الحزين Posted ديسمبر 13, 2003 Report Share Posted ديسمبر 13, 2003 أنا كلامي من كلام اخوي ليش <_< Quote Link to comment Share on other sites More sharing options...
LAISH Posted ديسمبر 13, 2003 Report Share Posted ديسمبر 13, 2003 سلام اخوي جيغوفارا .. ماقصرت وتعقيبك في محله .. هاذي نقطه نسيت اقولهه! الاخ محبوب ... ارجع واقول لك .. ان مو بس كرزكان والدراز اللي انت ياي تستدل فيهم الحكومه مقصره فيهم واهمه اللي عليهم القصور بس .. وايد مناطق في الديره فيهه نواقص وايد ..... ........... وبما انك خرجت عن صلب الموضوع وتطرقت لموضوع الوظائف هم بارد عليك وباقولك ان نفس الشي اللي ينطبق في الدراز وكرزكان .. هم ينطبق على باقي مناطق الدوله وبالذات مدينة عيسى اللي انت ذكرتهه لاني واحد من سكانهه واجوف بعيني المباني القديمه والشباب اللي يسهرون على الشوارع لي اذان الفجر واهمه عايشين على امل انهم يتوظفون .. والمدينه معروفه بهالاشكال اكثر من اي ديره غيرهه في البحرين .. ومو بس المدينه وايد من سكان المناطق الثانيه ماعندهم وظايف ابتداء بالحد وانتهاء بالزلاق ......................... فيعني مو بس هالمنطقتين اللي فيهم نواقص من حيث البناء والتوظيف!! اخوي فارس .. انه يوم ذكرت الملك .. اقصد الحكومه بشكل عام .. يعني الحكومه توهه مستلمه الحكم من اربع ولا خمس سنوات .... تبيهم سيده يهدون مسؤلياتهم ويتفرغون حق سفلتة شوارع الدراز .. ويوظفون شباب مدينة عيسى .. ويعدلون مجاري منطقة البحير واسكان الرفاع الشرقي اللي ريحتهه واصله لي الدور وعسكر ( عز الله القاري )؟؟ اللي ارجوه منك اخوي انك تنتظر وتتريا بالصبر حالك حالنه .. اكو احنه وايد نواقص و وايد احتياجات نرجوهه من الحكومه ولا من مجيب ..... شنسوي يعني نروح نحتج ولا نروح نطق عليهم باب بيوتهم .... كل اللي نقدر نسويه نصبر ... وانشالله لين خلصو من هالمنطقه .. بيروحون للمنطقه الثانيه .. ولين خلصو بيروحون للثالثه .......... يعني مو معقوله في خمس سنوات البحرين تصير مثل نيويورك ...... هذا ولا بعد عشر سنين .. اخوي هاذي دوووووووووووله تعرف شنو يعني بناء دوله ؟؟ يعني يبيله سنين .. مو يوم وليله ................ وشكرا لك على هالنقد وبالعكس كلامك منطقي .. بس مثل ما انت تدعي انك مظلوم .. غيرك هم مظلوم .. واللي نقدر نسويه نصبر كون الحكومه توهه في بداية طريقهه!!! الاخ اوسامو .. تبليط شوارع منطقة المسؤل هاذي شي عادي كونك انت قلتهه بالسانك اسمه شنو ؟ ( مسؤل ) ... يعني لو انت كنت محله جان بيبلطون لك شارع بيتك .. حتى لو تبي سطح بيتكم بعد بيبلطونه وبيحطون لك فيه نخل ومشموم لانك مسؤل .......................... ومثل ماقلت للشباب .. القصور مو بس ياي على ناس ومخلي ناس .. لاتنظر للموضوع من صوب واحد .. تره الكل يعاني من هالمشكله.............. وهم انت ذكرت مدينة عيسى على انها افضل من غيرهه .. انه ارد عليك واقول لك ان المدينه من اكثر المناطق المظلومه وعليهه القصور من ناحية الشباب المتسكعين