يارا Posted مارس 9, 2005 Report Share Posted مارس 9, 2005 ما تشوفين شر انشالله مشكورة على القصة الرائعة وين الباقي بسرعة لا تتاخرييين Quote Link to comment Share on other sites More sharing options...
alhaira Posted مارس 10, 2005 Report Share Posted مارس 10, 2005 ما تشوفين شر الغالية والله يقومش بالسلامة ولا تتاخرين plz Quote Link to comment Share on other sites More sharing options...
عبير الورود Posted مارس 10, 2005 Report Share Posted مارس 10, 2005 القصة رووووووووعة مشكورة بس لا تتأخرين علينا أختي بدرة البحرين تحياتي : عبير الورود Quote Link to comment Share on other sites More sharing options...
ذيبة محرق Posted مارس 10, 2005 Report Share Posted مارس 10, 2005 اشكرى نستنا ونست القصة Quote Link to comment Share on other sites More sharing options...
شرين Posted مارس 10, 2005 Report Share Posted مارس 10, 2005 حرام عليج بدرة البحرين المهم ننتظر بقيه القصه شوقتينا Quote Link to comment Share on other sites More sharing options...
بدرةالبحرين Posted مارس 10, 2005 Author Report Share Posted مارس 10, 2005 الجزء السابع الدكتور : هند زين سويتي انج راجعتيني في هالوقت هند : خير دكتور ؟ الدكتور : هند انتي عندج عيب خلقي بالقلب .. واهو توسع في الصمام .. هند كانت الدنيا تدور فيها ماتوقعت انها مريضه خلاص ماتبي تعرف شئ طلعت من عند الدكتور حتى بدون ماتسئل شنو يعني هالمرض قعدت هند في سيارتها حطت راسها على السكان عشان تراجع روحها شوي .. حست بتسرعها وغلطتها .. هند بنت مؤمنه ماكان لازم تتصرف جذي وتعترض على إرادة رب العالمين .. انزين توسع في الصمام ؟ يعني شنو ؟ ومادام اهو عيب خلقي ليش توه مأثر عليها ؟ هند الموقف كان اكبر منها ماكانت تقدر تواجه الدكتور وتعرف شنو يعني مرضها .. مافي غيره .. بــدر اهو راح يوقف وياها .. ترددت قبل لا تتصل فيه خافت يكون مشغول في الشركه او شئ .. بس قالت بتجرب .. ومن اول رنتين شاله بدر .. محمد : الوو هند بتردد : السلام عليكم بدر : وعليكم السلام يبه .. هاا من وين طالعه الشمس بنت العم متصله فيني اخيرا هند بدون نفس : مو جنك كل يوم تشوفني ؟ بدر حس ان هند فيها شئ : لحظه هند .. ( يوجه كلامه للموظفين ) كملو شغلكم تفضلو .. بعد مافضى المكتب .. بدر : الو هند وصوتها متقطع من البجي : الو بدر حس بالخوف شفيها هند : هنددد شفيييج ؟ هند : بدر ... الدكتور قال فيني توسع في الصمام بدر ماستوعب : هند شوي شوي .. اي دكتور ؟ سميعيني وينج انتي هند : مجابل عيادة الدكتور عبدالله .. بدر : خلج هناك الحين باييج .. هند : بسرعه بدر .. واقل من ربع ساعه وصل بدر بركن سيارته ونزل وراح صوب هند .. فتح باب السياره وقعد على السيت الثاني .. بدر وهو يفصخ نظارته الشمسيه : هند قولي لي شسالفه ؟ وقعدت هند تقول له شنو قال لها الدكتور .. وبدر قلبه معوره بس يحاول ان يتماسك جدامها ومايبين لها ان السالفه عوده بدر بهدوء : زين يالله قومي ننزل عند الدكتور هنند برعب : لا بدر .. اخاف والله اخاف بدر واهو يطالعها باستغراب : هند مو جنج انتي البنت العاقله اللي ماتعترض على إرادة رب العالمين ؟ اختي اذا فيج شئ الله لايقول بأذن الله له علاج .. وان شاء الله كل شئ راح يكون تمام .. لاتخافين انا بكون وياج هند اقتنعت بكلام بدر ونزلت وياه .. الدكتور اول ماشاف هند قال : كنت متأكد انج راح ترجعين .. بدر : السلام عليكم الدكتور : وعليكم السلام تفضلو بدر : مشكور . . دكتور اعذرها هند خافت وخبرك دلع بنات الدكتور واهو يطالع هند : هند .. ماله داعي تخافين مثل ماقلت لج .. هالشئ خلقي .. وكل السالفه نفسيه ترا هند مافهمت شنو قال الدكتور : شلون يعني .؟؟ الدكتور : يعني انتي لين تتضايقين او تعصبين .. او ماترقدين عدل تحسين بألارهاق والضغط وهالشئ يأثر سلبا على تنفسج .. تحسين بضيق تنفس ولما تفكرين فيه يزيد اكثر هند تطمنت شوي : دكتور وشنو الحل ؟ الدكتور : انج ترتاحين وتتجنبين الزعل .. وتاخذين كفايتج من النوم وماتعبين روحج خلال هالفتره .. اذا تقيدتي عقب شهر او شهرين بالكثير مابتحسين بشئ .. هند : الحين مافي علاج او شئ لازم اخذه ؟ الدكتور : هند انتي لازم تاخذين حبوب مهدئه .. ولازم تسوين اشعة عشان اشوف قلبج شلون .. وغير جذي لازم نركب عليج جهاز تخطيط القلب لمدة 24 ساعه عشان نتطمن .. ولازم تراجعيني في الشهر مره عشان ماتصير اي مضاعفات بدر : دكتور شرايك نوديها بره ؟ الدكتور : ماله داعي .. بس يعني اذا حابيت تتطمنون على راحتكم .. بس الحمدالله هند مافيها الا العافيه ومثل ماقلت لازم تتجنب الزعل والتعب .. ومشو من عند الدكتور .. بدر : هند سمعتي كلام الدكتور .. لازم ترتاحين وماتعبين عمرج .. وباجر ضروري تراجعينه عشان التخطيط والاشعه .. هند : ان شاء الله بدر : خبري عمي وخالتي .. عشان يدرون بالسالفه .. هند : اكيد بخبرهم .. ( سكتت شوي ) بدر مشكور ماقصرت والله .. بدر : شنو هالكلام .. هند كل شئ ولا صحتج الحمدالله السالفه مو عوده .. بس بعد لازم نتطمن .. هند بأرتياح : الحمدالله على كل حال .. في الجامعه : البنات قاعدين يسولفون عن العرس .. ويتغدون ساره : بس صج كان حلو عرسها ما شاء الله نورة : ايي .. ماشاء الله دانه : من بيوصلكم اليوم ؟ ساره : يايين بروحنا دانه : خير ان شاء الله ؟ شصاير ؟ ساره : بدر اليوم كان وايد مستعيل عشان جذي قلت له يروح نورة : ها نمشي ؟ ساره بأستغراب : ماتبين ندش محاظره الانجلش ؟ نورة : لا مالي بارض .. ساره بأستسلام اوكي عيل قمنا .. باي دنوي دانه : باي في المدرسه .. المعلمه : وتختلف المناطق المناخية من بلد لآخر .. فاطمه قومي شرحي اللي قلته فاطمه وقفت بكسل : المناظق المناخيه تنقسم لأربع اقسام .. المعلمه : انزين ؟ فاطمه بملل : الصحراويه .. وال بحريه اممم الجبليه المعلمه بعصبيه : قعدي قعدي .. انتي ماينفع وياج الا الدرجات .. اذا تميتي هلون لأخر المورس صدقيني بترسبين فاطمه فضلت انها ماترد عليها .. واول ما رن الجرس يمعت اغراضها وطلعت حتى بدون ماتسمع شنو الاختبار باجر في بيت بو بدر .. الكل متيمع على الطاوله الا بدر وهند .. منيره : اقولهم ينجبون ولا تنطرونهم ؟ بو بدر : فطوم يبه قومي اتصل في اخوج وبنت عمج .. فاطمه واهي تقوم : ان شاء الله .. بدر واهو يدش غرفة الاكل : قعدي فطوم احنا وصلنا هند / بدر : السلام عليكم الكل : عليكم السلام بدر : يالله نجبو انا يوعان .. وقعدو كلهم ياكلون وكالعاده الفوضى والسوالف عن اليوم اللي مر .. نورة وساره انسحبو اول ناس لانهم كانو متغديين في الجامعه ويا البنات عقب ماخلصو الاكل بيت بو محمد بغو يمشون بس هند وقفت عشان تتكلم .. هند : يبه يمه قعدو شوي ابيكم في سالفه قعدو والكل مستغرب وينطرون هند تتحجى .. هند واهي تحاول تبين قويه جدامهم : الله يسلمكم .. انا قبل جم يوم رحت المستشفى وسويت فحوصات لاني كنت احس روحي تعبانه واليوم طلعت نتيجة الفحص .. ام محمد : يمه وقفتي قلبي شفيج ؟ هند : لاتخافين يمه .. بس انا فيني عيب خلقي واهو توسع صمام القلب بدر يكمل عنها : وهالشئ مايأثر عليها بس لازم .. ماتعب روحها وايد وتتضايق .. وفي فحوصات بعد لازم تسويها بو محمد والحزن بعيونه : هند يبه خلي عنج هالسالفه .. ان شاء الله باروح احجز تذاكر باوديج لندن عشان نتأكد اهني مالهم امان وان شاء الله مفيج الا العافيه .. بو بدر : اي يبه .. كل شئ ولا صحتج .. ان شاء الله مافيج الا العافييه ... ام هند وايد تأثرت وقعدت تحاتي بنتها .. ومنيره نفس الشئ .. مهم يكون اول بنت في العائله واول فرحه والكل يحبها ويعزها انفض المجلس والكل حزين من سالفة هند .. نورة وساره كانو منبطحين على السرير عشان يرقدون شوي نورة : ساره ساره : هممم نورة : ماتفكرين في الزواج ؟ ساره استغربت من سؤال نورة بس حاولت تيود ضحكتها : ليش يعني ؟ نورة بجديه : احنا كبرنا .. ومارده بيي اليوم اللي بنتزوج فيه ساره : انا مافكر الحين الصراحه بعدنا صغار ترا .. نورة واهي تتحلف : اي صح .. يالله تعصرين على خير ساره : هاها وانتي من اهله محمد في غرفته يرتاح شوي من تعب اليوم .. من بعد ماخذ له شاور انبطح على السرير وكالعاده يات ساره على باله .. اليوم شافها كانت مستحيه منه للحين من سالفة الطيحه .. " هاهاها شكلها كان يضحك يحليلها كانت مستحيه " في هالوقت رن تلفونه محمد شاف الرقم ابتسم ورد : الوو عائشه بدلع : الوو هلا محمد : هلا عايشه شلونج ؟ عائشه بدلع : زعلانه عليك محمد واهو يصك عيونه من التعب : افا ليش ؟ عايشه : ماتسئل عني .. محمد : سامحيني بس انا مشغول وايد عايشه : زين معليه .. باقولك .. تتذكر علي اللي كان ويانا في الجامعه شفته اليوم وو .. محمد ؟ الوو ؟ محمد ؟؟ محمد كان راقد من التعب ولا يدري فيها حذف التلفون ورقد عايشه صكت التلفون واهي تتحندى عليه ... العصر الساعه 5 البنات كانو في بيت بو محمد في المطبخ نورة : ساره متأكده تعرفين تسوين الكيكه ؟ ساره : شنو يبي لها المقادير عندنا .. والطريقه اهني ليش بتخترب يعني ؟ نورة : قلبي ناغزني ساره ابتسمت : لا انشاء الله بتطلع مضبوطه ... نورة : نطري بشغل اغاني ساره : انزين يالله .. شغلو اغاني وقعدو يخلطون المقادير ويسون الكيكه .. كانو مندمجين في الجو .. وخلصو الكيكه وحطوها في الفرن نورة : خلج اهني باروح اتصل في دانو مادري شتبي ذبحتني واهي تسوي رنات .. ساره : انزين نورة بخبث : حاسبي لاتطبين ولا شئ ساره اهني انصبغت من الخجل واهي تتذكر الموقف راحت نوره واهي تضحك على شكلها ساره وقفت جدام الفرن تشوف الكيكه .. شافتها مستويه .. طلعتها بهدووء .. واهني حطو اغنية راشد الماجد ( لمني ) اهي تموووت في الاغنيه .. قعدت تغني و تهز شوي على خفيف .. التفت حست روحها بتطلع تمنت لو الارض تنشق وتبلعها ومن الصدمه طاح البايركس من يدها .. شيسوي محمد اهني ؟؟؟ محمد كان واقف منصدم من ساره الخجوله .. اول مره يشوفها بهالمنظر كانت رافعه شعرها فوق .. ولابسه برموده جينز وقميص قطني خفيف ولابسه قفازات الفرن .. وخدها متوهج من حرارة الفرن .. كان منظرها طفولي كانت خايفه مثل الطفل اللي مسوي شئ وخايف .. توهقت نطروني بالجزء الثامن الليله Quote Link to comment Share on other sites More sharing options...
المغترب بوعلي Posted مارس 10, 2005 Report Share Posted مارس 10, 2005 من طول الغيبات ياب الغنايم مشكوره اختي وما قصرتي Quote Link to comment Share on other sites More sharing options...
..كحـ العيـن ـيلة.. Posted مارس 10, 2005 Report Share Posted مارس 10, 2005 يعطيج العافيه Quote Link to comment Share on other sites More sharing options...
TheBaDBoY Posted مارس 10, 2005 Report Share Posted مارس 10, 2005 ___________________________ مشكورة أختي ___________________________ Quote Link to comment Share on other sites More sharing options...
القيثارة الحزينة Posted مارس 10, 2005 Report Share Posted مارس 10, 2005 مشكوووورة حببتي على الجزء روووووووعه يسلمو بس يضحكني هذا بدر ويا سارة هههههههههه مسكينة يعني في كل مكان طالع لها اوكيه ننطرج و لاتتأخرين علينا Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.