يدووو انا بسير ويا عمي.. وانتي ويا غانم.. اليده: لا ماعليه يلا سيري انتي.. احين عمج يدق هرن.. بروح قبل لا يودرني.. الكل روح وانجبرت فطوم اتروح ويا غانم.. فطوم: يلا .. غانم: وين وين وين.. تقعدين جداااااااام فطوم: لا والله.. تحلم غانم: قلت جدام يعني جدام فطوم: مااااابا غانم: ترا بروح وبودرج روحج هني كيفج.. وخلي في بالج تراني اسجل كل شي ما يعيبني فيج عشان اراويج فيه عقب الزواج.. فطوم: لاوالله.. عيل اسميني بنضرب.. غانم: هههه زين انج يوم عارفه عمرج وايد اتغلطين.. حمده: يلا عمي.. انا تعبانه ابا انام.. غانم: سمعتيها.. تبا اتنام يلا.. ركبت فطوم يدام.. لأن ما كان بيدها حيله. غانم: احين انتي عندي في الموتر.. والموتر مخفي شامل.. يلا خليني اشوف ويهج .. فطوم: اسفه.. غانم: فطوم عاد.. يلا لا تستوين ماصخه.. فطوم: مابا.. غانم تم يلفلف بالسياره عشان يزيغها.. وهي ميته من الخوف.. ومن خوفها عن ايزود في حركاته شلت الغشوه عن ويهها.. غانم: ياهوووووو.. فطوم.. احين احين احين.. بسير عند الملاج.. فطوم ماتت من المستحى ونزلت راسها وردت اتغشت وتمت تلعب بصبوع ايدها.. غانم: اااااه كم بعيش.. وبدون ما يحس غانم بعمره كان بيدخل في عمود الليت بس تدارك الأمر.. فطوم: حااااااسب.. انا شو ركبني وياك..ناوي تجتلني انت.. غانم: انتي الي جتلتيني.. كم بعيش.. حمده: انا بخبر عليك بابا.. كله اتفرفرني في السياره.. غانم: اوووه شت.. نسيت ان عندي فتانه هني.. اقول بوقف عند الشيشه باخذ لج جبس وحلاوه فطوم: ههههه.. عيل انت محد يروم عليك غير حمدووو.. .. في غرفه خالد وخوله خالد: فديتج والله .. طالعه قمر.. خوله: بسك عاد مجاملات(منزله راسها من المستحى ومحمره),, خالد: اخيرا يا خوله خذتج.. وامتلكتج.. وخلاص.. محد يروم يمنعج مني.. خوله: ... خالد: لا تذبحيني بسكوتج.. دخيييلج.. خوله: احبك خالد.. خالد:شو ما سمعت شو قلتي.. خوله وهي تبتسم: احبك.. خالد وهو يفر عمره على السري: كم بعيييييش وتمت الفرحه على خير.. انتظروني.. ياترى عرس فيصل.. كيف بيكون؟ وشو الي بيدور بين فيصل وريم؟ عواااااااااش؟؟؟؟؟!! عبيد؟؟ العنود شو موقفها من زواج فيصل.. بتقدر تنساه؟؟ Quote Link to comment Share on other sites More sharing options...
ديهيه Posted ابريل 2, 2005 Author Report Share Posted ابريل 2, 2005 ان شااء الله الليله راح انزل لكم جزء 22 .. انتظروني Quote Link to comment Share on other sites More sharing options...
شيخة بنات البحرين Posted ابريل 2, 2005 Report Share Posted ابريل 2, 2005 مشكورة اختي بس ننطر يالله عاد Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.