في الشوارع .. مثلا روح وجوف بعينك شارع جدعلي الكل يدري ان مسافة ثلاثه متر على هالشارع عدله مافيه .. الشارع بكبره مكسر .. واللي حاصل انهم قاعدين يعدلونه الحين ... سلماباد منطقه صناعيه بحته كلهه كراجات وازعاج وروايح وتلوث .. شارع توبلي مكسر من 12 سنه ولا تعدل .. شارع البوابه الزحمه فيه الصبح تخليك تكره الدوام .. شمال المدينه متأذيين من الروايح الكريهه اللي اتييهم من مبني البلديه ( عز الله القاري ).. غرب المدينه صوب الشقق اللي يدشهه عباله داش الباطنيه في مصر .. كله شباب مخدرات وخماره ............... يعني شنو؟ يعني المدينه افضل من غيرهه؟ ........................ والفورمولا واحد اللي انت تتكلم عنه من قالك ان الشعب له الحق في فلوسه؟ هاذي مشروع رياضي اول شي يرفع من مكانة البحرين في المحافل الرياضيه .. وشي ثاني الفلوس اللي بترد عليه .. مالك حق فيهه ولا انه لي حق فيهه لان اهمه اللي منظمين البطوله وانه وانت ما ساهمنه ولا بدينار واحد فيه .. يعني شي طبيعي .. فلوسهم بروحهم مو فلوس الشعب .... فلوسك انت راتبك بس واذا كان عندك اي مشروع شخصي ... لايكون تبي فلوس الفورمولا واحد يعطونك اياهه علشان ترضى ؟؟ يعني هالفلوس لا انت ولا انه ولا غيرنه بنحصل منهه شي .. يعني حالك حالنه .. وين التفريق وعدم الماسواه في الموضوع؟؟؟؟؟؟ الاخ عمار .. انه أأيدك في هالنقطه .. وهم انه اقول اللي ريوله في النار غير اللي ريوله في الماي .. بس ماعرفت انت ريلك في النار ولا في الماي ؟؟ لان انه عن نفسي في النار وساكت وصابر .... واتمنى ان ريولك انت في الماي ......... وطبعا ( عز الله القاري )!!!! اخوي الحزين .. شي مو غريب عليك اخوي .. لانك عارف الديره وعارف النواقص اللي فيهه .. حالك مثل حالي ... بس الشباب الله يهداهم مايندره اشفيهم معصبين ومشوطين .... عبالهم بس اهمه اللي مظلومين وعليهم نواقص ... مايدرون ان حالنه من حالهم ............ الف شكر لك اخوي!!!!! وحياكم! <_< Quote Link to comment Share on other sites More sharing options...
Farisq Posted ديسمبر 13, 2003 Report Share Posted ديسمبر 13, 2003 شرايكم نسوي زيارات ميدانية عشان نعرف من إلي رجولة في الماي ومن إلي رجولة في النار ؟؟؟؟؟؟؟؟؟؟؟؟؟ :lol: يا أخ LAISH إحنا في دولة حضارية وليست إقطاعية حتى تقول أن الشعب ليس لة حق في هذة الأموال التي تهدرها الحكومة هنا وهناك ........................ على فكرة من ناحية شرعية هناك رأيان فقهيان في هذة المسألة من ناحية التصرف في أموال الدولة التي تدعي أنت أنها ليست ملك الشعب : الأول يقول بأنة تعتبر الأموال الخاصة بالدولة مجهولة المالك وللشعب التصرف فيها بإذن الحاكم الشرعي . الثاني يقول بأنة هذة الأموال ترجع للحكومة وإن كانت جائرة وتصرفها في مصلحة الشعب وما يفيدة . يعني يا أخ LAISH لو أردنا أن نكون منصفين فهذا رأي الدين في الموضوع أي أن الأصل هو إنفاق الأموال في مصلحة الشعب وليس وفقا لما تشتهيه الحكومة , فأرجو يا عزيزي أن نأطر هذة القضية في إطار شرعي لكي لا نظلم الناس و لا يظلمنا الناس . كما أن هناك أولويات يا عزيزي يجب أخذها في الحسبان , فبناء مدرج للفورميلا بقيمة 500 مليون( دينار أو دولار لست متيقنا) أولى أم بناء منازل للذين تكاد بيوتهم تتهدم فوق رؤوسهم أولى ؟؟؟ ...... يا أخي يجب أن نكون موضوعيين أكثر . ما لاحظتة عليك يا عزيزي أن تروج لفكرة أننا مظلومين لكن صابرين .......... أقول يا عزيزي ﴿إن الله لا يغير ما بقوم حتى يغيروا ما بأنفسهم﴾ صحيح أن الحكومة جديدة ويجب أن تأخذ وقتها ولكن مانراة يا عزيزي أن الحكومة لو أرادت التعجيل في مشاريعها فإنها قادرة على ذلك ...... فهذا الفورميلا قد شيدتةالحكومة في زمن قياسي لا يضاهى ولم يقل أحد أن الحكومة جديدة ويجب أن تأخذ وقتها !!! المشكلة يا عزيزي أنة يجب أن تكون هناك بوادر للتعمير لكي نعرف أن الحكومة جادة فعلا , وأقول بوادر وليس تعميرا كاملا أخذا بفرضية إعطاء المدة الكافية لهذا الغرض , فليس هناك من يطالب بخلق مباني في يوم وليلة ولكن هناك من يطالب بوضع حجر الأساس على الأقل , فهل حجر الأساس يحتاج لأربع سنين يا أخي العزيز LAISH ؟؟؟؟؟؟؟ Quote Link to comment Share on other sites More sharing options...
LAISH Posted ديسمبر 16, 2003 Report Share Posted ديسمبر 16, 2003 سلام هلا وغلا بالاخ فارس .... اقول اخوي اشرايك نروح انه وانت لبرنامج الاتجاه المعاكس تره ننفع .. هههههههههه ..... وعن الزيارات الميدانيه انه حاظر لا والسياره علي بعد! المهم ردا على كلامك... الحقوق الشرعيه والفقهيه في اموال الدوله اللي تتكلم عنه صحيح .. بس هالحقوق ماتتطبق في بلدتنا من ولدت وانخلقت .. ولا حتى في الدول اللي تتعامل بالشرعيه الاسلاميه مثل ايران والسعوديه .. مايوزعون فلوس على الشعب ولاشي .. وكانت توزع على الناس ايام الرسول ( صلى الله عليه وسلم) وايام الخلافات .. الخ .. وكانت توزع عليهم غنائم الحرب فقط لاغير ........... واحنه في دولتنه حق المواطن من اموال الحكومه ( رااااتبه ) فقط ..... اذا انت اشتغلت ناطور بتحصل 100 دينار .... واذا اشتغلت مدرس بتحصل 500 دينار .... واذا اشتغلت عضو بلدي بتحصل 1000 دينار .. يعني انت تحدد للدوله جم تعطيك من اموال في حدود وظيفتك وراتبك فقط .. ومالك من الدوله اي اموال ثانيه ..... وشرعية الاموال ماتتطبق شرعا وبشكل صحيح ولا في اي دوله اسلاميه يكون لعلمك.......... فلا تخلط المواضيع .. يعني لما قالو الحكومه تبي شي .. قلتو الشعب اليهودي والامريكي يسوون مظاهرات ضد الحكومه .. والشعب يبي يسوي مثلهم ,,,,,,,,,,,,,,,, واذا قالو الحكومه ماتبي تسوي شي .. قلتو المسلمين يوزعون ويعطون .. والشعب يبي يسوي مثلهم,,,,,,,,,,,, يعني اذا تبون .. تبون مثل المسلمين ....... واذا ماتبون .. قمتو مثل اليهود؟؟؟؟ ....... مبنى الفورمولا اللي انت تتكلم عنه اقولك للمره الثانيه .. هاذي بني من اموال مستثمرين في الدوله بالاضافه الى الحكومه واهمه منتظرين المردود كمشروع رياضي اولا .. وثانيا مشروع تجاري ..... فليش تحاسبهم في حلالهم ؟؟ شارك معاهم وبيرد لك المردود ... يعني تبي الدوله تبني مدرج للفورمولال واحد ببلاش ؟؟ ولا من غير فلوس ... لازم الموضوع يكلف الكثير من الاموال ............ وتعال باقولك . انت ماتتمنا ان البحرين تكون دوله سباقه رياضيا؟ ماتتمنى البحرين تكون لها مكانه في وسط باقي الدول؟ ماتتمنا البحرين يكون لهه وجود في المحافل الرياضيه؟ ماتتمنا الخير لديرتك؟؟؟؟؟؟؟ هذا شي مشرف اصلا انهم يبنون صرح رياضي مثل هذا .. ويكون لعلمك انهم بنوه واهمه ماخذو من راتبك ولا من راتبي ولا فلس ........ وبهالمشروع يرفعون اسمهم واسمك انت كونك بحريني وديرتك مستظيفه لهالمشروع ................... اذا المواطن يحس ان البلده تصرف اموال لرفعة اسمها ومكانتها بدون لمس اي جزء من امواله المفروظ يفرح ........ بس تبون البلده تعطيكم فلوس وتبني لكم وتسوي لكم ... يعني الرياضه لا .. الثقافه لا .. التعليم لا .. الاقتصاد لا .. التجاره لا .. الصناعه لا .......... بس الفلوس والبناء اي ونعم .. بس هذا ؟؟؟؟؟ نفس ما انت تفكر في نفسك ........ هم الحكومه تفكر في نفسها وتفكر في تعديل مكانتها في جميع المحافل بانواعها ........... فلاتحاسب الدوله في مشروع مثل مشروع الفورمولا! ومثل ماقلت لك انت وانه والشعب لنه راتبنه فقط لاغير .. ومو بس احنه ..... كل الدول جذيه .......... واتحداك اتييب لي اسم دوله توزع فلوس للشعب شرعا وتحت شعار الشريعه الاسلاميه مثل ماذكرت ............. انت روح جوف دول ثانيه .. بيوت وعمارات تطيح على راس اهلها .. وكل اللي يصير ان يزورهم مسؤول .. ويصفق بيدينه ويقول لاحول ولاقوة الا بالله ويمشي ........ احنه يصير عندنه جذيه ؟ روح طالع دول ثانيه وجوف بيوتهم وحالتهم .. اذا بيت الوزير عندهم مثل بيت من بيوت منطقة البحير عندنه .. راتب النائب عندهم مثل راتب المدرس عندنه .. راتب اللواء في الجيش عندهم .. مثل راتب ممرضه في مستشفى السلمانيه عندنه.......... يبه تره انت وانه في خير وحالنه احسن من غيرنه بوايد!! وعن التعديل والبناء .. قولي شتعدل الحكومه اذا اهيه تبني وغيرهه يخرب ويكسر .. اذا انه امس بعيني جايف حريجه اشكبرهه على شارع مجمع السيف .. قولي شتعدل الحكومه؟؟؟؟؟ مثل ماقلت لك الدوله قاعده تعدل شوي شوي كونها في بدايتها .... ولاتقول ما انوظع حجر اساس .. بالعكس ............. روح افتر في شوارع المملكه وجوف بنفسك ..... اغلب شوارع البحرين تعدل وترصف حاليا .. واذا تبي اذكر لك اسم .. روح شارع جدعلي وجوف بنفسك ...... روح على شارع وزارة الاعلام و شارع اخبار الخليج في مدينة عيسى وطالع العمارات السكنيه اللي يبنونهه .. هالمشاريع وغيرها اللي انه اقصد انها محتاجه اربع سنين يا اخي العزيز فارس!!!! اكرر بدل المره مليون مره ... صبرو على الحكومه .. الحكومه جديده ومحتاجه وقت ...... وقولو الحمدلله .. تره حالنه احسن من غيرنه بمليون مره!!!!! وحياكم! <_< Quote Link to comment Share on other sites More sharing options...
Farisq Posted ديسمبر 16, 2003 Report Share Posted ديسمبر 16, 2003 الأخ العزيز LAISH ....... أنا أفضل نروح برنامج أكثر من رأي لأنة مافية هواش هههههههه وعن الزيارات الميدانية أقولك إعتمد , سيارتك ولا سيارتي كل واحد , ترى سيارتي موديل 2004 يعني للحين فيها قوة هههههههه . عزيزي ........ مافي شرع في الدنيا يقول توزع الأموال على الناس ...... وما طرحتة لك من نظرية الإسلام في الأموال هو لتبيان أحقية الشعب في تحديد مصير الأموال وليس من أجل أن توزع عليه فلا أحد يقول بهذا و لا تفهمني غلط يا خوي ..... محد لة حق في فلوس وهو قاعد ومتسند . لكن ما أقولة أن هناك أولويات لا يجب تخطيها وأظن أنك تتفق معي في ذلك . ما أعرفة أن الفورميلا مشروع تمولة الحكومة , لذلك تم عرضة و مناقشتة في البرلمان ولكن إذا كنت أنت متيقن أنة من أموال المساهمين فلا أحد لة الحق في المطالبة بها كما تفضلت . عموما يا خوي الديرة فيها من الخير الشيء الكثير , وفيها من الخدمات ما لا نجدة في مكان آخر وهو أمر نجلة ونقف إحتراما للحكومة لما توليه من رعاية لهذة الخدمات . لكن يا أخي العدل ..... العدل ...... العدل العدل في العطاء ...... هو المطلوب , لا أكثر ولا أقل . قد أرى أنا وأنت أن الحكومة عادلة في ما تمنحة للشعب , لأننا نتكلم من منطلق الشخص الغير محروم , ولكن إذا سألت شخصا يكاد بيتة أن يسقط فوق رأسة فماذا ستكون إجابتة ؟؟؟ يا خوي إنت أكيد تشوف كل يوم في الجرايد عن هالمساكين الي يتفطر القلب لحالهم , وأكيد الوزارات قاعدة تحاول تحل مشاكلهم وبعضهم تم حلها فعلا , لكن السؤال هو : هل يجب أن يلجأ هؤلاء للجرايد من أجل أن يتمكنوا من مواصلة حياتهم ؟؟؟ كما تفضلت بأن الحكومة حديثة العهد وهي وضعت حجر الأساس في مشاريع عدة مثل تعديل الشوارع و بناء المجمعات وغيرها من مظاهر عمرانية , لكن نرجع و نقول الأولويات أولى ! بناء مساكن للناس أولى من رصف الشوارع وأولى من تزيين الحدائق وبالطبع أولى من حلبات السباق . تصدق يا أخي العزيز LAISH إني شفت بعيني عائلة مكونة من عدد كبير من الأفراد ملتمين كلهم على بعضهم في سيارة جولف صغيرة , يدورون الشوارع وكاتبين على سيارتهم : ليس لنا مسكن !!! . قربت من السيارة ونظرت لتلك الوجوه التي بان عليها التعب والإنهاك لبقائهم في السيارة مدة طويلة وبينهم نساء وأطفال ........ حينها تذكرت أني قرأت عن هؤلاء في جريدة الأيام قبل يوم ولكن الصورة على الطبيعة والله العظيم فطرت قلبي ......... هل تلوم هؤلاء يا أخي عندما كتبوا على سيارتهم ليس لنا مسكن ؟؟؟؟؟؟؟؟؟؟؟؟ بالطبع لا تلومهم لأنهم أشخاص تبنوا قضيتهم وكل ما أرادوه هو بيت يأويهم , فما بالك بموقف أسمى من هذا وهو تبني قضية الشعب و قضية البحرين وهي : Quote Link to comment Share on other sites More sharing options...
LAISH Posted ديسمبر 17, 2003 Report Share Posted ديسمبر 17, 2003 سلام شكرا على الرد الراقي والسريع منك اخوي فارس .. وانه معاك في راي البرنامج بس السياره لا .. لازم سيارتي لانهه سبورت وتنفع حق ( المشاخط ) بعد الزيارات ....... لا والعشا علي بعد! :lol: المهم اخوي ... سالفة الاموال انت بروحك قلتهه محد له الحق في اموال الحكومه .. وكلن له راتبه ودخله فقط لاغير وهذا اللي انه قلته .... بس هم نظرية الاسلام في الاموال ماتطبق في بلدنا ولا اي بلد غيرنا ولامصير هالاموال يتم تحديده من قبل الشعب .... هذا الشي من قبل الحكومات كلها في كل الدول وبدون استثناء!! ومثل ما انه متفق وياك في موضوع الاولويات .. هم انه عند كلمتي ان الدوله والحكومه عارفه شنو الاولويات .. واهيه ادرى منك ومني بها .. عيل ليش حاطينهه حكومه؟ .. والشعب ماله اي شي من هالاموال وهذا مو بس في بلدنه .. في اي بلد ثاني في العالم .. والفورمولا واحد هذا شي من قبل الحكومه وللحكومه!!! العطاء اللي ذكرته شنو تقصد فيه .. واي نوع من العطاء؟ انه اللي اعرفه ان العطاء شي مو اجباري وهذا كرما من الشخص للغير .. او من الحكومات لشعبهه .. فليش تساوم على العطاء؟؟؟؟؟ وملكنه الله يحفظه اعطى الكثير في وقت قياسي وفعل مالم يفعله اي حاكم لبلده في فتره مثل هاذي .... وممكن تتأكد من هالعطائات بنفسك اذا كنت ناسي .. على هالرابط .. http://www.bahrain2day.com/forums/index.ph...showtopic=14534 يعني عطاء وعطونه وكلنه خذنا بالتساوي والعدل والحمدلله .... فأي عطاء واي عدل انت تقصده ؟؟؟ الاولويات .. انه ذكرتهه لك .. في شوارع ترصف .. وفي حدايق تتزين .. وهم في حلبة سباق تنبني ..... يعني كل شي موجود .... واذا بتقول .... ( لا .. اول شي المساكن ) باقولك .. هم في مساكن تنبني!!!!! وياخوي باقولك مو بس في البحرين بيوت بتوقع على راس اهلها .. هذا في كل مكان ... وانه اشوف اكثر من غيري حاجات الشعب للاعانات والمساعدات اكثر من غيري .. كوني اسكن في مدينة عيسى والمدينه من المناطق اللي تكثر فيها مثل هاذي الامور ....... بس كل واحد ورزقه .. كل واحد واللي الله اكتبه له ... هالفقير اللي تتكلم عنه من وين له فلوس الغولف اللي يفتر فيهه اذا كان صج ماعنده ومحتاج؟ ومدام ان اهوه عارف انه مو قد مسؤلية الزواج الحين.. يعرس ويعذب روحه ويعذب بنات الناس وياه ليش؟؟ مسأله الزواج اخوي مثل ما انت عارف ... مو طبول وطحطحه ويللا انه ابي اعرس .... الزواج مسؤليه .. وتأمين لهالمسؤليه .. يعني لازم يكون مأمن على مستقبله ومستقبل عياله .. بعدين يعرس ..... ليش مافكر من البدايه ان اهوه مو قد هالشي وسواه .. ( بتقول اهوه موظف وراتبه ضعيف وانسان يبي يتزوج حاله حال اي شخص غيره ) .. انزين جان جمع من هالراتب على قد مايقدر ....... اكو في ناس عاشو على الخبز اليابس علشان يجمعون حق روحهم ... وناس كانو يشتغلون شغلات مايشتغلها الا الهنود والبنغال علشان يجمعون .. وناس عاشو على الحصير لين ماجمعوا .. اللي عرس .. واللي خذا له بيت ولا ارض .. واللي فتح له مشروع تجاري ..يعني في بدايتهم اتعبو و باعو ملذات هالدنيا و أمنو نفسهم .... ويوم صارو قد هالمسؤليه عرسوا والحين عايشين وحالهم ميسور ... لا ويسلفون الناس بعد واساميهم مكتوبه بالخط العريض على اللافتات والمحلات ............. ليش اهوه ماصار واحد منهم؟؟؟ ويعني انه مو حازه في نفسي ولا معوره قلبي هالسوالف اللي نقراها في الجرايد يوميا مهما كان هاذلين بحرينيين وانه مو احسن منهم وحالي من حالهم .. .. .. بس السؤال اهنيه : في احد مو محتاج؟ في احد مايبي الافضل؟ في احد مايتمني يعيش حياه احسن من اللي اهوه فيهه؟ في احد مايبي العيشه الاحسن له ولابنائه؟ ...... اذا الحكومه بتعطي كل ذلين والكل بيعيش عنده كل اللي يبيه .. هذا معناه ان احنه عايشين في الجنه ........... لكن احنه في الدنيا ومعناة هالكلام ان في الغني وفي الفقير .. وهالشي الحكومه ماتحدده .... يحدده الشخص حق نفسه بعون من الله ولاتنسى موضوع الرزق هذا شي من عند الله مو من عند الحكومه .......... وانت بنفسك قلت ان الوزارات تحاول تساعد ناس .. وناس ساعدوهه فعلا .. يعني الحمدلله ان الحكومه حاطه بالهه وقاعده تحاول حق ناس .. و فعلت حق ناس .. وناس انشالله بيساعدونهم!!!! موضوع لا للتجنيس .. قلت لك رايي فيه .. وانه للحين عند رايي ... ( لا للتجنيس ) .......... بس ارفض هالشي بشكل صحيح مو بشكل خاطئ .. في برلمان .. وفي مظاهرات سلميه .. بس بعد الحكومه مو ملزومه انهه تسوي اللي انه ابيه .. اهيه تقرر شنو اللي المفروض يصير ......... لان مو كل شي يبونه الشعب يصير .. احنه مجرد نبدي راينه او موافقتنه او اعتراضنه بشكل صحيح لاي موضوع ..................... اذا على جذيه نروح انه وانت والشعب نكتب على سيايرنه ( نريد مليوووون دينار حالا )!!!!! وحياكم! <_< Quote Link to comment Share on other sites More sharing options...
Osamo Posted ديسمبر 17, 2003 Author Report Share Posted ديسمبر 17, 2003 المهم اخوي ... سالفة الاموال انت بروحك قلتهه محد له الحق في اموال الحكومه .. وكلن له راتبه ودخله فقط لاغير وهذا اللي انه قلته .... بس هم نظرية الاسلام في الاموال ماتطبق في بلدنا ولا اي بلد غيرنا ولامصير هالاموال يتم تحديده من قبل الشعب .... هذا الشي من قبل الحكومات كلها في كل الدول وبدون استثناء!! آسف ع مقاطعتكم.. لكن أموال الحكومة من وين... أليست من النفط.... و النفط ملك عااااااااااااااام... و ليس حكراُ ع الحكومة وحدها. و بخصوص الرواتب.. ليش ما يزيدون الرواتب و يضعون حد أدنى لها... ليصبح حالنا كباقي دول الخليج Quote Link to comment Share on other sites More sharing options...
LAISH Posted ديسمبر 17, 2003 Report Share Posted ديسمبر 17, 2003 (edited) سلام اخوي اوسامو .. موضوعنه مو الرواتب والنفط اساسا .. موضوعنه عن الحكومه و واجباتها والمساواه بين الشعب بدون تفريق وهذا الموضوع موضوعك اصلا وانت اللي مشارك فيه في المنتدى السياسي ولا نسيت .......... .. فلا تتأسف بمداخلتك .. بالعكس احنه نرحب فيك ورايك على راسنه والمفروض انت اللي ترحب فينا .......................... لكن هم بارد عليك وعلى مداخلتك.. النفط موجود في كل مكان .. لكن الارض اللي فوق هالنفط ملك من ؟؟؟؟ ملك الدوله ........... روح اشتر لك حافره للنفط واشتر الارض .. واخذ لك اذن من الحكومه انك ستباشر التنقيب .. واذا اسمحو لك ... حفر وخذ النفط وفلوسه لك............................ اخوي من اصلا قالك ان في اي دوله تسمح للشعب ان يتصرف في النفط ؟؟؟؟؟؟؟؟؟؟؟ وتعال ليش قارنت روحك بدول الخليج في مسأله الرواتب فقط ؟؟ ليش ماقارنتهم في مسألة النفط ؟؟؟؟؟ لان حتى دول الخليج ماتسمح لشعبهه التصرف في النفط......................... يعني اذا تبي شي .. قلت الحكومه لازم تسوي لنه حالنه حال جيرانه ......... واذا الحكومه تبي قلت لا .. احنه الشعب وهذا حق من حقوقنه؟؟؟ وعن موضوع الرواتب .. فهالموضوع نوقش كذا مره في مجلس النواب ( اللي انت وانه انتخبناه ) ومثل ما انت ماتدري حق شنو وصلو في نقاشهم .. هم انه مادري .. واذا عندك الخبر اليقين .... منكم نستفيد! واذا سمعت اليوم كلمة الملك حفظه الله ورعاه ... قال بأن البحرين مستعده للتعاون الخليجي في المجالات حتى ( توحيد العمله ) .... فماتدري .. يمكن تكون هالخطوه فال خير لنه ... اذا نفذت!! وحياكم! <_< Edited ديسمبر 17, 2003 by LAISH Quote Link to comment Share on other sites More sharing options...
القلب الحزين Posted ديسمبر 17, 2003 Report Share Posted ديسمبر 17, 2003 لا تقولون متفرغ ( فاصل اعلاني) الله يعطيكم العاااااااااااافية شباب على الروح المناقشة عندكم على انى جيت متاخر ما بعقب على كلام ليش بشوف من متابع الموضوع هو يرد عليه بس حبيت اسلم عليكم خخخ Quote Link to comment Share on other sites More sharing options...
Farisq Posted ديسمبر 17, 2003 Report Share Posted ديسمبر 17, 2003 قوة .... أخوي LAISH أنا ترى سيارتي سبورت بعد يعني غلبتك خلاص مالك حجة :lol: وإذا السالفة فيها عشى فإنت عليك تختار المكان بس وتضرب بالخمس أخوي ....... كلامك جميل جدا وفية نظرة متفائلة ونية صافية , لكن ينقصها شيء واحد : المدينة المثالية !! أنا أعدك أني سأكون أول واحد يتبنى رأيك في هذا الموضوع على شرط أن تثبت لي أنة لا يوجد في هذا البلد إختلاسات على حساب الشعب وفساد إداري يا أخي نحن لما نطالب بالعدل في العطاء فإننا نخفي في أنفسنا حسرة على هذا الفساد المتفشي في البلد , فأذا أنت واجهت مسؤول بتجاوزاتة المالية و غيرها وطالبتة أن يكف عنها بأن ينصف الشعب و يعطيه حقة , يا ترى ماذا سيكون جوابة ؟؟؟ صدقني أنا لا أريد ذكر أسماء يعرفها معظم الناس ولا أريد أن أشهر بأحد لكن فقط من باب التذكير يا أخي حتى تعرف الصورة على حقيقتها ...... بل أعتقد أنك تعرفها فعلا ولكن تناسيتها . يكفي يا أخي أن البرلمان الكويتي ناقش مسألة عدم إعطاء المساعدات للبحرين لأن هناك من يملك 45 مليار .......... لا أريد أن أكمل و أكيد إنت عارف السالفة هذا غير المشاريع المرصود لها ميزانيات ضخمة وتوقفت بسبب إختلاسات مالية ...... غير المسؤول الي كان يوظف الناس بالرشاوي وتذاكر السفر والإبتزاز ........ غير الوزير الي إختلس من الوزارة وكان جزاءة أن تم تعيينه في مجلس الشورى ..... غير وغير وغير وغير ..................... خلها على الله يا خوي مانريد نتكلم أكثر الواحد لو يعرف أن هذا هي طاقة الحكومة وماتقدر تسوي أكثر من إلي تسوية جان عذرناها وقلنا ماعلية , لازم تاخذ وقتها عشان تنفذ خططها , لكن السالفة مو جدي .... أنا قرأت موضوع في مجلة كل الأسرة عن البحرين , تدري شنو كاتبين ؟؟ حاطين صورة من إعلان وزارة العمل ذيك الأيام وحاطين الوظائف ومعاشاتها قدامها : مهندس 120 دينار .... حفار 70 دينار ...... مال شوارما 80 دينار ....... و قاعدين يطنزون على البحرينين لأن معاشاتهم 120 دينار , لا مايدرون إن الي يحصل 120 دينار هاليومين هذا محظوظ !! صحيح الخليجيين ما يتصرفون بأموال النفط لكن بتحط الخليجي ويا البحريني ؟؟ بتحط حكومات الخليج وشلون مريحة مواطنينها و بتحط ......... ؟؟؟؟؟ يا خي البحرينين نالوا بحق لقب هنود الخليج !!!!!!!!!!!! ليش المكابرة ..... Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.